Aizawl District-ah Job card diklo 763 hmuchhuak

October 13th, 2011 11:14 am by The_Chhamanator

Aizawl District chhungah job card dik lo (bogus job card) 763 hmuh -chhuah a ni.

District Rural Development Agency (DRDA) Aizawl chuan tunhnai khan NREGS hnuaia job card te chu khawtinah kalin an enfiah a. He an enfiahna atang hian Aibawk Block-ah 161, Darlawn Block-ah 160, Phullen Block-ah 22, Thingsulthliah Block-ah 118 leh Tlangnuam Block-ah 302 te chu a dik lo tih hmuhchhuah a ni.

Heng job card dik lo te hi chhungkaw pem/ insawn tawh vang te, survey hunlaia chhungkaw awm loh vang te, chhung -kuaa indang tawh, remchan zawkna avanga infinkhawm leh vang te, sakhuana avanga job card nei duh lo awm vang te, hnathawhna avanga thingtlanga job card nei, an awmna khuaa electoral roll leh ration card-a awm loh vangte niin DRDA chuan an sawi.

14 Responses to “Aizawl District-ah Job card diklo 763 hmuchhuak”

1
kawlhawk Says:
October 13th, 2011 at 11:18 am
Ka hawng e. Ka 1st khat ta hle mai
Job card aiin smart card, atm card, master card te ka duh jokes

Report this comment
2
boihapa Says:
October 13th, 2011 at 11:21 am
Zahthlak thin ve aw.

Report this comment
3
Sony Says:
October 13th, 2011 at 11:32 am
In ziak sual ani lo maw? 763 cahuh ani lovang a, 76,300 vel lai pawh ni se mak ka ti lem lovang.

Report this comment
4
Chhuaklinga Says:
October 13th, 2011 at 11:37 am
Ka rin aiin a let sawm velin a tlem.

Report this comment
5
Dl Paite Says:
October 13th, 2011 at 11:46 am
chutiang si; diklovin an va kawl rei em…endik kher leh mualpho kher an duh thin em mawni le

Report this comment
6
boihapa Says:
October 13th, 2011 at 12:03 pm
Mizote hi kan inenfiah deuh chu a tul ta khawo mai. Nimin khan kan nu office kal tur hruai pahin kan thenawm pitar pakhat ka phur tel ve a. Ti hian a sawi a, “Pension hlawh lak ka tum a, ‘in report vek phawt tur’ an lo ti a, a chhan chu sorkarin pension la thei tawh lo tura a ngaih, thi daih tawh te leh danin a phal bak piah lama miten engmah sawi duh si loin an lo la la hmiah hmiah hlawm mai hi a ni awm a!” tiin. Ka’n OT ve zuai a ni e.

Report this comment
7
Sony Says:
October 13th, 2011 at 12:23 pm
boihapa, i OT pawh anih loh hi. A inzawm vek alawm. Dan zah lohna. Jobcard lem hi sorkar hnathawkte rinawm se chuan a awm thei lo.

Report this comment
8
rowland vanlalawia Says:
October 13th, 2011 at 1:36 pm
Kan khua ah N Lungpher ah pawh an han hai tak2 mai chu ka pa chuan fa dang(kan hriat ve loh) alo nei nual mai a.

Report this comment
9
RenghangMan Says:
October 13th, 2011 at 2:14 pm
A van zahthlak ber kher em!

Report this comment
10
stan marsh Says:
October 13th, 2011 at 3:18 pm
rowland vanlalawia i pa chu a chi va chakawm ve…(FTH)

Report this comment
11
H.Vangchhia Says:
October 13th, 2011 at 5:13 pm
Enge job card hi?

Report this comment
12
Unsung Says:
October 13th, 2011 at 8:45 pm
@11 Mahatma Gandhi National Rural Employment Generation Act(MGNREGA)hi tuna UPA sarkar flagship programme a ni a. Ni 100 inhlawhna an ti mai bawk. Chhungkaw pakhat ah job card pakhat zel awm tur ani. Job card ah hian an hnathawhna ni leh thil pawimawh dang information chhinchhiah thin a ni..a tawi zawngin.

Report this comment
13
EmEich Says:
October 14th, 2011 at 7:44 pm
#11 Mahatma Gandhi Rural Employment General Act ni lovin, Mahatma Gandhi Rural Employment Guarantee Act (Mahatma Gandhi NREGA) a ni a.
He Scheme hian a tum ber chu ei leh bar a thingtlang mite an lo ngelngheh theih nan thingtlang a cheng chhungkaw tina puitling chin thiam bik ngai lo a hnathawk duh ta tan a tlem berah kum khat chhunga ni 100 inhlawhna tur siam sak a ni. Tin, he scheme hian tum tam tak a neihte zingah thil tangkai din chhuah lam te, leilung leh boruak humhalh te, thingtlang hmeichhia te dinhmun chawikan te, thingtlang atanga hna zawn avanga khawpui a pem thin tih tlem te leh mitin intluktlanna ngaihtuah te a ni.
He hna thawk tura in register chhungkaw tinte hnenah JOB CARD pek chhuah a ni.
Mizoram puma Job card verification neih a nih in, Bogus Job Card hmuhte hi a thawktu leh VC te ei ruk lam ni lovin Chhungkaw in hrang chang tawh, nupa inthen avanga infin leh ten Job Card an lo la hmang a, Chhungkaw 1 atanga Job Card 2 hmanga lo la inhlawh te, Sakhaw rawngbawltu ten Job Card an neih duh tawhloh avang te, Hmun danga pem tawh te an Job card neihna hmuna la in hlawh ve ziah te an ni a, hnathawhna avanga thingtlanga job card nei, an awmna khuaa electoral roll leh ration card-a awm loh vangte an ni ber. Hetiang hmuh chhuah tam zawkte hian hna la thawk in, hlawh pawh an la la a. A thawk tu ten an va hmuchhuak ta tihna a ni.
https://nrega.nic.in/netnrega/home.aspx

Report this comment
14
H.Vangchhia Says:
October 15th, 2011 at 1:18 am
EmEich #13 ka harh kuarh mai. Chutiang chu ani velo ten an la tichingpen duh hram a maw?!!!

Report this comment