Thuhmahruai : Post category ah hian Health chhunga khung chi a ni chiah in ka hre lo va. Tin, Agriculture huanga khung chi niin ka hre chiah bawk si lo a, Mizoram tih category ka hmang mai e. Tin he thu hi ‘Vanglaini’ a tanga lak chhawn a ni e.
Vawi tam tak Mizoram chanchin tha lo leh zahthlak tak tak kan chhiar tawh thin a. Mizoram pawna awm te phei chu kan zaka, kan kimki thin. Hei le chanchin lawmawm a lo thleng ve thung e. Mizoram pawna misual te leh mizoram chhunga misual ten kan ram neih chhun Mizoram hi in lawm pui ve ngeiin ka ring e.
India rama chanchinbu lâr leh rintlaka ngaih, India Today chuan Mizoram sorkar chu hriselna lam leh lo neih lama India state-a hmasawn ber, Most Improved State in Health and Agriculture chawimawina dawng turin a thlang a; chawimawina dawng tur hian Chief Minister Lal Thanhawla an sawm.
India Today-in hriselna lama hmasawn avanga chawimawina Mizoram sorkar a hlân tur chu lawmawm a tih thu sawiin, Health Minister Lalrinliana Sailo chuan, “Chanchinbu lar leh rintlakin min thlang hi a lawmawm tak zet a, sorkar leh department-a ka thawhpuite vang a ni. An chungah ka lawm hle a ni,” a ti.
Lalrinliana Sailo chuan, Health department leh thawktu doctor-te chu mihring thih leh dam inkara mi an nih avangin, an tang nasa tih sawiin, “Kan doctor-te hi an thiam tawk a, theihtawp an chhuah a ni. Doctor-te hi tlaivar-te’n an thawk thin a, an chhuanawm em em a ni,” a ti a; Chief Minister zara Health department tha taka a enkawl theih chu lawmawm a tih thu a sawi bawk.
Lalrinliana Sailo chuan, Health department a enkawl hnuah, nikum khan National Rural Health Mission hnuaia hmalakna a that avangin, sorkar laipuiin Mizoram NRHM chu lawmman pahnihna a lo pek tawh thu a sawi a; tunah chuan damdawi leh hmanrua supply reng reng a chhia a awm tawh ngai loh thu leh, building an sakte pawh a that tlangpui thu a sawi bawk a ni.
A tawp berah chuan he lawmman kan dawn a vang hian duh tawk mai lovin, tun aia nasa leh zual in tang ila. Department tinah India rama a tha ber ni thei turin zofaten tan i la ang aw. Mizoram hi duhthawh luat a vangin tlu chhe ta vek angin kan ngai thin. Mahse kan ram hi chhan tlakin a la awm a ni. Khai le Zoram tung dik turin dikna leh tumruhna nen hma i la thar zel ang aw. Zoram tho la ding ta che.
Similar Posts:
- Health dept sum bo House-ah an khel
- Health minister bàn turin CM ngen
- Health Department-ah Promotion Buai?
- Medical College-in Mizoram House an buaipui?
- Pre-Conception & Pre-Natal Diagnostic Techniques Act, 1994
October 14th, 2011 at 8:46 pm
.
Report this comment
October 14th, 2011 at 8:51 pm
Engpawh nise a lawmawm ve hrim hrim. Sawi zui tur erawh ka hul ang reng viau lawi si.
Report this comment
October 14th, 2011 at 8:59 pm
Health leh Agriculture khera chawimawina dawn chu kan phu lo thlawt. Mahse, a lawmawm thlawt.
Report this comment
October 14th, 2011 at 9:03 pm
Kan hrisel, kan puar, min tihna anih chu.
Report this comment
October 14th, 2011 at 9:04 pm
A va lawm awm ve. Zodintluanga leh Lalrinliana Sailo te hi an che tha rih khawp mai. Pu Hawla leh Pu Sawta te hi an che nawi deuh niin a lang thung?
Report this comment
October 14th, 2011 at 9:10 pm
A ropui hle mai… Health Minister, Pu Lalrinliana Sailo kan bialtu MLA.. dah mai a..
Report this comment
October 14th, 2011 at 9:19 pm
Durga puja a bati chhit result chu van thawk rang ve
Nakumah pawh chhi leh se, electric current leh road transport a, thang chak ber ni tur in
Thu lawmawm tak ani!
Report this comment
October 14th, 2011 at 9:20 pm
A chhia zawng zawngah sorkar hmasa an puh a, a tha lamah chuan an pumbilh leh hmak ang chu!
Lawmawm awm chhunah lawm ang aw.. Pujaa kal ai chuan hetiang lawmman dawng tura kal chu a tha fe zawk!
Report this comment
October 14th, 2011 at 9:22 pm
Lawmawm hle mai. Mahse tuna kan lo neih dan kum tina lo hal te hi thlakna tur kan mamawh ani, lo hal hunlai vela boruak han dur khuih thin te hian ngaihtuah a ti thui thin
Report this comment
October 14th, 2011 at 9:30 pm
Negative lam ringawt ai chuan hriat a nuam e. Ministry kal ve ta muah muah reng chuan engemaw tak chu a achieve tur ani reng ani.
Report this comment
October 14th, 2011 at 9:39 pm
#7
Report this comment
October 14th, 2011 at 9:44 pm
Para tawp ber khi a mak ka lo ti deuh a. Vanglaini atanga ka lak i ti si a, article huangah chuan a awm lo tih ka chiang a. ‘Tho la ding ta che’ tihte a awm nuai si a, Pu K Sapdanga hi Ethics Committee atanga an KNOCK OUT hnu hian Pu Hawltea hi chu ti teh taka a fak mawi duh ka lo ring lo va…
Mahse i belh a lo ni reng zawk a. I thiam hle mai.
Eng ang chiahin nge he hlawhtlinna hi mipuiin an chhawr tih chu ka rilruah a lo lang leh tho a; mahse kan beisei sang deuh aniang e.
A lawmawm hle mai.
Report this comment
October 14th, 2011 at 9:51 pm
hurray….over excited a nih khi…mahse….ka ngaihtuah chet chet a..kan lawmmman dawn pawh hmu mahila(kei chuan ka la hmu lo) khawnge kan dawn chhan?? Khawnge kan hmasawnna chu?? Paper-ah chiah hma kan sawn…dawn ve teh…
Report this comment
October 14th, 2011 at 10:01 pm
Sorkar hmasa-in hetiang ang chi chawimawina, India Today buatsaih tho, an dawn khan tuna sorkar te hian an sawisel thinin ka hria, a dik em?
Report this comment
October 14th, 2011 at 10:21 pm
A lawmawmah ngai phawt ang. Mahse Delhli tlanga drip khai ringin kan la nung tlat si.
Report this comment
October 14th, 2011 at 11:12 pm
Statistic Department hnathawh anih hmel
Report this comment
October 14th, 2011 at 11:20 pm
#14, Lawmman hi mi lak a nih chuan a lawmawm kher loh tih a entir thei awm e
Report this comment
October 14th, 2011 at 11:48 pm
Kei zawng tunlai chu ka rilru a na tlat.
Report this comment
October 14th, 2011 at 11:54 pm
Health lama kan hmasawnna te hian thawktu indaihlohna te hi han hma zel se a va lawmawm dawn em.Manipur sawrkar chuan 2010 khan M.O regular 400 chuang a la hem mai a,an thikawm rum rum mai,tunkum hian an la leh dawn tih thawm te pawh a awm.Hna nghet anih chuan tumah hi khawi post ah pawh kal hreh ngawih ngawih kan awm hmel loh.Mizoram M.O te hi post a awm that ah chuan khawi state mahin an tluk bik lo ania.Tunah hian Govt. sponsored a PG course zir tur hian regular candidate te hian an daih tawh meuh lo, seat kalral a uihawm duh hle mai.
Report this comment
October 15th, 2011 at 12:28 am
A van lawmawm tak em vele aw, kan thangmawi ve ta e.
Mizoram doctor te hi hmanrua nei fumfe lo tak annih vang hian an zir chhuah, an thiamna chu tak takin practice theihna an nei. Hemi vang hian improvised thil a in enkawl chungchang ah emaw khawl hmang em em lo pawhin mi natna an enkawl thiam thin hi ka chhuang thin.
Khawthlang lam ramah chuan khawl in “A ni” a tih loh chuan an mahniin mi natna emaw, mi enkawl mai mai hi an ngam lova an zirchhuah an thiamna pawh khawlah a innghat tlat a ni (heihi court thlen a awlsam vang pawh ani ve tho awm e!). Chumi vang chuan an thiam exercisena tak tak an nei tamlo hle a ni. Chutiang lamah chuan Mizoram doctor tluk tur bik hi khawvel doctorah an awm ka ringlo. Hetiang hi post hialin kalo siam tawh nghe nghe kha.
Mizoram doctor te hi inthlahdah leh thinchhia emaw inti vei tak2 te hi awm thinlo phei selang chuan best of the best anni thei hial maithei a ni.
Ku Shailendra te department an chhuanawm e. Thingtlang khua nasa takin eizawn dan fumfe leh thil dang2 an kawhhmuh thin chuan hma a sawn hle tih a chiang reng. Ka chhuang che u
Report this comment
October 15th, 2011 at 4:34 am
India Today chuan an va tilawmawm ve, ripawt an dawng tha deuh aniang. Mahse keini hian a tak takah hmasawn kan in ti em? State dang an va improve lo awm ve!
Report this comment
October 15th, 2011 at 8:41 am
Kan sawrkar hi chu atha tlawt a, mipui lam hian kan zirlo leh thin a ni. IWP hnuaia huan loram neite, hnathawk tak tak nia an hriatte tuizem min siam sak mawlh mai te hi, Ava lawmawm tak em.
Report this comment
October 15th, 2011 at 8:46 am
Kan state hian harsatna hrang hrang nei ve mahse ram chhunga state ralmuang ber, nih kan claim thei ta in a lang. State dangte tawn ngaihtuah chuan ralmuang tak ani.
Report this comment
October 15th, 2011 at 8:52 am
Agriculture deptt. hmalakna hi rawn sawinep lo hram rawh u, tui pipe, leilehna hmarua, huan loram enkawlna tura an hmalak dan hi atak hmutu tan chuan a lawmawm takzet a ni. Thlai chi nem lam min ngaihtuahpui a nih hi. Deptt. Lam hi chuan an tih tur chu an ti ani. Mipui lam hian kan tive em? Tuikuk Pathian siam theih loh, an tih ang hi emni kan nih zawk.
Report this comment
October 15th, 2011 at 8:59 am
Health mawlh hi a nia!
Report this comment
October 15th, 2011 at 10:07 am
A lawmawm thin e.. Mahse medical college hi chu kan mamawh ve tawh in ka hria…
Report this comment
October 15th, 2011 at 2:23 pm
# 3.Tuaisiala comment khi ka Like e. A chhe lam hlira hminglan ai chuan a lawmawm ve reng reng. Pu HV, Rita Coolidge leh Puppet Show i dah khi ka en tha thei lo,Signal hi a chau lutuk a ni.
POst tha tak a ni e.
Report this comment
October 15th, 2011 at 3:59 pm
He post chu aw..Engineer ei ru teuh teuh ho khan hnathawh lamah doctor leh Bsc(Agri) ho in va tluk lo ve. In department chan lam PWD, PHE, Electrict tih vel a va lang ve lo ve han ti mai ila chu pawr tak tak an tam leh ang a
Report this comment
October 15th, 2011 at 4:10 pm
Hetianga chawimawina in hlan vel hi a political viau thei ania aw. Central ah BJP hian thil tithei zawk ta se he chawimawina hi an hlan kher angem. Mizoram congress tih chak nana politics vel mai mai tehi alo ni ange.
Obama Nobel prize dawng an sawi luih luih ang vel tehi alo ni lek ange. heheh 
tak takah agri lamah hi chuan kan bul tanna a hniam bawka hmasawn chak pawh a awm viau e, state dang hma nasa taka lo sawn tawh nena khaikhin chuan. Health lamah lah vai rama mi rethei tenen veka han lak chuan mizoram hi kan tha bik viau thei bawk.
Report this comment
October 15th, 2011 at 8:15 pm
2008 Mizoram inthlan kum pawh khan India Today State of the states report ah khan Mizoram kha Small states ah Pakhatna a hmu tawh bawk, kha mi tum kha chu awih a har deuh.
Report this comment
October 15th, 2011 at 8:22 pm
Hmasawnna hi lehkha a ziah mai mai chi ani lo, hmuh a hmuh theih, feel theih, ei theih, leh pawisa a chantir theih ani tur ani..
He award hi kan phu anih chuan a lawmawm khawp ang, anih loh chuan zak tur chu an zak tur ani..
Report this comment