1. Hmanni chu kan Office kawt maiah hmeichhe tleirawl pakhat a rawn kal ka hmu a, ka phu zawk mai. A inthuam dan aṭang chuan kan Office bul hnai a cheng tih chu a hriat mai a, mahse, a inthuam dan kha pawn han chhuahpui chi ni hian ka hrelo. Kawr banbul, te tak te, tight ṭeng ṭawng a ha a, kekawrbul pangngai pawh nilo, boxer kan tih ang chi hi a ha bawk a, a malpui tawp thlengin zuk lang thei a. Bedroom dress tura ka ngaih nen pawn a rawn chhuak kha ka lo ip chawih chawih mai.
2. Millenium Centre a nufa bazar ka hmuh pawh khan mit a tikham. A fanu kawr hak kha – a hnunglamah zau tak a awng a, a nghawngah a insuih ve ṭet a, kekawrbul chhing em em mai hi a ha a, stocking emaw bun se chu ka la hrethiam, nula kan tih ang rual hi a ni tawh si. Hmu vetu dang te pawh khan an en zui he haw hlawm a.
3. Dawr pakhat nghaktu nula sawi leh ang. A hmel chu a tha, mahse a kawr hak kha a nghawng a zau lulai lutuk a, khatia a ṭhutna a a ṭhut tawp pawh khan a hnute zahve chu zuk lang thei a!
Han kun deuh phei se chu a lang vek thei deuhthaw ang. Kanthil lei tur kha chhuar sang a mi han ban a ngai a, a kawr hak a chhing si, a kekawr kap a tawi si, a mawng kehkak kan hmulo chauh.
A chunga ka thil tawn pathum te khian kan zahawmna an tibo. Hmeichhiate zahawmna hi ho te a awm leh bo thei ani. Kan tleirawlte’n sexy thei ang bera inchei an duh anih pawhin nu leh pa, a bikin nu in kan khap tur ani dawn lawm ni? Nufa bazar kan hmuh tum pawh hian a fanu aiin a nu ka demna a nasa zawk.
Zahawm lo taka inchei chunga pawnchhuah khaptu ṭur chu a nu ani. Bedroom dress te hi pawnah kan chhuahpui lawp lawp a, a sexy thei ang berin kan inchei a, diktak chuan, vanduai hrim hrim te huam tello in ‘engemaw’ kan tawk anih pawn kan cho chhuah anih na chen a awm tlat ani.
Mizo te hi chuan Dress code mumal tak kan neilo a. Mahse lehkhathiam hnam kan ni a, a hun leh hmun a inchei dan hi chu hre rual kan ni. Kan incheina atangin kan mizia a lang thei riai ruai ania. Hnamdang te hmuhah phei chuan incheina kan uluk a ngai lehzual in ka hria. Kawr nghawng zau deuh ha te hi vai ho te hian an thlek nasa thei teh ania!
Kekawr hak chungchang hi, misual-ah pawh hian kan sawi tawhin ka hria. Hmeichhia in kekawr kan hak hian kan Mizo-na a bo in kei ka hre lova, kan Mizo-na chu rilru ah a ni.
Biakinah te chuan puan bih a mawi em em a, chutih rualin hnathawhna hmuna puan bih te hi chu hnawk tak ania, motor chuanna ah nise hnawk bawk, kekawr hak hian kan fel thak mai a, kan mipa te paw’n puan in ven peih tawh bik loh kha!!
Similar Posts:
- Mipa Inchei Dan
- Kha Nula Zet Kha Chu
- Kan ti ta sa sa ‘Korean flu – IV’
- Mizoram pawna kan incheidan hi
- Hairehai
October 17th, 2011 at 7:31 pm
@hiho. Uak!
Report this comment
October 17th, 2011 at 7:32 pm
sheldon171, a nihleh a falin va sexy dun ila..
Report this comment
October 17th, 2011 at 7:33 pm
@Sheldie: Ni chiah e, thil tullo tak tak kan sawi tho a thil pawimawh nia lang hi sawi ve zeuh zeuh tur. Tun kuma chanchinbu article huang luah hnem ber leh sawi hlawh ber pawh hi- SP Singh leh Hmechhe puanbih chungchang a nih hial ang ka ring!
Buh_duha comment hi a awmzia thei riau a; tuna a comment number 36na, sub number 4 ami khi ka’n tuihnih lawk teh ang..
Ti hian a ziak a- ‘4. Post-tu thahnemngaihna hi thil tha pangngai a ni a;mahse, a la hlui thuai ang.’
‘A la hlui thuai ang’ tih lai tak hi pawimawh riauin ka hria. ‘Nakinah chuan khap sen an ni lo ang, hetianga inchei hi kan la ti deuh deuh dawn’ tihna ang deuh a ni a. He mi hi RATIONAL taka thlir pawn thil chiang sa niin a lang a ni. ‘Nakinah chuan YMA hian thlan a lai tawh lo vang’ tih phei chu thil chiang lutuk a ni.
Mahse..mahse zawimuanga ke pen chhet chhet hian tluk sual a har a lawm ni kha. Hetiang hunah chian hian CONSERVATIVE BULUK tak tak hi an tangkai leh thin. Kan nunphung leh nihna hi thlak zung zung ta ila kan buai nasa teh ang. CULTURE hi a danglam thei(DYNAMIC) a ni tih chu chiang sa, mahse chu tih lai mek chuan kan dinhmun tawn ang zelin kan INVEN(CONSERVE) a tul ve a ni.
Hemi vang hian alawm PC-a pawh hi ka nel em em. MLTP Act hi a tan tulh mai a. Kei ni zu in lama thiangzau deuh hlek kalsual sual tur min vengtu a ni hi a hlu teh a sin! A avatara a hman lai a fapa hmel hi a chhe deuh mai pawh a…
Report this comment
October 17th, 2011 at 7:34 pm
hiho@47 sawi khi, ama duhdan alawm tiin lungawi takin kan thlirliam thei hlawm em? Khitiang mihring khian kan Zoram hmel a tibal a. Heng ang chi, a pangngai aia uchuak ho hi kan vei ang a, kan society hmel mawina kan ngaihtuah ang chu mawle.
Report this comment
October 17th, 2011 at 7:36 pm
Alejendro, chhangte hi chu kan hmeltha in kan fel e maw ka tia..hehe
Report this comment
October 17th, 2011 at 7:37 pm
Fel deuhin kan sexy dawn nia
Thu ka awih viau ang. hihi..
Report this comment
October 17th, 2011 at 7:38 pm
A va han tha thuai thuai tak em! Mahse maw nang leh kei hian sawi theih kan nei mawlh si lo
https://misual.life/2011/07/.....-a-awm-lo/
Report this comment
October 17th, 2011 at 7:38 pm
sheldon170@54 tNaupang ka hruai a, an hmuh a tan tha ka ti lo.
Police phone tumin 100 chu ka mobile a tang chuan ka dial ve ngei a, mahse a tlang thei tlat lo.
Lo hau ta ila, engtin nge min hauh let ang le?
rowland vanlalawia@51 keimah nge min Uak khum ka hmeichhe sawi zawk khi?
Report this comment
October 17th, 2011 at 7:41 pm
all misual radio :- @Alejendro a phur hle
Report this comment
October 17th, 2011 at 7:42 pm
@hiho, chu tak chu a lawm kan vei a Misual ah te kan post nachhan hi. Nang pawn hmuh hrehawm i ti, i tan tihngaihna a awm silo a. Misual ho hian kan chhung te, kan thiante, kan thenawm laina te ah incheina pawimawhzia te hi sawi ta ila, mi pahnih khat lekin an hlawkpui pawn a hlu dawn asin.
Report this comment
October 17th, 2011 at 7:42 pm
Sheldon170 engemaw ka uanna le? ka Inthuam dan sawi ang khian in thuam ve ta la, an ni ai daihin i nalhin i duhawm dawn si a, i thuam duh lo hi i zahawm ka ti zawk e ka rawn tihna ania, keini pa tawngkam thiam lo ve te
(Detective ho hi chu nula hma ah hian kan laia kan tawng tum ang hi sawi chhuah a har riau, an mahni kan chhui anih ngawt loh chuan 
)
Report this comment
October 17th, 2011 at 7:46 pm
Thil hi chu a hun leh hmun a awm. Chaw tui ber ber pawh hi a hmun lova a awm chuan, bawlhhlawh mai an ni thin. Beach-ah leh khum a puan ven emaw Jeans hak deuh tah chu a mawi chuang miah lo. Office, Public place leh biakinah bikini emaw kawr nghawng zau lutuk emaw, kekawrbul chhing fahran lutuk nen a kal chu, sexy lam aiin a entu pawh kan zak zawk thei. Mi zahawm tham tak dawr dawn a inthuam nawnah lutuk te hian, ‘zah lohna’ a kawk a, kan va dawr tura te kan ti thinur nghal ringawt thei. A hun leh hmun a zir zela inchei dan tawk thiam hi mi pangai nihna a ni mai.
Report this comment
October 17th, 2011 at 7:48 pm
*inthuam nawmnah*
Report this comment
October 17th, 2011 at 7:49 pm
@Pu PK, i sawi dik leh ta thlup mai. Mahse kan Misual tlangval ho hi an lo rawp aniang, incheina chungchang kan sawi a, a sexy lam an support hlawm tlat mai.
@VaiVa, hei tihtheih kan neih hi, misual a kan sawiho te hi kan tihtheih chu ani mai e.
Report this comment
October 17th, 2011 at 7:57 pm
Mizo taliban, sorry, Central YMA in puan bih an tih compulsory tum vang khan hmeichhe ho an hel a, an duh dan angin an in pho lang ani lawng maw? An incheina khuahkhirh turin an nute in phut ngawt a, anni pawh sexy taka inchei ve an duh asin. Society conservative si, inti sakhua si. Nula (leh tlangval) ho hian Aizawl hi an ning riau asin.
Report this comment
October 17th, 2011 at 7:57 pm
Vainu Sari khai in khup lang kawp a a sari a hlim hi chuan langthui tak a ni.. an ti.
Report this comment
October 17th, 2011 at 7:59 pm
@sheldon170, tunlaiah chuan hetiang sawi sawi chu mi phunchiar nih na. Mipa ho hian a langin thlawp che mah se, an chhungrilah chuan hetiang teu teu hlir hian rawn inchei se an ti. Moral policing an ti mai ang che. Tunlaiah chuan nupuite birthday present ah pawh a langtlang thei deuh riai a ni an present tawh ni. Midang hmuh phal lo mahse mahni hmuhah chuan an duh vek a nia
Ka link dah khi han chhiar chhin teh khai 
Report this comment
October 17th, 2011 at 8:06 pm
@VaiVa, ka chhiar e. I post khi ka missed anih hmel. A tha, an rilru i hmuhlawk sak thiam hle mai. A dik chiah, hetiang thu hi chu nula tlangval kum 14-25 inkar chuan an helh tlangpui. Mahse, kan sawi ve talh zel ang chu
Report this comment
October 17th, 2011 at 8:12 pm
Post a tha a comment pawh an ngaihnawm tlang bawk e. Mipa mitla tak tak nula chu thawmhnaw pangai tak ha, inhawng heu huau lova duhawm tho si, zahawm tel bawksi ho hi anni. Inchei thawleng lutuk ho hi chu ‘nuai’ kan chak ve satliah chauh a ni. Hei hi hmeichhe tamtakin an hre fuh lo.
Report this comment
October 17th, 2011 at 8:14 pm
@doc_lib, tawngkam te lah hi i thiam zet zut. Nangni ho hi anih hi nula inchei sexy hmuhnuam lo ti ber chu
Diktak chuan he post ka submit laia ka rilru ah chuan hetiang response ‘let it be’ tih lam hi a tam ka ring reng a, mahse a veiawm ve sia, kan ti ve leh thruai mai ani e
Report this comment
October 17th, 2011 at 8:19 pm
I hmuhho khi ka va’n hmu ve chak, nangmah hi lo ni zawk ila ka ip chawih chawih lovang mawle
Report this comment
October 17th, 2011 at 8:24 pm
70 @ Sheldon, let it be ka tihna tawngkam i hmu reng reng lovang..an ni ang khian in chei ve ta la, an ni aia i nalh zawk dawn thu hlir a lawm ka sawi. Thil hrethiam rual pui tawh si hrethiam lo lutuk, a ruh langin aw,” boihpui an ni khi chu khitianga an lo in chei a nih pawn ka tan chuan vawkpui hma a tuikep lung paih ang mai ani ang, nang erawh khitianga ka hma a i in chei anih chuan… hei rawh ka chiang e, khawvei mawina zawng zawng hian tluk pha che in ka ring si lo” tia hrilh i ngai tlat
Report this comment
October 17th, 2011 at 8:28 pm
@muansakhi, i comment chu a tha in a zahawm e.
Report this comment
October 17th, 2011 at 8:53 pm
@doc_lib, ‘let it be’ i ti ka ti lo, a general in ka sawi.Ih mawm, khitianga ka inchei chuan ka nalh lo ang, kei chu pitar alawm ka nih
Report this comment
October 17th, 2011 at 9:04 pm
74@ Sheldon A general ang zawng pawn midang ai chuan khitiang khian in chei la nalh ka ti tho tho ang ch e
Report this comment
October 17th, 2011 at 9:16 pm
Comment zawng zawng ah Aryan khiiii..Tha tan tan lutuk…
Keima ngaihdan chuan, lang thui fal tak chu a mawi lem lo, mahse, mahniin inhmeh leh nalhpui a kan inhriat ngei, Lungdamna thlap a inchei chu kan confi. bik em em tih ka hria.
Report this comment
October 17th, 2011 at 9:19 pm
@mate ainawn, dik lutuk.
Report this comment
October 17th, 2011 at 9:21 pm
@doc, a general ang zawngin ka lawm e
Report this comment
October 17th, 2011 at 9:23 pm
‘Ka nun a nia, ka thu thu, ka duh dan danin ka awm ang, nangni min lo sawi sak tur a awm lo’ titute nunah hian inrawlh fo a tul thin reng a ni, min huat pawh huamin.
Vai puja-ah pawh hian a duh duh kal ngawt chi a ni leu!
Report this comment
October 17th, 2011 at 9:52 pm
@khirha, ‘Ka nun a nia, ka thu thu, ka duh dan danin ka awm ang, nangni min lo sawi sak tur a awm lo’ ti tute zinga 100 a 80 vel chu tun atanga kum 10 a ral meuh chuan an tawng phar phar tawhin ka ring lo.
Report this comment
October 17th, 2011 at 10:15 pm
Incheina tih ani a, thawmhnaw tih ani lo bawk a, nalh an tih ang ang hian lo inchei mai teh se! Mit te hi hnawih dum kuau mai se a tha
Hmeichhiate hi chu an han inchei deuh loh phei chuan an hmuh tlak tak tak lo
Report this comment
October 17th, 2011 at 10:40 pm
.
Report this comment
October 17th, 2011 at 10:41 pm
kan ngaimawh zawng chu kan sawi anga kan ziak bawk ang. kan thu zawm duh lo te beih zui a tul lova, kan zawm duh loh avanga a sawitu/ziaktu khen let a tul bawk hek lo.
Report this comment
October 17th, 2011 at 10:50 pm
Keichu a post tu nu hi ka support tlat. Nu te mawhphurhna a sawi khi za ah za a dik bawk. Nu thenkhat lerh ve hrim hrim hi an awm a, fa te ai pawha inchei nasa zawk, mahse hetiang hi chu za ah panga pawh an awm lo ang.
Report this comment
October 17th, 2011 at 10:58 pm
@aduhi, mizo te rilru a langchiang ka tia, response atang khian. Inchei a tha e, chutih rualin mi zawng zawng hmuha mawilo chin hi chu a awm ve a. Khawthlang nunin min chiah hneh tawh lutuk a, kawng engkimah kan thil thlir dan a liberal lutuk tawh atin ni.
Report this comment
October 18th, 2011 at 1:16 am
Khawnge ni after 12 ho che leh ang aw..
kekawr bul lutuk tawh mai pawh ha se a chhak tho kha kan hmu chak zawk,chuvangin pangngai taka inchei khan lang tui ang tho khan mipa ho hian hmuh sexy na lai kan nei tho2..in hak bulh vak khan a tih sexy zual pawh ka hrelo.
ning hlui khawp a kan inhrilh hi a ngai reng ani. A sawt lo emaw kan tih hian a sawt na tamtak a awm ania. Changkanna in a ken tel ania,a khap aia hmang thiam/inchei thiam tur a in zirtir fo hi a ngai reng ani.
#40, ava dik em! Thil mak deuh chu…a lang lo lai chiah2 zel hi ania kan hmuh chak ni.
@sheldon,,gud post.
Report this comment
October 18th, 2011 at 9:02 am
A hmun leh a hun a zir a thawmhnaw inbel thiam hi a pawimawh khawp mai…chu te mai chu!
Report this comment
October 18th, 2011 at 9:49 am
A mawi tawk hi chu a awm a sin le.. Engkim hi a uchuak hi chu thil tha tak a awm lo hrim hrim.. Good post
.. mahse ṭ i uar hret a ni. “Zahawm lo taka inchei chunga pawnchhuah khaptu ṭur…hehe. i tihpalh a ni em ang chu maw.
Report this comment
October 18th, 2011 at 11:47 am
Incheina hian rilru thui tak a tilang ve. Leplerh taka inchei chu an ler deuh nge nge ka ring.
Report this comment
October 18th, 2011 at 12:14 pm
Sheldon170, sawi ve duah rih lo mai ang. Full support ka pe a che.
Report this comment
October 18th, 2011 at 12:53 pm
Post tu ngaihdan hi ka thlawp thlap. Taksa lang tam lutuka khawlaia inthuam hi a tihchi loh khawp mai. Swimsuit leh kekawr bul tawite pawh hak chang a awm mahna, mahse a hun leh hmun a zirin. Mipa tan pawh a ni tho. (Ka’n sawi ve piap teh ang) Facebook leh blog profile photo atana taksa chunglam ruak kher hman te pawh hi ka duh vak lo (phunchiar min tih hmel).
Nu tan mahni fate pawh khuahkhirh a har si a, sawi tam vak chu ka ngam love.
Fa tleirawl la nei lo Vaiva te, Sandman te’n duh leh sawi huai deuh se.
Report this comment
October 18th, 2011 at 2:03 pm
An hmelthat phei chuan Thawmhnaw ha tlem tlem hi an hmuhnawm ka ti, mahse ka chhungte tih atan chuan ka duh miah thung lo…
Report this comment
October 18th, 2011 at 2:18 pm
Anmahni an zah loh a, it zawng deuh te an nih phei chuan, it hmel deuhin ka thlir reng zel… hahaha
Report this comment
October 18th, 2011 at 2:19 pm
A dik khawp mai.Phaiah hian Northeast nula ho hi inchei nasa hi an ti fo a(a boruak a zir te pawh ani ve thin), Mizoram ah pawh hian incheina chungchangah titi alo tam viau anih dawn hi.
Ka ngaih pawimawh zawk chu chhungkaw dinhmun nen a inmil lo lutuk a inchei kan tam hi.Thuamhnaw man to a kan insenna te hi thil tangkai zawka hman na tur a tam teh reng nen.Inkhuahkhirh hi chu a sawt vak lova, mahse kan qualification leh family background mil a inchei ngam tur hian nu leh pa, kohhran leh pawlte hian fuih tam a that hmel ka ti.
Hmanni ka haw pawh kan kohhranin khawmpui kan thleng a, usher ho khan puan ropui ven tur an tia, neilo tan chuan a buaithlak ve trep. Mi ta han hawh chi ni chiah silo a, a thar lei dawnin lo to phian lehnghal…
Report this comment
October 18th, 2011 at 7:17 pm
good post
Report this comment
October 19th, 2011 at 12:39 pm
A awm leh mawi tawk a inchei tura inzirtirna lampang hi kan education system ah leh kohhran lamah te hian kan mamawh a va ni mai awm ve.
Report this comment