A dik reng! Sawi theih pakhatmah ka neih loh avangin ka han ziak daih mai teh ang. He thu kam hnih khat lek, tawi fel tak mai hian aia upate a ti bei dawng fo thin a. Thawngthei leh tawngkam thiam tak ten a duh ai a thui an chiau pawh a huat thu a la lo hian; tawngkam thiam vak lo pawhin bahlah nuaih a,” I..sawi theih… pakhat..mah a..awm..lo” an tih bah nuaih hi chuan pa thinnel tak pawh hian an hmui an pet an pet tawh mai ani. Hei vang hi nitur ani kan inhumhimna kulhbing sang a’ Ka nun hi ka ta ani’ tih leh ‘ Papa Don’t preach’ tih te Solomon-a thufing ang mai a kan utawk tur vawn fur ni!
Tlangval pakhat chuan a haktawk chiah aia tlem a lian, kekawrte- a kotlang a Jockey tih lang ha in, zing office kal hun lai a Chanmari kawn a traffic police ding tluk zet a khawngin; chhim leh hmar, chhak leh thlangah nge ‘chunglam tanpuina ka nghak ang’ ti niawm fahran a rilru buai ang mai in a sam a rawn ti phir a.
Pakhat dang leh chuan khawchhak chhuak theuh theuh ti niawm tak mai in a rawn inchei ‘Arirang’ a. A pathumna chuan ‘Anni ai chuan ka lak tlak e’ ti niawm takin simaat tak leh tho tawlh panal niawm amawi a mawm leh pialin a rawn inkhuih a. Kal pah chuan an in mitsir rilh relh hlawm a. Mah se, nang leh kei hian anni pathum chung thu ah khian ‘SAWI THEIH PAKHAT MAH KAN NEI LO’.
Nula pakhat ve thung chu a hmel en reng reng pawh hian ‘Khuanu pawhin hei aia tha chuan chei leh ngaihna a hre tawh lo ang’ tih hial a mawi leh nalh sa ni chung hian, a hming chauhin- hmalam bawm hnih khuh hlau si, khuh loh hlau siin kawrhma kak thui ( nge zau kan ti dawn) a rawn inbel a.
Pakhat dang leh chuan jeans pawl chunga kekawrte sendang lantir hram tum a fual leh ‘ hei chu a phelh turin midang rawih a ngai ang a’ tih hial amawi a tawtin a mawng fual tha hnelh hnawlh chu a rawn hnuhchhuah pui a. A thiannu chuan a laite, a hnarte leh a leite chu bengbeh a rawn beh tir bawk a.
An kawmchhak a naupang Sunday Sikul zirtirtu nula fel tak chuan sam, dar vaw hnap a sei chu rawn thlahin puan a rawn bih chhuak a. Mah se, anni thenawm khawvengah hian nang leh kei hian ‘SAWI THEIH PAKHATMAH KAN NEI LO’.
A mak e! ti teh ang. Kum za kristianna kan lawm hnu thangkhat zet lian hnu ah pawh Thianghlimi’n zu a zuar ru a, Piangthara’n a bat ral sak a. Zonunmawii Dumka val nen an tlan dun a. Vanlalfelfamkima eiruk nasat zia tapchhak zawlah kan khel kan khel a. Nilai zan ahan thleng a, a eiru hnem hnem khan Nilai zan thupui an hawng hnem leh sia. ‘Thenawmte do aiin khawsarih do a thlanawm zawk’ ti a min thlah chhawng tu te hian ‘i in en mai mai ang u’ an tihna a nih ka ring chiah lo a.
Chawngbawla te, Taitesena te leh Khuangchera te kha an sa kah tam lam ai chuan mi tan a an inpek zia kha a nih kha thawnthuah kan zir thin ni! Khawsarih pawh do lo i la, thenawmte pawh do lo i la, hawh u i in en chiang ang u! Mizo nih hi Kristian nih na ania. Kristian nih hi Mizo nihna a ni lo. Kan pipu nun kha kan kristianna nen hian a inmil em em tawpin kei chuan ka hria. Kan pian leh murna ah chiang i la bula mite nen hian kan in melh relh relh lo tawp ang.
Tichuan ‘SAWI THEIH PAKHATMAH NEI LO’ ti tawh lo in ‘SAWI TUR PAKHATMAH NEI LO’ tiin kan la in chhang dawn nia.
Disclaimer: A chhunga hming chuangte khian a takah tu emaw tihchhan emaw entir a nei lo. Entirna mai a ni e. Hmaaan a mi a nih hi! 
Similar Posts:
- I lo sawi ve tรปr a awm lo
- Haihawt!
- Photo Exhibition cum Sale
- ZH Ropuia’n enge a sawi?
- Rs1/- khaw nge?
July 12th, 2011 at 9:34 pm
Chhiar hma a comment awih loh ti ila ๐
July 12th, 2011 at 9:35 pm
:-[ chhangte val ka hmasak khalh keuh.
July 12th, 2011 at 9:40 pm
@Vaiva chhiar lo a comment i hlauh chuan comment close hmak la minit 15 vel ๐
PS post hi ka la chhiar lo hehhee
July 12th, 2011 at 9:41 pm
Ka e teuh anga, ka inbual anga, chaw ka ei dawn.
July 12th, 2011 at 9:46 pm
Zun thrulh meuh a ka chhiar pek chu. I duh chuan i lo thlawh nalh theih hi le. Vaiva niawm reng i ni. ๐ (Y)
Mahse helai thu hi ka chhiar thiamlo hman trep a “..a haktawk chiah ai atlem alian,..”
“a haktawk chiah aia tlem a lian,” tih ni ta zawk se.
July 12th, 2011 at 9:51 pm
Dik ve hei zet chu! 2004 a Guwahati paltan Police station a Mizo KS an man hming chu Gospeli ๐ (N)
July 12th, 2011 at 9:54 pm
ziak tha tak a ni.. chhiar anuam hle mai..!! VaiVa nnge nge…!! Thu ho te in i sawi teuh anih khi..!! Post tha tak ani..!! (Y)
July 12th, 2011 at 10:03 pm
Hnam sakhua post emaw kan tih chu le!
July 12th, 2011 at 10:04 pm
@Saitawk #5, i ti lawmawm hle mai. Tih sual siam that a ni tawh e!
July 12th, 2011 at 10:07 pm
Phuloh sakhming kan phuah,
Kan pu zo lo, kan phu lo,
Sakhming sa ila,
Ka pu zo in kan phu mahna.
Hla an phuah, kan sa,
Hla sak leh hming sak a dang,
Hla phuah ka thiam hmel em?
Han ti ve chhin teh lem.
July 12th, 2011 at 10:08 pm
Dan palzut kan ching lutuk hi kan hetih phah hi niin ka hre thin. Lok Sabha session laiin in thutpui (chhim) ve tawh em ? Bawp khawkherh takngial pawh an phal lova, lu thur deuh hlekte kha min khuih thattir vel ! Dan (Law,ethics,code…) a ni miau a, a zawm loh theih loh.
Zu khapna ramah a in leh zuartuin DAN a bawhchhia a, hrem ahnekin an pawngpawrh zawmah a, inti lehkhathiam mi chaldelh ranin “A hlawhtling lo” kan ti pawng pawng a, Biak In leh School, College, etc ah dress code kan hre duh thak lova, Office leh dawrnghaktuin customer min melh SALA tun mai a,a dawra hmain ngaihdam kan dil nghal lo chauh a nih hi.
Japan, Korea, America…. kan ti awl lova, chuta kalte lah chu sanghar thiar zawh tham leka archhiar mawitu zat pawh kan awm ngut na emaw le.
July 12th, 2011 at 10:13 pm
ka mu daih dawn…!!
July 12th, 2011 at 10:14 pm
Post tha khawp mai, sawi tur pakhat mah neilo ang mai ka ni.
July 12th, 2011 at 10:15 pm
#12 mu bik lo e ah, (C) hei in leh phot teh ang
July 12th, 2011 at 10:19 pm
Vaia, i ziak tha khups mai… (Y) ๐
July 12th, 2011 at 10:19 pm
(Y)
July 12th, 2011 at 10:22 pm
post tha khawp mai.
July 12th, 2011 at 10:23 pm
Ka chhiar nawn ka chhiar nawn a, i sawi tum ka man hlei thei lo. “Mi dangte nunah buai loh tur, an duh ang angin tal tir tur. Tuma huat thu sawi lovin/tuma nun sawisel lovin i in tanpui dial dial ang u,” tih ani em aw. Mizoram nun siamthat hautak dan tur zia hi ka hmu thiam tan.
July 12th, 2011 at 10:26 pm
Famkim lohna khawvelah kan famkim loh zia kan pho lang nawn a, ngawi reng in kan au chhuak a. Zilhhauna kan dodal a, fuihna thu kan nuihsan leh si thin.. Mi kan entawn a, entawn tlaka nun erawh kan tum der silo. Sum kan mamawh a midangte min pek kan nghak a,. Aaa… Ka va khat liam em…! ..lol..
July 12th, 2011 at 10:29 pm
@PKfanai, Ka sawi tum chu man chi a ni lo. Midang nunah sawi theih kan nei mang si lo va. Mahni in enchian theuh hi a ni deuh ber mai e. (I)
July 12th, 2011 at 10:31 pm
Lo ngai reng mah rawh u, eng News Paper ah emaw a rawn chhuak leh hrim hrim ang. ๐
July 12th, 2011 at 10:34 pm
hehe post comment tu tam tak hi chu nuih an ti za thin. Eng post pawh ni se, post tha khawp mai hi an ti thei reng a, lolz, thu tak hi an pawh loh hlawm ve hmel ania aw ๐
July 12th, 2011 at 10:35 pm
VaiVa ni e, i Champhai haw chhoh laia ipa sawi kha ngaihtuah la ilo in enchiang fo dawn nia ๐ ๐
July 12th, 2011 at 10:40 pm
Thumbs Up (Y) ……..Sawitur pakhatmah ka nei lo…. ๐
July 12th, 2011 at 10:40 pm
Pu HV a chu vaiah min chhuah tep tawh ka ti ๐
July 12th, 2011 at 10:41 pm
Sawi tur pakhat mah kan hriat loh chu le!
July 12th, 2011 at 10:48 pm
Mizo te zawng, a bik takin hmeichhe ho, pawl te te neia thiante rel hi alawm nuam an tih ber le ๐
July 12th, 2011 at 10:51 pm
Nia mizo hmeichhia zawng mirel an hrat emai. lolz
July 12th, 2011 at 10:52 pm
Vaia, vaiah ngai che love, chhuah tep bawk che love ๐ (B)
July 12th, 2011 at 10:54 pm
Post tupa, ka man deuh ta e. A tha khawp mai. Mahse, thil tha lo na na na chu mi huat pawh pawisalo a, a dik/that loh zia sawi ngam tawk hi chu awm zel ila chu, atha khawp mai. YMA hruaitu ka nih chhoh tirh hian (kum 23 ka nihah Group YMA hruaitu ka ni hman), rual u zawk ten, “Mi huat hlawh ngamlo chu, YMA hruaitu tha leh hlawhtling anih theih loh” tiin min fuih thin. Hei hi kristian nun kal sual nasa lutuk tawh siamtha tur pawh hian a ngai dawn tih a chiang reng mai.
July 12th, 2011 at 10:58 pm
Vaiva hi thlawh tha thei fu nia, a buai thin em mai pawh a! Chuti ni suh se, a suangtuahna vak vel, a thinlunga luangliam thu ngaihnawm tak2 kan hmu fo tur a nia(h)! (Y)
July 12th, 2011 at 11:01 pm
Kum 2 kal ta khan kan thenawmte nupa chu tukverh khar lo, parda pawh zar loin an lo chhuntuk a, “sawi theih pakhat mah ka nei lo” tiin, parda phen atangin ka en mai mai. :p
July 12th, 2011 at 11:04 pm
OT loks, tun ang darkar tlai tawh ah hian sas be zo chiah ila, ’till death do us apart’ hi han ngai thla ila, scotch han dawm ila, light off bawk ila, a nuam veng veng mai. ti ve chhin ru ๐
July 12th, 2011 at 11:07 pm
chhangte_ll&doc_lib……..Dam tha ver vawra mi han rel hi chu nuam ve deuh mai ania, in hrelo mai2 ani ๐ ….. (P) hahahaha
July 12th, 2011 at 11:09 pm
Chelsea, mi rel hman pon ka siam ngai hleinem lolz,’ you are so sweet’ tih hi mi a rel nasat ve ber a niang ๐ ( Midang aia sweet a min chhuah na hi mi a rel ah kan ngai te anih chuan)
July 12th, 2011 at 11:10 pm
#33 & 34 (Y) (Y)
July 12th, 2011 at 11:30 pm
Athupui a trangin a ngeiawm! deuh dawn ni a ngaiin kan han chhia a, Han chhiar in nui deuh trut2 a, chhiar zel in nui ta suk2 a.! A tawp ah thupui fun rualin kan thutak ve leh a, chhiar a nuam e..Dik hle mai bwk. (Y) e.. A tawp ah animation ve ziah chu..! ๐ ๐
July 12th, 2011 at 11:39 pm
mahni a MLTP Act bawhchhe chunga ka comment lai hian kawr uk ha lo kal se sawithei pakhatmah ka nei lo ang
July 12th, 2011 at 11:39 pm
sawi tur ka nei lo, ngawi rengin chhiar ang ๐
July 13th, 2011 at 12:32 am
Happy Birthday Pi Maisek
http://i55.tinypic.com/2uj702f.jpg
July 13th, 2011 at 12:33 am
edited ๐
July 13th, 2011 at 12:35 am
Tha leh hle mai. Thenawmte do lovin khaw sarih pawh do chuang lovin keimahnia sual lian tak hi do ava trul em,,,a do hneh lo ber pawl k ni awm lehnghal a..
July 13th, 2011 at 1:36 am
Mahni kan poimoh ber anih hi post thu atang hian..Chuvangin Tumah in rawlh suh u..Sawi theih in nei lo comment poh comment suh u..Eh.(fiamthu)Ka nuih aza..I ziak dik tlangpui fu vek mai thil pahnih chiah tih loh chu tlar 75 na poh hi dik fimfe ngem o??..
Thalai tan chauh a post awm amawi anih rualin ani bawk .Eh..Chhiar nuam khop mai.. (Y) (Y)
July 13th, 2011 at 2:42 am
i va ngaihtuah peih ve..i fak awm e..kum sawmsarih an pelh chuan, i ngaimawh ang hi chu an ti peih tawh pawn ka ring lo ve (N)
July 13th, 2011 at 2:49 am
hmmm…uisa an ei nge eilo hre phawt ila chuan sawitur chu ka nei ang ๐
July 13th, 2011 at 3:02 am
E khai aw… Tute emaw SAHUAT a khawih ngei dawn hi. ๐ Ziak tha thei khawp mai. Heti lam hawi zawnga thlir a ngaih chang a awm thin.
July 13th, 2011 at 4:38 am
@21 Saitawk (Y)
July 13th, 2011 at 4:59 am
(8) giv me som sunshine, giv me som rain (8) ๐
July 13th, 2011 at 6:08 am
Sawi theih ka nei lo, a hmun lovah ka sawi teuh zel tho si!
July 13th, 2011 at 7:59 am
Nupa tuak khat an om a,in an sa a, duh leh a chung an chih ang a,duh leh an chih lo ang a…..Sawi theih pakhatmah ka nei chuang bik lo…lol
July 13th, 2011 at 8:36 am
Tun tum chu kei leh kei lo angin sawi tur ka haihcham deuh tlat mai a…
mahse tlip nan a tha tho e ti mai ange …..Kawk sawk zel mai la,,,an zah viau loh vek chuan an Aaan khum hrep mai ang che chu chu tawk viau dawn asin….
July 13th, 2011 at 8:57 am
Sawi theih chu tu pawn kan nei vek alom … thil an zawm tura thu va pek erawh an zawm leh zawm loh ah chuan sawi theih chu kan nei lem lawww … eh
July 13th, 2011 at 12:23 pm
ka duh e hei chu!
July 13th, 2011 at 12:51 pm
Post tha hle mai, phawrh chhuak thiam e.
Kan ngaihsan loh leh a bik takin EIRU tih kan hriat reng hi chu ngaisang lo ngam ila.
Kohhran leh khawtlang te’n Nawhchizuar kan ten hle a, eiru kan ten si lo.
July 13th, 2011 at 1:09 pm
ka vei zawng
July 13th, 2011 at 1:15 pm
Kan society hlimthla a tilang thiam khawp mai.
July 13th, 2011 at 1:25 pm
Chhiar a va nuam ve a.. khing lo pawh khi han chhawp chhuak leh ta che, vei zawng hi a lo inang leh mial thin nia..
July 13th, 2011 at 6:57 pm
Kan threnom lokah hian pa zurui lerh nupuithlak a awm a, ka fapa kum 6 mi chuan,’kei chu ka tlangval hunah ZU ka in don’ a ti tlat mai a a chhan kan zatchiang a,an class ah khan hmeichhe naupang hmelthra a tih zawng kha pa 2 anlo awm kher2 a,nupui pa 2 neih dan a lo zawng ve chu niin…threnawmpa pawn zu a rui a nupui vawi 2 nei kha ENTAWN TUR thra tak a lo awm si,KA SAWI THEIH PAKHATMAH A AWM LO hi chu a va pawi tak em!!
July 13th, 2011 at 9:00 pm
Mizoram Engineering Service-a member zawng zawngte hi Mizoram Engineering Service Association-ah member an ni vek kher lo. Mizoram Civil Service Assn., Mizoram Police Service Assn te hi chu chutiang a ni ve lo. Kan ram hian thatpui zawk turah i ngai ve phawt mai ang hmiang. Ka sawi theih pakhat mah a awm si lo.
July 13th, 2011 at 9:24 pm
Mahni fate leh chhungte incheina ah engmah soisel lo leh engtin nge an inchei poh ngaituahpui lo, mahse kawtlai vela midang inchei lepler ti thei leh miahlo leh lo sel peih ve em2 chi hi an awm a, ve tho in.
Lehlamah chuan, zahomna bo thak leh uchuak lutuk a incheite chu tuma soi ngailoin anmahni nihna an tilang toh a, an intihmingchhe der toh bok a, lo ri ve mai2 teh se, tih mai tur..