( ka thil tawn behchhan a ka ziah)
July thla tawp lam ani a, khua a lum in Gwti boruak lum leh uap lai aniin tihtur tul vang mah nise pawn chhuah a peihawmloh in, room a kekawrte nen chauh a fan hnuai a hahuk kahthlak ang diai a lungmuang taka mut a chakawm hle a…Ka kalna tur lah chu khawpui daifem lamah niin a phurawm tehchiam loh ..
Bus 21 tih inziak ngei mai chu ka chan hnuah ka kalna tur lam pan chuan ka insawh phei ta bauh bauh a..Bus tawt nen, khawlum nen, lu a na churh in, ka hma a ding lo lut thar ina bus vawnban a han vuan chiah mai chu, a zak thlan rim chu a ngan in a rawn hring chhuak ngaih ngaih hian a hriat a, ka luak lo chauh ani..
Tichuan rei fe ka hma a pa zak rim ka hnim phei hnu chuan ka tum lam chu ka thleng phei ta hram a…Zirna lam kaihhnawih a nih avang chuan ka in tiphur lui hram hram a,ka tih tur thenkhat te ka zawh hnu chuan, ka la hmuhloh thenkhat zawn pah chuan chulai veng ah chuak ka tei kual vel a..
Ka kalna veng lam hi khaw hmawr lam aniin, slum area an tih ang deuh hi ani a,phaizawl bakah tlang ram ve deuh aniin, khawpui hulum leh boruak uap churh te pawh a zia deuh a, a veng erawh a tawpin a rimchhe hle thung a..
Chutiang a ka tei kual vel lai chuan mizo tawng chiang tawk hian ‘Tlangval mizo ini em” ti ri chuan min ti phu chiang hle a, ka hawi let a, ka hnung lama pitar pakhat hian milo au alo ni a, a hmel chu ka han en chuan nu te lampang aniin, sari chhe tawh lampang hi a kaih a, a sam a tuakin, a khuh khak khak a..
Chutia mizo tawng chiang taka mi han be thut chu ka hamhaih in tawng nachang pawh ka hre mai lova, a hrethiam aniang chu, muang ban charh hian, i mizo ipte ah atang khan mizo i nih ka ring deuh a ati a, kei chuan helai vel a mizo ka hmu thut chu mak ka tih thu te, engtiang a awm ve nge a nih tih thu te ka zawh luam hnu chuan a in lama leng tura min sawmna chu pawmin kan inzui phei ta a..An in chu a chung ragva, a bang dap aniin, a fate 4 nen an chen thu te a sawi bawrh bawrh a.
An in kan han luh chuan ka hawi kual a, mi 5 chenna atan chuan a te lam deuhin, ka hawi kual a,bang vela vai pathian lem hrang hrang intar te chuan ka mit ala zar a..Keipek chu,Ka mizopuite anga mahni inbih chiang hmasa lo a, midang thlarau vei ching tih takah ‘Ka Pi, Kristian ini em ka han ti thla ngawt a’ Ka zawhna chu a mak ati nge, mi chhang mai lova, a nui a,dawhkana kuhva chu hmawm zauh pah chuan a chanchin min hrilh ta a..
Ka pianna tak chu nilo mahse,tette atanga Aizawl a seilian ka niin,kan unau hi mipa 3 leh hmeichhe 2 kan ni a,Ka pa hi PHE dept. ah thawkin chhungkaw pangngai tak kan ni a..
High school kha Shillong ah kalin, heta ka awmlai hian hnamdang ka kawm nasa in thian tha tak tak pawh ka chhar nual a, hnam dang zinga ka chen tam vang nge pawh ka hrelo, ngaihzawng nei rual ka nih atang khan ka mizo thian tena hnamdang ngaihzawng an neih te hian, kan mizo puite hian enghelh thin deuh mahse kei chuan enga tan vak mah kalo ngai lem lova, kei ngei pawhin hnamdang ngaihzawng 2,3 vel te chu a hmingin ka nei ve a,mahse ka serious lo in ka kal thuipui ngai lemlo..
Ka Mizopui te aia hnam dang kawm nasa tih takah ngaihzawng ka han neih ve pawh khan, hnam dang han kawp a, han kawm te hi a nuam ka tiin, kan Mizo mipa te nen a tehkhin chuan an caring zawkin, hmeichhia han duat dan vel te pawh hi an thiam zawk hian ka hre thin..
High School ka zawh a, aizawl lama ka awm hnu chuan thian ka kawm tam lemlo a, ngaihzawng pawh ka nei lemlo a.Tumkhat chu AR canteen, Lammual bul ami a ka bazar chu, Vai 1 hian mi rawn biain lehkhabu zawrna min zawt a, kan inbiak hnu chuan ka vai tawng thiam chu mak atih thu te, fel hmel min tih thu te a sawi luam a, Lehkhabu min leipui hman em, tih hawihhawm taka min zawh hnu chuan, tihtul tul te ka neiloh bakah a inthlahrung reuh bawk sia, ka kalpui ta a..
Amah chu Prabhakar Maurya aniin, UP lam chhuak , Assam a seilian ani a, AR ah wireless operatorin a thawk ani awm e..Mizorama, a rawn chhuah chhohna pawh ala rei loin, a fel phian a, bakah Shillong a lehkha zir ve tawh anih avangin kan titi te pawh a inmil in, a leitur ang kan lei hnu chuan kan veng thleng min thlahin kan inthen ta a..A hnu ah pawh kan inhmu zeuh zeuh in, kan veng, Khatla a thawk alo ni bawk nen ,kan inkawm tam tial tial a, inngainatna chuan inthianthatna rawn hringin chu chuan kan inkarah mak deuh maiin hmangaihna a rawn tuh ta a..
A tira ka rin ang ngeiin ka chhungte chuan U prabs (ka koh dan a nena kan inkar a an hriat chuan an ngaihdan ani loin, an tang nasa hle a..Mahse, nula tlangval inkarah hi chuan harsatna te hi min tichaktu ah alo tang a, tette atanga min enkawltu kan chhungte kha kan do phah lek lek a…
Doral kara hmangaihna te kan tiin, a tawi zawngin sawi mai ang..Tichuan chhungte phallo chung chu kan innei lui ta a,kan inruk hnu rei vaklo ah kan Pa chu Assam lamah an sawn tak avangin, Guwahati lamah chuan kan chhuk ta a..Guwahati a kan awm hnu chuan vawi khat kan pa chhungte tlawhin Lucknow lamah ka zin a, a chhungte pawh chuan min duh loin min hmusit hle a, min be duhlo in, Hnam hnuaihnung, mimawl hnam te min ti a, Dowry te ka pekloh bawk avang chuan min hmusit a..Gwti lama kan chhoh hnu pawh chuan kan be mang tawhlo in kan pa pawh chuan min khawngaih in, min duhphah sawt hian ka hria thin.
.
Tichuan hun te a liamin fate pawh 4 lai kan nei ta a, kan khawsak a nuamlo in a harsa heklo a, chhungkua chuan kan awm chho ve nawk nawk a..Ka chhungte pawh ka be pawp lo a, ka chunga an thinrim em avang chuan biak pawh ka tum lemlo..
Mahse kan fa naupang ber a pian kum 2 na atang chuan kan pa chu a nuamlo chhoin, a hriselna a bawrhbang chho hle a, kan inentir chuan T.B a vei alo ni a, rei tak kan inenkawl hnu chuan a damloh atanga kum 1 na ah min boralsan ta a..
Mihring chu kan that lai te hi chuan hlim takin awm thin mah ila, harsatna kan tawh chiah hian laina hnai ngaih ana thin an tih hi alo dik hle a..
Chutia kan pa a boral chuan ka khua a harin ka chhungte a bikin ka nu ka ngai hle a, Kum 20 chuang hmel inhmu loin awm tawh mah ila a bula tah hawm hawm ka chak a..Kan inneih hnu khan
Kan inbe pawp tawhlo in,kan inneih tirh hnu deuh a, ka chanchin ngaihvena an rawn zin a, kan lo betha duhlo leh, kan pa thinrimna tawmpuia, kan lo induh khum kha ka inchhir thar hnuhnawh leh a..Ani reng a,khatia, kan inneih min pawmpuilo kha ka pasal pawh ka chhungte chungah a thin a rim hle a, a hnu a kan chanchin ngaihvena a, ka U leh ka nu an rawn zin pawhin alo be duhlo a, Kei lah pek chuan keitak emaw inti in kan Pa lamah tang in ka chhungte chu ka lo an khum hrep a,
Tunhnu a ka ngaihtuah hian ka inchhirin, kan Pa te kha lo hmin tum ta zawk ila a tha tur te ka ti leh a. Ka chhungte kha chuan an Fanu ina hriatchianloh, ringlo mi lehnghal a neitur kha chu ka hma ngaihna avangin an rem tilo a, min huat vang ani silo..Tichuan kan inbelo chho ta a, phone te a awmlo bawk nen a tira ka nu lehkhathawn ka dawn zeuh zeuh tihloh kha chu inbiak pawhna kan nei talo a..Hun te a liam in chanchin pawh kan inhrelo ta a..
Mahse he ka pasal thihna hian ka chhungte ngaih min tina in, ka nu pawh lehkha ka han thawn a..Chhiat tawh nak alai chuan ka Pasala chhungte chuan kan Pa Gp fund leh Pawisa laktur awm ang chu a rukin minlo laksak vek a,Kan Pa pension tlem te chauh chu ka chan pual ani ta a..
Ka chhungte pawh chuan ka lehkha an hmuh veleh ka nu leh U mama an rawn chhuk a,Kum 20 chuang inhmu tawhlo tih takah ka hnuk an ti ulhin ka tahkhum nasa hle a, Ka nu pawh alo tar tawhin, U mama pawh alo Patling tawh hle a..Ka nu te chuan ka fate nena hruai chhoh min tum alo ni a..,
Mahse ka han ngaihtuah chuan Mizorama ka kallohna a rei tawhin Nuam ka tih ka ring tawhlo a, bakah kum 20 chuang ani tawhin mami leh mama phei chu puitling ang anni tawh a, anni in chhoh an duh silo, ka han ngaihtuah a ka fate kalsan ka duh silo, tichuan ka chhungte rem tilo chu hun rei tak ka lo awm tawhna ah chuan ka fate awmpui ka thlang ta zawk a, min hawsan dawn phei chuan ka Nu phei chu a mittui a tla nasa a, U mama erawh chuan engmah a sawi lo a, min ngaihtuah tih erawh ka hria..
Mahse, ka fate mizo tawng engmah hrelo ina ,culture thar a an han awm tur chu ka ngai ngamlo a, Chu ber ai chuan tun hma a ka lo ngaihtuah ngai loh ka sakhuana min ngiahtuah thar tir a, nulat lai atnga kohhrana inhmanglo tih takah ka fate leh ka pasal ka lo kaihruai lo tawp aloni a, Hindu sakhua be hlir zingah kan awm bawk nen, ka pasal in a kaiohruai peih bawk a, ka fate chu hindu sakhua ah anlo bet nghet tawh hle alo ni a..
Hei hun te a kal a, khawsak alo harsa nen heti mai hi kan ni ta a, Mami te 2 pasal neihna ah dowry atan sum kan seng nasa nen, khawsak alo harsa ta gle a, Mama chu hei Kuhva dawrte a siam ve a, chu chu kan ei ber alo ni chho ta a, kan Pa pension lah ka fanu te 2 pasal neih nan loan ka la nen chan bar kan nei lo a,kan khawsa ve ta naw naw ani ati chuai hnap a.. Min en a, a nui suk a, mahse a rilru a thuk taka a rumna erawh ka hriatpui si..
Ka Pi, tinge I chhungte bulah I kirloh, I fate kalsan la ka han tih chuan ‘Mama fate ila nei lova I hrethiamlo ani ati chuai hnap a’ a hmel ka en a, an in te ka hawi kual a, ka khawngaih hle a,mahse ka kal dawna a sawi erawh chuan ka rilru a hneh hle thung ani, ka mita en chunga, khuh barh barh chunga,
“ Mama, hmeichhe tan chuan pasal neih kawngah hian chhungte thu awi a tha in, mal a sawm bawk tih hi I nau nula te ilo hrilh dawn nia, baka hnam dang pasal neih tum an nih phei chuan inchhut chiang rawh se, anin hmangaihna eng anga thuk nge, a theih chuan an chhungten pawmpui sela..kei pawh, kan pa damlai kha chuan min hmangaih a, min duat a, nuam salo mah ila ka hlim ve a, Mahse hnamdang pasal nei tam tak hi, an pasal te hian an hmangaih zuilo fo thin a, chu chu fimkhur rawh se.
.Ka pasal khan min duat mahse, Eng maw? Tih pui theihloh zantin mutpui chu a hreawm chang a tamin, Mizo khawtlang ina a kentel tlawmngaihna te, khawtlang inlungrualna ta kha ka ngai thin in, ka fate phei chuan tlawmngaihna an hrethiam tawhlo a, a pawi ber chu ka sakhuana ka lo ngai pawimawhlo leh ka fate ka hlauh ta hi ani” tia min hrilh chuan ka rilru a lain, hnamdang nupui pasal neih chungchang min ngaihtuah zui tir ta a, rilru chuan kan Pi i kha ka thiamlo lo, a hmangaih a nei miau a, mahse a nun kal chho zel te min ngaihtuah tir a, hmeichhe tana hnamdang neih chungchanga mipa te aia ngaihtuah tur a tam bik zia te chhut chungin Bus tawt takah chuan ka insawh phei leh ta a….
October 23rd, 2011 at 2:05 pm
sei ve le, chhiar phawt ang
October 23rd, 2011 at 2:10 pm
Se…..i ve….
October 23rd, 2011 at 2:12 pm
lo sei nih hi
October 23rd, 2011 at 2:12 pm
va sei ve.. khap phawt ilah.. chiar ang…
October 23rd, 2011 at 2:23 pm
Hnam dang nupui/pasala nei reng reng, kei chuan ka huphurh pui sa pang zel. Ka inchhir tia sawi tam tak chu, hnamdang nupui/pasal nei an ni ang.
An tuh rah an seng a ni e, ka khawngaih peih vak lem lo.
Hnam dang tih ka sawi zawng ringawt pawhin, ka mur chum chum zel.
October 23rd, 2011 at 2:26 pm
chhiar chhuak e, a tha khawp mai, i ziak thiam e.. chuan hnam dang nupui pasal neih chungchangah min vaw harhtu ni se ka ti khawp mai…
October 23rd, 2011 at 2:30 pm
Chhiarchhuak e, ngaihnawm khawp mai… Nula ho in chhiar ngei rawh se.
October 23rd, 2011 at 2:31 pm
A ngaihnawm riap riap hle mai. True story a nih loh paw’n hetiang deuh hi chu an awm nual ang. Ka hmu nual tawh tlats.
October 23rd, 2011 at 3:12 pm
#8.True story ani e, a U fanu phei chu ka hria, hmeltha topz
October 23rd, 2011 at 3:21 pm
kei pawh hian ka neih hmel …
October 23rd, 2011 at 3:57 pm
True story anih lo pawn true story ani hrim hrim ang ka lo ti rilru reng a.
Thu ziak tha tak anih hi..Vanglainiah emaw chhuah chi anih hi a, tunlai hot topic ani bawk si a (Y)
October 23rd, 2011 at 3:57 pm
Ka chhiar chhuak dap mai… in enfiah nan a tha hle mai. A tak tak a tawngtu ngeiin a sawi a ni bawk a, a dik ngei ang. Hnam dang nupui/pasal atan a neih zawng ka thlawp lo ve tawk a ni.. “Mizo mipa pasal atan neih tlak an awm lo” tih vel te chu duhtui lutuk vang mai mai…hehe
October 23rd, 2011 at 4:02 pm
A va ngaihnawm ve! Ka chhiar chhuak awlsam khawp mai. Zirtir nei leh awmze nei a ni e. Hmangaihte nei turin zalenna nei pawh ni ila ‘a tha ber em?’ tia inchhut chian a pawimawh hle a ni, hnam dang neih chungchangah ngat chuan.
Mahse, ka mit la zeuhtu a awm tlat. ‘Hlauh’ leh ‘hloh’ kan sawi pawlh thin hi chu a va tha lo em! A awmzia a inang lo bawk sia. Last para_a ‘hlauh’ i hmanna pawh hi ‘hloh tih tur a ni.
Guwahati i sawi takah chuan Ghy lamah hian mi(sual) an awm hlawm em le?
October 23rd, 2011 at 4:07 pm
Kan fate hi kum 13/14 an tlin hma chu Hostel ah emaw ramdanga lehkha zirin i awm hran tir lo ang u. Sunday School hi Beginner to Senior kalkim ngei2 tur a enkawl tur a ni bawk. Tin, kum 13/14 hnuai lama an nun hi an future a tan a pawimawh tawp tih hriat tur, mi kut a dah mai mai loh tur.
Tuna kan pi nun ah pawh khian a harsatna in tanna ka suangtuah thiam phak a awm nual a ni. Hmangaihna hi engah pawh apiang thei, a pian tir tu chu kan nun dan a zir zel a ni. True Love erawh chu pakhat chiah a awm, Thu Tak kawng pawhtu Isua sawi kha.
Kan chettlatna leh khawsak tamna zir hian hmangaihna kan tih tam ber hi a in siksawi kual vel mai2 a ni tih hi ka zir chiang tawh…lolzz
October 23rd, 2011 at 4:14 pm
Hnamdang neih hi chu thu hranah lo dah rih ila, chhungte leh thiante kalsan zawnga mahni hlimna chauh ngaihtuah hi thil tih loh tawp tur ani tih hi hriat a tha khawpmai.
Inneih lama ka ngaihdan ah chuan, hmangaih deuh tehi then mahila thalai nih lai chuan an mahni kan theihnghilh hmiah theilo anih pawhin hmangaih deuh dang hi an rawn awm leh zel. Chuvangin hmangaih tur thlan thiam hi a tha ka ti. 😉
Ngaihzawng duh deuh neih dek dek a hmangaih dang nei thei tawhlo tur, an tello awm theilo tur… etc. ang zawng rilru put tlat thin hi a experience neih loh thlak. hehe 😛
October 23rd, 2011 at 4:25 pm
#13, aw awm e..chemtatrawta nen hi chuan ka awm tohlo a,tunah chuan CFL a ala a awm e.an khaipa ber ala ni e.
October 23rd, 2011 at 5:08 pm
@lamea25, ka lawm e. Tun atang chuan Ghy hi ka sawi fo tawh rih dawn niin a lang.
October 23rd, 2011 at 5:23 pm
guwahati thleng a thui in i thaikawi peih a ni maw? I pi chu a khuh ve beuh beuh chuan, a TB ve reng te ni lo maw, an pa TB in thi bawk si a @lamea25
October 23rd, 2011 at 5:30 pm
#17, duh deuh i nei ami.nui nui…
October 23rd, 2011 at 5:54 pm
@13, “Hlauh” a hmanna hi “Hloh” tih zawk tur a nih zawk dan kha ka man thiam mai lo a kei misual hian, chiang deuh in min lo hrilhfiah thei a ngem. Mizo tawng ziak hman dan dik zir hi kan mamawh khawp tak a sin. (Y)
October 23rd, 2011 at 6:07 pm
@Huau2: Hlauh chu Fear ania, Hloh chu loss …. Dik chiang em aw Pu muante 🙂
October 23rd, 2011 at 6:16 pm
Post-tupa i thawh tha thlawt e. (y)
Tin, i ngaihsanawm khawp mai, vairamah pawh mizo i nihna ti lang thei tur (ipte) ila inbel khi ka chhuang khawp mai che. (Y)
Mizotawng ziak erawh inzir chu kan ngai tlangpui hlawm a nih hi maw. A thiam deuh a ka ngaih ho ziah dan hi ka chik thin khawp mai, hma pawh ka sawnpui khawpin ka hria.
October 23rd, 2011 at 6:18 pm
@21 Fear chu “Hlau”, “Hlauh” chu loss, ka hriat ve thin dan a nia.
“a pawi ber chu ka sakhuana ka lo ngai pawimawhlo leh ka fate ka hlauh ta hi ani”
A ziah dan hi chuan a fate a “hlauh(loss)” tihna lampang a nih hmel lo maw? 😉
October 23rd, 2011 at 6:30 pm
#23..hloh hy loss sawina niin k hria a, hlauh poh hi afraid,fear anga hman thin ni mahse, loss tih sawinan pawh a hman theih in ka hria..mizo tawng ropui na,ZANG tih pawh a hman dan a zirin aawmzia a dang thei emai
October 23rd, 2011 at 6:32 pm
A tha hle mai (Y)
Kei zawng ka thlang mizo val ngei….. mahse min duhtu hi an vang ani 😉 😛
October 23rd, 2011 at 6:55 pm
Kan chhiar thuak a, ka chhiar tha leh a, a thu ken khi ka thupui fo ani thin. Fuihna tha tak, thu ken awmze nei tak a ni e. (Y)
GHY i sawi sa sa, i kalna, awmna veng te han sawi tella, kan lo mitthla thui zual thei tur.
dolly dollz#25 “Kan phutawk theuh an piang,” an tia lawm le (Y)
October 23rd, 2011 at 7:04 pm
Lesson tha tak ni teh se. (Y) Keipawh #11 rawtna ang khian nitin chanchinbu lamah pek a tha ka ti…awareness kan neih zual deuh2 angai reng ani.
Hmangaih tak te neih hi a tha ber nameuh mai,mahse….post-a kan hmuh ang khian,a hmangaihtu ber kha thi ta se….kan hrethiam tawh mai ang chu. Black kawp chungchang ah pawh hei hi ka ngaihdan nghet tak ani. An duh chuan neiin an ramah zui haw rawh se,tam tak chuan an duh meuh lo ang,a duh a an partner te’n a hmangaih ve tak2 te paw’n hei hi hria se…. A hmangaih tak tu te an awm loh hnuah eng harsatna nge an in huam…inchhut chiang se. Chuta an la ngam zel anih chuan hmangaihna dik ani e,nei rawh se. Inchhirna thu hi chhak chhuak chhak chhuak suh se.
October 23rd, 2011 at 7:08 pm
@#23: “Hlau” chu ‘afraid’ tihna a ni a, ‘hlauh’ chu ‘fear’ tihna a ni. Entirnan:
1. Ṭêk a tla ang tihte hi ka hlau ania!
2. Ṭêk tihte hi keichu ka hlauh záwng tak a ni!
‘Loss’ tlukpui erawh chu, ‘hloh’ tih hi a ni e. ‘Hlauh’ tih vëk hi, ‘Fear’ mai piah lamah, ‘Luckily’ tih tlukpui ang deuhin a hman theih. Entirnan:
1. Ka chabi hloh kha ka hmu leh hlauh a, ka läwm tak tak a ni.
October 23rd, 2011 at 7:12 pm
A sei viau a,ngaihnawm viau bawk a,ngaihtuah a ti thui viau bawk..nitin chanchinbu lamah mi tam zawkin an chhiar theih tur a chhuah atan a va tha awm ve
Chuan mawm.. Hloh leh hlauh hi a awmzia hrehrang lo te’n an hman pawlh thin avangin hman kawp theih anga ngai an tam khawp mai
Hloh- ti bo,chan,(to lose,loss)
Hlauh -hlau(afraid,to fear)atanga lokal
October 23rd, 2011 at 7:19 pm
a post tupa ni mah ila, in fak der a,a lawmawm e,chanchinbu lama chhuah duh tan ka phal e
October 23rd, 2011 at 8:32 pm
@28 Mizo tawng hi chu a ziak a han in hrilhfiah a har em mai, a tu a te pawh keimah ni a kan lam rik dan chuan kan dik vek e, ziak a in hrilhfiah tak tak thei tur chuan a thluk dan tur chhinchhiahna(sign.) mumal tak kan siam a ngai a ni.. kan word zawng zawng deuhthaw hi chu a lam dan azir a awmze dang nei vek an ni hlawm bawk sia.
Entik thla nge ka chiang tawh lo Pu Vanneihtluanga’n a Lengzem megazine a tan bik thluk dan tur chhinchhiahna a rawn duang chhuak kha a tha ka ti khawp mai. Hnamdang tan mizo tawng thiam a ti har em mai, thang thar lehzel te tan a pawimawh tulh tulh dawn tlat.. (Y) (Y) 🙂
Topic dang kan sawi tak vak chu le, in hriatthiam ah kan ti a niang chu. Post zirtir nei tha tak ani, kan hnam hian kan mamawh a, kan la mamawh zel bok ang, kan la dam te a nih chuan Pathian zarah. (H) (Y) Post tha tak a ni a ngaihnawm a thui dan ngaihtuah in a boring miahlo i ziakthiam.
October 23rd, 2011 at 8:46 pm
Hnamdang neih chungchang sawi apiangin hmeichhe lam sawi ani ziah bik mai. Hmeichhe tan chuan lo tha loin, tih chi loh viau ni ta se, enge mipa lam in nei ve ta se..hmeichhe lam experience chu kan hre hnem ta, mipa hnamdang nei lam experience ve thung hi le..ka hriat chak zawng tak ani 😉
October 23rd, 2011 at 9:05 pm
#32, Kan hriat chak a in ang…
October 23rd, 2011 at 9:08 pm
@33 dolly dollz, an sawi duh loh chuan kan kal sual a nih pawhin kan thisen mawh phur rawh se. Enge kan ko vei lawm lawm a, kohna an chhan loh 😛
October 23rd, 2011 at 9:08 pm
doc_lib#32: Mizo mipa in hnamdang nula hmeltha deuh an neih chuan, an ‘HIT fuh’ an ti. 😀 😛
October 23rd, 2011 at 9:19 pm
Mizo mipa (hnamdang pawh) in hnamdang a neihin an fa chu Mizo a ni. Mizo hmeichhia in hnamdang a neihin an fa chu Mizo a nilo. Mizo kan punglo tihna etc etc.
October 23rd, 2011 at 9:24 pm
@ 36 HV, chu mipa tan chuan a pawi vak lo ami hnamdang han neih kha. Ka phur deuh surhin ka hria i comment kan chhiar a tang khan 😛
October 23rd, 2011 at 9:38 pm
A va tha tehlul em. Kan nulate chhiar ngei tura phochhuah chi a ni e.
Hnamdang nupuia nei hi ngaimawh tham an la awm lo a nih ka ring pasala nei te angin. Inneih pawlh loh hian a fihlim thlak ber ang chu.
Lalliana Mualchin kha nupui nei turin a rawn haw vang vang an ti.
October 23rd, 2011 at 9:38 pm
A va tha tehlul em. Kan nulate chhiar ngei tura phochhuah chi a ni e.
Hnamdang nupuia nei hi ngaimawh tham an la awm lo a nih ka ring pasala nei te angin. Inneih pawlh loh hian a fihlim thlak ber ang chu.
Lalliana Mualchin kha US atangin nupui nei turin a rawn haw vang vang an ti.
October 23rd, 2011 at 9:38 pm
Hnamdang pasal nei hi hetiang a sawi tur hi an awm nual mai…a pawi khawp mai. Thalai nih lai hi chuan engpawh hi kan hmachhawn cho zak thin, mahse thil hi a lo ngaireng thei thin si lova… Kan mhip lam hian an dawn chiang chu angai ani.
@ lamea25 kapi i tih khi ka hriat kha anih ka ring ve deuh….mai2 a..:-)
October 23rd, 2011 at 11:32 pm
Mizo hmeichhia-in hnamdang pasala an neih hi a pawi viau. Mahse, an thu a nia, an lo tuar ta deuh a nih pawhin ‘an tuh rah an seng’ a la tih theih. Pawi ka tihpui em em zawk thin chu, an fate chan hrehawm zia hi a ni.
An pate khaw lama an kal ta daih a nih law law chuan Mizo culture an kalsan law law thei a, a la zia awm. Mizoram chhunga awm bikte hi an khawngaihthlak ka ti thin. An rilru chhungril hi a ruk takin nuam lo tihna hian a tuam reng a ni. Mizo rilru puin Mizo dik takin an sei lian ve si; a nihna dik tak han chhutin a ni chiah thei bawk si lo. Hmel leh sakruang lan danah thlahpawlh tih an lang tlat bawk si. Heng zawng zawng hi an duh vanga lo thleng a ni bik bawk si lo. Mahni tihsual ni miah lovah inthlahrung takin hun an hmang ringawt mai a ni.
Chuvangin hnam dang pasala neih hi mahni-ah chuan la zia thei mahse, thlahte zelah hian a fuh thei mawlh lo a ni, tih hre thar teh ang u.
Post tha tak a ni e. (Y)
October 24th, 2011 at 8:13 am
hnamdang neih hi a tha ka ti, a bikin vai leh sap te hi. Mizo te hi in chi a chhia in intawi tirh terh sia, in hmelchhe bawk sia, vai leh sap chi tha in a mix hnu ah thlahpawlh ho hi chu tlemin an hleitlingin an hmel pawh a mawi deuh a lawm. (&)
October 24th, 2011 at 8:31 am
#42. hi ka (N) .
October 25th, 2011 at 1:53 pm
va ziak tha thuai thuai ve aw, a hmun hi hriat a va chakawm ve. GMWA ten puih theih dan kan neih tak mialin