(Picture lam chu midang kutah a tam e. Ka duh duh ka sawi tawp dawn)
Lo…
Picture ka post dawn lo. Picture ka nei ve bawk lo. Ka post thiam bawk lo. Thiam pawh ni ila, ka peih hek lo. Ka hmeltha ber lo. Ka fel ber lo, ka thleng hmasa ber hek lo. First paragraph “lo” vek a, a tawp avangin ka uang kher lo.
Lamtluang chu-
Ni 26/10/2011 zing dar 7 velah Maxi Cab in ka chhuak a. Kan engineer thiam tak tak te’n duhthala an kawng siam chhiat zia kha. Kal lamin tukhum paw thur leh chhipa chirh kai luaiin ka thleng rup a. Mahse, a pawi therte lo. Ka inhmeh êm êm vek tho alawm, a chhan chu ka hmeltha tlat alawm.
Aizawl lam pawh kalkawngah an rawn chhe hlek a ni awm a. Tupa zak thei lo in, battery a zunkhum a; an lo thleng hram a nih hmel.
Pi Dari hotel ngeiah-
Ka ril a tam lutuk tlat. Ka thlen hnu chuan, nak veilam puar pawg leh dul hmul khát phuarin ka ei ang ka ti ran ran a. Ka chhipa chirh kai luaite chu ka nam thla tawp tawp, ka in beng fai thuak thuak a.
Chaw ei ang.
Eng hotel berah nge ka ei ang? Pi Dari hotel a awm em tiin ka zawng ru ran ran a, a awm chiah lo a ni ang. Rinzual hotelah puar mangkhenga kan ei nual kha. Ei leh in, hmel lamah chuan, ka buai ve loh na lam tak a ni. Ka buai ring suh.
Base camp lamah-
Dar 12 dawnah Taxi in ka tlan chho chauh va. Ka thleng hmasa ber ni a ka inngaih laiin, lo in report hmasa Pu Shailendra a thleng hmasa ta ber. Thleng hmasa ber award awm ta ang se, inhnial luai luai tham a ni tlat. Mai mai a.
An lo thu thup tawh a. Ka zawm mai hreh deuh va. Ka zahzelah Scooter upa lam tawhah ka thu chut a. Ka thu hman awrh tihin, pa lian pui mai a lo phei thurh thurh a. E heu, hei chu min hnek a tum chiang. Min hnek a tum vaih chuan, thing tang hian ka khawng kawrh ang.
Misual dot commer mi i ni em? Aw, ni e. I nick sawi a thiang em? Tehreng mai, lr hlonchhing ka ni a. E..e, i va ti tha ve. As_khiangte. A va nuam em! Min inhmel hriattir ta vek a, an va han fel tak em.
Hei le TuaiSialA leh dolly-
Apple ka khel bup bup a. Bus a an rawn thlen rup ka rin laiin, car in an rawn thlen belh ta sup sup a. A mah avanga ka kal ngamna, TuaiSialA ka hmu. Kan inchibai, kan lawm ngei mai.
Hmeichhe pakhat ka chibai, “lr hlonchhing” E..e, ka hria. Dolly. Kha in rawn tluang maw ka ti dek dek, a meng khup lap a. “Ka phu lo che” Ngawi teh, ngawi teh, insum a har khawp.
An hraw the thaw hlawm mang e. Mahse, naupang ber ka nihna theihnghilh thak khawpin min buaipui hlawm, an zinga awm a va nuam em!
Vantawngkhawhthla chu-
Kan kim thep thawp hnu chuan, kan chhuk thla ta a. Pu Davida carin kan chhuk a, a fel ngei mai. Pu Shailendra leh Pu Chawnghilh ten a tir atangin, an hmet ri chuai chuai reng a. Thlalak an ngah tiar tiar khawp ang. Roll film hman uar lai chu nise, GMI chhung khan roll film 10 vel zet an hmet zo hrim hrim.
Kan hmet puak tek tek hlawm. Mobile nen, a hmehtheih zawng zawng chu an puak tek tek a ni ber e.
Thianpa TuaiSialA nen Vantawngkhawhthla kan inkarah kan khawh thlak tir vel a nih kha. Ka dingdihlip ru zauh zauh va, a pawi reng reng lo. “Tunge sang zawk?” an lo ti kher a nih kha.
Chawngchilhi pûkah-
Kan tlan thla leh zel a. Chawngchilhi pûkah, ban phar meuhvin thla kan lak ho kha. Duhaiin a lo hnim a, vangvat hlau pawl kan awm bawk nen; kan kim em ka hre mai lo.
Rulpui pûk tak phei chu a lang thei tawh mai lo, kan zawng deuh nual nain; kan hmu ta lo. Let lamah Pu Kawlhawka chiang zet zetin a tlu. Mahse, kan dem love, lei kha an tang rual duh lo em atin a nih kha.
Tui cheng ang-
Kan tlan thla zel a. Vanva lui hnar lamah tui kan zuk cheng siau siau. Ka underwear thing chi ka keng khanglang, duh ang thalin ka cheng ngam ta lo.
Pu mzvision, kawlhawk, As_khiangte, ninja, chawnghilh te tui cheng reng a hmuhnawm. Michael Phelps kan mamawh reng reng lo, kan thiam êm. Thenkhat sangha ang hlauh, thenkhat erawh lungtum tuia thlak ang hlauh. Chhuah leh zai reng rel lo tur e an ni.
Pu mzvision khingpha kan awm ngang lo. Darkar khat vel zet kan chen hnuin, kan khur hlum lo chauh va. A ni zawng, hnung zawngin a la inbin thak thak.
Lam ang let in-
Lam ang let zai kan rel ta a. Base camp kan thleng, hla an play dup dup a. “Mate ainawn” reng break dance a hneh e. Mi lamkual pui zek zek, thingtum ang maiin ka ding khawng tung a. Zei lo theih ngei mai. Hre rawh, kan thlahtute thlah leh chhawng thlenga, lam ngai lo thah.
Kan lam, kan zai, kan ei, kan nui- a va nuam êm.
Pu Chawnghilh rock starah a inngai tlat a, a kut a perh nuap nuap. A ki te a thlak kual thul, a zai bang chuang lova. Beng, mit, pum an nihlawh chung chuang e.
Mate ainawn nuam a ti bei a, nuam ti ber award; i he lova hlan chi a ni.
Intlan siak ka chák-
Dul offside zut khawpa kan ei hnuin, Pu Chawnghilh a phur ta hlut mai. Chaw ei kham hlim puar vanglaiin, “Intlan siak ka va châk e…” a ti vawng vawng. A zuang theuh theuh va, mi chawhhlim leh phúr a va thiam tak êm.
Tlan thei leh tlan peih kan awm ngang lo a ni ber e. Kan thu mawm hmuk hmuk. Pumpui elastic a mar tha pang pang e, kan puar, kan fan e. “Rahte, rahte lo haw rawh” min ti mah se, “Ka puar e, ka fan e” kan ti ngei ang le.
Thenzawlah zawng lunglen a nâ e-
Haw hmasa ber nih tum nak alaiin, a hnung khartu ah kan tang ta hlauh. Pu Shailendra te ho nen kan awm khawm a, a hnung kan khar ta a nih kha. A nelawm mang e, nel loh tum mah ila; a nel loh theih loh. A phun a phun a, ” a va ho teh tawl ve” a ti nuap nuap a. Kan kham lo tlang a ni e.
PWD bangla-ah kan riak a. A tuk zingah U Ruata(shailendra driver) min thlah thlap a, ka va lawm ve. Ninja te ina riah tum ka ni zawk mah a, ka riak ta lo a nih kha.
In ka thlenin, ka khup hit sawk khawpin ka tauh sawk a. Ka serthlum hawn ka bun lut rúih a. Chaw ei khamah, Haihawta(Tsa) kap a lo thak leh hman a, ka kapthak ka hiah leh hram a nìh kha.
Thank you-
Shailendra, mzvision, As_khiangte, chawnghilh, mate ainawn, nastycool, littlerascal, dolly dollz, marvinic- ka lam seng lo. In chungah lawmthu ka sawi mawlh mawlh e. Ka lam hmaih an awm teuh mai, ka lam vekah min ngaihsak teh un. In zinga tela nuamin, in va fel tak em ve aw.
A bik takin TuaiSialA chungah lawmthu ka sawi a. Amah vang chauhva kal ngam ka ni e.
Nilengin kan inzui a, min va care thiam tak. Kawng engkimah ka ráwn ber a ni a, he post hi a tan ka hlan e. A chungah lawmthu sawi mawlh mawlh tur ka ni- KA LAWM E.
Bonus: Thenzawl nula pakhat hnenah, “I nu leh pate an hmeltha ngawt ang a” ka’n tih hnap kha. Min vei rem rem khawp ang.
Similar Posts:
- A mak ka ti!
- Section-I Day Out
- Hei le, OT Huang Reloaded!
- Ka GMI zinkawng
- Che hlek a MI ti reng mai…
Lairil a fan ngawih ngawih e. Ni e...
October 27th, 2011 at 10:22 pm
Ka tel ve lo na a, comment lamah first mai ang aw… 😀
October 27th, 2011 at 10:29 pm
nawm hmel..dolly a hmelthat hmel ka ti
October 27th, 2011 at 10:30 pm
#1 fair lo comment close reng sia… … report thiam lutuk a, kal ve lo kan inchhir rum rum mai dawn lawm le..
October 27th, 2011 at 10:31 pm
Ka velh ba i nih kha theihnghilh suh. Hun fal ka nei hman lo kha i him phah! 🙂
October 27th, 2011 at 10:32 pm
Het chhet thret! Kan comment ngam dawn hleinem! Thleng hmasa ber award chu ka hlan a che. A ngaihnawm zauh zauh mang e!
Ka lawm e.
I tan chauh,
TuaiSialA.
October 27th, 2011 at 10:32 pm
#2. A sexy tawp 😛
October 27th, 2011 at 10:35 pm
i va report thiam tak…kal ve chakawm mang e.
October 27th, 2011 at 10:37 pm
Ka chhiar chhuak dap e. I ziak thiam mang e. Kal ve lo tana inchhir ruk vung vung na tur khawpin i ziak thiam alawm. Chu kan hotute chu an fel hlawm hle mai maw. Ka ralkhat hriat Chawnghilh te hi chu an ‘class’ alawm.
October 27th, 2011 at 10:41 pm
Mizotawng dik lo lai leh hawrawp dik lo a awm nual. Ka hmanhmawh em a, min hrethiams teh un.
Ka lawm e.
Lr
October 27th, 2011 at 10:44 pm
Lra nen kan vawikhat inhmuhnaah kan inkawmngeih nghal. A fel ka ti. A chanchin ka’n hre zau phei chu ka tluk lo ngawih ngawih. A inngaitlawm thiam si, thu a awih ropui si! Kal loh a tum khan ka va hauh hrep kha a ni a, thu a awih vangin a rawn kal kha a ni a… (ehems) Lunglei lama zui phei nghal ka châk zia kha aw.. Ka hman ngang si lo.
October 27th, 2011 at 10:45 pm
Misual-ah ‘naupang naupang’ kan ti duh hleinem. Intih upat hle tur. A upa deuh apiang hi an naupang chhe thar leh thiam a, nuam deuh asin! Kha mah mah kan tel lo leh nghal!
October 27th, 2011 at 10:47 pm
@Ts, i ti zahthlak e a.
I tan a rinawm,
Lr
October 27th, 2011 at 10:54 pm
a va nawm hmel ve.
October 27th, 2011 at 10:54 pm
Ni e. K’u Kawnga comment khi a dik a ni. Lr, ka hrilh che kha hre reng rawh. Kum leh upat chungchang hi ngawihpui rawh. 😛
Ka lawm e.
I tan chauh,
TuaiSialA.
October 27th, 2011 at 10:59 pm
khai a.. Ka hming ari velo. Ka comment lo tep ani. Shalla.. Zan i room mate i theihngilh. Zing dar3 vela tui bottle ikheuh hawnga i lem rik khulh khulh kha ka sawi maitur ania. Zingtawkah minla ti harh zui. Shala..
October 27th, 2011 at 11:02 pm
tuitla tur i chhanchhuah pawh kha
October 27th, 2011 at 11:02 pm
http://i44.tinypic.com/11rgmbk.jpg
lr-a/ pawstupa chu nula bulah a tap nileng thak. (a no khi thingpui no a nih khi :p ) Ka duat ve hlak hman lo. 🙂
October 27th, 2011 at 11:02 pm
@matea_tmj, Ka hmanhmawh lutuk a, ka buai zo vek. Ka lamah ngai mai rawh. 😀
October 27th, 2011 at 11:02 pm
Tel ve lo tan chuan sawi tur ava vang duh ve….. MI nuam tak a ni ngei ang…
October 27th, 2011 at 11:05 pm
#17. A va fair love. A chhe ber min dahsak chu le. 😛
October 27th, 2011 at 11:06 pm
@lr, ka hrethiam theilo. I room mate min hmaih. I pic ka release ve khawp ang
October 27th, 2011 at 11:07 pm
A nuam dawn tih ka chiang, hmuifang pawh kha mah mah! Pic lam te hi kan naute Pu Mza, AS-K leh Ka nau chuam bik Shailendra te ho hian an thup bo mai phal in ka ringlo, Nghak phawt ang.
October 27th, 2011 at 11:07 pm
#16, A mah ngeiin post ka siam dawn a tih kha maw. Siam loh vaih, pawi ang. 😉
October 27th, 2011 at 11:08 pm
kawlhawk pic khi kan tlangzarh ve dawn mi? Ka post arawn chhuak ve trep ang chu maw’
October 27th, 2011 at 11:10 pm
@21. Dahthat chi a nih kha aw. Roh hle ang che, relaease chi miah lo. Rohlu… 😀
October 27th, 2011 at 11:11 pm
He post hi comment ngam tur ka ni em aw… :p
Kal teuh ber award ka inpe mai ange, last hour ah hnial rual loh Lei Pathian te hnen atangin kal phalna order cancel anih thu ka hre chiah kha chu ka tliak hnawp, Pu Shaia leh Matea kal tur mittui nen ka vailiam ta anih kha.. 🙁
Hun hlimawm tak in hmang a, ka lawmpui tak meuh meuh che u..
October 27th, 2011 at 11:11 pm
@24. Tlangzarh rawh. Tren tren…
October 27th, 2011 at 11:13 pm
Hei hei, sisen a rawn lang e. Vaw nek teh u. 😛
October 27th, 2011 at 11:16 pm
@Sisen, ilo chhuk leh daih sia
October 27th, 2011 at 11:16 pm
Sisena lei Pathian ‘diktak’ chu ka hre rin ran mai siah!
October 27th, 2011 at 11:18 pm
Ha3..
October 27th, 2011 at 11:20 pm
Sisena pathian chu A NU lam tihna va nih hmel ve. Sawi chiang teh u 😉
October 27th, 2011 at 11:39 pm
Pu muantea a kal ve em? A nawm hmel hle mai.
October 27th, 2011 at 11:40 pm
Ka kal ve tawh khawp ang, tih leh hun chu.
Ka muhil thei lova, log in leh khit mai. :d
tren tren.
October 27th, 2011 at 11:42 pm
Insawi nuam chawp.. Min awhchik nan… hairehai.. Tih leh hun chu`h….ka hmaih tawhlo ang mawle….
TuaiSialA leh lr hlonchhing, ni ru ni ru… Ni ngei ngei ru…
October 27th, 2011 at 11:43 pm
Insawi nuam chawp.. Min awhchik nan… hairehai.. Tih leh hun chu`h….ka hmaih tawhlo ang mawle….
TuaiSialA leh lr hlonchhing, ni ru ni ru… Ni ngei ngei ru…
October 27th, 2011 at 11:43 pm
@Vakul, kal chiah lo.
October 27th, 2011 at 11:48 pm
I report pek dan style chu a unique in chhiar a ti nuam phian mai.
Ka la MI veloa, YMA picnic kan neihlai min ngaih tir ve vung vung thei alawm 🙂 (Y)
October 27th, 2011 at 11:50 pm
hu2 ka kal ve rengt
October 28th, 2011 at 12:04 am
Kal chiah lo a?a rawt lamah a phur phur nen tinge aw? Chiah lai erawh ka man chiah lo.
October 28th, 2011 at 12:32 am
Ka tel lovin in lo MI vel a, min va ngai lo hlawm ve mawle aw…. Ka chak tawp ania….
October 28th, 2011 at 12:43 am
A ngaihnawm eee…
Dik chiah chuan thau deuh deuh hlir an kal ka ring a,in pian a lo nalh zek hlawm si a,ka kal ve ta lo chu aw…
October 28th, 2011 at 1:18 am
Van ziakthiam reuh ve!! Bonus khi ngeiawm vel eeee 😀
October 28th, 2011 at 1:31 am
Main Page a Mi{sual} Dot Commers hlang inhmuhkhawn kha a lo va nuam tak em…tih chiah ka Expi….Misual nih hi a lo va nuamin-a lo va hlimawm tak a ni zi ri shi thruaish …
Nikum MI ngai khan kei zawng ka Kur a nih hi ;-( ;-( :-S ..Leitlangpui tel lo chuan..
October 28th, 2011 at 1:51 am
mate ainawn, Leitlangpui lam an rawn tel nange a?!! :-O :-S
Ka tel ve chak tho tho. 🙂
October 28th, 2011 at 3:49 am
thlalak a awmlo a, a ho tlat. Kawlhawk enge i thlalak chu in thaichhiat vel le, misual tak i ni… 😉
October 28th, 2011 at 7:11 am
a va han hlimawm tak em. Chaw ei dawn a bo te kha rawn in report teh u. Haha.. Thlalak album, matea-tmj in a rawn release hluai dawn a nia. Uchang ang ak tak pawh an lan duh hmel 😛
October 28th, 2011 at 7:42 am
Vawiin lamah thlalak beisei ang aw. Mahse Vakula nen chuan Question mark lian tak kan nei tlat. “Pu muantea hi a sawi hot thei hle si a, engatinge a tel leh ngai si loh? A boruak a khawvel lutuk thin a, tel ve tak takna chiah a ngai lo nge, a nupui a ngamloh vang mai mai?” tih hi rilruah a riak tlat. Min convince a ngai ang. Nakum lama kan rawn chhuah hunah, chaweina tur ka hual lawk ta nual mai.haha…
October 28th, 2011 at 7:43 am
Kan chhiar chhuah dap chu, hlimawm hmel hle mai.
Post tupa, ka hrang aniang ka lo telve ringawt khi
October 28th, 2011 at 7:52 am
Kan khuaa MI chu kal ve ka tum nen..thil pawimawh avangin ka zin a ngai ta si a..
October 28th, 2011 at 8:11 am
Ziak ngaihnawm hle mai. Post tupa hi fel tak a bula awm nuam ta a ni e.
Aizawl atanga kalten Hmuifang park a tukthuan kan ei kha a nuam hle tawh a ni, Kawlhawk te nupa an rawn inbuatsaih nasa bawka an ni zarah chaw leh sa kan ei seng thlawt lo.
kan hun hman zawng zawng kha a nuam em em vek e. Rin aiin Vantawngkhawhthla chu a ropui, a hmuhnawm. La hmu ve lo tak chuan hmuh ve chi tak a ni.
October 28th, 2011 at 8:11 am
ngai ka ka awh hlei thei lo. Ka la ni deuh huih mai. Dar 8 vel a min kalsan duak, matea-tmj leh lr hlonchhing nen a kan awm rak rak mai kha chu a van khawharthlaak duh rak em.
October 28th, 2011 at 8:12 am
Ka kal chak lutuk a, ka khualzinna ka insawn lai ania.. Ka hman talo.. Ku saitawk leh kukawnga poh an tel chuang hlei nem !
October 28th, 2011 at 8:17 am
Van nawm hmel ve. Hemi ni hian GMI rilru a hre reng chungin nau ka awi mu
October 28th, 2011 at 8:23 am
nakumah chuan kal ve tawh ang
October 28th, 2011 at 8:24 am
#49, fb a little leh misuala littlerascal te hi an dangin ka hria. Ka sawi zawk hi chu, fb a mi a ni mai thei.
October 28th, 2011 at 8:30 am
Lr keichu “littlerascal ka nia, a ni chu “Little Rascal” a nih kha min lo hriatpawlh tawh suh, a in anglo te mai ania
October 28th, 2011 at 8:37 am
littlelaskar pawh an ti thin bawk
October 28th, 2011 at 8:43 am
#58
October 28th, 2011 at 10:53 am
Ziak ngaihnawm thei khawp mai.
Kum leh Puitlin chu ngaihpawlh duh tawh suh. Puitlin hi kumah a in nghat lutuk lem lo.
Leitlang lam an tel lo chu mak ka ti deuh.
I bonus khi…. zei heuh heuh thei riau mai. Tu tak chhun che maw.
October 28th, 2011 at 12:58 pm
Sawi ngaihnawm e, boruak pawh a zangkhai vah dawn hi
October 28th, 2011 at 2:20 pm
@57 Little te..i lo haw hunah kan ti leh dawn nia..
October 28th, 2011 at 2:58 pm
Chhiar hmasa lovin ka komen hmasa vel a..ka va inchhir
…Pu lr hlonchhing..i in la young lutuk 
.I Pic hi a malin post luau mai tur a nia…
Nuam ti award kha chu lak ngei tuma bei ka nia
Chawnghilh nen concert neih tum a kal hrim hrim kan nia
October 28th, 2011 at 3:59 pm
a thu han ziah dan mai2 chu,a hmel chu hmulo ila ka sitar viau ang,mate lr kan din dun khan min chungmelh tlatin ka hria,akeke,tuihleuh na na na kha chu i pumin a zo vang hrim2 ah ka ngaihsak maiang ce,nangmah ai chuan tui chhunga breakdance tih ka hneh zawk hrim2,mate nen poh inkuah chungin ‘an lunglengve ngei ang’ kan ti dun hnaps,nuam dangdai khop mai, shailendra hian a hmel a thup tlat,ka lungoi chiahlo
October 28th, 2011 at 5:33 pm
nawm hmel khawp mai..thu ziak tu in ziak thiam bawk a..chhiar zawng ringawt pawn khi sung mai lawm..tih leh hun chu ka tel tawh chiang viau a ng chu..tuihleuh ah chua Ngaitei hi ka dah nil hrim hrim…;-)
