Article hi ka ziak ve zeuh zeuh thin a,mahse ka pen hmanthiam leh lehkhapuan nen inchhawp a,kut ngeia ka ziah loh hi chuan “thu” hi ka rilru ah hian a lut thei mai thin lo. Mahse tunah chuan computer a type paha ngaihtuah dan pawh ka thiam ve ta viau mai,chutichung chuan kut a ziah hmasak phawt hi ka la ching viau tho.
Hetiang ka nih avang hian mi(sual) ah pawh thil post tur tha deuh neia ka inhriat pawh hian ka ziak hman thin si lo a,ka thulh leh thin a,tun tum zawng tih patawk kan chhuah a,ka khawrpum thei hram e.
A hmasa berin mi(sual).com admins te fakawm tihna em em pahnih ka nei a(tlawn hmasa zeih zeih :-))Pakhatna ah chuan, Mizo tawng in duh ulukin in duhtui a,naupang zawk te pawhin inzir nan an hmang thei a,hei hi a lawmawm ka lo ti ve em em thin.
Pahnihna chu, in rilru a zau hlein ka hria, thenkhat tawngkam duhtui mang lo,uchuak deuh hlek a comment pek ching ang chi te pawh in dawhthei hle zel hi a lawmawm ka ti bawk (Intlawhkhalh lawk!!!)
Mizo tawng hi chu a ziak leh chhiar na na na chu thiam ve thawkhatah ka in ngai ve hmiah a,mahse a tawng tak hi ka awmna lamin a zir ta lo deuh bawk nge ni ka namnul sawtin tawngkam diklo deuh pawh pik liam ve mai mai ka hrat ta riau a, a lo tha lo tawp mai tih ka hrechhuak;a chhan chu thil han ziah dawn chiah hian kan tawng ang ang kha kan ziak dan a lo ni duh khawp mai tih hi kan hrechhuak ve leh tlai khawhnu pek a nih chu.
Tunlaiin mi thenkhatin Mizo tawnga ziak zawm tur leh tur loh te,punctuation hman dan chungchangah te an buai thin hi ka lo buai ve ngai miah lo a,a chhan ni ta ber a ka hriat chu Primary hi JNM school-ah ka kal a, Dictation period kan nei thin a,hotunu Pi Tluangi hian Bible atang te,Kristian Vanram Kawngzawh bu atang te,Serkawn Graded Reader atang te hian dictation min pe thin a,heng lehkhabu a Mizo tawng an hman dan(ziah zawm leh zawmloh,punctuation etc) hi a dik ber e chu ka ti hauh lo nain tunhma atanga an lo hman thin dan a nih miau avangin an hman dan ang hi ka pawm mai a,dictation period kha a hun laiin ning viau mah ila,a lo va tangkai em!
KHAWNGAIHTHLAKAWM(!) : Mizo tawng pawngsualah rau rau he tawngkam tluka ka huat hi a awm awm lo e.A hmangchhuak tantu hi hria ila chuan han ‘khawngaih’ ve hlak ka chak thin. He tawngkam hi tihbo vat loh chuan BUAITHLAKAWM, RAPTHLAKAWM,HAHTHLAKAWM… te pawh kan la nei ang a ti nia!
Tawng kan hmang dik ta lo lutuk hi a chhan pakhat ni a ka hriat ve chu lehkha kan chhiar tlem lutuk vang hi niin a lang,”Kan in hriatthiam tawn chuan a tawk tho” ti thawveng ho hi a chhiar tlem tlem an ni duh leh nghalin ka hria kei misual hian.
Kan chanchinbu ho zinga tha ber pawl,Vanglaini hian a phek hmalam te,Editorial ah leh news tawi ang chi hoah hi chuan hmansual an nei lo khawpin ka hria a,mahse thalai huang lampang deuh,entertainment section ah hian ‘mai’ tih turah ‘mei’ tih ang chi te ka hmu leh zauh thin a,he mi section chhiartu tam ber chu thalai an ni dawn si a,editing lampang uluk deuh se ka lo ti ve thin,anmahni han hrilhna tur lah chu ka hre mang bawk si lo.
Thalai huang lampang han sawichhuah takah chuan hman zan LPS nge Zonet zawk ka hre ta mai lo,Thalai huang lam programme a a rawn ti vel tu nu khan English a hmang nasa lutuk a,ka nuih a lo za a.English channel/programme a ni lo a,a target audience te pawh Mizo , TV a a kawm ho te pawh Mizo tho an ni a,saptawnga han tawng tel vel khan a ti ‘hot’ riauin a hria nge maw ni le te ka lo ti ve mai mai a.
Ka han ngaihtuah thui deuh a,tunlai thalai,hawizau leh mi ningkhawng hre pha tak tak chin tawh te leh ngaihtuahna pawh changkang tawh ho hi chuan saptawnga nal taka dak zat zat thei ai mahin Mizo tawng dik leh mawi taka hmang thei leh hmang thiamte hi an ngaisang zawk daihin ka hria a,hei pawh hi lawmna tur a lo ni e ka ti ta.Ka programme sawi a host tu nu laina hnai te in lo awm a nih chuan lunglohah lo la lo hram ula,amah ka va hmuhsit leh ngaihnep vang a ni lo a nia.
Thawkkhat lai khan phai lama lehkhazira awm thin te khan Mizo tawng thiam chiang vak lo leh lam dik thiam mang lo nih kha intih changkan na emaw an ti deuh thin emaw ni aw ka ti thin.
Shillong kan awm laiin mi pakhat(hmeichhia nge mipa ka sawi dawn lo)chu eng eng emaw tihpui nikhua velah hian MC ah te an hmang thin a,saptawng chu a thiamin a nal hle mai a,mahse Mizo tawng hi pai deuh hlek ang hian a lam thin a,a pa hnathawh avangin phailama seilian a nih dawn hi ka lo ti ve mai thin a, mahse a classmate hlui pakhatin ‘Mizoramah Class-X thleng a kal a,XI atanga BA zir chhungin Shillongah leh nghal Mizo tawng han paina hman a awmlo reng reng’ a tih chiam mai a,ka hmuh dan a dang ta hu mai..tun thleng hian.
Doordarshan news puangtu te leh LPS news puangtu te hi an thiam hlawm khawpin ka hria,an awphawi a dik a,lam dik loh an nei mang tawhlo bawk a,han diklo leh zeuh awm thin hi teleprompter lama an ziah dan a dik loh thin vang a ni thei ang em aw ka lo ti ve thin.
Engpawh ni se,kan thlen chin atang hian hma i sawn zel ang u.Ka lawm e.
October 27th, 2011 at 5:36 pm
Ziak tha hleee mai.
Report this comment
October 27th, 2011 at 5:44 pm
space after a comma!
“‘mai’ tih turah ‘mei’” chu buai an lo tam ve ni maw kei angin. peih paih bai bei mei mei mai mai sipei sipai
Report this comment
October 27th, 2011 at 5:46 pm
Pi Jack-pi chu (
) i va thawh tha ve… 
Khawngaihthlakawm tih hi Mizo film star khan an uar viau thin in ka hria
Mizo kalkhawm/inkhawm/programme-a Saptawng hman tum talh te hi chu ka lainat zawk thin
(ve leh chhawng a..)
Ka’n sawi lang mai mai, ka OT nasa lutuk lo’ng chu…
Vawikhat chu, Durtlang atang a Sikul naupang (tleirawl) ka hma a thu khan ‘rapthlak’ tih thumal hi an hmang uar khawp a. A tawng duh phian bawk si. A hnung atang khan a titi ka ngaithla mai mai a. ‘Awi a fel rapthlak’, ‘a hmeltha rapthlak’, a zir ngun ‘rapthlak’, ka ei lo ‘rapthlak’… a ti ta vek mai a. Durtlang leh Chaltlang inkar ah ‘rapthlak’ kha vawi 13 ngawt a sawi hman
Report this comment
October 27th, 2011 at 5:51 pm
A vawikhatna mah mah. A ngaihnawm ka ti lutuk. Ni e, Mizotawng hi i ngaihlu ang u.
Report this comment
October 27th, 2011 at 5:56 pm
“anmahni han hrilhna tur lah chu ka hre mang bawk si lo.”
Vanglaini chanchinbuah chuan an phone number te pawh a awm law mi?
Hei hi han contact mai la:
Athaa Khiangte
Manager
Zarkawt
Aizawl
Mizoram
India
796001
+913892340112
https://vanglaini.org/index.php.....Itemid=438
“English channel/programme a ni lo a,a target audience te pawh Mizo ”
A ziaktu pawn saptawng hmang teuh tho
Report this comment
October 27th, 2011 at 5:58 pm
I ziak thiam khawp alawm. Han ti ve thuai ila kan ti ani mai. Keipawh ka ziak ngai miahlo a, hei mi(sual) ah hian ka post 7 a chhuak ve tawh asin.
I tawngkam hman khi chu sawisel tur ka hrelo a, ziahzawm leh zawmloh ah te pawh, mahse pu ber Bena sawi ang khian space i pelo tlat a, fullstop, comma, etc. ho zawhah hian space han pe zauh la a dik em em mai tur. Han ziak zel teh khai.
Report this comment
October 27th, 2011 at 6:03 pm
# 6..
Dik chiah. MS Word-a chhut phei chuan comma, full stop, semi colon, ldt., hnu a space dah loh chuan, line-sen in a dawm zel si a 
Report this comment
October 27th, 2011 at 6:08 pm
Tha khawp mai.
Mahse, inthlahrung deuhin, comma, full stop zawhah khian space i dah theihnghilh nual mai avang khian chhiar a ti nuam lo deuh.
Report this comment
October 27th, 2011 at 6:12 pm
@6 & @7, ka tih nuap nuap chhungin inlo sawi daih tawh a ni maw?
tren tren.
Report this comment
October 27th, 2011 at 6:13 pm
Post tha tak a ni. I thahnemngaihna a ropui e.
Report this comment
October 27th, 2011 at 6:13 pm
Comma dawtah hian space han dah zeuh phei la chuan ka ‘like’ lehzual ang.
JNM hian an past glory hi an la sawi an la sawi ve ngeiin ka ring. Pu Rozika hun laite kha an ngaih viau ka ring ve ngawt.
Report this comment
October 27th, 2011 at 6:14 pm
A dik khawp mai, a theih hram chuan Mizo Tawng uar zel hi changkanna dik tak anih zawk hmel.
Report this comment
October 27th, 2011 at 6:15 pm
Jack-a pi chu thawh tha kher mai a. Keipawh misual.com hming hian a tirah chuan min lèm lo khawp mai a, mahse belhchian a lo dawl phian mai bakah a khawih vel hi a nuamin a awlsam riau a. Tin, regular visitor zingah mi puitling tak tak an awm tlat mai a, mizo tawng duh uluk a nih bakah mizo hnahthlak hnam hrang hrangte insuihkhawm nan te leh, nunphung hrim hrim in kaihhruai that nan thil tangkai tak a lo ni tlat mai a lo nih hi. Hnamdang kar a awm zofa khawhar tak tak te awi tleitu ber a ni ti ila kan tisual awm lo ve.
Report this comment
October 27th, 2011 at 6:16 pm
JNM chhuak maw i nih, Pi Zatluangi’n a hrual tam lo che a ni khawp mai. Pu Saitlawma hnuaia hrualchhuah i ni hman a ni maw? Chumi hmaa mi chu ka nia, tuna kan Sports Minister Zodintluanga te pawh hi JNM a nih hmaa ka nau en a ni thin a. JNM a nih hma hian mite endawng sikul, koh elsen nan pawha “Pu Sazela Sikul” an tih thin a ni. Dik tak chuan Pu Zasela (Chengpui khawchhuak) kha Postal lama mi fel, Pi Zatluangi —(Thangpui khawchhuak) te kha Missionary sap-te hrualchhuah an ni a, an fel a. Kei chu punctuation an mi zirtir dan ang ang kha nghet taka la pawmtu ka ni. 1965 khan sikul din a ni a, 1966 khan kan result kha chhe hauh lo a nia, 1967 pawhin Sangvungi chu Chhim bialah Primary Leaving Scholarship Examination-ah pakhatna a ni hial. JNM a nih hma hian kan result a chhe ngai lo va, Sikul thaa ngaih a ni ta a. JNM in lo ni zui ta chu —mi hmasate result in hriat loh ka duh lo ve.
I thuziak a tha, punctuation erawh Pi Zatluangi’n a zirtir ang che i hmang thiam lutuk lo deuh a ang. June 14, 2011 khan ka farnu nen kan va tlawhchhuak a —Pi Zatluangi a lawm thiam hle.
Report this comment
October 27th, 2011 at 6:17 pm
I ziak tha pangngai viau e. Ka Admin-te hi an fakawm thin reng asin. Kei pawh Silent reader ka ni rei khawp mai..
Report this comment
October 27th, 2011 at 6:32 pm
Ziak tha hle mai.
Report this comment
October 27th, 2011 at 7:09 pm
Tunlai chu comment ve ka tum hian ka sawi tur ang chu inlo sawi vek tawh zel a, ka silent reader ta fo mai
Report this comment
October 27th, 2011 at 7:32 pm
JNM…JNM…JNM…Ka lung a va tileng tak em! JNM vanglai tan chhoh vel khan Pi Zatluangi leh Pu Rozika-te khan min hrual ve nual hman. Lunglei sawi rik apiangin JNM sikul hi ka rilruah a lo lang hmasa ber zel nia mawle!
Report this comment
October 27th, 2011 at 7:34 pm
17@ keipawh.
Report this comment
October 27th, 2011 at 7:45 pm
Thiamlo takin kan han ziak ve a, kan han submit a, Admin te’n min lo chhuahsak ve a, chutah min rawn comment sak ve liam liam a, lawmawm ve tak ani.
Diktak chuan mithiam leh puitling tak tak te an ni hlawm a, inthlahrun a awl khawp mai. Keipawh reitak silent reader ka nia. Ka Post hmasaber ka submit tum te khan ka tim nasa teh ania.
Report this comment
October 27th, 2011 at 7:52 pm
Vawiinah power a awm tak loh reng avang khan hmanmawh deuhin ka chhu pawp pawp a,ennawn leh miah tawh loin ka thehlut ve thuai a nia,battery a zawh hman ka hlau lutuk a.
#5..aaaa… Programme leh channel Mizo tawngin?’Target audience’chu mei ka neih tir hman ta lo a ni e
#14 pu chawnghilh,Pu Saitlawma a thawk ve thin tih ka hre miah lo,Pi Tluangi nen erawh kan in hrawn ve hle,ka punctuation a la dik tawklo ang tih chu ka ring tho a,mahse note bu a vawm zingah chuan ka tel ngai bik miah lo..
In comment atangin ka lo inzir belh leh zel ang
Report this comment
October 27th, 2011 at 7:57 pm
JNM…Ka lung a va leng tak em aw..
Report this comment
October 27th, 2011 at 8:02 pm
Sheldon,kei chu ka mi(sual) tirh atangin comment pek hi chu ka peih ve thin khawp,mahse post tak hi chu ka han sawi ang khian ka hman ngang thin lo a,ka article ziah sa ho lah han paste pawp dawnin a sei viau hlawm bawk si.
Tuman an comment peih pawh ka ring vak lo a nia,ka lawm e
Report this comment
October 27th, 2011 at 8:15 pm
Jacka Pi.. kei pawh hmani a ka thil post ve kha ka dam chhung tawh zawnga ka ziah ve vawikhat na!! mahse thian tha pakhat in post hma khan min edit sak vek a, a chungah ka lawm tak meuh a, chutichung chuan post submit dawn khan ka tawngtai tawp!!.
Report this comment
October 27th, 2011 at 8:19 pm
@Jacka Pi, ka mi(sual) tirh atang khan keipawh comment pek chu ka chak ve thin lutuk alawm, mahse, thil hi an hre hlawm sia, tumah hriat awm bawk silo, ka hreh thin a. Chuan ka comment ve ta zeuh zeuh a, khawhar hnem leh hunawl khawhralna atan te a lo tha a, tin, Mi(sual) ho hi a tam zawk chu mi puitling, khawtlang leh chhungkaw tan pawh a mi tangkai an nih ka ring, an thu leh hla a puitling thin em a.
Post han submit ve kha ka chak ta a, ka huphurh bawk si, a chang chuan comment sarcastic ve tak tak te a awm fo sia, min sawisa or nuih ang tih te ka hlau ru mawle, mahse, hei an fel hlawm ka ti
Report this comment
October 27th, 2011 at 8:22 pm
Ziak tha lutuk tlat. Han ti zel teh khai. KZP
Report this comment
October 27th, 2011 at 8:24 pm
@Sheldon, GMI report ka thehlut chiah e. I lo chhiar ngei dawn nia. Chuan, i mail lo check ta che.
Report this comment
October 27th, 2011 at 8:28 pm
@lr hlonchhing, GMI report chu kan chhiar chak tawh teh ania. Hei Jacka Pi post ah hian Mi(sual) tharlam deuh ho in kan post ve chhun chungchang te kan lo sawi vel anih hi. Jacka Pi paw’n ‘Vawikhatna’ a tih ve kiau khi
Report this comment
October 27th, 2011 at 8:30 pm
A va tha em!
Keipawh hi JNM a kal ve tawh ngat ka nih hi, lung a van ti leng!
Report this comment
October 27th, 2011 at 8:37 pm
@Sheldon, ka vawikhat post naah khan ka phur ve hlut a. Nuam ve mai mai, comment te hian min ti phur ve a.
Report this comment
October 27th, 2011 at 9:23 pm
Report this comment
October 27th, 2011 at 10:04 pm
Mamboihi,i post kha ngaihnawm ka ti khawp..
Sheldon sarcasm hi chu ngeiawm ve lawm ti raw?Mahse mi(sual)ah hi chuan post a ka sawi ang khian admins te an fel a(tlawn pawh ni tawh miah lo a nia) rilru nuam deuhin mahni vei zawng zawng a puahchhuahpui pawp pawp theih alawm.FB group hrang hrangah hian min lo add ve teuh a,ka tuina group ah pawh engmah ka post tha peih lo,group admins te ngaihdan kalh post chuan thenkhat chuan in block te an ching a,a thing tawp
Report this comment
October 27th, 2011 at 10:04 pm
Comment 1 – 22-ah khian punctuation I hman zawhah “kar-awl” dah zel tura hrilhtu che an tam hle a. I chhiar lo nge, I bengkhawn duh lo nge #23-ah I tihdan ngai bawkin I rawn ti tho a. He comment hi I chhiar a nih chuan I insiamtha em tawh ang chu maw…?
Tin, full stop hmanna tirah comma I hmang tam lutuk. Para sei pui2ah pawh, a tawpah I full stop tawp ringawt. Thu kallai atanga thudang deuha I pen dawn chuan (.) hmang ta la, a fuh lehzual ngei ang.
Ka vawi 1-na ai ngawt chuan I zia fe e. Bei zel rawh, ka thian!
Report this comment
October 27th, 2011 at 10:35 pm
Kei pawh misualdotcom-ah hian post ve hi ka chak thei lutuk a. Mahse, Pu Muantea te, kawlhawk ldt. hian min chilh hrep ka hlau a ka hel ka hel thin. Mi thenkhat chuan saptawng tal hi an la thiam a. A buaithlak a nih hi ti raw?
I sawi ang deuhin pen nena ka inchhawp loh chuan thuziah hi ka thiam mang der lo mai a, pen nena ka inchhawp lah hian computer hi ka hlat thei bawk si a. Vawikhatna atan ka rawn post ve ang e. Min ti huai ta sawt mai. I zarah khi space after comma, full stop etc te pawh ka thiam belh leh ta teuh mai
Report this comment
October 27th, 2011 at 10:35 pm
Kei pawh hi mi(sual) atanga mahni tawng leh hnam thil pawimawh leh ngaihsan zir chhuak ngat ka nih hi aw…ka hlut vet2 teh mai ania. Han sawi chhe vaih teh u..’fawk’ ani mai.
Report this comment
October 27th, 2011 at 11:59 pm
Vawi khatna pawh la sualthlu lo, sual chu sawiloh la keuhthlulo, ahh a diklo, ka ti tha leh ngat ang. Sualthluk chu sawiloh sual pawh la sual lo, post leh comment erawh chhiar peih fu, themtleng te zawk ni awm a mawi khawp a, thu fahrahte lo zep lut ve ziah thin mah kan awm a nia… A vawikhatna si a va tha em em ve…
Report this comment
October 28th, 2011 at 9:52 am
A tha khawp mai.. mahni tawng ngei pawh hi thiam tak a han ziah leh sawi te hi a har phian a ni e.. Nitin in inzir zel tur kan nih kha maw..
Report this comment
October 28th, 2011 at 10:26 am
Pu kawlhawk, ka chhiar a, ka bengkhawn bawk a, mahse karawl dah zel hian a kar a hla duai zelin ka hria a, ka lo ti lo leh thin, ngaidam
A ziak a ziak hi chuan ka buai lo, computer hi ka nal ve vak lo bawk atin a ni e
Report this comment
October 28th, 2011 at 8:16 pm
He article hi a tha khawp mai. Mi tin tan zir tur leh hriat tur tha tak a ni. Kei takngial pawhin Mizo tawng dik lo tak tak kan hman hi sawi tur ka hre hnem viau ve khanglang mai a. Mahni tawng pawh hi thiam tak tak tumin zir theuh ang u. Mahni tawng thiam lo nih te hi a zahthlak hle a nia. Mi hnam kara awm tam pauh loh a zahthlak tulh tulh mai a ni. Mizo tawng lehkha chhiar tam a tangkai hle. Bible hi tawng zirna tha a ni tih ziaktu in a sawi hi a dik a ni tih a takin ka hre ve a. Mizoram chu sawi loh Mizo zinga khawsa ngai lo kan nih avangin ka nu leh pa te’n Bible hi Mizo tawng min zirtirna text book atan an hmang a. A lo tih chi khawp mai.
Report this comment