Hmanni chu ka thianpa a lo leng a. An Sikulin Parents’ Day an hmang a Minister pakhat(PWD Minister) Chief guest-ah an sawm a. Minister chuan JCB in an khelmual laih sak leh ,an Sikul panna kawng siam that a tiam a, a tiam ang ngei a a rawn tih sak a lawm zia thu a rawn sawi hlut a. “A va lawmawm ve” chu ka ti tho na a, Lawmpui tur nge Moral Value lam hrilh vak tur zawk aw? Tiin ka inngaihtuah neuh neuh a.
Chumi ka ngaihtruahna kal zelah chuan, thil hrang hrang ka ngaihtuah kai a, kan ngaihdan te share tlan a tha dawn riauin ka hria a, heng thil thleng tawh thenkhat ka hriat te hi ka han tarchhuak a, kan ngaihdan I han sawi ho teh ang u.
1. Krismas dawn a ni a, Kumthar January thla tawp lamah MLA inthlan pui a awm dawn bawk a. MLA Candidate pakhat chuan a Motor-in, in kohhran thing phurh sak che u a inhuam thu a sawi a, Upa leh Rawngbawltu zingah ngaihdan a phir hle mai a, engtia thu tih tluk tur nge ni ang?
2. Contractor pakhat hi, a thil (bill) I chinfel sak a, a lawm em avangin Rs.20,000/-(singhnih) lai mai chu, a tihbuai manah che ‘Lawmman’ liau liau atan a rawn pe che a, I lo hnar dawn nge, Lawm takin I la ang a, Chhung inkhawmah Pathian hnenah Lawmthu in sawi ang.
3. Politician hausa tak pakhatin in biakin chu midang tibuai zau lova, amaha sak a inhuam a, Lawm tak a sak tir mai tur nge ni ang a, in hnar zawk ang?
4. Kohhran Thalai khawmpui Lian in nei a, in bialtu MLA in Rs.100,000/-(nuaikhat) laiin a tanpui che u a, Lawm a kutben dur dur a, Pathian hnena lawmthu sawi tur nge ni ang? In hnar mai ang?
5. MLA inthlan a hnai a, in kohhran a Party pakhat Block President chuan, An Party Campaign Poster tar a inhlawhfakna hlawk tak mai a sih hmuh che u a, in Thalai pawl Executive Committee chuan engtinnge in chhan ang?
6. In thawhpui pakhat chuan, an Puja laiin eitur a rawn keng teuh mai a, ei sak loh chuan a rilru a na viau dawn si a, I ei sak dawn nge, I hnar fithla ang?
7. Diwali a ni a, Vai ramah I awm bawk si a, Halpuah leh halzit te hal puiah a rawn sawm che a, halpui ve mai tur nge ni ang, I hnial fithla ang?
8. In bialtu MLA in in Biakin kawng leh Ko pang chim tur danna a rawn siam sak che u a duh a, Lawm tak a Pathian hnenah Lawmthu sawi chi nge, hnawl ngam tur?
9. Bialtu MLA bawkin in kohhran hnenah Bolero thar hlak a pe a, Lawm tur nge sawisel tur?
10. Kristian aia kristian lo la tam zawk daih naah I fapain Nupui a nei a. In Culture ah chuan inleng leh thian tha te Zu pek tur a ni a, I pe ve mai ang nge, thildang I pe zawk ang? Tin, I va kal ve a, Zu chu an lo pe ve che a, hnar fithlak tur nge, Polite tak a dawm ve mai tur?
Hengte hi a tak a ka tawn tawh leh ka hmuh tawh vek anni a, a dang pawh sawi tur a la tam mai. A hunlai chuan hriatthiam harsa ve thin tak a ni. I han chhang ho dawn teh ang. Tin, thawh belh theih a ni bawk.
Similar Posts:
- Minister 9 lakluh
- A mal malin chhiar la
- danga thu leh hla
- Mizo hnam zingah Gangte telh an ni ve ta
- Enge Pathian Thu?
October 29th, 2011 at 6:11 am
Dik khawp mai. .
Report this comment
October 29th, 2011 at 6:39 am
Phal taka petu a ni LALPAN a duh.
Thinlung thianghlim neih aia hlu a awm lo.
Ka lawm e,
Lr
Report this comment
October 29th, 2011 at 6:41 am
va mak hlom ve
sawi belh tur ka hre ve lo 
campaign dan thing LOL
Report this comment
October 29th, 2011 at 7:19 am
I bulah Isua awm reng ta se i ti duh, la duh ang em, tih inzawt la, a vaiin a chunga zawhna khi awlsam takin a chhan theih, Kristian tak tak (Piangthar) i nih chuan. I nih lem loh chuan moral value, integrity i ngaih pawimawh leh ngaih pawimawh loh dan aniang chu. Diwali chunga changah chuan CM nupui durga hmaa eng a chhit lanna picture chung changah kan debate vak tawh kha.
Report this comment
October 29th, 2011 at 7:27 am
‘Setan-a pawh engtirhkoh ang a inthuamin…’ tih vel kha ka hrechhuak zawk mai.
A bak chu ngaihdan ka la siam thiam mai rih lo, kei rintlema hian. Ngaihtuah zui ngai tak a nih hi le.
tren tren.
Report this comment
October 29th, 2011 at 7:27 am
@PKfanai: Hetiang zawhnate ilo ngaihtuah a, i rawn tarchhuah avang hian mi fing tak i nih loh paw’n, mi ngaihtuah chit chet mi tal chu i ni hrim hrim! A lawmawm ka ti hetiang ang post-te chhiar tur kan nei hi. Kei tak chuan i zawhna rawn tarlante khi chhan dan tur, a ‘aw’ leh ‘aih’ ang záwngte paw’n ka nei nual a, mahse kha chu mahni mimal ngaihdan inanlohnaah ka ngai mai a. Ngaihtuah tithui tur thil i rawn post hrim hrim hi kei chuan a ṭha ka ti thlâwt
Report this comment
October 29th, 2011 at 7:38 am
Ngaihtuah a tithui hle mai a.. Ka ngaihdan chuan eng thil pawh hi thlirna tlang hrang hrang atanga thlir hnuah thu tlukna siam ila, a fuh duh phianin ka hria.
Report this comment
October 29th, 2011 at 7:40 am
Thilthlawnpek diktak ni lo, a let leh beisei vanga thil intihsak ang chi hi chu a hlu tak tak thinlo. Lawmthu sawina ang in ri mahse a nihna takah chuan thamna ani. Sony sawi ang khian Isua ni ta se a ti ang em, ka bulah Isua thu ta se ka ti ngam ang em tih hian thutlukna siam ila a fuh berin ka hria. I post hi gaihtuah tham tak ani.
Report this comment
October 29th, 2011 at 8:11 am
Heng points ka han chhawp chhuahte hi, ka sawi ang khian a tak tak a ka hmuh/hriat vek te anni a, Pu Donald leh Vakula te hian ‘Christian Ethics’ an ti ngei ang. Ka hmuh tawh hoah chuan Lawm tak a dawngin Pathian hnenah Lawmthu an sawi hial thin. Mahse hetiang ho te te ni a lang pawm zamna hian kan kristianna hi thuk takin min eichhiain ka hre tlat mai a. Kohhrante phei chu ‘Vote bank’ tha tak kan nih avang hian Politician ho hian min Target duh hle. Ka hmuh dan chuan kan hnawl phallo mai ni lovin, kan dil zawk thin hialin ka hria. Kohhran tal hi chuan kut tling lova sum hlawk tak hmuh te hi hnawl ngam ta ila, chuchuan mimal kristian nunah ‘dik leh dik lo’ a thliar thiam tir ngei ang. Kan moral chhiat thuk tawh zia in hmuhna darthlalang pawh a ni thei awm e. #Officer pakhat chuan a sawrkar motor kawlin a fa chu sikulah a thlah thin a. I fa pawh a remchang bawk a a phur tel ve ta fo a, lawmthu sawi mai tur nge hnar ngam tur? Tihte pawh…
Report this comment
October 29th, 2011 at 8:32 am
Sikul hian infiamna mual zawl a mamawh a, sikul naupang tan laih mai mai chi a ni lo. An laihsak thei anih chuan ka lawmpui khawp mai. Sikul panna kawng pawh hi a tha hle tur a ni. A tha lova, Ministerin a siamthat sak anih chuan ka lawmpui e. Hengte hi development chikhat a ni ve tho va, development leh infrastructure atana pawisa an hmang ral hi, kei chuan pawi ka ti miah lo.
Report this comment
October 29th, 2011 at 8:35 am
Ka ngaih ve dan
1. Post tha tak a ni. Ngaihtuahna a ti thui a, kan chhungrilah PATLA min rawn khaisak ni berin a lang.
2. Kohhran inrelbawlna leh hmasawnna kawnga Ram roreltute(Political Party MLA) te an inrawlh hi a him lo nasa a, Hetiang tur Budgeta a awm miah loh avangin kei chuan ka pawm thei hlawl lo. Hetianga Politicianten hma an lak fo ngam tawhna Society-ah chuan mirethei leh mihausa inkar a zau tawh ngawt ang.
3.Point No 6. ka chhanna atan chuan ‘Tui ti takin ka ei ang’.
4. Point No 7. Halpuah leh Bomb hal vel hian Boruak bawlhlawh a siam a, ka duh tawh lo tlat. Min sawmtu azirah ka innghat lo.
5. Point No 10. Zu sem ngaih thinna culture nei society-a ka awm miau loh avangin ‘Ka sem lovang’. Lo awm pawh ni ila, ka sem lovang.
Report this comment
October 29th, 2011 at 8:45 am
1. A campaign-na mah ni se, ‘I chungah Kohhran a lawm e,’ ti-a phurhtir mai tur. Kohhran lamah rilru fim taka vote thlaktura inzirtir mai tur.
2. Lak loh chi nang. Thamna a ni hleinem, lawmthu sawina alawm. Sual a tel âwm ka hre lo.
3. Tha ka ti lo. Mimalin Kohhran biakin a sak chuan a satu chhung leh khat, thlahte leh zelin chapo nan an hmang ang a, Kohhran a thangtlawm lutuk ang e. Pathian hnena tawngtaia râwn mai tur.
4. Thilpek na na na chu, lawm taka dawn tur a ni mai dawn lo’m ni? Pathian hnena lawmthu sawi chunga pawisa chu Pathian hnena hlan tur.
5. ‘Aih’ tiin ka chhang ang. Kohhran thil reng reng hi politics-ah inkaihhnawih suh se. Poster an tar chuan sum tam tak umin an campaign-pui tihna a ni dawn a, kan biak Pathian kan tilungni lo dah ang e.
6. Kan thiannu pakhat chuan a lo ei hmak hmak mai a, ka hau hrep. Pathian thikthuchhiatzia kan hmu a, thil hotë angah langah pawh milem biate serh leh sangah kan inhnuknawk tur a ni lo. Kristian tana a rem loh thu kan sawi duh chiah lo a nih pawhin kan la ang a, a rukin kan paih mai ang.
7. Ka hnial fithla ang. An halpuah leh halzit khan mi tam tak a tibuai mek. Vai rama Mizo awm, lungphu tha lo tam takin harsatna an tawk mek tih ka hria. Midang tana hnawksak nihna hi a theih chen chenah pumpelh ka tum a, mawihnai takin ka hnial fithla thak ang.
8. Hnar chi a nih ka hre lo. Mahse, a tul a nih chuan headquarter lam chetna chi-ah ka ngai.
9. Bolero thar hlak chu a pek hmain ‘A.. A ngai lo ve, kan lawm e..’ tih mai a thain ka hria. Thahnem a ngai a nih chuan ‘Kohhranin a tul tula a hman atan..’ tiin a pawisain a pe zawk mai tur a ni.
10. An culture anga va nun kher a tul lo, Pathian duh loh zawng thilah ngat phei chuan. Tin, min lo pe a nih chuan ka la lovang. Ka lak loh chhan chiang takin ka hrilh bawk ang.
Ka ngaihdan liau liau a ni vek e.
Ka lawm e.
I tan chauh,
TuaiSialA.
Report this comment
October 29th, 2011 at 8:48 am
10 na khi. Duhsakna avangin zu min pe ve ta sela, ka piantirh atanga la in ngailo pawh ni ila ka lak sak ang. Induhsakna thilpek inlaksak loh hi in thamlohna (insult) nasa tak a ni thei. Zu no ka lak avang khan ka in anga, in mai pawh ni lovin ka rui kher ang tihna lam a nilo.
Report this comment
October 29th, 2011 at 8:55 am
In ngaihdan dik tak rawn sawi ngamte ka ngaisang lutuk che u. Han sawi zel teh u. Ngaihdan a insaikalh nuai ka ring.
Report this comment
October 29th, 2011 at 10:39 am
Pathian hnenah biakin sakna kan dil a, Pathian chuan direc tak chuan min pe lovang, midang a rawn hmang tangkai ve bawk ang chu ka tiat.
Eng sakhua pawh nise, an sakhaw bia ka nilo chung pawh thilpek minpe a nih chuan ka la hmak ang. An sakhu kava be ve ta tihna nilovin, ka zahder sakna a ni zawk mah ang.
Intih loh ang ang kha ni mai.
Report this comment
October 29th, 2011 at 10:52 am
10 na khi chu Zu ka sem lovang, ka sem loh chhan ka sawi ang a, thildang thlum tui deuh ka sem ang. Zu an sem pawn kala loh changte, ka lak changte a awm mai thei. Ka in zawh peih loh chu Tsa ka pe ang. Luak barh barh.
Report this comment
October 29th, 2011 at 11:03 am
10. Zu khap lohna ram ah chuan zu chu ka sem ang. Hnam dang Christian te pawh in an sem tho. Zu in lo tan thil dang pawh sem a ngai ang.
Report this comment
October 29th, 2011 at 12:18 pm
#1…Politician ni loin thingphurh sak tum ta se an remti ang em?
#2 Lawmman hi chu dawn a nuam…lol
#10 Naupang zirlai buah chuan…Fu ka pe,zu chu ka pe lo, tiin a in ziak thin!
Report this comment
October 29th, 2011 at 12:24 pm
Nimin tlai khan, scheduled a awm lo em mai a, ka rawn post ve mai mai a nih hi. Christian ethics hi a tuiawm ve riau a, hnam hrang hrang, denomination hrang hrang ngaihdan a in ang lo thei hle. Naga ho leh Arunachali ho chuan, zuk leh hmuam hi ‘Sual’ lian tak a nih laiin, mizoram, Tripura leh meghalaya ah te chuan a ni hauh si lo. Mizo ten ‘ZU’ kan ngaih sual em em laiin Kristian pawl lian ber Catholic te chuan Sual-ah an lo ngai hran lem si lo. Corruption pawh hi eng chin hi nge ni a kan ngaih(a nawlpuite ngaihdan tlangpui) hriat hi Politician leh Pathian rawngbawltute tan phei chuan thil tul tak a ni. Pu Hawla pawh ama lamah engmah nilo mahse, mizo christian ethics in sual lian taka a ngaìh a lo ti a, a hmingchhiat em hi. Kohhrante hi corruption chung changah kan zau (sawt) hlein ka hria. Kan chhawr tangkai dawn chuan kan pawmzam zau thei viau niin a lang. Fimkhur deuh chu a ngaiin ka hria.
Report this comment
October 29th, 2011 at 12:47 pm
10-na tihloh khi chu ka pawm vek ang.
Report this comment
October 29th, 2011 at 12:48 pm
#4 khi ka like e….
Report this comment
October 29th, 2011 at 1:15 pm
Zu hi ramchhunga chengten an hmandan a zir zirin sual a ni. Engvanginnge Missonary te khan hmun dang zawngah zu khap silova, Mizoram chauh an khap. Khap ta lo se, vawiina kan dinhmun hi kan phak a ngem? Khadaih kha sin.
Report this comment
October 29th, 2011 at 1:19 pm
I zawhna chu in ang thla pût maiin ka hria a, thil pek (offer) a dang hret e tih mai loh chu.
Pathian hminga dawn tur thil reng reng hi a tam lam ah leh khawvel mit aṭanga a buk rihzawng teh tur a nilo a (Isua pawhin hmeithai thawhlawm a tehkhin tawh kha), a pe tu thinlung ah a hlutna leh lawm taka dawn tur chu a in nghat zawk a ni. Chu chu a dawng tu pawhin ṭawngṭaina nen dawn sawn tur kan buk thiam bawk tur a ni.
Hemi kawng ah hian bumna lam awn thei thila inven nan, Bible chang duh deuh mai ka neih chu:
“Tin, Abrama chuan Sodom khaw lal hnênah chuan, “La zai khat te pawh, pheikhawk chilhna pakhat te pawh, i neih reng reng chu ka la lo vang, tiin lei leh vân neitu, LALPA, Pathian Chungnungbera lamah chuan ka kut ka phar tawh a ni, chutilo chu ‘Abrama chu keima tihhausak alâwm,’ i ti dah ang e:” (Gen 14:23)
No.10 khi chu a subject a dang deuh a, manner a miin an lo neih a ni a etiquette huang ah pawh a seng luh theih anga. Hemi ah chuan Paula’n kan thil ei emaw in avanga midang tlukna a thlen ai chuan ei/in loh mai tur a tih te, Thil engkim tih a thianga mahse a ṭhat vek loh thu a sawi awmzia ah khan hei chu a lut daih in ka hria.
Ka Sual hi engvanga sual nge tih kan ngaihtuah chian chuan midangin a tuar dan a zir alo nirenga, mahni ngawr ngawra sual aichuan midang tlukna thlen tu hi Pathianin a haw ber zawk a “Buh rawt sawmna awrh tira….” a tih kha a ni. Thupek ropui ber dawt tu pawh a ni. Chuvangin ringtu/rawngbawltu kan nih chuan keimaha sual leh sual loh teh chiam a hun tawhlo, midang te nun ah Pathian thlarau tuhna kawng a nih phawt chuan Paula’n “Engkim ka tih a thiang alawm….” a tih hi ka pawm mai. (mahse engkim tih a ṭha vek lo a tih hi kan bukna tur chu a ni)
Report this comment
October 29th, 2011 at 1:27 pm
1. A tih chi loh, a awmna party mi nilo tan chuan a pawmawm lo ang.
2. Lak mai tur, dil pawh ni lo lawmthu sawina tak tak a nih chuan.
3. Hnar tur. Biakin hi chu kohhran mipui kutchhuak ni rawh se.
4. Lawm taka dawn mai tur a niang.
5. A chi miah lo.
6. Inthawina chaw/sa tih hriata ei chu bible khap a ni ngei mai ah, mahse inthawina anga ngaih loh chuan ei mai tur.
7. Hnial bur lem lo e.
8. Development hnaah ngaih theih a ni ang, lawmthu sawina tur a nih hmel, a discretionary fund hmang turah ngai ila.
9. Kohhran mamawh thil a ni vak lo, lak loh tur a niang.
10. An tan chuan thingpui inpek ang lek a nih hmel a, tih ve mai tur a niang. Mahse zu in ngai miah lo tan chuan khawi hmunah pawh thil dang lam hi zahthlak a ni ngai lo ang.
Report this comment
October 29th, 2011 at 1:28 pm
#23 Sawi belh na:- Abrahama’n Sodom khaw lal hnena khi tia a tih avang khian Sodom khaw lal khi a sual vang a ni reng reng lo, Sodom lal khi a lawm takzet a ni. Mahse Abrahama khian Sodom khaw lal rilru ah khian Pathian a awm lo (phur satliah thilpek tum) a ni tih a hria a, chu rilru avang chuan nakin ah ala inchhuan khum thei a ni tih a hriat avangin Pathian a hliahkhuh lohnan a ti zawk a ni. Lota (a unau fa leh Pathiana a ṭhian) pek tum chu nise a la duh tho mai thei tih zawk a ni. (a pawimawh chu thinlung a nih chu)
Report this comment
October 29th, 2011 at 1:33 pm
1. Phut let neia rawn dawr che u a nih chuan phurh tir loh kha a him zawk ngeiin a rinawm. Vote beisei a nih phei chuan thing phurhsaka inhralh kha thil hlauhawm tak a ni thei ang.
2. Miin a hna rinawm tak leh taima taka a thawh chu a tihtur a ni mai a, chu chu a hlawh hmuhna pawh a ni a, tu bill emaw a tihfelsak avangin engmah a phut tur lah a ni hek lo. Amaherawhchu miin a phut vang pawh ni hauh lo a, a hnathawh that avang zawk liau liaua, lawmthu an rawn sawina na na na chu a duh chuan la se la, a duh loa a mamawh lo a nih pawhin a hnar thei tho bawk ang chu.
3. Biak In hi chu mimal kuta sak zawh tir bik vek tura dah chi a nih loh hmel. Contribution liau liaua Kohhranin a kalpui hi a him ber zel ang.
4. A petuin a pek miau tawh si chuan lawm taka kutben kha a sual hran lo ang. Miin Kohhranah a ni emaw, thil dangah pawh nise phal taka sum a pek hi kan lo screen tur niin a lang lo e. Amaherawhchu kan lawmna chu Lalpa danah ni mawlh teh se. Tin, a petu pawhin Pathian hnenah chauh lo chuan engmah phut let tur a nei miah lo tih kha hre chiang hle se la, a thilpek dawngtute pawhin chu tho chu kawhhmuh mai rawh se.
5. He thil hi chu Kohhran inrawlh hauh lohna tur chi a ni ang.
6. 1Korinth 8:1ff (bung riat pumpui hi chhiar ila a chiang khawp mai).
7. He thil hi chu thil ho mai maiah ka ngai. Halpuah hal hi tha ka ti lo ve hrim hrim.
8. Siam a inhuam phawt chuan siam tir mai tur. Mahse Pathian hnenah chauh lo chuan lawmman hmuh inbeisei lo tura hrilh ve ngam a tha ang. Tin, a thiltih avanga Kohhran member ten vote an pek let kher kha a tul nahek lo.
9. Hei pawh hi a petuin a pek tawh chuan Pathianah lawm mai tur. A maherawhchu a petu pek chhan hi a pawimawh rualin, a lo dawngtute rilru leh ngaihtuahna pawhin chhiatphah lo se a tha ber ang. A chhiatphah dawn chuan pek let leh thak mai tur a ni thung ang chu.
10. Keinin thingpui kan sem ang chauha an ngaih tlat si chuan, a awm ang tawk deuh thlir thiam chunga sem ve mai chu enge a pawi tehchiam bik ang. Missionary-te tan phei chuan in va thawhna culture in zahsak loh te chuan, tu’n nge in thu ngaithla duh ang. Dan nei lo mite hnenah chuan dan nei lo angin tih kha apply ve chu a tul dawn lo’m ni ka’n ti ve leh ta duah mai.
Post tha khawp mai. Ngaidan sawi vek dawn ila a sei dawn lutuk. Sawi tur a tam tihna a ni e.
Report this comment
October 29th, 2011 at 1:59 pm
Thenkhat te khi chu MLA te pawhin an tih tur ngei ngei an ti ni maiah ka ngai a.. han lawm hlutna chi ah pawh ka ngai lo. Mahse thenkhat te erawh khi chu ngaihtuah tham fe a nih khi.. Ngaihdan a in ang lo nuai thei ang.. post tha leh ngaihtuah ti thui thei tak a nih hi
Report this comment
October 29th, 2011 at 3:15 pm
1. Hei chu a pawi vak loh hi a. MLA candidate pa kha kohhran a thahnemngai tak te pawh ani ve thei tho a. Upa commtt. zawk chuan a party zawngin an la kawi ani ange
2. Bill siam kha sawrkar a i thawhchhan anih chuan i la tur ani lo.
3. Hnar chiang kuang!
4. Hnar tur ani. MLA anih hma pawh a a tih thin anih chuan hnar loh tur!
5. Pawi lo ah ka ngai!
6. A dang dil belh chi!
7. Hal pui ngei ngei tur.
8. Biakin hi public place ani a, hei hi a tih duh loh pawn tih luih tir zawk tur ani.
9. Sawisel mai bakah dawn duh loh tur ani.
10. Kristian dan a inneih chuan zu sem loh mai tur!
Report this comment
October 29th, 2011 at 3:55 pm
pa 6na a ka ngaih ve dan mai mai ah chuan.. an thil lo ken kha khawi atanga an lak nge tih hriat dan a zir ni maiin ka hria. An pathian hnena an hlan toh hi chu ei sak loh hi a tha ka ti, mahse an mahnin a bik a an ron ken te chuan .. ei tur te chu ei mai ila a pawi in ka hre lem lo.
Report this comment
October 29th, 2011 at 4:54 pm
Christian Ethics leh Mizo Ethos hi buk thiam a har thin ngawt mai. Keima lamah chuan Christian Ethics hi priority ka pe fo thin. Tha ve ve a awm a, pakhat social , pakhat christianity-vantlang ngaihdan lak chiam a awl khawp mai. Mahse principle atana thaa ka hriat fo chu ‘Thutak(truth) hi tha ve dang hian a luahlan tur a ni lo’ tih hi; chu chu kan faith hian a thliar thiamin ka hria.
Entirnan(a chunga sawi bak) mitthi an awm a, va len a tul a, thil tha pawh a ni(mizo ethos) mahse christian ethics(kan ni vek lo maithei)ah chuan inkhawm lova len kha a ethical tehchiam lo.
‘Kan chhia leh tha hriatna hian a thliar thiam a chuvang chuan bawih anga min chhuah tur leh sawimawi chawp theih tur thil tha hian Tha ka tih ber hi luahlan lo se’ ka tihna a ni.
Kan value tur hi kan rinna(faith) thikthu chhiatna azirin a dang hlawm khawp chuan ka ring. Mahse Abrahama chuan lawmthu sawina a la duh lo ‘ka tih hausak’ an ti ang tih a hlau.
Report this comment
October 29th, 2011 at 5:04 pm
@4. Sony sawi khi ka principle pakhat tha ka tih em em a ni. “He dinhmunah hian Isua kha ding ve ta se, engtinnge a tih ang?” tih hi. Amaherawhchu, hetiang chi-ah hian, Lal Isua ngei pawh kha awh(trapped) an tum ve fo a, a chhanna a fing thin hle. “Kaisara thil chu kaisara hnenah pe u la, Pathian thil chu Pathian hnenah pe rawh u” tih te, Pharisai leh Sadukai hote kara hem zep turin Mitthi thawhlehna chungchang te a sawi kha. Tin, Sabbath ni a buhvui thliah ang chi te kha. Nyishi Baptist Church Council (NBCC) Gen.Secy. nilai Rev.Halli Likha Ama thusawi pakhat hi a ropui ka ti thin. Nirjuli Town Baptist Church, Member 800 vel nei leh mihausa awmkhawmna Biakin Sa mek tu, tuna MLA nilai Likha Saaya hian Sum leh pai a vur a tum viau thin a, a duh tlat lo. “Zilh a ngaih hunah min ngaisang lovang a, ka thu a ngaithla duh lo ang” a ti tlat. In Comment a ngaihnawm hlawm hle mai. A bikin tih tak zet a point by point a Comment pe tute in ti tha tak zet e.Ka thil tawn te khi a mal te te a han sawi zau pawh a chakawm viau na a, ti rih lo mai ang.Ka Lawm em em e.
Report this comment
October 29th, 2011 at 5:07 pm
Asteric leh Vakul Comment pawh ka beisei ang tak a ni e. A lawm awm lutuk.
Report this comment
October 29th, 2011 at 5:51 pm
1.Kohhran mi leh sa a nih chuan phur mai se,MLA kher lo,pa awm thei deuhte pawn motor chu an thawh fo alawm.
2.Pek intiam vanga tih fel sak ni lo,mahni hna anih vanga lo tih fel sak a,a bill neitu a lawm em avanga lawmthu sawina chu pawmsak ve mai awm tak
3.Hnar e!! Chi nang!
4.MLA hian tanpui a duh hrim2 anih chuan MLALADS atangin permissible works zinga mi hna a siamsak thei alawm,mahse kohhran thalai lampang hian tanpuina an lo va dil hmasa duk duk a nih duh hmel.(Kohhran thiltihna tura sorkar leh MLA/Minister te hnena kutdawh hi ka ei thei ngang lo)
5.Pol.party thilah chuan kohhran kaihhnawih chu tel ve lo mai ang
6.Puja lai hian an pathian tan a hlan eitur ni lo,thian tha te leh chhungkhat te nena ei tur an siam ve thin tho,Puja na atana hman bik a nih loh chuan ei sak chu pawi lem lo ang a.
7.Halpuah leh halzit te hi air pollution belhchhahtu an nih zia leh mihring nunna atan pawh a hlauhawm an nihzia ka lo sermon khum ang.
8.Bialtu MLA a nih angin a bial chhunga a tih tur a ti a ni mai lawm ni?
9.Local church in mahni bila motor neih chu Hqrs lamin an phal lo hrim hrim ang.MLA pawh chu kohhran a tanpui duh a nih chuan a motor lo zawng a tanpuina pek tur kawhhmuh mai chi aniang.
10.Mawi hnai takin ‘Kan sakhuain a phal lo’tihin an hriatthiam em em ka ring.
Report this comment
October 29th, 2011 at 6:10 pm
Pawk hun (season) hre ru riau an awm thin! Fimkhur a tha ngai e. Kan sualchhuah ve theih thil, mi dang phut zawng pawha chet loh hi kan ram tan Damdawi tha tak a tling ta riau. Kutdawh, thilpek dawn nuam ti nun hi pangchanna tha tlo tak a tling.
Report this comment
October 29th, 2011 at 6:36 pm
Sir, pk. “aw a har ka ti mang e” tih hla ang deuh kha a ni. a hnaivaiah chuan jack a pi ka thlawp e. (i post ngaihtuah vang khian zanin chu ka mu tlem leh ngawt ang) tunlaia ka vei em2 an ni.
Report this comment
October 29th, 2011 at 8:50 pm
6 na khi kei chu ka lo ei hmak2 zel asin, atui ka tih chu ka ei a, atui lo ka tih chu ka paih mai. Riltam deuh lai phei chuan ei mai zel. Tum khat phei chu zu hmehah ka hman sak a, engah an ngai vak bik chuang lo. Kei chu ei tur ei ve maiah ka inngai, ka a lut lampang ni lovin thinglung lam ani lawmni pawimawh.
7 na khi chu kei pawh ka thlawp lemlo khawp mai. Ka thiante leh ka bula mi te pawh ka hau ziah. Ka lung hi a chak lutuk loh avangin ka phu nasa thei lutuk a, ka hmuh reng lai leh benghup chung pawhin ka phu zuk tho zel….
10 na khi chu in ve zeuh zeuh thin ka ni bawk a, in mai zel e. A in duh lo chuan an in lo mai. Zu in loh chuan min hlui mahse in loh mai tur (Polite na ani hran lo). Mahni rilru chhunga duh leh duh lovah innghat ila tha ber mai lo maw
Report this comment
October 29th, 2011 at 9:04 pm
Ka ngaihdan :
1. MLA Candidate sum tello paw’n Kohhran khat ve meuh chuan Kohhrang thing tur chu kan phur thei ang.
2. Contractor pawisa khi – lawmman liau liau, engmah dang tello anih chuan pawm mai a pawi dawn em niang?
3. Ni love!!
4. Kohhran huangchhung atanga Sorkar tanpuina dil hi ka thlawp lo.
5. Va inhlawh ringawt kha chu pawilo turah ka ngai.
6. Puja laia eitur ah hian pawnlam mi tana ei pawilo chin hi a awm ve a, anni ho pawh hian a engemaw chin hi chu min offer lemlo. Nimin paw’n Office ah Puja present nuts leh sweets kan ei.
7. Halpuah/halzit – thil bengchheng lam hrim hrim ka duhlo tawp. Tello chiang ngawt ang.
8. Biakin Kawng kha Sorkar kawng anih chuan siam ang hmiang, a pawi hleinem.
9. MLA atanga Bolero dawn chu duhlo teh ang!
10. Eng hun leh hmunah pawh kan thil duhloh te chu tumah hi a intihluih tak tak theihloh. An culture anih avanga zu min inluih tir an tum anih chuan kan hnar thiang.
Report this comment
October 30th, 2011 at 12:28 am
#6 ka ei ang..sakhua na dang te kut pawimawh va hmuhhniam hy tulin ka hre lemlo..tute emaw va zawma va tihpui ve chu atha chuanglo in a Kristianlo ka ti bawk..chrismass leh easter vela thianten min wish a min hriatpui hi a nuam ve bawk.keipawn ka treat ve fo..
Report this comment
October 30th, 2011 at 11:04 am
10-na chuah khi ka’n sawi ve. Zu i in ngai lo a, i in duh lo a nih chuan tha tak leh polite takin lo sawi mai la, an pe lui lo ang che. Chutiang hunah chuan H.Vangchhia sawi anga ‘insult’ a an ngai a nih chuan an la mawl hle tihna a ni a, lo ngai ve mai mai rawh se.
Ka hnathawh ang hi fiamthu ti takin “90% alcohol, 10% protocol” an tih mai thin a ni. Chuti chung chuan zu in ngai lo chu tumah an inpe lui ngai lo! Tuma’n insulting an ti ngai hek lo.
Report this comment
October 30th, 2011 at 9:18 pm
Kan inpuang tawh ang e:- Thuhmahruai: E.E.(PWD) pakhatin a fapa kan hostelah a rawn dah ve a, “Ka fapa hi football a tui si a, in mual hi ka siam rual sak ang che u” a ti a, an dept. JCB leh Roller-in min rawn siam rual sak vek a. Nuam Ka ti chiah lo deuh a ni. 1. Kan kohhran a nia, thing chu kan hniang hnar khawp, mahse kan zai tui lem lo. 2. Ka hmelhriat J.E. Pakhat, Pathian hnenah lawmthu an sawi thin. 3. Tuna kan lawina kohhran hi Ka thianpa MLA nilai Likha Saaya hian a sa mek a, a zo tep. Khawvela biakin nghet leh rinawm ber pawl a ni ngei ang. A hautak em avangin a bulah Kohhranin Hall hmingpu siin, tha mangkheng kan sa a, kan hmang mek. 4. Kan khawmpui reng reng hi Mimal ina thleng lovin, Camping type vek a nia, a hautak thei hle. A senso hi mi hausa ho hian an sponsor fo mai. Bialtu MLA phei chuan nuaikhat ang hi chu an thawh fo. 5. Aizawla thalai pawl pakhatin an ti tawh a, B.Ed ka train lai a ni a, ka lo sawi ve zauh a, min ngei deuhìn ka hria.
Report this comment
October 30th, 2011 at 9:32 pm
6.Pasighat a kan awm laiin Puja zawhah kan thawhpui Kanchhi pakhatin a rawn keng a, kan buai ru khawp. 7. A tempting thin, kan la ti ve em lo ve. 8. Mizoramah ka hria. 9. Nyishi mihausa ho hian an sawma pakhat hi a tam tham em thin avangin Local churh a a cash a inpek ai chuan engemaw langtham deuh tih an ching. Khawpui kohhran 5 te hian Sumo/Bolero an nei theuh. An kohhrana mihausa ho pek an ni tlangpui a, Local church Pastor ten an kawl thin. 10. Pasighat a kan awm lai khan ka tawng zeuh zeuh a, ka hnar zel thin. An zak deuh thin chuan ka hria. Ka lawm e.
Report this comment
October 30th, 2011 at 9:45 pm
Pu pkfanai pawh hi i post leh comment a piangah nyishi telh ngei ngei si..an nula ho thlalak chu rawn telh ve mai mai la.mi huaisen kawlh bawk si nula thla lak kan hmu chak a lawm le. Hage nula hmelah an tluk em tih te han thlir ila maw le
Report this comment
October 30th, 2011 at 10:02 pm
42. Doc, lo ngawi tak rawh ka la rawn post em em ang. Model village kohhran pastor fanute hi an chhuan awm tham khawp mai a, krismas hmang tura an rawn haw hunah an thla ka lo lak sak ang.(tha vak lo post chu a ho awm e mai)
Report this comment