Mihring tu te pawh mai hian kan naupan lai kan ngai theuh mai. Rilru thianghlim leh lungkham nei lem lova, nu leh pa thlazar hnuai a kan awm lai a ni a, a ngaihawm viau reng a ni. Naupang te kan nih lai pawhin Sikul a kan hotu te leh Sunday sikul a hotute pawh in kan vanneih zia min fah duam zel anih kha. Kei te reuh hi thil ho deuh deuh ngaihtuah neuh neuh hi ka hrat angreng a, khatia naupang kan nih lai, mihring nuna hun hlimawm ber a ni tia min hrilh thin lai te khan keimahin ka lo ngaihtuah ve charh charh a, “ Tuna ka hun hman mek hi Ka dam chhunga hun hlimawm ber lai a nih chuan Nun(Life) hi a va han lungchhiat thlak dawnin a va han ho dawn em ve le aw”, ka ti vawng vawng thin.
Tichuan, thing delh loh lung delh loh ta chu kan han thanglian chho ve zel a, nun hi a ziaawm chho ta meuh lo, buaina leh harsatna hrang hrang kan han paltlang chhova, a chang in kan hlim a, a chang in kan tap bawk a, thim leh eng chu a a in thlak chho ta zut mai a nih hi. Rinna lamah pawh Pathian hi a awm tak tak a ngem tih te in ka ngaihtuahna te ka seng ve bawk a, helamin Pathian awm ngei zia thiam takin an sawi a, saw lam in a awm loh dan ve thung an han rawt tui vel karah ka lo thle vel mai mai a. Pathian kan tih ber hi awm lo ta pawh nise Thiltitheitu a erawh a awm tih chu mit meng tan chuan hairual va nih suh. Pathian hi ka ring lo phal lova, ka ring lo ngam bawk hek lo. Chutih rualin Pathian Engkim Titheitu hian engkim a duan sa vek erawh ka ring chuang lo.
Pathian hian tan lam a neih ka ring meuh lova, ringlo mi an nih avang ngawtin a duhsak loh bik ka ring hek lo. Lei Lalte anga mahni pawl lo amite va bei chiam mi a nih ka pawm chiah lo. Leilung a siam a (eng hmang pawhin a ni thei), engkim chungah dan a siam a, chu chu Leilung Dan tiin ka vuah mai a. Chu Leilung dan, in chawih mawi tawk(balance) tak mai a siam chu a vawng nung zel zawk ni te pawhin ka ngaituah thin a, Leilung Dan balance tibuai thei tur te erawh a thiar fihlim thinin, an chungah ro a rel ngei chuan ka ring thung.
Vanneihna leh Vanduaina kan tih hi leilungah hian a dah sa a, kan zavaia chungah hian a in thlen chhawk mai thin a ni. A Quantity leh a Quality erawh keimahni ah nasa takin a in nghat thung. Nasa tak leh taima taka kan thawh chuan Vanneihna pawh kan chang sang bik a, kan thatchhiat em em chuan kan vanduai nge nge thin a ni. Taimak viau kha vanneihna a ni chuang lova, Vanneihna chuan a duhsak bik ang che tihna a ni mai e.
Vanram hi a awm ngei ka ring a, amaherawh chu Lunghlu leh Rangkachak khawpui a nih dawn vang erawh chuan ka kal chak miah lo, Lungduh zawngte kan kim tawh dawn vangin ka kal chak na hek lo. Ka nghahhleh chhan ber leh thlen hlan ka chak ber chhan chu, Lei mihring ten kan neih theih loh Lungawina kim, rilru chhungril bera Lungawina kan neih tawh dawn vang erawh chuan thlen hun tur ka nghakhlel a, ka thlir ve thin a ni. Tin, kan thih hun hi Pathianin a practical a min duhsakna leh hmangaihna a lantir hunah ka ngai a, Leiah a bikin min duhsak ka ring lo, Leilung dan a zam sa vek tawh tu te tan pawh, chu chu a vawng him mai tawh zawk a ni.
A chang chuan ka nun hi a fair lo ka tia, engatinge piantirh atanga rethei reng reng a ka awm bik, engatinge thil reng reng hi ka tan a harsat bik em em, engatinge thenawm khawveng ten min hnuaichhiah em em bik, engatinge school tha ah ka kal ve theih loh, mi te chu an nu leh pa ten engkim an tihsak a, engatinge kei chu keimah a engkim ka tawn tlang vek a ngaih bik, bik ,bik, tia ngaihtuahin ka indawm kun fo thin a ni. Mahse, “Pathianin mawi taka Leilung Dan a lo zam tawh chu min thlahtute’n nasa takin an palzut a, chu chu in buktawn dik taka a awm leh theih nan Pathianin keimahah ro a rel a, Pathian mi hriat ngei ka ni”, tia ka ngaihtuah chang hi chuan ka nunah beiseina eng a lo awm a, thih thlamuanna a lo awm bawk a,lungawi takin ka hun ka chhiar ve thin a ni.
October 30th, 2011 at 12:01 am
tumbailek tumbailek… thang tumbailek tumbailek!
Report this comment
October 30th, 2011 at 12:06 am
Tha phian mai a.. Sawi belh tur erawh ka van fu mai.
Report this comment
October 30th, 2011 at 12:08 am
I vanram kal duh chhan hi a tha thawkhat viauin ka hria.
Report this comment
October 30th, 2011 at 12:28 am
Post tha hle mai a
He lei hringnun hi a hahthlak a. Lungawina kim hi he leiah hian kan hmu dawn lo. US president emaw, billionaire emaw, filmstar lar ber emaw pawh ni ila adang chuang lo ang!
Mihringa hlimna chu kan banphak chiah loh leh kan thlen phak chiah ni lo nia kan hriat han thlen lai hi ani awm e, mahse duhtawk chin lem kan nei si lo.
Hlimna chu lungawi thiam hi ani ber awm e.
Report this comment
October 30th, 2011 at 1:03 am
Khawiah mah hian lungawina kim a awmlo nge nidawn ni, Pathian in a angel te zawng2 hotu atana a dah Lucifera meuh pawhin a dinhmun a duhtawklo fo mai anih kha!
Engpawh nise, rilru a vanram beiseina kan neih hian nasa takin lei hreawm lakah inhnemna chu min pe thin anih hi!
Report this comment
October 30th, 2011 at 1:13 am
Post tupa ka rilrua ka lo ngaihtuah fo thrin a ni i thu ziah hi.
Report this comment
October 30th, 2011 at 1:21 am
i thuziak kalhmang hi chhiar a nuam hle mai
harsatna ka tawh chang te hian ‘pathian mi hriat ka ni’ tih hi ka rilruah a lo lang thin,chu chuan min ti chak thar leh thin.
post
Report this comment
October 30th, 2011 at 2:59 am
Tha fu ni.
Report this comment
October 30th, 2011 at 3:40 am
Ngaihtuah cheuh cheuh chuan, kan hringnun hmandan hi INLEMKHUAL kan ang ngawt awm asin! Kan la ban fel hmain ka thiante lah chu a mal malin an ko haw pheuh pheuh leh ta nghal.
Kan dam rei zawng lah chatuan ngaihtuah chuan mitkhap kar pawh a tling lo a nih hi! Kan la nui bak ve so thei hi lawm tawk viau phawt mai teh ang u
Report this comment
October 30th, 2011 at 12:27 pm
Ava ngaihnawm em!!
Report this comment
October 30th, 2011 at 1:36 pm
“Pathianin mawi taka Leilung Dan a lo zam tawh chu min thlahtute’n nasa takin an palzut a, chu chu in buktawn dik taka a awm leh theih nan Pathianin keimahah ro a rel a, Pathian mi hriat ngei ka ni”
Report this comment
November 6th, 2011 at 4:33 pm
A ngaihnawm.. rilru in anna lai kan nei e… “”Sawibelhna .. Vanram hi.. Rangkachak leh lunghlu tih vela cheimawi tak tak anih ka ring lo.. Vanramah hian lung duh.. nupa.. unau.. kan veng ami thin.. tiin kan in tih khawm deuh tel tel tawh ka ring lo. Nu leh pa ka nei tawh lo, Vanramah ka nu ka pa ka han tih deuh bik pawh ka ring lem lo. Ringtute erawh kan in tawk khawm dawn tih ka hria… Isua hi sakawr var chunga chuangin alo kal ka ring lo… ” I thu khaikhawmna khian ” NUN HLUTZIA” min hrilhnawn e…
Report this comment