Vawiin 3.11.2011 hian Road Tax pek tumin ka chhuak a. Two wheeler choh anih avangin a tam vak lo ang chu ti in Rs. 500 chiah ka inring a. Office ka va thleng phei chu Lifetime (Rs.3192 kum 15) atan pek lawk a ngai an lo ti tlat mai a.
Kan registered-na lehkha ah khan tax chu Yearly a pek tur tih kha a lang ve kalh bawk si. Motor lei thar te tan chauh a pek tur ni khan ka lo hria a; ka inring sual nasa hle mai. A enga pawh chu lo ni se, kum 15 chhung atana road tax han pek ringawt kha enge mipuite tan a that zawkna ni ang le?
Sawrkar hian mipuite tan phurrit anih leh nih loh hi han ngaihtuah chiang se la, a kum lam te hi ti tlem thei se a tha lo’ng maw le. Scooty te phei chu kum 15 hi kan khalh thei ngut ang em aw tih te ka ngaihtuah mai mai a. Mizoram sawrkarin Road Tax a lak dan thar chungchang ah hiang enge kan ngaihdan ni hlawm le?
Similar Posts:
- Mizoram ei-da tu Sawrkar hnathawk te
- Elevated Road kan siam ang maw?
- Auto-Rickshaw Road Tax punna a sang uchuak
- Engvangin nge in lo lawmpui?
- How road becomes broad
November 3rd, 2011 at 6:02 pm
Hmm ngaihdan pawh ka la nei thei hrih lo 🙂
November 3rd, 2011 at 6:08 pm
(Y)
November 3rd, 2011 at 6:11 pm
Babutea’n a sawi kha a dik tak tak ta anga? “Kan sawrkar hunah khawn ve tur pawh kan nei lovang..” a tih kha!
November 3rd, 2011 at 6:12 pm
Sorkar sum indaihlohna phuhruk nana an tih mai mai a nih duh hmel khawp mai ka ti. Sorkar hian ba a nei teuh tawh anga ba rulh nan a hlawma mipui sum ruh ruih a tum a ang.
November 3rd, 2011 at 6:14 pm
Choh=chauh?
November 3rd, 2011 at 6:16 pm
Pu Zorama’n a sawi kha a dik tak tak ani maw. NLUP sum atan an mamawh aniang.
November 3rd, 2011 at 6:23 pm
Mi zawng zawng Rs nuaih khat sem Vaihawlan a tiam che u sia, sem tur a nei silova, tikhan uchuak deuh deuh a chhiah neuh neuh in pek angai ta anih kha. In chawh ngawt mai. Congress dawheh ho vote man in tuar ta anih kha! (&)
November 3rd, 2011 at 6:25 pm
Mak dangdai ve. Scam anih loh vek pawhin ‘scum’ emaw tal aniang a, a lang nasa niai nuai em mai! hairehai 😛 😉
Taxation Dept’ in Mizoram mipui te a scam tihna em ni, nge tih ve dan tur dik tak zawk? :-S
November 3rd, 2011 at 6:34 pm
Dan in dan a siam cu dan a nimai.ke a kal chi ho tan chawi ngai ve lo.a leh a leh.
November 3rd, 2011 at 6:39 pm
Mak ve aw, Yearly pek tur lifetime a thlak daih chu.. Lifetime hi i pek an demand tlat chuan receipt fel tak dil a tha ang.. Nakinah Yearly rate hi lo tam chho mahse kum 15 chhung chu tuna an rate hi an honor sak ngei ngei turah ka ngai.
November 3rd, 2011 at 6:42 pm
Ka hriatsual loh chuan India ramah hian vehicle life hi kum 15 niin ka hria a. Chumi base chuan em niang Road Tax kum 15 atan pek tur an tih aw ka tia, mahse new registration nilo, motor hluiah pawh an la tho sia. A…a diklo, sawitur a tam.
November 3rd, 2011 at 6:48 pm
Xonas: Aizawla awm i nih hmel a. Tun laiin Lirthei chhiah pek chungchang tluka NEWS a awm dawn em maw’n le Idol tih lohah chuan. En that duhtu pawl pawh an din hial a, an nawr luai luai a ni sia le. Eng tin nge hre lovin i zuk kal theih ngawt le.
A ni lo zawngin comment zel te’ng: PWD tluka department corrupt hi a awm lo ang. Tun hma atanga mi tinina thawk kan chakna, a thawktute pawh kan tlawn huai huaina department atang vek hian kan che buai zel dawn ni awmin a lang. Kan biak Pathian pawh hian min khak let ve zel niin ka hria.
Lamlian enkawlna lam pawh BRTF-in PWD kutah a hlan ve leh zel a. Mahse an che chukchu zel mai si a. Kumin fur ruahtui phei chu kan ngam lo chhiau va a nih hi. Congress auhla kha NLUP leh Kawng tha a nih kha.
Tin, chhiah pek hi kan tih ngei ngei tur a nih laiin advance-a pek teuh teuh chuan a awmzia a tih nep ka hlau ve tlat. Mahse Mizoramin sum kan tlakchhamzia hrethiam tan chuan pek hi uihawm lo tak a ni. Tun kum kumtira kan buaina pawh PWD sum lak pen chungchang a nih kha. I hausa a ni mai thei, in leh lo car tha tak tak i nei a ni thei e; mahse ram hi a HAUSA LO A NIA!
November 3rd, 2011 at 6:54 pm
Thla hmasa khan ui tak chungin ka va pek tak kha. Pek lawk hrim hrim hi chu a that lohna em em kei chuan ka hre lova, kum tina tax pek hi ka theihnghilh theih zawng tak a ni pek a. Mahse, vehicle hi kum 15 tling lo lo khalh dawn ta ila, bill let leh theih dan tal awm se tha ka ti khawp mai. 50% vel lai hi sawrkar-in min ei sak ka ring hial.
November 3rd, 2011 at 6:55 pm
@Ignatia, nia, khua leh tui tha chuan chhiah a pe ngei ngei tur ani, mahse, kum 15 atan em em a han pek advance chu a lutuk i tih ve tho ka ring. Motor hlui lam tawh, la tlan ve tawng tawng tan kum 15 chhung atana Road Tax pek chu a na duh viau lawng maw? Mizoram in sum kan tlakchham avanga chhiah pek uihawmloh tih ngawt hi ka hrethiam lo deuh a…
Anih leh he Road Tax dan thar hi India ram state dangah an hmang ve em aw?
November 3rd, 2011 at 6:58 pm
Hethil hi chu mak ngawt mai.. Kan motor te kum 15 chhung a ngai reng kan kawl peih hlawm miah lo ang maw le.. a thar a tam chak si. He tax hi chu tlemin tidanglam deuh se aw
November 3rd, 2011 at 7:05 pm
Chhiah kan pek hian motor kawnga kan tlan pur pur man kan chawi a ni lova, kan tlanna tur siamnaah tha leh zung kan thawh ve zawk a ni. Mi siamsaa leh neihsaa va tlan ngawt thu awm suh! Chuvangin motor kawng siam leh thawmthatna hna hi kan tih tur a ni tih hriain chhiah kan pe tur ah ka ngai.
Chumi awmzia chu kan PARTICIPATE ve tihna a ni. Chu chuan kan motor kawngte hi keimahni ta anga en theihna thinlung min pe dawn a ni. A ni bawk reng a, tu ta mah a ni bik lo kan tan a nih hi. A chhiat chuan keimahni bawkin kan tuar!
@Sheldie: A dik chiah keipaw’n ka ngaihtuah neuh neuh thin. Ka thutlukna pawh hi a inbuk tawk khawp mai. A chhan chu pawisa kan tlachham miau si a, tih ngaihna dang awm hek lo. Thuneitute thu awih hi tha ka la ti ber a, dik lo tawpkhawk emaw mawi lo em em a nih lem loh chuan an thu tlukna hi ka pawm rih mai. 🙂 An ti danglam a nih pawn kei aiin a pawimawhna leh mamawhna hre chiang an ni a, ka pawm zel mai ang.
Chuan i zawhna tawp ber khi ka la zir chiang rih miah lo. An tih ka ring lo ri ngawt a.
November 3rd, 2011 at 7:07 pm
Kan sorkar hun-ah kum 5 ah kan siam rem dawn nia 😛 tak takin kei pawh kawng a sawi khi a thlawp, pek hreh hrim2 lam vang ni lovin, kum 15 lirthei kawl khi kan tam lo ngat ang..pek lawk hi chu haihawt tan a that bakah thawktu lam tan a zia deuh anga, mahse he thil hi chu NLUP nghawng a nih chu ka ring ve vel mai mai, tlan chhe nghal………. 😀
November 3rd, 2011 at 7:15 pm
Chhiah pek hrim hrim sawi hian Mizo hi chu ka tang deuh hru a, a bikin lehkhathiam lo te. Khua leh tui kan nihna a kan tihtur a nihdan te awareness a awmlo bawk a, engemaw hlekah kan phun vak zel a. Mahse, Road Tax kum 15 atan em em chu kan ti mai ania, pawisa harsat chu thuhran nise a petu tan a fair lo, motor kha kum 15 a damlo thei!!
Pakak sawi ang khian kum 5 chhung atan tal ti se.
November 3rd, 2011 at 7:18 pm
he thil hi mak ve deuh chu Office a kan han sawi tak2 hi chu NLUP lam kan sawi daih zel!!! 😛 sawitam ve lo mai ange.
November 3rd, 2011 at 7:19 pm
hmanah post pakhatah ka sawi teuh tawh kha…road tax te chu expert ho sawi dan chuan yearly hian a tha zawk…sawrkar chet dan chu a va corpus vawikhat hui rut style ve ..hehe hrethiams 😉
November 3rd, 2011 at 7:20 pm
Sut leh se ka ti, a over deuh a ni.
State dangah an hmang tawh pawh a ni mai thei, vai rama an tih ang zawng zawng hi kan rama tih veah a tha kher lo, chhan hrang hrang vangin!
November 3rd, 2011 at 7:22 pm
A kum lam hi ti tlem thei se (eg. Kum 5 dan zelah)a tha khawp ang tiin rawtna he misual kal tlang hian han phuhchhuak ve ngawt teh ang.
November 3rd, 2011 at 7:24 pm
Thla hmasa khan Industries Dept a an officer pakhat ka titi pui fu hlauh mai a. NLUP buaipui a an hahzia a sawi a. NLUP sum hi phai lam atangin in dawng nge Dept pawisa in sem zawk tih ka zawt ve thuai a. Nui vur vurin ‘Chutiang chu hre tur pawh ka nih ka ring lo a’ tiin min chhang a.
Kan sawi daihna chan pawh tuna kum 15 tehmeuh atana tax pek a lo tul na hi sum hlawm mamawh thutna a nga ka tih ve mai mai vang a ni
November 3rd, 2011 at 7:28 pm
VAT pawh 13% a chawhrual/tihpun an tum an tih bawk kha.. Tak tak ni maw!! :-O
November 3rd, 2011 at 7:32 pm
Nia, Road Tax chungchang post ah NLUP kan sawi tel leh thin 😀 Connection awm a niang 😛
November 3rd, 2011 at 7:33 pm
state danga antih dan an entawn dawn anih chuan,state dangin kawngpui ansiam that leh siam tlo te hi entawnve se.electric an in to delh ziate hi entawnve se…ninawm.thinrim.thinrim.
A reng rengah,2 wheeler hi mizoramah kum 15 a daih meuh lo.kan kawng a chhe si.a chhuk chho si.petrol a chhe bok si…motor poh a tlo theih loh hi….
Ninawm tei vet vaikutphah.
November 3rd, 2011 at 7:38 pm
Road tax lampang changtu minister berin, “Ziak hian vuivaina han thehlut thin sela,” ati ani awm e. A dik viau a ni. Thlenna turah tak hian lehkha ziak pek thak zel mai tur ani reng a ni. Mipui aiawh tura thlan tlin (hire) an nia. Kan ai an awh theih nan kan hrilh an ngai fo reng a ni.
Tin, Mizoram kawng angah te chuan lirthei that hun chhung pawh phaikuam ai chuan a reilo thei viau ang. Kum 15 atan han laklawk ngawt mai hi thil diklo tak niin ka hria. Tin, kum 15 an dil lawk hian kum 15 hmain lirthei chhia sela, a dil kir theih dan fel fai takin an siam tel em? Chutiang a nihloh chuan scam ani berin ka hria.
Thingtlang a motor hlui tak2 thleng hian hmaih nei lovin tax an lak thin angin khawn sela, hetiang hian pawisa duhamna hi a awm ka ringlo. Tax pe thalo chu khawi hmun kilkhawr ami pawh man hmak2 zel mai sela, pek pawh an pe tha khawpin ka ring.
November 3rd, 2011 at 7:56 pm
#27 ‘phaikuam’ tih khi vairampur tih ni zawk teh se hairehai 🙂
November 3rd, 2011 at 8:15 pm
16
Ignatia # I thusawi khi ka ngaihdan a ni ve khawp mai, pek lawk ngai khi a rei deuh pawh a ni mai thei. Kum khat (kumtin) tax pek hi chu mipuite hian hreh lo ila, kawng a that loh chuan sorkar nawr ngam bawk ila.
Tax pe tha duh silo, kawng a chhia ti a, phun phun leh si te hi mi tamtak an awm thin. Japan te angah chuan tax hi tha takin an pe a, sorkar pawh a inthlahdah ngam lo, mahni tih tur theuh tha takin an ti tlang mai a ni.
Tax pek hi Sorkar kan thawhpuina chikhat a ni a, tax kan pek thatloh chuan Sorkar a rethei anga, sorkar a retheih chuan, mipuiin kan tuar leh thin. Tax pek that hi sorkar laka ka kan rinawmna leh khua leh tui tha nihna a ni.
State intodelh ni tur chuan mipuite hian, Kohhrana sawma pakhat kan pek that ang hian, chhiah thatakin chawi ila, eiru ho pawh hi – kan chhiah chawi lo eiru an nih chinah chuan, mipuiin ‘Pu Hawla’ phoro kher nghak lovin, ngaihdam dil chul khawpin ‘nawp’ tawh mai ila.
Mi hausa, Kohhran hausa te hi tangrual se, ramtan thiltha, Kawngsiam te ching se…ram an hmangaih zia a hriat ve mahna.
Lo ti ve deuh duah teh ang….
Kum 15 em em ti lo se, kumtin emaw, kumhnih dan emaw a tam berah, kum 5, a tawk viau…..lo in enfiah rawh se, a nih loh chuan pawi zawk ang 😛
Ran hruaitu te hian tih tur an hre lo lutuk hi…a pawi a ni, vai pathian te min biak san mai mai….a ai a tul a tam tehlul nen. (N)
November 3rd, 2011 at 8:24 pm
Changkan nan leh hmasawn zel nan tax pek hi i hreh loang chu…thil hrechiang mang lo hian kan sawi paWP pawp zel bawk thin a,lifetime tax hi india ram state tam zawka hmaN ani tawh
Private motor nei theih chuan tax pek mai tur…lo ti ve bur teh ang
November 3rd, 2011 at 8:29 pm
mualzavata #30 tax chu kan pe ngei ngei turah ka ngai, mahse #27 khi han chhiar ve chhin mai2 teh khai. Enge i ngaihdan le?
November 3rd, 2011 at 8:42 pm
Chhiah pek hi khua leh tui kan nih anga kan tih makmawh a ni a, kan pe ngei tur a ni. Amaherawhchu, tun tuma motor thar pawh ni silo kum 15 em em pek lawk tih hi chu ngaihtuah that leh tha ka ti khawp mai.
Tuna ka car kawl hi 800, 85model kha a nia, kum 26 a pumhlum tawh a, road tax validity update a ngaih hunah kum 15 pek lawk ngai ta se, lu thak vak lo hi ka hiat viau maithei hehe..
tren tren.
November 3rd, 2011 at 8:45 pm
Chhuaklinga, #27 a ka ziak ang khian, fel fai takin lak kir leh theihna tal a awm loh chuan Mizoram angah chuan a apply chi lovin ka hria.
November 3rd, 2011 at 8:48 pm
@Chhuaklinga, kha kha ni reng asin. Kan comment te khi i chhiar ka ring a, motor upa tawh tak tan a kum 15 chhung chhiah pek lawk chu a na duh dawn chiang.
Lifetime Tax kan hmang dawn anih paw’n motor tharah hmang tan se, motor hlui chu a upat tawh dan a zirin tax lak turzat ruahman ni ta se.
November 3rd, 2011 at 8:53 pm
kan nau pakhat pawh a car kha kum 6 ani tawh a,kum 9 daih a va pe
ka duhdan phei chuan tax hi tam lehzual se,phak leh phak loin mi zawng zawng hian lirthei neih tum lo se,ke te hian kal suau suau mai ila a va nuam dawn em!!!Kan ram pollution kan veng ni mai dawn a 🙂
Income tax te kan sawi ri,han la tak tak se chu kan va phun
nasa dawn em
November 3rd, 2011 at 8:59 pm
An ngaihtuah tha leh lova, tuna an thu hi an keng tlang lui a nih chuan kan buai deuh dawn a nih hmel khawp mai. 🙁
tren tren.
November 3rd, 2011 at 9:06 pm
#34 wise 🙂
November 3rd, 2011 at 9:07 pm
chhuaklinga chu i car chu vintage ni tawh mai chu a,,tha deuh khan lo kawl la,kan tu leh fate hmuhah….mahse pollution lamah ilo thawhhlawk viau mai ange 😛
…tren tren
November 3rd, 2011 at 9:09 pm
Motor tharah pawh kum 15 hi chu a tam hrim hrim.
Tin, comment tamtakah hian chhiah pe tha duh lo ang lek lekin kan inchhuah tepin ka hria, a uchuak lai ber hi kan sawisel chu a ni mai.
November 3rd, 2011 at 9:12 pm
Bike thar ah Rs 6000 hmanni khan kan pe. A uihawm duh khawp mai! Internet ah ka en thuak a, India state dangah pawh 15 years road tax hi chu an lo la reng tawh a. An lo sawisel ve nasa hlawm khawp mai. State danga insawn chauhvin an refund, chu pawh sawrkar atanga sum refund hi chu harsa tak a nia.
Road tax a sang tawh bawk a, kawng siam hunah kan en ang chu. Nitin Zemabawkah ka kal thin a, khawpui kawng a ang thlawt lo, chhe tak hi a ni ringawt!
Mahse income tax kan pe lo hi chu Mizo te hi kan vannei thlawt. Kan hlawh lah hi phai mil or a aia sang a ni bawk si. Lawm nachang lah hi tumahin kan hre bawk si lo. 🙂
Leh Mizovin a kan sawisel ai hian tui leh power supply hi a tha thlawt. Phai a kan awm ve lai a, 47 degree C vel a loadshedding hrehawmzia kha, darkar khat hi chu rei tak a ni. Aizawl ka awm ve hnu hi chuan phai aiin a tha zawkin ka hria, hydel project mumal nei miah lo state tan phei chuan. Engtinnge maw an manage zawk ni?
November 3rd, 2011 at 9:17 pm
Income Tax pe ve ta ila, kan Indian milar/hausa thenkhatte ang mai hian tu tuemaw chuan Tax pekloh thubuai kan awrh ve nual mai ngah 😀
November 3rd, 2011 at 9:18 pm
@38, a la zia ve fu a sin, Japan suzuki company kutchhuak diktak kha a la ni reuh a :d
A neitu tan chuan ngaihno bei rukna riau a nei reuh lehnghal a. :p
Thei tawpin ka lo uluk lehzual ang e.
tren tren.
November 3rd, 2011 at 9:18 pm
Mualzavata sawi hi ka ngaihdan. Road tax sang hi chuan motor pung lutuk hi chu a control ngei ang. Garage sak aia dawrte tal sak duh Mizote hi chu control kan har khawp mai. 2nd car chin phei hi chu a tax hi san belh zel se a that ka ring mai mai asin.
November 3rd, 2011 at 9:30 pm
Road Tax sang hmanga motor pung chak control tum chu… Garage nei, nei tak tak ho chauhin motor nei thei ta se, kawngpui sira motor in park zawng zawng hi Sorkar hian remove hmak hmak ngam bawk ta se, dan awmsa angin motor life over tawh chu kawngah tlan phal lo ta se…
November 3rd, 2011 at 9:45 pm
Garage nei/or rent ho chauh hian motor nei ila a pawina ka hre lo. Mi in kan luah a, garage pawh kan luah mai. Kawngsir a motor riah ho hi chu remove sak hmak hmak phal se ka ti tak tak asin. Life over tawh pawh tlan phal lo se. Dan hi chu keng kawh ngam se kan chhiat phah aiin kan that phah zawk daih ang. Mahse a dan siam tu te hian hum tur an ngah lutuk leh vote hlauh an hlau lutuk avangin mipuite pawh in dan kan zah loh phah chu a ni.
November 3rd, 2011 at 9:57 pm
Mizoramah hian vehicle life over hi a awm ve reng reng em le? Lo awm ta se kum engzat chin nge mawn le? Ka car hi chu kumin kum tir tax ka pek kha chuan engmah object-na chu an la nei lo ngei mai a. 😮
November 3rd, 2011 at 11:02 pm
I scooty chu kum 15 i khalh ngei a ngai dawn a nih chu 😀
November 3rd, 2011 at 11:07 pm
@Chhuaklinga, Mizoram bik chu ka hrelo a, mahse India ramah hi chuan vehicle life hi kum 15 niin ka hria a, Mizoram tan pawh kum 15 chu a ni ve mai nge ni ka hre lova. Hmanah khawi state ah emaw ni (chianglo ruai) hman an tum ngawt a, an buai vak, motor neitu mipui lam kha an nuar, Sorkar an nawr, tihngaihna awmlo a heti hi kan ni mai.
November 4th, 2011 at 1:54 am
Tax ka la pek loh phah..:)
November 4th, 2011 at 4:26 am
Pek tam theih dan a zirin rebate itawm tawk tal awm thei se la . E.g. Kum 5 tana tax pekin kum 1 free i.e. Kum 6 angin min chhiar sak se
November 4th, 2011 at 10:55 am
Motorcycle with gear 250cc kum 15 road tax pe dawn ta ila,engzat chiah nge ni ang le?
Min lo pui teh u!