Serchhip Auto-Rickshaw Owners Association chuan “The Mizoram Motor Vehicles Taxation (Amendment) Bill 2011 anga Auto-Rickshaw Road Tax punna hi a sang lutuk a, Auto-Rickshaw hmanga eizawngtute tan phurrit a nih tak avangin Mizoram sorkar chu he thil ennawna, siamtha turin kan phut a ni.
“The Mizoram Motor Vehicles Taxation (Amendment) Bill 2011 hman a nih hma kha chuan kum 1 atan road tax hi Rs.250/- niin tun dan tharah hi chuan Rs.850/- a tling ta a. Hei hi eizawnna atana hman chi lirthei atanga chhiah lak za zela 20 vela tihpun tur ni a, Mizoram Assembly-a sawiho laia sawi chu a tak a lo thlen chuan a punna chu za zela 240 a tlin daih avangin Auto-Rickhshaw-a eizawngtute tan chuan phur rit leh enghelh tham a lo tlin tak avangin Mizoram sorkar chuan kan dinhmun min hriat thiam pui min ennawn sak turin kan phutin, kan ngen a ni.
Issued by
Serchhip Auto-Rickshaw Owners Association
October 10th, 2011 at 4:03 am
Anih tak khi mawle…20 atanga 240 chu a inthlau hle mai.Tax kan pek hi ram hmasawnna ani tih hi hre ve hlawm tawh ila ka ti ngawt mai…ram changkang apiangah tax a sang mai.Mahse khi ti em2 a tih san phut2 chu a mipui zah loh thlak lampang deuh.Tax hi pe tha ila tax payer kan nih angin kan lungawi lohna ah te kan huai lehzual ngei ang.
October 10th, 2011 at 4:12 am
Lifetime tax in pek luih tir kher pawh hi mi tam zawk tan chuan phurrit ani. Rebate a awm chuang lo an ti leh ta nghal. Kumtin in tam lutuk lo in escalate tir zawk ta se.
October 10th, 2011 at 9:38 am
Assembly a pass anih chuan tun a taka lo protest a va sawt awm lo ve. MLA thlan laiin hetiang an tih dawn leh dawn lo an lo zawt kilh kelh lo niawm tak ani. ‘Pe rawh u pek in in awm ang’, tih chi ani bawk si lo. Pek loh theih ani si lova, Auto Rickshaw chuan man an san ve mai loh nakah.
October 10th, 2011 at 2:56 pm
Kawngpui chhia tiin kan sawi peih bawk a, a siamna tur tax pek chu hreh vak chi pawh a ni dawn em ni ?
Road Tax leh Bridge Tax (Toll) atanga mahni ram chhung a kawng leh bridges te maintain vek tum tur rawn ti thut mai se, tun ai hian Road tax kan pek san a la ngai cheu ang.
October 10th, 2011 at 5:42 pm
Motor lei ngam chuan tax chu pe ngam ve se ni mai a lawm. Tin,India state dangah Mizoram tih loh khawi state-ah hian nge Motor thar leiin life time tax an pek loh le, min lo hrilh teh u..plizz.