Ka va thlen phei meuh chuan a thupek chuan rilru a tibuai map mai, kan chhak lawk ramhuana kawlthei lawh ruk a ni mauh mai a. A neitupa lah sairawkherh perh a thiam lutuk bawk si. Hotupa berin a ti tlat si a, phur fahran lo chuan kan zui chho ta dam dam a. Huan mawng thlam atang a lang thei lo chin atang chuan kan lut ru ta a. Kan vanneih a siamin feh an lo awm lo hlauh a, puar el euhin kawlthei chu chhunchawah kan hmang ta a. A tui zia tak kha aw..
Ni a rei tawh lo bawk a, chutia kan zik nek nek chhung chuan ni pawh a lo her bam tawh a, kan tui cheng la lum chhuak chiah lo avang a hmui duk deuh chir cher leh kan beng kawm vel leh nghawng a tui bal kai paw var ir iar te chil a nuai fai pahin kan thing chu kan pu a, haw zai kan rel ta a. Kal pah chuan kan kawlthei te pawh chu kan la khel pah zel bawk a, zial bung hmuh fuh hlauh chuan kan chhar pah zel bawk a.
In kan han thleng a, ka pi thing tuah seng tur kawtah a lo awm a, ka thingput chu kawtah chuan kan keuh a. Ka piin, i va pu lian em em ve, bal chhum chhuar belthlenga ka dah kha zu ei tawh, a tih chu bawh zui turin rang takin inchhung lam chu ka pan nghal a. Ka pu chempui chu a fawng khem lang lo zawngin ka thiat te te a, bapui lian deuh ber chu ka la a. Ka pi ka leng dawn, tih leh kawn zawl lam pan a tlan chu ka rual nghal a. Ka piin, ar lawi hmanin lo haw ang che aw, a tih pawh ka hre kim tha thum lo chu a ni ber e. A chempui fawng ka tih khem a hmuh hun a, ka pu min tih dan tur vei ru ran chungin thiante nen kawn zawlah chuan kan INCHENG CHAI ta a.
NB: Ka pu hi 1989 khan a thi a, a chempui hi ka rochun nghe nghe a. 1996 a kan lui kalin ka thianten an lo phawrh a, ka hre si lova kan hawsan ta daih mai a. Han lam leh nan a hla tham si a. Ka ui ngei mai. 
tren tren.
Similar Posts:
- Ka pu chempui (thing tuak)
- Ka pu Chempui (thing tuak) – II
- Fiamthu Kawkholekson
- A pui dawn alom!!
- Krismas Thing
November 5th, 2011 at 6:01 am
Ti ti ik ik..
Report this comment
November 5th, 2011 at 6:07 am
Tho tawh ru lem
Hlonchhing ar ang a khuang e
Report this comment
November 5th, 2011 at 6:19 am
Lr-a leh littlerascal chu min lo ‘ik’ khalh leh ta
Report this comment
November 5th, 2011 at 6:23 am
Mahni post a first nulh chu ka tia, ka firs duh lo mai mai.
tren tren.
Report this comment
November 5th, 2011 at 6:30 am
Ka khuang hmasa ber em aw?
Report this comment
November 5th, 2011 at 6:35 am
Diktak chuan i post khi ka chhiar miahlo. Ka pu chempui tih chin khi chu ka la hrethiam, ‘thing tuak’ tihte khi a mak. Mahse ka comment char char dawn
Report this comment
November 5th, 2011 at 6:50 am
Hahaha.. @6, kan naupan lai chuan thing hi kan pu a, kan khawl teuh a, fak 15 Rs 1 tein kan hralh thin. Aizawl lamah phawh khan ka thing tuak chaw chhum nana hmang an awm ve chiang, kha tih hun lai khan. A chhan chu Aizawl lama phurh turin an lei khawm thin.
tren tren.
Report this comment
November 5th, 2011 at 6:51 am
Inrinni zing ah hi chuan bazar turin ka tho hma ve ziah. Bazar zawh ah chawei hma, office kal hma ka misual thei tlangpui. Hei tunah pawh ka misual mek e
Report this comment
November 5th, 2011 at 7:29 am
Ngaihnawm khawp mai
. INCHENG CHAI chu enge aw ? Boli a ni em 
Report this comment
November 5th, 2011 at 7:46 am
@9, a line awmdan chu tukverh frame ang hi a nia(lian pui
) a salaipui te a awm. Ka sawi fiah lo maithei, boli zawk chu han hria ila, a fiah deuh tur.
tren tren.
Report this comment
November 5th, 2011 at 8:19 am
Thian ten buh vaw turin min sawm a, holiday te a ni bawk a ka kal ve daih dawn e mawn le.
tren tren.
Report this comment
November 5th, 2011 at 9:26 am
I Pu chempui chu Pu shaia hovin zuzawng i la. Kava uií
In boli hi nuam thei tak a ni.
Report this comment
November 5th, 2011 at 9:28 am
Ui tak tak la chuan i lam leh nal nalin ka ring
Report this comment
November 5th, 2011 at 9:53 am
Naupan lai sawi hian, meizial bung chhar hi in sawi tel chawk a, mi pangai tih turah ka lo ngai ngai lo reng reng. Tuichen erawh hrat tak ka ni. Mi thilruk phei chu ka thisenin a ngamlo hrim hrim, Sunday sikula min zirtirtu U Sangthuami leh Pi Hmingi ten an phal lau.
Report this comment
November 5th, 2011 at 10:08 am
A ngaihnawm, lungtileng… Meizial bung zawn, ruah a sur chuan chuti hloh an tia lawm…:-)
Report this comment
November 5th, 2011 at 10:26 am
@ 10 Inhawngbi kan tih thin hi a ni lo maw i sawi chu . Boli chu . Pawisa thir a in thap/ a bi khur a in thehluh siak ,a pawisa thir in theh fuh siak, Cheng a tel sia Boli emaw ka tia
Report this comment
November 5th, 2011 at 10:44 am
Hmanlainu, an meizu paih changa zui ruk, an han bengzeh leh daih kha chu hrilhhai thlak duh khawp mai.
Report this comment
November 5th, 2011 at 11:20 am
Ku Hv, thiante motor a chuan a, thingtlang kawng a km 20 zet tlan tawh hnu chuan inthlahrunawm duh ve tak a ni.
@16, a nih chiah chu, kan tlan chhuah chiah khan hongdabi kan ti thin.
@Pc-a, biakin kawtah a sei duh bik, mahse an paih tur kan chang a, an han paih a an han rap hrual zui kher kha chu(h)
tren tren.
Report this comment
November 5th, 2011 at 11:33 am
Chhiar a manhla e, i pu chempui i theihnghilh chu a zialo hle mai, ‘Ro’ kawl tlak i ni dawn tlat lo.
Report this comment
November 5th, 2011 at 11:42 am
#18 ani bawk si… hrilh tawp mai ta ang la :la ti hram: hahaha sawi mai mai. Ni e, han sawi a nuam lem lovang
Report this comment
November 5th, 2011 at 11:52 am
I Pi ina alo chawn dan che khi ka lung ati leng
Report this comment
November 5th, 2011 at 12:04 pm
Post tupa, Chempui bo zawn khi nge buaithlak ang nakruh bo zawn?
Report this comment
November 5th, 2011 at 12:43 pm
Chhuakte a va ngaihnawm ve. A dang kha chu ka lo save ringawt a. Ka naupa’n laiin Chempui ka tih bo avangin Fathera’n min chu kha tawh alawm le. Thil tamtak min ngaihtuah chhuah tir e.
Report this comment
November 5th, 2011 at 2:28 pm
in tlanchhuah chiah a ‘hongdabi’ ti na na na ‘in chengchai’ tih teh tlat
keini chu inhongbi kan ti NOI
i ziah lai hian lungleng deuhin khatih hun lai kha i ngaihtuah neuh2 lo maw,heh,a lunglenthlak hle mai.
Report this comment
November 5th, 2011 at 9:34 pm
Mawlmang tak a ka rilru a awm.. ka misual puite hnen a ka rawn chhim chhawng bekang puah pui ve phawng mai min lo chhiar sak tute chungah, ka lawm e.
Chu mai bakah, mi inngaihdan leh a thu a inngaihdan rawn tarlang tute chungah hlei hlei ka lawm e.
Misual sinior comment pe tute chungah a bik takin ka lawm e.
Ka lawm takzet e.
tren tren.
Report this comment