mi(sual).com

Misual.Com a ka lo tel ve dan leh a kaihnawih tlem, he dot com a character hrang hrang te, a boruak hrim hrim hi ka ziak ve chak tlat mai. 2008 atang khan in register lem lovin ka lut ve thin a, post leh comment te ka chhiar a, in nick te hi chu ka lo hre bel ve em em thin. Tichuan kumin 2011 August vela tang khan ka comment ve ta zeuh zeuh a, comment mai kha a lo tawk lova, post te kan submit ve a, a vaiin pakua ka post ve zan tawh.

Chhunah Office kan kal a, zanah kan han online a, he site hi a addictive reuh khawp mai a, chhungkua ah buaina tenau a thleng ta zauh zauh a. ‘Misual.com hi ka ning!!’ tih thu te a ri fo bawk. Mahse, a zunah ka uai laklawh a, ka sim chuang hlei lova. Buaina eng eng emaw chu in tawh ve tho ka ring a, fa te nena Computer inchuh te, nupui fanau te mut hnua thawh ruk them them a han online leh rih te. Sawi duh hlawm ila chu sawitur kan ngah hlawm ka ring

Kan ‘nick’ te hi ka ngaihtuah ta alawm, a dangdai hlawm khawp mai a, mahse, tunah chuan ka tan an ‘familiar’ vek tawh a, tu nick pawh mai hi a ngainatawm vek tawh mai nia. Kan nick mai ni lovin character hrang hrang, a then Pathian rawngbawltu, a then sumdawng, a then lehkhazir, a then Sorkar hnathawk, sawisen kan ni awmlo e. He site nuam ka tih em em na chu, eng thu pawh post awm se, kan chuk lai lai a, thutak leh chai ngai em em pawh nilo mahse kan inhlutsak thiamna hi a hlu ka ti.

Tin, mi ril tak tak, thiamna sang tak tak in tam tih a hriat a, post leh comment atangin. Misual.com hi hun a heh hle na in nasa takin ka tangkaipui tlat mai, kei chuan. Anonymous deuh vek kan nih vang hian kan rilru kan auchhuahpui dan pawh a frank thei khawp mai, mahse a hlu. Ram hrang hrang, state hrang hrang leh khawpui hrang hrang atangin lungrual takin kan han titi ho a nia, a takin inhmu lo mahila rilru ah hian kan inpawh riau hlawm tih ka hria. Inhmu ta hlawm ila, sawitur kan haihchham ka ringlo. Ka misual pui phone a ka biak chhun te nen pawh sawitur hi kan ngah thei riau.

Chawhchawrawi – Ka rawn telna a la rei lo na in kan ngampa ve viau ringawt a, he site hi a tlangnel apiang tan a siam ah ka ngai. Ka in register dawn khan ka nick tur kha ka ngaihtuah a, kan College kal lai vela ka lehkhabu chhiar thin Sidney Sheldon hming kha ka hmang ta a ni.

Kan comment leh post te kan thlir a, thil langsar zual ka hmuh te (huat awihloh) :

Chhawnbura hian misual ‘banner’ hi a vei berin ka hria a!

Tuaisiala hi chuan vei loh tak tak hi a neiin ka hre lova.

Chemtatrawta’n Sinate a star hle!

Pakak hian tun GMI atang khan harhtharna a chang.

Misual mipa zawng zawng deuh thaw hian hnamdang pasal neih chungchang an vei.

H Vangchhia a lung a leng!

Doctor chungchangah doc_lib comment dan ki a dang ta daih.

Drake leh Kawlhawk in ‘Awke’ an atchilh titih!

Chhuaklinga/littlerascal leh lr hlonchhing an tho hma thei ber, Mizoram bikah.

All-rounder ah Pu HV.

Sawitur dang pawh ka la hria, mahse huatthu sawi ka hlau sia. Han sawi ve teh u.

Similar Posts:

• Kan hming te hi
• Mi(5ual) Plugins a Duhthu ka sam na!!
• Kumthar Thutiam – II
• Press Coverage: Evening Post
• Double Century

Recent Posts:

• June 2017, Mizo(ram) diary
• MIZORAM POLITICS A PARTY TE INCHIRHTHEHNA TAWP THEI LO: KAWNG CHHIA “MNF hovin anmahni mawng an hlim”
• Dawihzep
• CALL GIRL AN TI!
• PI ZIRI A CHING EM NI?

This entry was posted on Tuesday, November 15th, 2011 at 6:00 am and is filed under Luangliam. You can follow any responses to this entry through the RSS 2.0 feed. You can leave a response, or trackback from your own site.