mi(sual).com

Khawvelah hian ro sum hausakna emaw, finna leh thimna changkannate hi a hlu em em na chungin eng teh chiam a lo ni lo kan nun ze mawi leh hlu tak (Krista vangin)chauh lo hi chu  chhuan tur teh chiam a lo awm lo. Keimah te reuh hi mi dang zawng aiin ka hluin ka mawi ka tihna phei chu a ni miha lo nia. Mahse ka nu min enkawl dan erawh mi zinga chhuan tham ni lo mahse keima nunah hian ka chhuang ve mai mai.Nu chhuanawm tak leh mi hriat hlawh em em nilo mahse ka nun ngil takin min khalh kala nun pang ngaia nung thei tura min lo enkawl tawhnaah ka nu chungah hian ka lawmin a rukin ka chhuang ru hle thin. Sawi tham em em ni lo mahse thu pui te neuh neuha thenin ‘At huai sul hnu’ an tih ang deuhin inthlahrung tak chung siin tlem tal chu ka han share ve ange..

Hna : Ka nu hian fapa hlir pa thum min neia naupang te kan nih atangin kan thawh theih tawk hna min siam saka awm awl bik awm lovin min thawh tir vek thin. A, B, C in lo then ta ila. A-na thleng sil, B-na thutthleng rem leh Table nawh fai, C-na Hmun phiah fai. Chhuat nawh fai : A-na Sitting room, B-na Bed room, C-na Kitchen room. Chutiang zelin thil dang dang pawh buh thap thlengin min zir tir a, a chhan chu ‘Innupuite nau neih, dam loh tawh changin intifel thei tur a ni’ a ti thin. Mipa/Hmeichhe hna thliar hrang lovin inchhung chet leh pawn lam hna thlengin a thiam ang chen min zir tir fo thin.

Ei leh in : Ei leh in thuah hian ka nu hian eitura siam reng chu ei thei tur hian min fuih nasa thin hle. ‘In taksa hriselohna vanga ei thei lote nih loh chuan ei duh loh neih loh tur, miin ei tura an siam chu ei theih vek tur’ tiin min fuih nasa thin. Ei tur min siam reng reng inang veka thenin min sem thin a, pakhatin ka chan a tlem ani chan a tam tia lo phun chiar kan awm chuan min lak saka vawk chawah a paih hmak zel. Ei leh ina inhmuphurhna rilru pu lo tur pawh hian min zirtir ngun thei hle bawk.

Kohhran leh khawtlangah : Sunday School-ah emaw, Kohhran thil tihhona leh khawtlang thil tih niahte hian kan kal chhuah dawn hian mi zinga khawsak dan tur leh mawi lo taka khawsa lo turin min thlah ziah thin a, mi zingah that chhia leh hotute thu hnial mai mai loh tur. Hotute hnenah hian kan khawsak dan a lo dawng sawng ziah thin. Engmaw chang chuan a zahthlak thei khupss..

Zirna lam : School kan kal dawnin zitirtute zirtirna tha taka dawnsawng turin min chaha in kan haw hian kan awm dan zawng zawng min zawt leh vek thin. Zanah kan Home work min tih puia, zantin nikhata kan zir laite thiam ngei turin min zir pui thin. Lehkha chhiar hun, infiam hun leh mut hunte min bithliah sak vek thina. Kan chhungkaw phak tawk tein weekend min hman pui thin.Kan zirtirtute tute nge an nih a hre veka School canteen nghaktute thlengin a hre vek. Zirtirtute hnenah School-a kan nungchang leh Point engkim hi a lo zawt vek a, insawi theihin awmzia a nei lo thei khawp mai. Canteen nghaktute hi Secrat Introduction a lo nei thlapa pawisa min pek bak chuang liamin thil kan lei em? tiin a lo zawt ru thin. Veng chhung zuzuar chenin keini ai a hre zawk:-P  Kan hriat loh hian a lo sawipui thina ‘ka fate enkawl kawngah hian min puih ka ngai a ni, eng pawh an chan chin a chhia a tha min hrilh rawh u kei chuan ka haw ve lo nia an thatna tur a nih chuan’ tiin.( tun hnuah anmahni ngeiin min hrilh leh vek)kan

Nulat/Tlanval kawngah: Ka nu hian afate hi thian angin min siam veka thu engkim a hnena kan sawi ngamna tur hian min kawm ngeih/tlangnelvek a. Mihring nih phung tlem azawng kan lo hriat chinah phei chuan nun uluk tur hian min fuih nasa thei thin khawp mai. Ka nu hian kan awmna leh lenna, kan thil tih hi a lo hre vek zel lo niin. Tumkhat chu ka nula zui thin kha room kilkhatah hian kan awm fal a lawm le.. Action kan tan dawn chiah tih hian pawn atangin ‘mate rawn haw lawk pawimawh i nei’ mi rawn ti mai chu(h).. rang mangkhengin ka tlan haw ta a. Ka nu chuan mi rawn um zuia in kan thlen chuan ‘ mate a hun takah lo chuan kha tiang mai mai kha tih tih a ngai lo inupui a nih ngawt loh chuan Pathian duh loh zawng a nia’ tih chauh hi a sawi. Chu chuan ka nunah vawiin ni thleng hian thu a la sawi. Khawiah pawh kal dawn ila ‘ ka nu chu tah kha tah ka kal dawn,’ thiante nena kan thil tih tur engkim hi kanhrilh hmasa veka kan sawi anga kan awm leh awm loh hi mi lo thling thla ru reng thin. Kan intiam hun dar kara kan haw lo a nih chuan mi rawn zawng nghal zel. Tum khat leh pawh Langkaih lui rala kan awm lai hian ka nu hrilh ta lo chuan luipui kanin kan awmna tanga Km 1 vela hlaah hian nula kan rim pek a lawm le. Zan mut hun dar 10 velah kan nula rim inah ka nu chu Lantern a rawn khai lut ta vu vu mai.. chu veleh ‘nu ka tih palh’ tih pahin ka zuang chhuak nghal. Kal kawng kan kal pah chuan ka nu chuan ‘ innaupan tet atangin inawmna chin hre lovin ka mu ngai lo tih i hre reng sia engtia i kalna tur sawi lova kal nge i nih le, sawi nila chuan khatia rawn tihmualpho che ka tum a ni bik lo sin’.. sawi tur a vang kher mai.;-)

Zuk leh hmuam : Ka nu hian zuk leh hmuam hi min khap bur ngai lo va, a that lohna hi min hrilh mai thin. Zu kan inhian engtiangin nge kan taksa hian a chhiat pui theih, bakah inchhung khurah tlakranna leh mi minhmuh khawloh dan tur thleng hian min hrilh thin a. ‘Zu in pa chuan englaimahin Kohhran, Khawtlang leh chhungkhua a siam tha ngai lo’ a tihte hian rilru a hneh thei hle..Zuk hmuan kan tih hian kan taksain a chhiat pui dante leh natna a thlen theih dante min hrilh ngunin ti lo tur hian min zir tir thin. Mahse engmaw changa thiante nen emaw, hna thawhhah deuha kan lova social ve zeuh tiang hi chu min open tho. A hun leh a hmun a zirin min hriat thiam pui em em bawk.

A tawp ber atan chuan chan chin thar leh web page hrang hrang han thlir kual ila chan chin rap thlak leh mak sak tak tak, mihring nun phung pangngai leh rilru pang ngai pute’na an tih awm loh deuh deuh(a bikin pawngsual, kidnaped leh tual thah) mahni mihring puite chunga an han theln tir thin hian ngaihtuahna a ti chiai thin hle a. Zoram mipuiteah hian han inen bik ila, mahni lam indah tha thenin eng pawl pawl emaw kan phut a. YMA, MHIP…adt.. kan ti. Sorkar kan mawh chhiat loh leh Kohhran zawngin hma kan la, Ruih Hlo Do kan tih loh leh MLTP  Act .. eng eng emaw Act kan siam kan thul tho kual vel hmasawnna rah hmuh tur awm si lo. Keimahni leh keimahni kan inmawh chhiata kan inhnial vut vut thinte hian insiam that a hnehin tlakchhiatna khurah kan innawr liam zel ni ta ber lo mi te ka ti thin. Hetiang thil thlengte keima phak tawk tea ka ngaihtuah hian pawl, Kohhran leh Sorkar Act hmanga insiam that kan tum chhung hi chuan insiam that a hnehin kan inti khaw lo zawk dawn mah lo maw..??? Ka ngaihve dan chuan Family Act hi mahniah theuh uar takin hmang ta zawk ila kan insiam tha thei zawk angem? enge misualho ngaih dan hi le..??

Ka lo va OT ta ve le.. in duh leh min chuk luai luai mairawhu.:-D

Similar Posts:

• Cheng za min pai tu ka pi te kha
• Enge in Ngaih ve dan ?
• KA MITTUI A TLA!
• Lehkhathawn
• Corruption Do dan tur

Recent Posts:

• Sehrep thenfai dan awlsam
• American flag thui hmasaber tu chu tunge?
• mi(sual).com hi!
• KA MITTUI A TLA!
• ȚAHNA NUNHLUI

This entry was posted on Thursday, November 17th, 2011 at 2:00 pm and is filed under Mizo Society & Culture. You can follow any responses to this entry through the RSS 2.0 feed. You can leave a response, or trackback from your own site.