Ka bike chu thei leh thei lo in ka han tun ding a, rah nun tuma ka tha zawng zawng nen ka beih leh fe hnu ah pawh buh herkhawl hlui tawh herh nun tum ang maiin a ri dut dut a, a thi leh hmuk zel a. Ka beidawng tak zet tawh a ni. Khua lah chu a thim chhahin ruahpuivawnawn a sur buan buan bawk nen, ka huh zawr vek tawhin ka chau tawh em em bawk a ni.
Ka awmna chin pawh chu chiangkuangin ka hre lo in motor kawnghlui, tuma zawh tawh ngai lohna hmun ah ka awm tih erawh chu ka hre thei thung. Fianrial pan ka duh vanga helai hmun thleng hi ka ni a, midang hmuh ve loh tur thil ka tih ruk thin avangin mi tlawhpawh ngai lohna hmun pan pawh ka ni reng a ni.
Khua tanga Mel 4 vel laia hla a ni dawn ang, khatia ka damdawi ruih theih hmang a ka inchiu hnu ah khan ka taksa in a zo lo a, ka lu a hai miai miai a, ka hrawkah min hnawh a, ka khuh khek khek a, ka vel a thim mup mup a, nikhaw hre loin ka tlu ta a ni.
Ka harh chhuah tirh chuan ka awmna hmun chu ka hre mai lo a, engtia helai hmuna lo awm nge ka nih pawh ka hre mai thei lo, amaherawhchu ka damdawi hman bang baw niai nuai leh inchiuna hmanrua ka bul vela lo let rem rum ka han dap fuh atang chuan thil awmdan chu ka hrechhuak chho leh uaih uaih a ni.
Helai hmunah hian engtia rei nge ka awm pawh ka hre lo a, helai hmun ka thlen lai khan tlai lam a ni a, tunah chuan zan a ni tawh tih chauh chu ka hriat chhun a ni mai ani. Ka ril tam dan em em atang chuan engemaw chen chu helai hmunah hian thichhawngin ka lo let reng a ni tih ka hrethiam thei mai thung a.
Ka ke dinglam chu a vung puam ulh a, hmun li hmun nga velah chuan ka invih sualna hnu pan so lei luai leh kaw her hur a awm thluahin, a na hlawm em em mai bawk a, ka ding rei thei lo a, ka bike tih nun ngaihna a awm tawh bawk si lo nen, ka na tuar leh chau chu ka thu ta hnawk mai a ni. Ka meizial ah lah chu a huh zawr vek a, lighter pawh talh alh zawh rual a ni lo. Ka ngaihtuahna erawh chu a fim em em thung a ni.
Kum 9 mi ka nih lai atangin Petrol leh Dendrite hnim ruih ka ching tan a, VDP vuak leh zilh pawh vawi tam tak ka tawk reng a. Kan tleirawl chho a, zu leh sa ah ka tuan leh a, chuta tang chuan tuna ka nun leh taksa ti chhe vek tu Proxyvon hi ka addict ta a ni.
Damdawi ngaih chu a lo na mai lo khawp mai, damdawi kan neihna tur a nih dawn phawt chuan engmah tih hreh hi ka nei lo a, a rem rem kan ru a, ruk loh theih thil pawh hi kan inchhungah hian a awm meuh lo a ni. Engkim hian man a nei vek a, kan chawchhumna Cooker hial pawh hralh duhna nei in, chhungte hawihaiin vawi tam tak ka siam a ni.
Ka nu hi ka ngam ber a nih avangin a tuar nasa ber a, a puan tha zawng zawng ka hralhsak zo va, a inkhawm pheikhawk te nen lam ka ruk sak a, Silipar nena a inkhawm lai ka hmuh kha chuan ka rilru a na ve reng a ni, mahse ka ti lo thei si lo.
Nula hi eng atan mah ka ti lo a, tun thlengin ngaihzawng pangngai pawh ka la nei lo reng a ni. Mamawhna ka neih loh miau avangin nulat tlangval nun hi eng he hu ah ka ngai lem lo. Hemi piahlamah hian ka ke vung lek luk, pan tiam tuam hi khawi nula mah hian an duh lo ang tih ka chiang a, ka inkiltawiha, ka hlimna ber damdawi chuan min chhawk hneh em bawk a ni.
Broken family atanga rawn chawr chhuak ka nih miau avangin ka tan sualna tinreng chu a in hawng zau bik a, ka duhna leh chakna chu thudang nise ka tan hian pan an remchang em em a, chu chuan sual min do hneh tir lo thin a ni. Vawi tam tak ka inngaihtuah ve thin a, sim duhna pawh ka nei thin.
Tunah tak phei hi chuan ka na tawrh hi a nat em avangin ka nun hi ka ning ngawih ngawih a, damdawi hi keimah ngei pawh hian ka hua a ni. Mahse a zun zam, ka thisen ah a cham tlat tawh avang hian ka duh lohna chu hnehin a awm a, ka pan leh zawk thin a ni. Chutiang ka nih tawh vanga tun dinhmun thleng hi ka ni a, he zun zam hian kum sawm chuang min phuara min hneh tawh a, pianphung mumal lo min lo puttir tawh a ni.
Chutia ka inngaihtuah kual vel lai chuan ka lo chhing sek a, ka harh leh chuan khua a lo eng uar tawh a, ralkhatah chuan ka awmna lam rawn pana mi pahnih inbe mawlh mawlh thawm ka hria a, an lo kal hnai zel a, min rawn hmu thut mai chu an phu chiang teh a sin.
Chumite nupa chuan min rawn bawihsawm a, nizan lama ka din pui ur ur theih ka ke dinglam pang chuan engmah reng a lo hre ta tlat lo mai. A mu chum chum a, hlauhthawnna in ka khat zui bawk a ni. Ka vela damdawi baw neih nuaih tang chuan engang mi nge ka nih chu min hrethiam mai a, engmah zawhna pawh min zawt thui lem lo chuan midang an pun a, damdawi in lam min panpui ta a ni.
Operation Theatre atanga ka chhuak chu ka harh mai lo in darkar hnih hnu velah chiang lo ruai hian ka harh a, ka taksa chu ka han bih chian nak chuan ka ke dinglam chu a lo awm ta lo ngei mai, an tan ta ngei a ni. Ka rilru na lutuk chu ka mittui a hnam sawk a, ceiling lam chu ka hawi chho a, chutah chuan Setana hian min rawn en reng hian ka hria a, min rawn nuihsawh em em ni hi hian ka han hmu a, ka thinrimna chu a puak keh a, theih ni se Setan chu sawisak chu ka chak em em a ni.
Amah vangin ka nu leh pa an inthen a, kan unaute sual khurah an lut vek a, ka chhang chiah ka chan tawh bawk a, kei ngei pawh ramtuileiloin ka awm phah dawn ta a ni.
Kan chhungkua leh keima chhiatna bul chu Setana hnathawh vek a ni tih chiang takin ka hre thar a, ka kut ka hum ruh a, thei leh thei lo hian, “Setan, Ka cho che…. Kan chhungkaw ti buai vek tu leh min nghaisatu.. Setan tunah hian ka cho tawh che….Nangmah vanga hetianga awm hi ka ni, … tunah chuan hmun himah ka awm tawh a, Isua anchhunga awm ka ni tawh.. chuvangin .. Setan, KA CHO TAWH CHE A NI…ka nun hi i ti buai leh tawh lo ang..” ka ti chhhuak a, ka khum bula thu ka nu leh drip lo khai mawlh mawlh tu Nurse chuan min lo ngaithla renga ka mitmeng phe ruai kar atang chuan an bianga mittui lo luang ngiai ngiai chu ka hmu thei a.
Ka khum lehlama damlo dang awmpuitu pa chuan ka kut a rawn hum a, “Lalpa, I fapa in hei a rawn ko a che…. Nangmah a hmuh theih nan che a, hetiang dinhmun chhe bera I dah avang in lawmthu ka rawn hrilh a che..” ti in a rawn tawngtai a, ka muhil ta siai siai a ni.
Similar Posts:
- Ka thian tha ber
- Ramhuai Liamkawn Lungphun
- “Better to rule in Hell; than to serve in Heaven.”
- A Mak Ka Ti!
- Vanramah
November 22nd, 2011 at 6:14 am
A ngaihnawm hle mai. I blog ah ka chhiar tawh na a, a ngaihnawm dan a la pangai reng mai.
Report this comment
November 22nd, 2011 at 6:17 am
Tho tawh rawh u lem…
Report this comment
November 22nd, 2011 at 6:25 am
Tho la ding ta che…, post chu thingpui in pahin chhiar ang..
Report this comment
November 22nd, 2011 at 6:30 am
avan ropui tak em!Pathianin awmpui zelin,malsawm zel che rawh se.Aw!Pathian min hmangaihna thuk zia leh a khawngaihna ropui zia hi aw!avan mak em!
Report this comment
November 22nd, 2011 at 6:35 am
OT DAWN, ZUALKO: Hretu inawm takin!
ZUALKO
Hei kan mizo unau kan hnen lo zin lawk chhiat tawk awm avangin kan han hriattir che u a ni e.
Nl. Thangzuali, (Thangteii) Lawngtlai, (Saikah) khua, Lunglei piah lam a nih chu, Thailand, Chiangmai khua a 6 yrs lai missionar hnathawk mek, Colarado a lo zin, helai Washington area a lo zin kual chu, a hmelhriat American te hnen a innghat phawt a ni a, Nimahsela Pu Vanlinga leh a nupui Venpuii ten, in hresa ni lem lo mahse, an bengvar in an in a thleng turin an lo sawm a, lawm em2 in a thleng ta ani a.
Nl Thangteii hi a chanchin kan hre tam lo a, tun ah hian Baptist kohhran missionary a ni a, North East India a represent mai ni lovin, South-East Asia ah Field Co-ordinator hna chelh mek a ni. Pathian rawngbawltu a nih hi a ropui kan ti hle a ni.
Nl Thangteii pa, Pu Hmuakliana 72 yrs mi chuan vawii Monday, 2:30 khan, min lo boral san ta mai a, tun ah Lawngtlai khua atangin an khua Saikah khua ah phum tur in a ruang phurh mek a ni a, Pu Hmuakliana hi Lairam Isua Krista Baptist kohhran ah kohhran upa a ni a, village Pastor a ni tel bawk a ni, natna khirh tak cancer a nei a, chemo te a la a, a tha viau tawh a, mahsela a taksa dang ah cancer bawk a lo chawr leh chu a tuar zo ta lo a ni e, fa 6 a nei a, Nl Thangteii hi a 4-na a ni a, a pa zirtirna leh influence na avangin a ni pawh in Pathian rawngbawlna lam kawng zawh a ni, a nu in 1998 ah a boral san tawh bawk a ni. Pu Hmuakliana hi zan in (keini tan) 2:00 am vel hun ang ah Mizoram ah vui liam a ni ang.
****** A missionary, from Mizoram to Thailand, Miss Thangzuali (Thangteii) who just
happen to visit the Washington area on her way back to Mizoram & Thailand
sadly lost her loving father, Pu Hmuakliana 72 yrs from cancer, today at 2:30 pm
at Lawngtlai, Mizoram, he will be laid to rest in his hometown Saikah tonight at
2:00 am, May God comfort her and her families in Mizoram at this difficult times,
please remember to pray for them, we like to thank Pu Vantea & Pi Venpuii for
their loving support to Thangteii, may God bless the family.
” Thih lungngaihna ka tuar lai a,
Min hnem tu thenrual te nen,
Ka lungngaihna min chhawk zang tu
Hmangaihtu min siam sak a ”
E-mail ami ka rawn paste tawp.. tlem edit
Report this comment
November 22nd, 2011 at 6:47 am
Xingibera, i blog ah ka chhiar tawh. Mahse ka chhiar chhuak leh dap mai.
I nupui neih khan ring deuhin i chham lauh lauh a, kha ta trang khan thuziak hi i tui thar a. I thiam khawp mai.
I boss
Rumtea
Report this comment
November 22nd, 2011 at 6:51 am
Chhuaklinga thawh hma in comment mai ang aw.
I bike khi a plug ani lo maw?? 
(1st para chiah ka la chhiar 
)
Report this comment
November 22nd, 2011 at 7:12 am
a tawp dan khi a profe reuh tawp
ngaihtuah zui veng veng ngai chi 
Report this comment
November 22nd, 2011 at 7:31 am
5.Thangtei chuan Missionary te NO in tur kha tak te zinga pakhat, pumpelh hleih theih si loh a lo in ve ta a ni maw. Lalpan tichakin awmpui zel rawh se. Posttupa, Drugs addict te nun i rawn ziak chhuak thiam kher mai. “tih hrehawma ka awm kha, ka tan a tha a ni” hetiang dinhmun atanga Pa hnen pan leh te ngat hi chu Sebawng no thau tak talh sak hi an phu reng a ni. Addict te zinga rawngbawtu atan a va tha dawn em!
Report this comment
November 22nd, 2011 at 7:51 am
Broken family atang a chhuak nih vang a sual ang a kan ngai ziah hi a dik lo.
. Kohhan upa fa, pastor fa sual tak tak ka hre teuh. Insawithiam tumna mai a ni.
Post erawh a ngaihnawm e.
Report this comment
November 22nd, 2011 at 8:10 am
@10, ka sawi tum tak i rawn sawi.
kan venga drug addict ka hriat ho chu nu leh pa kar a mi deuh vek. Kohhranin a hman tak tak te an ni nawk mai. 
@7, tho ve chiah.
tren tren.
Report this comment
November 22nd, 2011 at 8:15 am
Zu zuar fa pawh zu in ngailo fel tak tak an awm tho, chutiang bawkin nu leh pa kara mi an nihloh vanga sual tur a kan ngai ngawt hi sim chi. Pastor/Kohhran Upa fate pawh a rui pawl chu an awm ve tho ania
Report this comment
November 22nd, 2011 at 8:33 am
Post tha tak a van ni em, chhiar a nuam in ngaihtuahna a ti thui reuh hle mai, sheldon sawi ang hian, zu zuar fa te hi ruihtheih engmah khawih lo hi an tam lutuk tlat, a hre chiangtu pwh i ni ngei ang.
Report this comment
November 22nd, 2011 at 9:29 am
broken family chu sual tura ngaih vang ni lovin, sual theihna chance a sang deuh hlek a, post tu pawh hian a beh chhan nimai in a lang.
Report this comment
November 22nd, 2011 at 9:44 am
Ngaihnawm hle mai. ‘Mihring siam that nan khawdur a ngai’ an lo tih kha. Thil chhe ber a kan ngaih te pawh hi Pathian hmanrua, a lam min hnaihtir tu an lo ni thin…
Report this comment
November 22nd, 2011 at 10:03 am
14.Rumtea sawi ang hian. Mahse a tha zawnga hmang ve hlauh erawh an awm ve leh tlat thin. “broken family a naupang lo seiliante din hmun hrehawm zia leh khawngaihthlak zia hi a tak a tawng tu ka ni a, chuvangin ka fate hi chu broken family ah ka seilen tir dawn lo reng reng” ti a conviction nei tlat te, “ka Pa hi zu sehhlum a nia, rethei leh thlabar reng renga min siam chhan kha zu ngawlvei anih vang a nia, zu hi ka do tlat dawn a ni” ti tlat te, “Thiante leh khawtlang hmuhsit a min siamtu hi ka nu zu zawrh vang a nia, ka fate hi chuan hetiang hmuhsitna an rawn tuar ve tur ani lo” ti tlat te hi an awm. Tin, DL.moody-a nu ang chi kha chuan, an fate kawng dikah an hruaiin an venghim thei tho a ni. Mahse post tupa leh Rumtea sawi hi a dik ka ti tho.
Report this comment
November 22nd, 2011 at 10:42 am
#16. Dik khawp mai. Broken family atang chhuak hlawhtling lo tura ngaih nghal tur ani lo. Hentiang chhungkaw vanduai atang pawn mi chhuanawm tak tak an chhuak nawlh fo. Leh lamah, chhungkaw ‘hausa” concrete in chhawng lian kawta motor 3-4 park chhungkua atanga chhuak hi mi hlawhtling anni ber ziah lo. Duatsual an awm ve chawk. Mimal tumna leh integrity a pawimawh. Pathian malsawm tlak hi hkawi hmunah pawh hmuh tur an awm.
Report this comment
November 22nd, 2011 at 11:05 am
Report this comment
November 22nd, 2011 at 11:09 am
Kan kawmen dan atangin fiction a ni tih hre lo kan awm chuang lem lo
(bo nghal)
Report this comment
November 22nd, 2011 at 11:30 am
A ngaihnawm hle mai. Laik mawlh2 e.
Report this comment
November 22nd, 2011 at 11:48 am
If you see me doin’ wrong
No need to cast a stone
Why don’t you pray for me?
If you’re a servant of God
Why not be the one I can call?
Won’t you pray for me?
Report this comment
November 22nd, 2011 at 11:53 am
Ka mittui a parawl teuh mai ka ti,a ropui hle mai.
“Lalpa, I fapa in hei a rawn ko a che…. Nangmah a hmuh theih nan che a, HETIANG DINHMUN CHHE BER A I DAH AVANGIN LAWMTHU ka rawn hrilh a che..”
Pathian in awmpui zel che rawh se…
Report this comment
November 22nd, 2011 at 12:02 pm
khawnge maw post tupa hi. A reh tlawk tlawk le…….
Report this comment
November 22nd, 2011 at 12:06 pm
Engin a chhun thlu aniang e
Report this comment
November 22nd, 2011 at 12:54 pm
A ngaihnawm hle mai. Thangtei chu a khawngaìhthlak hle mai. Pathianin thlamuanin awmpui tlat rawh se. Vantea te nupa chu an va ngaihawm ve @7
Report this comment
November 22nd, 2011 at 1:25 pm
Mittui ava koh ve le,thawhphang mumang lo sad bawk nen ngaihtuah a va ti thu ve le.
Ka lawmpui lutuk che Post tupa.
Kan zin kawngah hian Sual hian kan taksa chiah hi beihtheih a nei a nia.Chu chu keini hian hriat ve kar a ngai.
Mahse hre reng chung a tluk erawh a awl si a.
he hla hi lo ngaithla ve teh,min vel tap fo thin a sin,Tumah reng kan kiangah an awmloh lai te,hmangaihtu reng kan hmuh loh lai te hian Lalpa,I tello chuan nun a kimlo ti a tah hawm hawm te hi a chakawm thin a sin
https://www.youtube.com/watch?v=8HqubZDCfsM
Report this comment
November 22nd, 2011 at 2:05 pm
A tawpna chuan mi va vel teuh ve le…
Report this comment
November 22nd, 2011 at 2:35 pm
Ziak ngaihnawm hle mai. Ngawlveite hi mahni chuan an sim thei lo a, tanpuitu an mamawh. Tanpuina hna pawh hi kan thawk nasa hle, kohhran leh parachurch leh tlawmngai pawlte. Thawh thiam dan pawh thawhtu pawl hrang hrangah a inang lo nual ang, Pathian thu kan tanchhan nasa. Enkawl dam tawh enkawl zui zel dan leh rehabilitate lam hi kan tlachham em aw.
An chhungkhua an tlakchhiat tawh nen bike chu a la nei hram a nih khi
Report this comment
November 22nd, 2011 at 4:44 pm
he post hian kan nau T.T.A min tihre chuak. A ni kha pa tawi lam chawn ping lang mai, ngo deuh hlek thinchhia mahse rilru tha hrep si a ni a.he tiang bawihah lo tang hrep tawh a ni a. Mahse a chhuak leh thei ta hlauh a. Tunah chuan Jaialalitha 1st love nih tumin a phe kual ve tawh. A chhiar atan ka va it em!!
Report this comment
November 22nd, 2011 at 4:47 pm
Jayalalitha hming kher kher kan chhut sual chu le.
Report this comment
November 22nd, 2011 at 5:45 pm
A ngaihnawm khawp mai. Broken family atanga zi chhuak nih chuan rilru nona riau lai te, mahni inkhawngaihna te neih mai a awl bik, mahse heng hi a hneh theih vek.
Report this comment
November 22nd, 2011 at 9:17 pm
A post tupa ka bo vang vanga, ka buai deuh a ni. Fiction a nia, in comment ho reply vak ngaihna pawh ka hre lo. Broken family chungchang khi chu a dik ber kei pawn ka ti bik lo, mahse a changtupa lo chawrchhuahna a nih a remchang deuh te pawh a ni mahna.
Report this comment
November 22nd, 2011 at 10:13 pm
@Xingibera : He thu hi i phuahchawp mai mai a ni tih ka hriat pui a che. Ka hrechiang che a, mifel tak i ni tih hi ka hre reng. Hetiang thu tha (mi chanhaite nun) i rawn ziak thiam hi mak ka ti thlawt (i la tawn ngai loh thil a nih avangin)…
Report this comment
November 22nd, 2011 at 10:21 pm
Xingibera, i nuna i tawn emaw ka ti hial a sin.
Report this comment