Kum alo upa ve ta.Naupan at zual lai te chuan min kalsan a,mit alo ler tan.Hawina lam a piang ah Sitar tur melhin kan dak vawh vawh a.Rilru pawh alo puitling dawn ta.
Vawikhat chu ka nu nen kan kawt varanda ah kan thu dun a.A mi zawhna leh ami beiseina aw-ka mawlh kha ka thinlung ah hian ala cham reng mai.Tunah chuan rawlthar tuai tha tak ka lo ni ve ta.Ka nu duhthusam ngeiin a duh tak ka zir a,ka tui a,ka hna a ni tih hria in ka inchhuang em em thin bawk.
Han en mai chuan engteh ual ni ve lo mai hi tunah chuan ka lo luck ve tan ta,duh duh thing thei dinhmunah ka inhlang kai a.Aizawl han haw nikhua a hawi pir lam ai chuan inlak puithu te pawh a awl ta rum rum mai.Heng zawng zawng hi min enkawltu ka nu leh pa te vang liau liau,ka tan chuan hetiang min thlen theitu an nih avang hian ka chhuang thlawt thin.
“Naupang te u,in nu leh pa thu zawm rawh u,i nu leh i pa chawimawi rawh;chuti chuan i tan a tha ang a,leiah hian i dam rei bawk ang” tih min chang thlan sak fo kha tunah chuan tihlan sak ka duh tawh.An tello chuan nun reng reng hi mal tak a ni a,Chau leh khawhar tak a awm chang te,lungngai em em leh sual khur dai chang a min tanpuitu,thu tha min hriltu Lei pathian te hi ka tan chuan an hlu thlawt thin a sin.
Vawikhat chu phai ka awmlaiin ka chapal bun zawng zawng thawm nat luat vang pawh nilo,rin rei luat vangin a chhe zo ta .Bun tur neilo in ka kephah hlai tha tak chuan lei ka nawr sawk sawk thin.Ka phone ah chuan ka Pa number ka hmet chhuak a.”Ka pa,chapal reng reng ka nei ta lo,Aizawl chapal ngei kha min lo lei ta che” tiin ka han tlawn a.
Ka pa chuan alo aw ve mai.”Anih leh ka duh chi, hman a kan lei kha ila hria em” tiin ka han zawt leh a,”hria e,lungngai suh,ka lo lei ang a,ka lo thawnthla ang che a rang lamin” a ti a.He vai ram ah hian vai chapal duhloin thla tam chu ka awm ve tawh,mizoram a mi ngat lo chu zopa hian inhmehin ka inhre tlat silo a.Chuti chuan thlakhat dawn mai chapal neilo chu kan inbiak zawh atang ka ding nuih ta vur vur mai a,hlimawm tak chu ava ni em!!
Ni khat alo liam a,ka pa ngei chuan la phone lehin “chapal chu ka rawn thawn e” a rawn ti a.Lawmthu ka va sawi nasa teh lul em.Ka lawm zia kha!Alo thawn atang nithum alo liam chuan ka thian te hnenah postman-chung chang ka zawt cham chi a.Awle,alo thleng ta,chapal neihloh avang a ke bal leh hlai phah rawk tawh chuan tuamtu a mamawh em avangin mahni pawh a hawng loin ka thian te zingah ka han hawng ta mai a!!????
HMEICHHE CHAPAL chu lo ni rengin!Ka thin ava rim teh lul em.Ka zak bawk si a,ka thian te min nuihna chuan ka zahna siam belhin ka sen tawn tawn a,ka thinrim em em bawk a!
Mahse ngun takin zan muthmunah ka inngaihtuah ta a.Ka thinrim na chuan ka pa chu hauh hrep mai duh mahse ka pa tar taawh takin a theihna leh a hriat dan tawk a ami ngaihsakna chu ka tan alo hlu fe zawk si a.Vawi tam tak chu ka nu hian ka thil mi tihsak thin a.Ka pa erawh a ngawih lam a chak thung.Mahse ka thilphut tihlawh tling tur a Chapal mi lei erawh hmeichhe chapal nimahse ka ngaihlu ta riau mai.
Awle,tuchhuan,tu leh fa te thleng ka neih ve duah hun chuan chu chapal chuan sawi a la hlawh ve ngei ang tih chu ka inhnemna a ni ta.Chu chapal chuan Ka pa(Upa Faktea) hi a tu leh fa te zingah a hming reng a tidai tawh lo ang a.He chapal hian ka theih tawp a chhuah zia a entir a ni tih ka hre nawn fo thin dawn a ni.Ka lawm e ka Pa.
(Ka pa chapal minlo thawn hi ka dah thatna a rei tawh khawp mai,ka roh bawk a.Inhmuh atan lo tihlan ka duh vei nen photo add dan ka thiamloh tlat pek chu,a pawi hle mai)
Similar Posts:
- 2013 May Fiamthu
- THIAN RINAWM
- Ka Nun Chhungril
- Lehkhathawn Hmasa Ber
- Youth For Christ (Mizo Thalaite Lal Isua Tan)
November 24th, 2011 at 3:02 pm
chhiar ang
Report this comment
November 24th, 2011 at 3:06 pm
nie
Report this comment
November 24th, 2011 at 3:09 pm
chhiar zo ta e…a tha khawp mai…
Report this comment
November 24th, 2011 at 3:41 pm
post thatak ani… I tum a tilang e
Report this comment
November 24th, 2011 at 3:47 pm
I rilru i siam dan khi a ropui hle mai.
Midang tan engmah lo ang a lang pawh hi, a neitu leh kan thil neihin history a lo neih tawh avangin rohlu tak a ni thin reng a ni.
tren tren.
Report this comment
November 24th, 2011 at 3:48 pm
(Y). Kei chu Ka pi chapal bun tur hi order chawp a ngai thin! Mipa bun tur ah lo chuan a bun tawk size a awm lo. Eng ang pawh leisak i la, a phun ngai lo.Mahse,ka pi chuan mual min liamsan tawh si a, a bun tur chapal zawn sak a ngai tawh lo. Ka pi,i tu leh fa te hian i chapal bun tur zawn kha kan chak asin! Ka pi,kan va ngai tak che em..
Report this comment
November 24th, 2011 at 3:56 pm
I ziak ngaihnawm e. Mahse, ka’n ti ve khanglang ang e. I thuziak ah fullstop, comma adt. ah space a awm lova, chhiar a hreawm mah mah. A insi phei dual mai a, space awm thei se; chhiar a nuam zual ngei ang le.
Report this comment
November 24th, 2011 at 4:02 pm
ka 1st em oo
Report this comment
November 24th, 2011 at 4:04 pm
a thalak chu hmuh ava chakawm ve
Report this comment
November 24th, 2011 at 4:04 pm
@7,
i rawn sawiah ka lo khek tang tang a, insum a ngai khawp mai. 
tren tren.
Report this comment
November 24th, 2011 at 4:07 pm
@10, i rawn lang har ta si a, ka rawn tawngtai ta mai a nih kha. Han 2nd water ve teh khai
Report this comment
November 24th, 2011 at 4:12 pm
@11, Hetiang space ren deuh ho hi chuan awke hralh tur/khawi/hual an nei lo tlangpui.
(phiamthur)
tren tren.
Report this comment
November 24th, 2011 at 5:29 pm
Pos tha tak a ni…
Report this comment
November 24th, 2011 at 5:32 pm
Haha,ka lawm zel e min fuihna ah.Ka lo uluk viau thin a maw ka tia,mahse tan ka lo la deuh deuh ang e
Report this comment
November 24th, 2011 at 6:09 pm
A ho viauin a lang na a, i mizia tha tak a rawn pho chhuak leh tlat. Mahse, i khirh ve hmel mang e. Chapal te chu vai ramah tlawm te te, tha tak tak a tam teh lul nen. Aizawl bazar pui ami ho plastic chapal ho (foreign) khi chu bun chu an nuam khawp mai.
Report this comment
November 24th, 2011 at 6:17 pm
Good Post
Report this comment
November 24th, 2011 at 7:13 pm
IITF-ah ka fate chapal (Crocs)ka lei sak ve tak asin ! Dawr a 1000 man vel kha 400 vel te a nia, a tha khawp mai. Hetiang article ziak hi an thiam ve hun a nghahhleh awm tawh khawp mai
Report this comment
November 24th, 2011 at 7:58 pm
Post tha leh hlu tak a nih hi. Nikum khan shillong-ah ka fate chapal tur ka lei ve a, pakhat mah an bun tawk lo
Report this comment
November 24th, 2011 at 8:08 pm
He post chuan ka hnuk zu tiulh thei a mawle!!!!
Keipawh tuna hostela ka chapal bun thin, ka chhungte mi leisak hi vaiho hian an nuihzat ru riau; a hmeichhia an ti a. Mahse chhuang takin ka bun zel ang.
Report this comment
November 25th, 2011 at 2:02 am
a thlalak chu hmuh a chakawm tehlul nen, Awke hram pawh i hre ngailo a nih hmel.
Report this comment
November 25th, 2011 at 3:05 am
#15
PKfanai
Inchhuan vak awiloh ah chuan ka ngaina riau che.Ka tihsual leh ka nihna dik tak tur min hrilh a,min vil peih reng hi kei misual hian ka lawm thin ngawt mai.
SERNUng ka post tak ah khan ka misual pui zawng zawng te bakah
Selhdom
Asteric
Pkfanai
Ignatia
Te min hrilh kha ka rilru ah ala cham reng mai>mi A chu mifing bulah alo fing thin an tih ang mai hian ka fing ni ta ber hian ka inhria,ka ngaina thut che u
Ka lawm e,inmifuihna hi kei te hian ka lo um zel ang e
Report this comment
November 25th, 2011 at 3:08 am
#18
triplesta
hian sawi ve se ka va ti em.
Ka buai deuh avangin ka post pawh ka rawn vil hmanlo a,inmu zo vek tawh em ni aw
Report this comment
November 25th, 2011 at 7:43 am
31.Lta, Sernung tih leh he post atang hian, i mizia that zia tur a langchiang lutuk a, Pu Lushai-er pawhin 17 ah a rawn sawi khi. Nangmah ang Fapa neih hi kan chak hlawm ngawt ang.
Report this comment
November 25th, 2011 at 7:43 am
*21* not 31.
Report this comment
November 25th, 2011 at 8:10 am
Good post.
Report this comment
November 25th, 2011 at 10:24 am
Post tha khawp mai. I rilru i lak kual dan pawh a tha e.. “Han en mai chuan engteh ual ni ve lo mai hi tunah chuan ka lo luck ve tan ta,duh duh thing thei dinhmunah ka inhlang kai a” hei zet chu confi rem rem khawp mai..
mipa thusawi tur dik tak a ni 
Report this comment
November 25th, 2011 at 12:55 pm
ziak thiam kher mai..hetiang short story hi ngaihnawm ka ti lutuk…depth a nei tlat a content leh i ziah dan style hian
Report this comment
November 25th, 2011 at 3:55 pm
#23
PKfanai
Ka va lawm em.Infak na hian chapona a siam thin na a chu chapona tham a ni silo a,ka kang delh delh mai.
Report this comment
November 25th, 2011 at 4:00 pm
#26
kiddo
Dik tak mai hian mipa chu han zei em em ila a tha fu hian ka ring.
Ka thianpa revival team a kal hian thu min hrilh a
PIANGTHAR LO MAHIN THIANGHLIM LO TAK A MI PATHUM AN KAWP CHUAN,PIANGTHAR CHUAN THIANGHLIM TAKIN SAWM PAWH KAWP RAWH SE
a ti mauh mai.Kei ai chuan ala confi zual hret.
Report this comment
November 25th, 2011 at 7:04 pm
A ngaihnawm kan ti.A zirtir a tha e.
Report this comment
November 26th, 2011 at 8:26 pm
lt, i thluak leh nula vawr vir kual vel i hneh hmel.i luck thawt.
Report this comment
December 7th, 2011 at 2:45 pm
^—-henu hi ngeiawm maw
Report this comment