Thu chawhchawrawi te te, han thliar dan em em pawh chu ka hrelo a, mahse, post thui tak, inzawm thla put mai han chhiar hi chu a huphurhawm ka ti thin a, a systematic kher lo ang, point kan pe ve ang e, chhiar a nawm phah takin.
1. Tuktin Office kal a haw leh thin ta chuan kawngsir boruak kan thlir lo theilo a. Mizo te hi kan va kal muang hnek hnek tak em ka ti ta. Tar chaklo leh piansualna avanga kal chak theilo te chu dahtha ila, a Mizo nawlpui hi kan hmanhmawh lo. Thalai, School naupang te pawh hi an kal hnelh hnelh vek mai a. Tv ah te mi ram kan hmu a, an kawngkal hi an kal ve hnek hnek lo, an kal hmawk hmawk vek mai. Kan dam anih chuan kawngpuia muang lutuka kal hi a zahawmlo tih I hre teh ang u.
2. Kalkawnga hmanhmawh awmchhun te chu kan Two Wheeler khalhtu te hi an ni maiin ka hria. An vai chuan an ni lovang a, thenkhat hi chu an han hmanhmawh khawp a, tuma mitmei veng lo hian kan kawngpui chep zetah hian an han tlan puat puat a, mihring dawihzep ta chu ka lo ip chawih chawih zel. Han thlir ve chhin teh mah, kan tualah hnamdang, vai emaw sap emaw kawngkal te hi an kalmuang ve hne hne miahlo nia. Hnam upa na na chuan hun hlutna an hre bik anih hi ka ti mai a.
Hmanhmawh deuh tum a ke a kal te hi a buaithlak. Veivak kan tam tawh si, ke a kalte tan hmun a zim. Hmanhmawh em em vang nilo paw’n kal pangngai a kal dawn paw’n a harsa fo, hma a kal te an muan viau chuan, kawngsir awl a zim si, inlehpelh pawh a harsa, polite lo taka innek sawk lah chu a nalh meuh silo. Kalkawng pawh en mang hleilo a muangchanga kal chunga phone hmangte hi kan tam ania.
3. Ram changkangah te chuan mi ten darkar bi in hlawh an nei a, chuvangin an tan ‘hun’ a pawimawh hle. Keini ram office hnathawk thenkhat ve zawng, tlaitakah office an thleng a, thingpui hang in chhung, titi chhung, hna thawh tan dawn chauh a thilzuar an lokal a, en chhung in minute engemaw zat a ral a, eitur eng ilo an rawn zuar a, eiho leh tel tel a, hnathawh tan leh dawn chiah a, chhun thingpui in a lo hun a….Kan Sorkar pawh hi a khawngaihthlak letling. An khatih a vang khan an hlawh lah chu cheng khat pawh a heu silo. Kan hnathawh ang hlawh hmu tur ni ila hlawh tlem fe fe chu kan awm ang mawle.
4. Mizoram Sorkar Department zawng zawng deuhthaw hi kan ‘over-staffed’ lo maw aw ka ti. Kan hmuhphak Office staff te hi hnathawk an awm laiin thenkhat hi chu an han awl khawp a. ‘Hun’ kan hmang tha lutuk nge kan hmang thiam ni, Sorkar hian privatise zung zung mai se chu hma kan sawn a rinawm. Kan ram budget nise Sorkar hnathawk hlawh leh a behbawmah a kalral a titih a, mipui mimir chan phak a tlem si a. Lu a hai.
5. Private Company ho te, Financial Institution (SBI, ICICI UCO, etc) a hnathawk ho hi ka hmuhdan chuan ‘hun’ hmang tha pawl tak niin ka hria. Nilengin an buai a. Chutih lain sawiselbo chu an ni chuanglo, mahse ‘hna’ chu an thawk deuh chuan ka hria. Confirmed Govt. Servant kan nih chiah hian kan inthlahdah tan a, Muster Roll te hi chu an fel viau zel, Job Security an neihloh vangin.
6. ‘Hun’ hi kan va sawisa nasa em ti ru? Nakinah ‘Aw..hmanah khan ka lo ti ta lova’ te hi kan ti veng veng mai ang tih a hlauhawm ka ti. Eng hna pawh thawk ila, khawihmunah pawh awm ila, zirlai pawh ni ila, nangmahah/keimahah a thaber pechhuak tur khan Pathian in theihna kan kutah a dah theuh a, chu theihna kan hman dan chu chunglam Record ah kimchang takin a awm thlap dawn si a, theihtawp chhuah theuh ang u hmiang.
November 25th, 2011 at 3:02 pm
Chhiar phawt ang
November 25th, 2011 at 3:12 pm
dik thei phian
November 25th, 2011 at 3:13 pm
Paws á¹ha hle mai (Y) ni e hun hi tangka an tih kha, hman dan thiam i zir deuh teh ang u, thawhhlawh ngei lak tumin hna te hi thawk ila, dik taka sum lakluh te hi a hluin a hlim awm a nia, 😉
kal hmawk hmawk tawh ang u 😛
November 25th, 2011 at 3:13 pm
Hmm…sawi tur ka va hre love.
Good post …
November 25th, 2011 at 3:15 pm
Hmanhmawh phi chengin, hma a mi te kal pel tum reng rengin kal hlawm ta ila i sawisel leh tho lo ang maw? Hmanhmawh na chhan em em tur a awm lem loh chuan zawi muang a kal hi a zahawm lohna vak pawh ka hrelo. Amah erawh chu, ka nih phungah mihring kal muang chi ka nilo ve hranpa.
November 25th, 2011 at 3:19 pm
Good post….
November 25th, 2011 at 3:19 pm
Time is Money(Y)…Thingrem ah kalh hnan hmeks 😉
November 25th, 2011 at 3:23 pm
I sawi tum “Hun” chungchang erawh (Y)
November 25th, 2011 at 3:40 pm
Avan dik hmel hlawm char char vele. (Y)
November 25th, 2011 at 3:50 pm
@Suala, ni khawp mai. Hmanhmawh a phi cheng reng mai chu an bula awm pawh a hahthlak ang. Kawng kan han kal a, hma a mi te an han fan delh delh hi chu a ninawm ve thei fu ania. Kan Aizawl kawng a te si. Englai pawha phi sek bik te chu dik bik nang 😀
November 25th, 2011 at 3:51 pm
Paws tha, Pawstu lah tha, Kawmentu tha bawk :p
November 25th, 2011 at 3:55 pm
#5 Kan kal dan hnik hnek hi chu a thatchhe kal em alawm le. Ka tlangval lai atang tawh a ka ngaimawh fo tawh thin a ni. Keini (ti khanglang ila) adventure sports lama lo inhmang thin chu ke a thui tak2 kal thin kan ni a, kan viak te hi a tha thei fia fia asin. 🙂
November 25th, 2011 at 4:06 pm
Nia, Pu Hv-a te khaw lam chu ‘hun’ in hmang tha, thawh hlawh pawh darkar bi in in la tlat alawm.
Kal hnek hnek hi chu a bikin thalai tan a mawilo zual ka ti.
November 25th, 2011 at 4:17 pm
(Y)
November 25th, 2011 at 4:21 pm
sheldon #13 tam takin darkar biin hlawh lak anih laiin tam tak chu anni chuanglo (Wage leh salary system hman a ni). Mahse, hun an vawngdik tlang hlawm khawp mai. (Y)
Na (Pain) nei si lova kal hnik hnek hi, “Ka thatchhe tak tak a nia,” tih sawi chhuak lova puanzarna tha tak pakhat niin ka hria.
November 25th, 2011 at 4:26 pm
Post tha tak ani. Aizawl khawlai ah hian an kalna tur thlen hlau awm taka satel speed a kal hi an tam khawp mai. Mizo te hi hun awl hi kan ngah ber pawl kan nih a rinawm. Mahni hna nilo extra activities a inhmang deuh deuh kan tam dan atang hian.
November 25th, 2011 at 4:38 pm
Relax man…life is a breeze…Assamese ho style in ‘lahe’ lahe’…mi hna tibuai lo a an rilru kan tih nat loh chuan easy living tur
November 25th, 2011 at 4:39 pm
kal muang, motor hlau lo te: thianho,sikul naupang…an ngei om dh teh ania mahni a kal hi chu an kal hne hne lem lo an kal chak tlangpui
office ah hian tea break te, lunch hour te hi nei ve ila kan fel phah viau in ka ring…
November 25th, 2011 at 4:44 pm
ka vei ve mai2 chu kalkawng lai tak a hmelhriat/thian zaho titi a midang ngaihtuah lek lo a an han dingkhawm hi chu a polite loh thlak ka ti
ka kal hi kan kal chak thei mai2 khawp a, putar lam deuh hian ” khawi hmun nge i kal dawn, thlen hman loh i va hlauh hmel ve” min ti chawk mai ni…. 😀 😛
November 25th, 2011 at 4:51 pm
#17 Mizo/Mizoram tana tha turah chuan phunchiar viau zel a pawilo. Ngaihsam vangin alawm ram lian tak tak pawh an tlukchhiat thin ni. Empire lian pui pui leh ram zawng2 hlauh te pawh an mahni leh mahni vangin alawm an tlukchhiat zel. Ram tan hian ngaihsam a chi hauhlo ania hairehai (Y) 🙂
November 25th, 2011 at 4:54 pm
@ 20 hv…Awke …ram leh hnam tan ding chungin comment tawh ange o…hihihi
November 25th, 2011 at 4:57 pm
An la hrat em ka hre lova, St.Pauls skul bang ten bus a thutna chanloh hlau a an tlan tuk tuk te, an phe buai thin lutuk khan accident a thlen a hlauhawm bakah a hawihhawm loh thlak ka ti khawp mai. (N)
November 25th, 2011 at 5:03 pm
Post tha lutuk tlat (Y) . He thil hi thil hote anga lang siah chuan a veiawm nek tak asin. Ka lo sawi ve fo tawh thin a, mahse kan hnam ziaah hian a bet tlat ni hialin ka hria!
Ngaimawhawm em ema ka hriat pakhat chauh ka’n thawh ve hram teh ang. Krismas kan lo hnaih leh ta viau mai a, mihring kan tam leh viau turah ngai nghal phawt mai ila. Kawngpui kan cross dan mawlh mai hi a ngaimawhawm leh pekin ka ring.
Kawngpui kan kan dan hrim hrim hi a muang hne hne lutuk thin a, a then phei chu kan han inla ngeng kual vel leh nghal a! A nuihzatthlak piah lamah a thing uih tlat. Kawngpui kan dawn chuan hmanhmawh deuh leh hawihawm taka tlan deuh dawr dawr hi a mawi zawk hle a ni tih hi, inhrilh teh vak ngai awm lo tak, mahse nuihzatthlak leh hmuhsitawm khawpa kawngpui kan hne hne hi hmuh tur kan duh phawt chuan kan hmai lo ang. A nuihzatthlak a, a ngeiawm bawk tih hi ka’n sawi chiam teh ang.
November 25th, 2011 at 5:11 pm
K’u SHELDON-I chu(h) i va POST tha thuai2 ve! i BELHBAWM tha hle mai (Y) (Y)
November 25th, 2011 at 5:15 pm
Comment a va tha hlawm em (Y)
Phunchiar nih hlawh hi a awl khawp mai dawnin ka hria a. Mahse, heng thu kan sawiho hi a tha. He site hi mi tamtak in an chhiar a, kan post leh sawihona hian awmzia a neih ngei ka ring tlat thin. Keimah ngei pawh hian in post leh comment atangin ngawirenga insiamthatna ka nei fo mai.
November 25th, 2011 at 5:19 pm
Mizoram sorkar hnathawk tawh hi chu private sector a rawih tlak an vang viau ang, an tih ka hre tawh. Hei vang hian ania kan ramah harsatna kan tawh nasat em em. Kumin phei chu pawisa van pui a thleng dawn ania. Heti chunga office boruak kan la tolerate chuan kan chawh tlawk tlawk ngawt ang.
November 25th, 2011 at 5:22 pm
Harsatna neih vang pawh ni lova hmanhmawh lek lova kawnga kal hnek hnek thin ho hi ka ning. Kan kawng a chep si a, tlangram chhengchhia tih takah kawngpui sir tawn tawnah a kal theih si loh. Kawng pakhatah kan insulpel suau suau a, hmanhmawh deuh chang phei chuan kawnga kal hnek hnek thinte hi chum dawp ka châk thin. Thianho an nih phei chuan a intlar/a vâng zawngin an kal a, lehpel hleih theih an ni si lo, kal a sawt lo thin khawp mai. Kawngsir të-a dawr a awm thin avangin thil lei paha kawng lai taka din kan chîng, hmelhriat hmuha chibai/inbiakin kawngsir chuh nachang kan hre lo. Kawng lai taka ding chunga phone hman kan chîng hle bawk.
Darkar bithliaha hnathawh a châkawm. Theka-a thawkte mah an thawkrim.
Good post. (Y)
November 25th, 2011 at 5:22 pm
Ka rilru a ka vei ruk reng i sawichhuak. In lehpelh mai theih si loh. Ek line a kal duh si lo, a rual a kal tum phet, hnunga mi te ken nachang hre lo te hi ka ngaithei lo thin khawp mai.
November 25th, 2011 at 5:25 pm
Sawrkar office dawr zet chu urgent thil deuh ah phei chuan a hahthlak khawp mai. Dept pakhat ka dawr ah pawg file mahni a umzui a, ken kual loh chuan tih ngaihna a awm lo. Secretary, leh D/secy ten min hmanhmawh pui viau pawh in a clerk level a dealing(LDC) vel an efficient loh avangin a muang thei khawp mai. Tumkhat phei chu an thil typing leh printout tur zawng zawng ka ti vek keimah in..an typist a absent ringawt in file delay an lo tum a nih chu mawle. (N)
November 25th, 2011 at 5:39 pm
a dik chiah.
November 25th, 2011 at 5:45 pm
99.9% A dik lutuk…. (Y)
November 25th, 2011 at 5:48 pm
Kan Sorkar neih te nep thin teh mahse ka hna ka lo thawhthat loh ve rikngawt pawh hi eirukna tho. Kan thianpa pakhat chuan “Ka chhungkua ka chawm theih nana hlawh min petu a nia, ka hna rinawm taka thawh hi ka bat ani” a ti, a entawntlak hle in ka hria.
Department zawng zawng hi a indawt in han privatise ta mai se, hrehawm ti fe fe chu kan tam ka ring 😀
November 25th, 2011 at 5:49 pm
Ziak á¹ha khawp mai. Kalmuang hi chu ka inti chiahlo mahse ka che á¹an tur hi ka muang thung a ni 😀 Ka kal chak avang hian ka che hmanhmawhlo zawk mah in ka hria, ka inkhawm tur te hi ka hman reng hnu ah pawh ka la á¹hu mai2a, mahse ka kal chhuah hunah ka kal chak thung a ni…hehe
Sawrkar hnathawk te hnahthawh dan i rawn tarlang thiam khawp mai. Hna kan thawh chhung hi a tamlo viau in ka ring, zirlai te aiin sawrkar hnathawk te hi an hah ka ring vak lo bawk. 🙂
Post (Y)
November 25th, 2011 at 6:20 pm
Tumah ‘perfect’ kan awmlo. Zingthawh te hi a harsa thlawt. Han tho hma thin ila chu ka tangkai ve ang mawle te ka ti thin…Mizo hi chu kan sapui chet tuah mai a, kan hun vawng diklo lutuk te hi a manganthlak ani.
Insawiselna thu hi hriat a hahdam thin lova, mahse helai site a hetiang thu kan sawiho hi a tul fo. Daily News paper ah chhiar ta ila, mahni rilru theuhah ngaihdan kan lo nei tawp a, kan theihnghilh leh mai a. Hetah chuan kan han sawiho zui ta thin a, a effective bik a, post tur pawh hi ngaihtuah chian a ngai viau thin in ka hria, sawi zui nghal tura post anih vang hian a ‘sensitive’ ru tlat.
Silent reader tan pawh eng subject pawh nise sawihona/comment hrang hrang an chhiar khan an rilru ah a in tuhnghet bik in ka ring, Chanchinbu a article kan va chhiar liam ngawt ai chuan.
November 25th, 2011 at 6:30 pm
Hetiang deuh emaw engpawh post nawilo tak tak hi rawn thawh fo teh u. (Y) Tunlai post chhuak a nawi thei mah mah… an ti 🙂
November 25th, 2011 at 6:39 pm
Kal pah a ke hnuk ri hruah hruah ho phei hi chu a! Kei chu,ka hah viau te a nih loh chuan ka kal muang ve ngai lo. Post a tha e, comment te pawh a ngaihnawm hlawm khawp mai. (Y)
November 25th, 2011 at 6:40 pm
A van tha teh reng em!
Zanin atang chuan a tam berah zan tin Movies 2 bak( chu pawh IMBD rating 7 and above)ka en tawh lovang. (Y) (Y)
November 25th, 2011 at 6:40 pm
Sheldon nge2 Post tha kher mai. He khawvel hi chu in elna khawvel in tlansiamna khawvel a ni miau a, engkawng zawng pawhin. el kan neih loh chuan hma kan sawn ngailo ang, ‘er’ neih erawh atha lo. kan theihtwk theuhin hringnun ah hian i tlan dual2 phwt mai teh ang u
November 25th, 2011 at 6:41 pm
I rawn sawi point zawng zawng hi dik ka ti vek.
Good Post. (I) (Y) (I)
November 25th, 2011 at 6:41 pm
I rawn sawi point zawng zawng hi dik ka ti vek.
Good Post. (I) (Y) (I) .
November 25th, 2011 at 6:41 pm
driver hovin, inkhawm bang an luhlul in an polite lo ber a, a dawtah hi-sikul naupang.. an ti.
November 25th, 2011 at 6:44 pm
@Pu Hv, han thutak viau reng mai leh post thutak ngun mai hi chu kan ning ve thin bawk si a. Kei hi hetiang lam hi ka vei zawng a nia, ka ziak leh mai thin a, inthlahrung ru deuh chungin.
Ka vei em em reng mai chu – Sorkar hnathawk hlawh a sang lutuk, kan hlawh phu hian thawk tal ila ka ti thin. Sorkar hnathawklo chhungkaw tan a manganthlak, thil engkim a to chho zawt zawt mai si.
November 25th, 2011 at 6:49 pm
sheldon #42 post thutak ngun emaw thutak ngunlo emaw lam pawh a nilo hairehai 😛 Thu nawi niuh neuh hi a awm ve alawm. Tuna i post ang te hi chu a tha ka ti viau ania, keima level atanga thlir chuan 😀
Ni e, kan hnathawh phu ang zel hian hlawh te hi pun thin sela, an hlawh te cut sak thin se a tha ngawt ang. Hlawh tihpun a hunah uluk takin evaluation nei thin sela (thleibik awm lovin). Chuta tang chuan hlawh pawh an pun tur zat % ti tamin ti tlem mai thin se.
Hnaa tlai fo te hi hrem thin bawk sela, hna thawk tha peihlo chu warning hnuah ban pawp theihna dan te siam bawk sela a tha ngawt ang. Sawrkar hna thawk duh mi fel tak tak an tam ang, inthlak zung2 mai zel sela thawk thalo ngam an tlem viau tur ania. 😉
November 25th, 2011 at 6:52 pm
#42 sheldon a dik chiah, ti chung hian hlawh ah kanla lungawilo kan la phun zui, zah te hi kan zaklo mah2 ka ti thin. i rawn sawi tha lutuk mahse i in thlahrung mah2
November 25th, 2011 at 7:00 pm
@Guillermo endara, Kan Sorkar neih ve reng reng an duap leh lutuk vang alawm, a hnuaia hnathawk te hi tumah a ngamlo. An nawrh khum, an nawr chhuak leh nge nge zel.
Kei chu ka thawhna ah chuan kan nuar ve anih vaih chuan matheilo in hlawh cut, ni 10 kan nawrh chuan ni 10 hlawh cut.
November 25th, 2011 at 7:03 pm
Hmanhmawh deuh a Paihte Sumdawng kal vut vut pawh chu a nithei dawn a maw ni. Mi kalna dal tur zawngin awmlo ila, kal paha tangkai lutuk lemlo thildang buaipui neih hi sim bawk ila, a tha tawk viau chuan ka hria. (Y)
November 25th, 2011 at 7:22 pm
@Atom c, Paihte sumdawng kal ang vut vut te em em chu..haha. A bikin tleirawl ho leh school naupang ho hi, kal muang satliah pawh nilo hian ti ti pah hian muangchanga an kal hi ani. Ai a upa zahna te hi a tlem tawh.
Motor te hi kan hlau lo hlawm. School naupang bang kawngpuia an han kal hi chu motor hlau heklo, motor kawng pawh an zah bawk lova, horn ri te hi an ngai pawimawh lo thin khawp. Bus ah te pawh a ni tho. An nu leh pa, pi leh pu rual an awm ve thup a, tu mitmei mah veng lo hian an ri hawm hawm lutuk mah mah thin em aw ka ti. A….tleirawl an nia, a awm viau tho e.
November 25th, 2011 at 7:39 pm
Aizawl ah bik hi chuan kal chak tum pawhin hmun thenkhat lai hi chu a tawt lutuk a, kal chak a har. Motor nen hian kawng kan in share deuh roh bawk sia, a hlauhawm ka ti thin…
Ke a kal na tur bik hi zau nuam tha tak awm se kan kal chak ve deuh ka ring. Mahse chutiang ni thei tur chuan kan property lak then kan phal leh miah hlawm dawn si lo.. 😛
November 25th, 2011 at 7:41 pm
4 na Mizoram Sorkar Department zawng zawng deuhthaw hi kan ‘over-staffed’ lo maw aw ka ti…..
hei hi a dik hmel ka lo ti thin khawp mai…officeah card den, checker khelh, games khelh te hi an ching thin hian ka hria….pu ber awm loh phei chuan hna a thawh theih loh a ni ngawt thin a…. :-$
sikul zirtirtute hi chu indaih lo tak tak a awm theih ang… field staffte hi chu in lamah paper work khoihin an la buai viau thin zawk a… (*)
November 25th, 2011 at 7:52 pm
Ka buaina ve thung chu, khawlaia muang lutuk a kal hi ka thiam mang tlat lo va, Tlangval lai pawhin nula han kalpui(tlar) hian, ka kalsan dawn tlat thin. Hehe. Tun thleng pawh hian, kan nu hi ka bazar pui thiam mang tlat lo.
November 25th, 2011 at 7:54 pm
Footpath a chaw hmeh etc zawrh te hi tih kian dan awm se ka van ti tak em!
November 25th, 2011 at 7:54 pm
Phek thar hawn pahin GOOD POST (Y) (Y)
Kei pawh vainu ai pawn ka kal muang thin tih ka inhrechhuak thut!! 😛
November 25th, 2011 at 7:55 pm
hmmm… min hawn khalh hman.. 🙂 🙂
November 25th, 2011 at 7:58 pm
a thar ah pawh la phei tel ve zel ang aw
November 25th, 2011 at 8:06 pm
Pu Pk, a bikin tlangval leh pa, la thalai deuh tan khawlaia muang hnelh hnelh a kal a mawilo bik leh zual. Nangmah ang deuha kal chak, pawl phakloh khawpa kal chak te pawh an awm ve tho.
@eve, Nia, Mizoram Sorkar hnuaiah hi chuan Zirtirtu te hi an hah ber in a lang. An mawhphurhna hi a sang ngang mai bawk si a, zirtirtu hna hi ka tlin loh, ka ngaihsan em em si a ni.
November 25th, 2011 at 8:20 pm
Nikum ah hnathawhna a kan buai zual lutuk lai hian zing vawikhat chu ka hmanhmawh, tlai hlau bawk si kha ka kal chak lutuk aniang, hmai leh khup tauh chawrh khawpin ka tlu a!! thi phungin office ka lut chu min va buaipui nasa!! A tih chi vak loh!!! 😛
November 25th, 2011 at 8:27 pm
@mamboihi, haha…va zia lo ve aw 😀 Kei ve thung chu, kan office pan chhohna step ka rap pial a, ka kerek ruh ka tina a, a dam har phian lehnghal. A zirtir – hawkdak loh 😀
November 25th, 2011 at 8:31 pm
Kan sikul kal lai atang tawh hian inkalchaksiak hi kan intihhmuh a, a lo tha phian mai. Km 2.5 hi mins 35 chhungin kan thleng var var thin.
November 25th, 2011 at 8:58 pm
A va tha thin ve. Ka kal dan hi hostela awmlai chuan ka thiante’n an sawisel thin. Ka kal chak thei lutuk a, class kal dawn te hian min um dawr dawr zel, nu deuhin kal ve rawh te min ti thin. Ka sim chuang hlei law
November 25th, 2011 at 9:14 pm
Ka hma a kal muang uchuak an awm chuan lehpelh pahin ka su phei pawp2 zel…ka ning tlat thin. Mahse kalpui neih hi chuan kal chak vut2 hi alo mawi lem lo.
Tin,tlai hi engatan mah kan ngailo hi a pawi thlawt. Keipawh ka ni chiah,inzir thar ka ngai khups mai.
Post tha leh hmanhmawh tak ani. 🙂 (Y)
November 25th, 2011 at 9:26 pm
Mizo te chu ka sapui chet ruih zel alawm! 🙂
November 25th, 2011 at 9:36 pm
Tih tur á¹ul kan nei emaw, nei lo emaw, kal muan ai chuan kal chak hian kan tumna kan thleng hma hrim hrim a, kalpui neih lem loh chuan kal deuh vâwk vâwk hi ka duh mai.
November 26th, 2011 at 12:51 am
Tension nei miah lo a, rilru kawm chunga zawi muanga kal hi a nuam dangdai ve mai2..