Sakhaw mumal tak neiin kan hnam hi a lo khawsa tawh ţhin a. Amaherawh chu Mizo hnam peng hrang hrangte’n sakhua biak dan an neih hran ţheuh avangin a khawi ber nge Mizo Sakhua tih pawh hriat a har a ni thei e. Engpawh nise, a tum bulpui ber leh laimu chu a lan chhuah dan a in ang tlang deuh vek a ni.
Hnam reng reng a lo din chhuah dawn chuan a ram sakhua-ah a ram mi chengte an chian a ngai a, chutah chuan a ram leh hnam hmangaihna pawh a innghat thûk hle a ni.
Mizo sakhuaa bet tlat Kristianna pawhin a sawh sawn theih loh Zofate’n kan chhawm tam tak a awm a, a langsar zual ţhenkhatte chu – Rual elna thianghlim te, huaisenna leh tawrhchhelna, taimakna, mahnia intodelh tum tlatna te leh thil dang tam tak a awm. Amaherawhchu, heti ang a nih reng lai hian tun hun atan pawh a inpersan a awm ve bawk.
Kan pipute’n sakhua an biakna kawngah khan ‘Thiang lo’ an tih tam tak khan mihring nunphungah ţhatna kawng thui tak a nei a. Chuvangin thing loa an ngaih, an tih ngam loh tam tak kha kan hnam pum nun siamţhatu a nit lat mai. Entirnan- ‘Mi nu uire chu a thing lo sakeiin a seh chawk,’ tih a ni a. chuvang chuan mi nu uire chu an ngam loh phah a ni. Aia upa zahna an nei ţha a, serh leh sang an ngaih pawimawhna khan kan hnam nun pumah nun ţha a tuh tlat a ni.
Sap Missionary hote khan Mizote’n kan sakhuana a kan puithuna leh kan rin dan chu sawi loh kan hnam tana kan lungngaih leh hlim ni pawha te loa kana wm theih loh, kan rimawi hmanraw pawimawh ber khuang tak ngial pawh Biak In-a chhawm luh an rem ti lo a.
Hnam chhantu pasalţha leh mi huaisen, hnam tana mi hlu leh hnam ti hmelţhatu, kan hnam nuna bet tlat mai Zu chu an khap bur mai a, Mizo nunphung leh zia (culture) a Pathian kan biakna reng reng, “Khawvel thil a ni,” ti a min paih darh sak vek hnuin anmahni nun chu chawi sang a, zah turin min zirtir ta a ni. Kan zu kha suala min puh chhiat sak lain an ni zu chu Pathian fakna tling a ni an ti a, an rawngbawlnaah te kengin an in reng tho a nih kha.
Kan zia leh nunphung kan tih hi mimal nunah te a lang chhuak ţhin a ani. Hei hi Zofate nunah chuahn a bet tlat a, vawn nun zel atana Pathian min pek tlawmngaihna leh mite lainatna, khawngaihna kan thinlunga awm tlat hi sim loin hma lam panin i ţhan lenitr zel ang u. Pathian thil tum kan nuna bet tlat chu Mizo sakhaw humhalh hi a nit lat.
Kan hnam nun zia siam rem leh dah dik chu Pathin thil tum a nit lat si a. A tir aţang renga Lalpa Pathianin hnam nunphung leh zia min pek chu hnam dang theology avanga tih chhiatin lo awm tawh mah sela, Lalpa’n a ruat ţhalai rual tamtak an la awm a, chuvangin kan hnam sakhua chuan a ramah ngei hian chungnun hun chu a la nei ve ngei ang.
Puithuna fel tak tel lo chuan ram leh hnam hian ke a pen fuh thei lo. Ar khawthim daia dai mai a ngai ţhin. Phuahchawpa nung kan nih loh hi hrereng ang u. Hnam dang sakhuana leh an thu hnuaia awm turin khawvelah kan piang lo a, kan pathian min siam dan pawh a ni bawk hek lo. Mahni ke a ding a, intodelha awmturin leh mahni sakhua nunpui a, vuan tlat tura khuanu ruatkanni.
Hnam mawl kan ni lo a, mawla min ngaitute’n he khawvelah hian hnam dang zingah hnam mawl, thingbul bia, sih huai bia tia a chhe thei ang bera min lo sawina leh min chirthehna chu a awih tawk an lo awm a, Mizo zingah pawh mi tam takin thudik emaw tiin an awih bawk a ni. Hei vang hian Zofate zingah ngei pawh mithiam leh hman tlak awm ţhin mah se, awp behna hnuaia awm an nih avangin an ding khawchhuak tak tak thei ţhin lo a ni.
Ar kho khuh ang maiinkan mithiamte pawh an awm a, lehkhabu pakhat hmangin delh beh an lo ni ta hi a pawi thui the zawng a nih hi. An mahni delh bettute lak kian a chhan tumtute chu min haw tlat bawk si a. engpawh nise, an tan khua a la var em ang chu maw? 
Similar Posts:
- Ti hian ka ngaihtuah thin
- Ram leh, hnam leh sakhua
- Zo Sakhaw Zepui (chhunzawmna)
- MIZO SAKHAW BIAK DÂN LEH A TOBUL ~ 2
- Mizo leh sakung phun
November 29th, 2011 at 6:19 pm
51
Report this comment
November 29th, 2011 at 6:27 pm
52
Report this comment
November 29th, 2011 at 6:34 pm
53
Report this comment
November 29th, 2011 at 6:50 pm
LPS live ngata en duh tan hetah o
https://www.justin.tv/ramthar#/w/2155061056
Report this comment
November 29th, 2011 at 7:32 pm
HS ka tan bawn let tawp tawp che… Huai takin kal zel rawh. Mi ngaihdan anga awm tur a ni lo, mahni ngaihdan neih ngak tur… I rin dik chuan a vannei ang a, a lo dik loh palh chuan i vanduai a ni mai. Tumah hian kan chiang tak tak lo a nia aw……
Report this comment
November 29th, 2011 at 9:26 pm
#22 khi chhang teh u!
Report this comment
November 30th, 2011 at 7:16 am
Pu Zero-a,i thu ziah khi i ti dik lo deuh, englai mah hian Hindu sakhua kan sawi chhe ngai lo. a sawichhe tu chu kan ram kristiante hi in ni zawk lo maw? sawichhiat leh deusawh lam ah chuan kan kristian unaute atang hian kan dawng nasa ber awm e. Chung min sawichhiatnate in hriat duh phei chuan kan la rawn sawi dawn nia.
Report this comment
November 30th, 2011 at 7:51 am
Hnam sakhua hi ka zawm ve mai dawn
Report this comment
November 30th, 2011 at 10:54 am
Pu HS hi Hindu a lo ni maw???
57
Hnam sakhua Says:
November 30th, 2011 at 7:16 am
Pu Zero-a,i thu ziah khi i ti dik lo deuh, englai mah hian Hindu sakhua kan sawi chhe ngai lo. a sawichhe tu chu kan ram kristiante hi in ni zawk lo maw? sawichhiat leh deusawh lam ah chuan kan kristian unaute atang hian kan dawng nasa ber awm e. Chung min sawichhiatnate in hriat duh phei chuan kan la rawn sawi dawn nia.
Report this comment