Hman lai thil hlu vawn that kawngah Mizo te kan harhchho mek zel a. Hetiang vawnhimna kawnga hma la mek, mimal leh pawl engemaw zat an awm ve ta reng mai. Heng zingah hian “The Endangered Archives Programme” tih hi mi tam zawk chuan ka la hmelhriat kher awm love. A awmzia chu, lehkha ziak kan hriat tirh atanga kum 1950 bawr chho vel thleng a, mimal emaw pawl emaw sorkar emaw thu ziak emaw thlalak emaw hlu tak tak riral mai mai tur thangthar leh thar zel te tan, tunlai computer thiamna hmanga dahthat tumna tiin a sawi mai theih awm e. Tin, hemi bakah hian Mizoram thuziak hlui kan neih mekte dinhmun derthawn dan zir chianna leh venhim a nih theihnan nasa taka hma lakna a ni. Mipui hnenah hman lai thil hlui riral mai mai hlutna chang hrilhhriat zel hi endangered Archive tum bulpui ber pakhat a ni bawk a ni.
He project atan bul tumtu ber chu British Library leh Department of History and Ethnography, Mizoram University tang kawp a ni. Joseph Lalzarliana, Assistant Professor Department of History and Ethnography leh Kyle Jackson, Canada te kaihruaina hnuaiah thawktu mi pahnih ten September thla atanga khan an thawk tan tawh a. Mizoram khaw hrang hrang pawimawh tak tak Lunglei khawchhung veng hrang hrang, Serkawr, Lawngtlai, Tlabung, Siaksuk, Serchhip leh N.Vanlaiphai te tlawh tawh a ni a. Khaw dang engemaw zat tlawh belh zel tura ruahmanna siam a ni. December thla chawhma lam hian zo fel tura beisei a ni.
Engtin nge khawnkhawm a nih? He programme hmanga thu ziak hlui khawnkhawm nan hian documents te tana him dam tawk zat lo, Xerox leh scanner khawl hman a ni lova, digital camera quality sang tak hmanga awmze nei taka, thuziak emaw thlalak hlui emaw te chu a thla lak sak an ni. Hetianga thlalakte hi quality tha ber a nih theihna turin, RAW mode hmanga lak a ni. Heng Raw mode hmanga lakte hi British Library a computer mithiam ten an lo siam rem leh dawn a ni. Heng siam rem sa te hi nakin lawkah, internet ah dah tur a ni. Mizoram atang pawhin, awlsam taka lo thlir ve mai theih a ni ang.
Thu ziak hlu zual hmuhchhuah thenkhat te: Khawvel ramdang leh Mizoram library a awm ngai lo, mimal ten an lo kawlthat khiau hi 7000 document chuang khawnkhawm tawh a ni. Heng document-te hi kumpinu sorkar in min chenchilh atanga kum 1950 chhung a mi te an ni. Kan politician ropui tak tak te, Laldenga, Brig. T Sailo leh Pu Saprawnga te Middle school result te, MNF zalenna sual hunlaia, pawngsual thubuai te, rambuai hunlaia sipaiin an man te leh an rinhlelh list te, Pu Buanga nau R.E Lorrain thu ziak hlui te, Chanchinbu hlui Robawm tihte, zorama kan mi pawimawhte lehkhathawn engmaw zat chhuichhuah tawh a ni.
Mimal thil chhuhsak theihna a ni em?:Tunlai khawvelah mimal emaw pawl thil hlu inchhuhsakna a nasa em em. Tunlai khawvel dan pawhin hetiang lam venhim nan hma ala nasa em em. Hetiang a nih avang hian, a bul tumtu British Library leh Department of History and Ethnography, Mizoram University hi a fimkhur em em a. Thu ziak kawltu phalna ngei a, rin ngilna (scale) nen thlap, a thla hi lak thin a ni. A thla chauh lak a nih avang hian, a original copy hi a neitu ta ala ni reng a. A original copy laksawn sak hi the endangered archive programme thawntu ten an ti thiang lo. A original copy hi mi ten en duh se, a neitu ngei hnen an pan mai tur a ni ang.
Heng thuziak khawnkhawm sa te hi khawi ah nge a awm dawn?: Thuziak khawnkhawn sa (digital format) hi British Library, Mizoram University, State Archive, Aizawl, Mizoram, Synod Archive, Baptist Archive, Lunglei, Lai Autonomous District Council leh hmun hrang hrangah dah tura ruahmanna siam a ni. Heng thu ziak te hi Mizo mipui zawng zawng tan a ni a. Chhuizauna lam (research)in hmang mi te tan tangkai thei tur ang bera ruahmanna siam a ni.
A neitute hming a lang ve dawn em?: Thuziak hlui kawltute hi a neitu dik tak an nih avangin mumal taka tarlan vek a ni ang. British library-ah pawh an hming kumkhuain a chuang ve tawh dawn a ni. Thu ziak hlu tak min hnuchhiahtu leh a kawltu te hming chawilar pawimawh tak pakhat a ni.
Semchhuah hi pun lehzualna a ni: Thenkhat chuan kan thlah tute chanchin awmze nei lutuk lovin kan utawk tur vawn thin. Uluk taka ngaihtuah chuan a finthlak loh hle zawk niin a lang. Thuziak lo hnuchhiah tu kan Pi leh Pute chanchin hi khawvel hriatah phochhuak zawk ila, an hming hi a dai tawh ngai lovang le. Mizo ten Thangliana kan tih thin – T.H Lewin kha a thih hnuah a tunu in a lehkha ziak zawng zawng, London a library hrang hrang ah a pe a. Rei lo te ah lehkhabu lar tak pakhat John whitehead: “Thangliena: A life of TH Lewin” a chhuak nghal a ni. A tunu hian a Pu Thangliana lehkha ziak hi utrawk tur vawn tlat sela chuan mitam tak ten Thangliana chanchin an hre dawn hauh lo a ni. Research in a tum ber chu, mimal hamthatna ringawt nilovin, Mizoram leh Mizo hnam hmasawnna thlen a ni. Chuvangin, kan document neihte a darhzau thei berin phochhuak ngam ila, kan ram research hian hma a sawn ngei ang. Tin, kan thlahtu thu ziak min hnuchhiah tute pawh nasa takin kan chawisang zawk tihna a ni.
Tunlai khawvel hi thenkhat chuan, “information and technology” hun a ni an ti fo thin. Hetih lai hian, khawvel ram hrang hrang politician te pawhin, “langtlang thei sorkar” (transparency) an sawi fo thin. Khawvel chanchin engkim mai hi mimal emaw tu emaw bing tan chauh ni lovin, tu pawhin an hriat leh hmuhtheih atan phochhuah hi tunlai khawvel ram policy ber a ni. Heng thu ziak hmang atang hian kan ram leh hnam chanchin hi kiltin atangin miten an lo chik thei dawn a ni. Hetiang thlentir theihna tur hian tunlai computer thiamna pawh nasa taka thuam chhoh mek a ni.
Tin, thuziak kan kawlthat mekte pawh uluk zawka enkawl a tul tak zet. Endangered Archive programme team ten an thil hlui zawn na an thil hmuhchhuah pawimawh tak mai chu, sik leh sa inthlak danglam avang te, ngaihsak tawk loh hrim hrim vang te, awmna hmun inthlak kual sek avangte, kang leh tuilian avang ten thu ziak hlu tamtak a boral zo tawh a. A bikin, Mizoram buai (1966-1986) khan thil hlui a tichhe hnem em em. Mimal leh sorkar in tamtak halral a nih rual khan, thuziak pawimawh tamtak a kang ral a ni. Hetiang dinhmun hi thleng thei reng kan la nih avangin, sorkar leh pawl hrang hrang enkawl mek archive leh Library a thuziak awm reng reng hi a tam thei ber thla lak vek (digitalize) vek a. A copy tam thei ber hmun hrang hrang dah hi vawnhimna kawng pawimawh ber a ni.
Hemi kawngah hian Endangered Archived Programme hian hma an la chho mek zel a. Mizoram hmun hrang hrang a thuziak hlui leh thlalak pawimawh tak tak nei kan awm a nih chuan, Endangered Archived Programme hian in tanpuina a ngen tak meuh a ni. Hetiang hmalakna kawnga mi thahnem ngai kan awm a nih chuan, Joseph Lalzarliana, Assistant Professor, Department of History and Ethnography, MZU, Ph: 8974243933 hnenah inhriattir ni se a lawmawm hle ang.
Similar Posts:
- Thil hlui khawn khawm dawn
- Eirukna nge Thahnemngaihna?
- The Case for Mizo Wikipedia
- MISUAL dot com a THUZIAK TE HI!
- Rawtna tawimâwl
November 29th, 2011 at 8:05 pm
Pu Taia hei hi ka fb chiah a, tag ka tum che a ka hmu zo lo
https://www.telegraph.co.uk/tec.....nline.html
Report this comment
November 29th, 2011 at 8:10 pm
“utrawk tur vawn” ka vawikhat hriatna
Report this comment
November 29th, 2011 at 8:18 pm
tha hle mai.
OT: Thil dang daih, hman ni ah fb ah emawni Suangpuilawn (ani ta em kha aw?) ah lung panga ker mi lem dangdai deuh deuh ka hmuh kha. Ka la hre ngai hauh lo. Kha tiang te kha a bul thum atanga hriat zau te a chakawm thin. Chhura fa rep bak kei chuan ka hre lo. A hre mi te hian zirin han document thlap se ka ti… ve mai mai..
Report this comment
November 29th, 2011 at 8:19 pm
@ benjamin rualthanzauva Says: “utrawk tur vawn” ka vawikhat hriatna
HAIREHAI
Report this comment
November 29th, 2011 at 8:24 pm
“Utawk tur vawn” chu misual.com pawh hian a lo utawk tur vawn bik lo anih hi.
https://www.google.com/search?pseudoq=utawk+tur+vawn&pseudosite=site%3Ahttps%3A%2F%2Fwww.misual.com&q=site%3Ahttps%3A%2F%2Fwww.misual.com+utawk+tur+vawn&btnG=Search#q=site:https://misual.life+%22utawk+tur+vawn%22&hl=en&prmd=imvns&ei=zvHUTrs7opeJAo6nsdEO&start=10&sa=N&bav=on.2,or.r_gc.r_pw.r_cp.,cf.osb&fp=6017915d9066490&biw=1440&bih=728
Report this comment
November 29th, 2011 at 8:34 pm
A va tha ve.
Pics ho chu aww…a uiawm mange,ball-pen ziak ngei kha ala hlu deuh2 dawn si a..
Report this comment
November 29th, 2011 at 8:48 pm
Thil hlui deuh contri tur neih ve a va chakawm ve le.
tren tren.
Report this comment
November 29th, 2011 at 9:11 pm
Japan ral len laia ka pu love letter kha ka pe ve mai dawn mi aw?
Report this comment
November 29th, 2011 at 9:23 pm
FB Group lamah ka chhiar tawh tlatin ka hria…
Report this comment
November 29th, 2011 at 9:43 pm
online-a hmuh theih dânte awm dawn em le? Nge British Library, Mizoram University hian a publish ang em? Sem chhuah chu pun lehzualna ka ti ta sa sa
Report this comment
November 29th, 2011 at 9:51 pm
nangni hi a ni maw..vanneihtluanga pawl IV a fail na result sheet haichuak che u..kan hlimpui teh mai a nia..haha..
Report this comment
November 29th, 2011 at 10:43 pm
A tha e. Thil hlui i hlut thiam deuh deuh teh ang u.
Report this comment
November 29th, 2011 at 10:58 pm
A tha hle mai
Report this comment
November 30th, 2011 at 12:53 am
Epistemology, post tha khawp mai
Tun atanga kum za velah chuan an hlu reuh hlawm khawp ang. Lo thawk chur chur teh u.
Report this comment
November 30th, 2011 at 3:55 am
A tha khawp mai. Ka thianpa pawh a tel ve in ka hria a buaipuitute zingah hian. Mahse a hming ka hmu ve miah lo. Pahnih chauh an ni sia, an hming hi tarlan tel ve awm tak ka lo ti mai mai…
Report this comment
November 30th, 2011 at 9:01 pm
Ka support e…
Report this comment