Bazarpui kan tih bik New Market leh a chhehvel khu hun ka neihloh vangin ka thleng thla khat khawp mai a. Nimin (3rd Dec 2011) khan kan zuk lut thla ve alawm. Mihring kan va tam tak em!
Krismas Bazar hun a ni tawh a, mi chi hrang hrang kan zi hut hut mai a, thil tihbo pawh awl tak tur a ni. Duhna hmunah pawh a kal mai mai theihloh, kan innek nulh nulh mai a, pawisa leh kan thilken te a bo loh nan fimkhur teh ang u. Mi chitin kan ni tawh si a, heng hun remchang a hmang a ruk tur lo melh reng te hi an awm ve bawk a.
Point pe ve leh thawr mai ang aw :
1. An thilzawrh engmah keng lang lo, mahse mi bazaar tur lo chang an awm. ‘Kekawr/kawr/pheikhawk, adt in lei dawn em?’ an lo tia, kan duh chuan kan zui a, a awmna dawrah min hruai mai. Tiang khan dawr nei tam takin kawngsir a ding turin ‘agent’ an ruai emaw’n le ka ti. Nachang an hre ngawt mai.
2. Bazar hmun a tawp. A tawp em em hi a ni ringawt. Bazar kal ho in bawlhlawh kan paih fimkhurlo ani bawk a, bazaar hmuna thu te paw’n an vawng thianghlim lo ani. A thawkte kutah chauh kan dah chuan khawi hmun mah hi a fai seng lo. Kan khawpui lun laiah te pawh kalpahin bawlhlawh thlauh thla ta zel ila, hmunphiat tan tihfai sen a nilo ang. Bazar pui bawlhhlawh paih dan leh vawnfai dan tur hi Sorkar hian ngaihtuah se a tha ngawt mai.
3. Thil zawrhna rate a inanglo ngang mai. Dawr inthenawm ah pawh thil inang chiah pawh 200/300 ten an rate a inthlau. Chuvangin, i bazaar hunah, khawi hmunah pawh bazaar dawn la thil lei dawn reng rengin a man zawt kual hmasa chhin teh. Keini pawh nimin chuan kan che fuh viau a nia. Dawr pakhatah Chappal kha 1200 a chhiar a, ‘Kan han enkual ang e’ ka tia, a piah maiah 900 an lo ti, 300 kan save keuh.
4. Dawr nghaktu a inangloh theih mange. Thenkhat saw chu inhralh an duhlo emawni le tih mai turin biak zuk har a. Dawr 1 ah kan lut a, hmeichhia 3 an lo thu a, an kawrlum kha a rate kan zawt a, min en tho si khan min chhang lova, ‘A neitu in awm nange?’ ka ti ve ngat a, chumi hnu chuan min chhang chauh.
An kawrlum kha nalh kan ti viau na a, kan lei ta lo, a ang chiah kha dawr opposite a mi kha kan lei. A nuam ve a nia aw, kan hak chhin vel lai te kha min rawn hmu reng a, pawisa kan inpe lai te. Nuam ve lutuks 
Dawr nghaktu an fel tlangpui, Vai ang em em a thilzawrh min hnawn, lei loh hrehawm khawpa min ti chu kan hmu lo naa a tlangpuiin dawr an nuam.
5. Thenkhat chuan dawr pangngai pawh neilo in tuallai ah an ding a, thil tlem te te an zuar a, chung an hlawh chuan chhungkua an chawm a, thenkhat lahin hman senloh sum an nei a. Inang vek tur zawng kan ni lul lo mai, mahse, kan dinhmun hi a va inthlau nasa ta em em ve aw ka ti. Corruption pawh kan do tak tak ngam hlawm silo a, heti anih chuan tun atanga kum 10 ah chuan tuna kan society hi kan la ngai ngawt ang.
Engpawhnise, Aizawl a i awm chuan va bazaar ve chhin teh. En reng reng pawha khawsak harsa tih hriat ngawih ngawih te i va hmu ve ang a, a puihna tur ka neihloh bakah kan inpui seng chuanglo a. Mahse, mihring puite tanpuina kawnga i inrawlh ve theihna Misual.Commer Charity i ngaihpawimawh phah ngei ka ring.
Mahse, bazaar pui kal chu a va hahthlak tehlul em! Ka lu hi tun thleng (he article ka ziah mek lai)pawh hian a la na.
Similar Posts:
- MRP aia to a thil hralh hi
- Rorelna In bula bazar
- Handset camera nen Inrinniah ka bazaar a…
- Zan dawr hawn leh Mizo te
- Bazar!
December 4th, 2011 at 5:18 pm
a va tha reuh em
December 4th, 2011 at 5:22 pm
I point ho an tha hlawmin ngaihtuah zuingai tak annih hlawm khi. Tlangval awm awl thenkhat nula nek tur ringawta kal te an awm thinin ka hria. haha
December 4th, 2011 at 5:24 pm
(L)
December 4th, 2011 at 5:25 pm
Krismas bazar hi chu a nuam ve ngawt mai. Mahse chan chhe zawk chang tih hriat ngawih ngawih in naupang te te an rawn in hruai kual ve a, toys an awh ngawih ngawih tur an han hmu a, ding chung a an han thlir ngawih ngawih, nu in ‘lo kal rawh’ ti a ban a an pawt lawih hmuh te hi a va nuam duh lo tak em. Ka bazar kal min ti chak lo rawih thin…
December 4th, 2011 at 5:26 pm
Vawiin post ho chu.. laikhum zala kan dawn hnuah Mizoram diary kan chhiar, sam kan sawisa zuai a, luiah kan liam thla a, kan haw a kan bazar zui leh nghal a 😀 Sorry OT
December 4th, 2011 at 5:29 pm
Trox-a khan New Market innek luih luih lai kha rawn post leh tawh se la maw le…!
December 4th, 2011 at 5:30 pm
Millennium Centre lam-ah bazar daih ila a ni mai a lawm 😀
December 4th, 2011 at 5:30 pm
Ziak tha leh fu mai a. Keinin hote a kan ngaih, i point out thiam tlat. Gud post.. (Y)
December 4th, 2011 at 5:31 pm
Faina chungchangah hian kan fel ve tawh viau naa inzir kan la ngai thlawt
inhralh chakloh hmel deuh deuh ho dawra luh hian chhuah paha ruk chhuah then sak an chakawm :p
thil tlem te te zuar a cheng hnih khat uma thil zuar ho hian min khawih, chuta chapah nu hausak hmel tawkinn an diltlawm lai la hmuh zui phei hi chuan tum ngheng an chakawm a dawn tute hi.
December 4th, 2011 at 5:31 pm
Millenium a cheng 1200 man hi foreign lane ah chuan 800 vel a niang.
December 4th, 2011 at 5:31 pm
Point tawp ber khi ka notice khawp mai…rilru hi a na thin a nih hi 🙁
December 4th, 2011 at 5:31 pm
#9 tum ngheng lai tak hi (Y) A nat hmel dawp dawp e..
December 4th, 2011 at 5:36 pm
12 aduh 😀 😀 an rangkachak zungbun bunna ngeia mana keuhbingbilailet tawp a tum ngheng a nia ka duh ni! Mi thenkhat nileng hlawh pawhin an bag man tal pawh a azat si lo a ;(
December 4th, 2011 at 5:40 pm
Full support. Hetianga kan kal chho zel chuan nakina he hun hi chu kan lai ngai ngei ang
December 4th, 2011 at 5:43 pm
Dawr neitu ho ka huat emmmm em chu, tlawm kan han dil dek dek, Bangkok a mi an lak anih zia (Calcutta mi lek pawh ni se), kalman/thlawhna manah an insen nasat zia thu an han sawi chiam a. Min dawr lo mah ula pawi ka tilo, tih attitude hi an la pu zui a. Hah takin ram hla tak ami ka la a, ngawi reng khan a man zat ka chhiar hian lei mai rawh u, hi an ti ni berin ka hria.
December 4th, 2011 at 5:46 pm
Millenium Centre/Solomon’s Cave rate leh bazar pui rate chu a lo inthlau viau. Mahse, bazar chhung tawt bawn lutuk hrehawmna leh a man inthlauhna kha a inhen ang em aw te ka ti. Theih hram chuan a man tlawm tlawm, quality inang si chu pan ka duh thin.
@roseparvul, i tidik ngawt mai, en reng reng pawha nu hausa tih hriat ngawih ngawih ten anhnah tel mai mai pawh tlawm an han dil hmuh hi chuan lo tawng ve ka chak thin.
December 4th, 2011 at 5:48 pm
Kristmas bazar hi nuam ve deuh ani, in nek tulh tulh mai ila 🙂
Ka thianpa in a tia lawm, ” krismas dawn bazar in ka chhuak phei a, jean kekawr lei tum in. Kekawrte hi kan nei chaurau ang reng a. He ka Bazar ni a ka hak pawh hi, a mawng lam pang kha a tet chhe nasa tawh a, a hrui deuh chauh kha a awm tawh a” a ti a.
“Zion street ah kekawr kha ka han ha chhin a, cosmetic dawr ho hnung chhawn zawng khan kekawr ka phelh a…a re..ka kekawrte ‘status’ ka ngaihtuah chhuak phut a, ka in her vut a, an lo nui tlawrh tlawrh a. Ka zak hle tih kha dawr nghak tu khan a hrethiam a, puan ven tur min rawn pe vat a, ka hamhaih deuh nge ni mawng lam lang kher khan a puan min pek kha ka veng pek a, darthlalang hnung chhawn zawng khan kan ha chhin leh kha darthlalangah ka kekawrte bawk kha a lo lang lehpek a. Dawr neitu pawh a insum thei lo, a nui ta vak vak mai a ati. Ka hak chhin kha tawt deuh mahse ka phelh ngam tawh lo a, a man ka pe sawk sawk a ka kal nal nal a tia lawm.. 😀
December 4th, 2011 at 5:48 pm
Krismas bazar buaithlakna chu, November veleh lo bazar lawk tum ila lei tur a awm lo, a awm hunah lah a tawt uchuak leh bawk si. Mahse a hlimawm duh ka ti. Thilzuar ho au ngaihnawm thei lutuk hi kan nui vur zel mawle.
December 4th, 2011 at 5:56 pm
@lrpa, ‘kekawrte status’..haha
Misual Aizawl a awm ho kha lei tur in nei emaw, neilo emaw pawh ni rawhse, Kristmas Bazar boruak tem turin kal ve reng reng teh u. Keipawh ka tihdan a nia. Nuam ve riau. Mi chi hrang hrang kan tam teh a nia.
Nimin pawh chuan a chep tehlul nen, tlangval pakhat hian kawngsira sunglass kha a lo bun mek a, a zuartunu in darthlalang te tak te a pe, kawng dawm meuhin a chep a chep a a lo inthlek vel lai hmuh te kha a nuam asin aw…
December 4th, 2011 at 6:00 pm
sheldon, hei hi tak tak ani, a man a sawi phei chu kan nui nasa ..ka type pah hian ka la nui.. 🙂
December 4th, 2011 at 6:10 pm
Thil thar kan zir belh leh ta. Mipa ho tan, i bazar a kekawr i lei dawn chuan i underpant thaber ha ngei ngei ang che 😀
@aduh, a ni reng asin. An bazar kalna senso cover tur hian sumdawng hian an thuam hi a rate an siam. Chutah eng bungrua ah pawh chhiah kan pe vek bawk. Sorkar hian indirect hian min rawk bawrh bawrh mawle.
Bazar pui bawk chu sawi leh ta ila 😀 Current a awmlo a, khua a tlai deuh tawh bawk sia, a thim mup mai a, kan ri nuaih nuaih mai bawk sia, a nuihzatthlak duh riau. Kha lai tak te kha Kristmas boruak keini ang rualin kan tem ve chu a ni mai lo maw te ka tia.
Secondhand kekawr lum en kan tum a, kan zuk chhuk a, secondhand reng reng an lo zuar tawhlo. Arsa an lo zuar daih. Ka upto-date lo nasa ngei mai 😛
December 4th, 2011 at 6:36 pm
Mi pakhat soi ka hriat chu december christmas bazar laia rs 100 a a hming a sign na, jeans lei nan a hman chu a hman hnu lok ni hnih velah voksa a leiin an ron kir leh! Hehehh, ho viau na a, a co-incidental ve khups mai.. Mizoram sum tlem te a vir kual nasat hun lai ber te poh a ni hial ang, he shopping season hi.. 😀
December 4th, 2011 at 6:43 pm
Lolz…kekawrte status.. 😀 😀
December 4th, 2011 at 6:46 pm
In sawi lunglen thlak, Hetiang humpui ah hian Zorama awmte ka awt thin che u. Mi ram ah zawng lunglen ana e, KRISMAS LEH KUMTHAR CHIBAI VEK U….
December 4th, 2011 at 6:53 pm
Bazarpui ah chuan lung a leng theilo. A tawt leh lutuk a 😛
Mahse Krismas boruak tem nan kal ve ngei ngei tur.
Pawisa note a hming ziah kha hman deuh khan a tam thei, pawisa note rang lo kha a vang ngawt mai. Tunah chuan kan sim ta. Tin, Bank lam pawhin an kilh tawh lova, note a a zat ziah pawh an phal tawhlo bawk a, pawisa note a hmel a mawi tlangpui tawh. A hlui hrim hrim chu thudang nise.
December 4th, 2011 at 7:00 pm
point #1, khi vai style vel ve. Kolkata new market ah khuan an uar khawp mai. Kashmiri shawl hetah awm, leather bag i lei dawn em… min zui, tiin min lo zar sek zel. Ignore pawh hian rei fe min zui peih!
December 4th, 2011 at 7:03 pm
Pawisa hlui sawi takah chuan hman deuh khan pawisa note hlui deuh2 thawhlawma thawh chiang an awm mawle. Mak thei a nia. . Naia20 ka la nei
December 4th, 2011 at 7:14 pm
1. a i sawi ang chi ho hi kei chu ka ning . hruai bik na dawr an nei a . dawr neitu in hlep neih duh bawk khatia hruai lut tu khan hlawh cheng 50 atang a 100 tal hlawh an tum bawk a , krismas atan a inkhawl ve tang tang thingtlang lam mi engmah hre lo an han hruai kawi an han hruai kawi hi chu ka lo lainat thin ,hruai lo se, an mahni in zawng ve se . sum tlem tal an save dawn sia .
December 4th, 2011 at 7:24 pm
@bmw & maya, engkim mai hi vai tihdan kan entawn mawle. Lei loh zahthlak leh inthlahrunawm khawpa min nawr thin te hi an awm tawh a nia.
@roseparvul, Aizawl bazar ah hian pawisa chhia thleng thin an awm a, same value chuan an thleng ka ringlo a, a value chanve vel pawh a ni mai thei. Engtiang chiahin nge an thleng ka hrelo. An taksa ah lehkha an bel a, ‘pawisa chhia a thleng theih’ tih. Tichuan Bank-ah pawisa chhia kha pawisa tha in a hlutna diktak in an thleng leh a, sumdawnna tha te a nih ve mai chu. Dan in a phal em chu ka hrelo.
December 4th, 2011 at 7:34 pm
1. Tlema dawr awmna kilkhawr deuh leh biru deuhte’n agent engemawzat an nei thin. Customer an hmuh hnem chuan an hlawh hnem a ni mai.
2. Ka sawi peih rih lo! Hetianga bazar kan sawisak chhung chuan a tawp zel dawn hi a ni ringawt!
3. Chuvang chuan ania thil lei dawna zawn peih leh vak kual peih a ngaih em em ni.
4. Dawr nghaktu fel leh biak nuam na na na chu an inhralh thei. A chhawrtute paw’n hei hi hria se a tha ngawt ang. Location inang rau rauah a nghaktu azirin dawrtu an inhmuh that hleih hlawm ngawtin ka ring.
5. A buaithlak!
December 4th, 2011 at 7:48 pm
Lrpa, kekawrte status chu ka va nui nasa leh pek veeee, nang hi thil nuihzatthlak deuh deuh hi i rawn phawrh leh nulh zel. 😀
Sheldon, kei chu christmas dawna bazarpui thlen thlak hi chu ka peih ta lo..a to zawk tih hre reng mah ila, cave leh millenium centre ka pan tawp zel
December 4th, 2011 at 8:06 pm
@Jacka Pi, Keipawh mawle. Millenium kan hnaih vang hian ka hrut ber lo theilo a. Mahse bazarpui kal ve chu a tha. Khi post ziah tur te kan hriatphah a. Kal lo ila chu ziahtur ka hre tawp nang.
‘Kekawrte status’ & ‘Vancharlova leh Kawlhawk inpawhthlak thu’ chuan reitak min nuihtir dawn (nuihza thar leh) 😀
December 4th, 2011 at 8:23 pm
A re ‘Kekawrte status’.. 😀 😀 😀 A van hit vee.. Kolavari-dii
December 4th, 2011 at 8:33 pm
kekawrte status chu hit rem rem khawp mai. A thianpa angin a sawi a, lrpa hi amah lek ania aw. Ka hre chiang khawp mai 😛
December 4th, 2011 at 8:39 pm
Kekawrte status hi sawi puan vak loh tur! MAP ani tawh a, min man palh ange 😀
December 4th, 2011 at 8:41 pm
Pu Shaia @4 sawi ang chi khi lawm hmuh hrehawm ka tih thin. Vawikhat pawh mipa naupang 1 hi a pi nen an rawn in kai hnak hnak a, naupangte khan toys vel chu a thlek ve dauh dauh a, mahse lei a ngen ve chu geometry instrument box,Rs.30 man kha a nia, a pi khan I u te ta hlui hman tur a la awm ang atia, naupangte chuan ‘a hlui ringawt ka hmang a,a thar ka hmang ve chak asin’ a ti niah niah a..a pi khan ‘I nau kekawr kan la lei si lo, pawisa kan indaihlo ang’ a ti bawk si..ka rilru a ti na reuh lutuk a, han leisak ringot lah chu ka inthlahrung deuh roh bawk sia
December 4th, 2011 at 8:47 pm
@36, mihring emotional deuh mai ka nia, i sawi ang chi khi hmuh/hriat ngawt pawh hian keimah ah danglamna a thlen fo. Ka dinhmun in a phak bak a chet ka nei zauh zauh (insawi theihna ni lovin) Khitiang situation khi tupaw’n kan tawng anih chuan inthlahrung lovang u, an tan malsawmna a ni dawn si.
December 4th, 2011 at 8:51 pm
@ 37 sheldon… (Y) ..your thoughts my thoughts same connection and action 🙂
December 4th, 2011 at 9:04 pm
@36 @37 (Y) Kei pawh hi Irish pachal ho ang mai..hetiang kawngah hian ka hnuk a ulh hma riau. Mi lian leh te kan inthlauh tawh zia hi. Mualpui road ah bawng chaw phur ka hmu a,a phurh hnem em avangin akal hlei thei lo. Chutah Minister motor in an pit khum nghek a,chak tawk a an tlan pel kha hmuh tum a ka mittui tlak nasat zia kha mawle..OT viau tawh nan zep zuai (kal lel lel)
December 4th, 2011 at 9:12 pm
lrpa chu a dinchhuah hma chanchin a rawn sawi lang ngawt mai a, a hit dawn tlat. Hehe.
December 4th, 2011 at 9:28 pm
Tun christmas season chu ka va han reth3ei dawn em…airlines ho ticket rate ringawt pawh hi in check tawh em?…guwati to aizawl pawh below 8.5 k in a awm tawh lo…26 ah chuan a tla hniam leh tho sia… ngrrrrr
December 4th, 2011 at 9:32 pm
krismas bazar hi chu a nuam ve hrim hrim 😛
march/april thla ni pui sale khan ka masi thawmhnaw chu ka lei daih tawh 😉 november chho khan kumthar lama ka ni pui thawmhnaw tur ka lei leh diam tawh 😀 tiang hian hei kumthum ka tih na a ni tawh a ka la inchhir lem lo…kan lei man thei zawk fe sia, (season mil lo a thawmhnaw lei chu a nuam chiah lo tih mai loh chu lap hlang ah ka ngai) 😛
December 4th, 2011 at 9:33 pm
Zualbonez & Levi, mi pa ho pawh in lo chuti ve tho ani maw. Mi harsa lehzual te va khawngaihna rilru hi a ropui. Kan va khawngaih na na chuan pek duhna thinlung a lo piang mai. Thenkhat chu hman sen loh an nei a, a bak an la duhbelh zel ania, hausa teh mahse hetiang mi te hi ‘nun rethei’ an ni.
Pu Pk, ‘kekawrte status’ khi i tihna mi? Aduhi@34 nen amah chu in puhthlu der mai sia…haha 😀 Eng kekawrte tak ha ang maw kan MAP ni tawh pa chuan. A kawngah ‘TARA’ tih a inziak ang em le.. 😛
A thianpa (lrpa) in a puan hi hria se chuan a sa mai mai ang chu. Keini ho lah in kan la fuh chat mai sia 😀
December 4th, 2011 at 9:39 pm
A dawnni ah bazar daih ang
December 4th, 2011 at 9:42 pm
A ngaihnawm hle mai.
December 4th, 2011 at 10:01 pm
@Sheldon hi Krismas hmanpui atan athat ka ring tlats, DJ tih ang reng vel in a rilru a kuai lo anga, kan tawngtai dun kerh2 anga…. 😀
December 4th, 2011 at 10:04 pm
#ltvangchhia, nia, kan ‘online’ dun dawn nia…hehe. Chu pawh Pathian in rem a tih chuan.
December 4th, 2011 at 10:18 pm
Sheldon @47, thil min ti hrechhuak, OT zuai mai..200w kha ni tain ka hria, ka thiannu nen 31 zanah cyber cafe atang ngatin 3am kan thleng thak..ar kan tih vel mai mai ai chuan nuam kan ti zawk daih 🙂
December 4th, 2011 at 10:22 pm
keni ve dance hustle step thar kan zir mek ania
🙂
December 4th, 2011 at 10:25 pm
zb chu a sek lutuk anga a lam ve theih pawh ka lo ring lo a 😉
December 4th, 2011 at 10:35 pm
@Jacka pi, OT love. Krismas bazar thu anih khi. A leng vek. Inkhawm…a bak enge. Cyber in kal cu in thiamawm thlawt. Hei ‘net’ chaklo chung pawhin kan la misual hram hram hi…hehe
Air ticket chungchang hi, krismas dawn anih vanga a to vak hi thil thiang a ni em? Duh a an san a an tihhniam theih ani lo tawp ang. Vawksa rate takngial pawh control tu an awm chuan air ticket chu chiangsa.
December 4th, 2011 at 11:01 pm
Khing point 5 te hre reng chungin hlawh lak veleh ka krismas bazar ve dawn chiang alom
December 4th, 2011 at 11:31 pm
Chhiar tan ve chhak chhak teng!!
December 5th, 2011 at 12:54 am
Xmas dawnin dress ka bazar ve ngailo, winter wear chu february velah ka lei daih, next winter a hak tur., winter tawp tawh lam a nia, discount a thra. Hak lohin ka dahthra hmaks. Next winter fall ah eng fashion thar nge lo chhuak ang tih lamah ka buai lo bok a, ka dress duh taka ka lei chu 90s look poh nise confi takin ka ha haha
December 5th, 2011 at 1:45 am
Rempy style khi fuh phian..fashion a buai lo tan chuan. Nikumah pawh jan 5 velah jacket ka lei a, dawr neitu ten,lei hun i va hre ve te min lo ti vel.
December 5th, 2011 at 2:26 am
Ka rilru herh vang nge mawni ka duh thusam hi ka lei fu thei lo, Thawmhnaw hi ka lei a piangin ka duh thu a sam lo ziah, a engemaw hret zel
Ka lei fuh tawh erawh chu ka ha/bun rei ve leh thung ṭhin khawp mai. Mi min present erawh chu hak duhloh ka la nei ngai lo…keima lei ngei ah hian k duh tui a nih chu 
mak ve mai2 
December 5th, 2011 at 2:52 am
Post tha leh bengvar thlak, inennawn theuh kan ngai tih pawh rawn phawrhtu niin ka hria.
1 na khi a ngaihna an hre hle mai
2na khi mahni ram kan hmangaih loh vangah ka ngai. Mahni ram hmangaih chuan a titawp phal lova, midang ti tawp tur pawh hmaichhanah a hrilh fawk ngam a ni. Heihi kan awmna mek USA ah hian ka awm tirh a ka tawn tawh a ni. Ka tan tih nawn leh a zahthlak zia ka hriat bakah an ram an hmangaih zia ka hmu nghal thei.
Hawh u kan chapona nen inmil tur tal hian chet-fai atangin ram i hmangaih ang u.!
December 5th, 2011 at 6:22 am
#57, Pu Hv chu i ti tha thin hle mai. Last sentence hi thuril tak 1 niin ka hria.
December 5th, 2011 at 7:21 am
December 5th, 2011 at 7:23 am
#Pu Hv, ‘Hawh u kan chapona nen inmil tur tal hian chet-fai atangin ram i hmangaih ang u!’ – A va han tha tak em. Kan chapo hlawm tehreng nen hian kan la che tawp em em zui a.
Jacket leh Coat, a man to chi deuh hi chu keipawh sale laiin ka lei thin. Dawrkai hmelhriat neih a tangkai fu, an thawmhnaw an sale dawnin min rawn phone keuh a, a season laia 3000 man te hi a sale chuan 1500 te a ni thin. Sale laia lei hi intihhmuh chi tak ani.
Mahse, Krismas anih manah Aizawl awm tan bazarpui kal ve ngei tur
December 5th, 2011 at 7:36 am
sheldon, thuamhnaw hi sale lai mai bakah eng % emaw an off theihna coupon ka dap nasa thin khawp mai. Thuamhnaw dawrah kalo thawk ve reng tawh thin a. Khatih laia tanga ka hriat pakhat chu, thuamhnaw hi a season a tawp dawnin an sale a, a hnu a a season a intan lehin khami kan dahbo hnu kha kan phawrh leh thin. Chuvangin off season dawn emaw chiah a sale ho hi lei a fuh duh khawp mai.
Tah pawh hian dawrnghah chungchang chu tlem ka ziak nial nual tak asin:
https://misual.life/2010/07/20/dawr-nghah/
December 5th, 2011 at 7:41 am
@Pu Hv, thenkhat chuan sale lei hi tlawmah an la nia. kan thawhpui thin pakhat chu sale en tura kan kal paw’n a lokal ve duh ngailo.
Sale an display loh, bag chhunga mi pawh ka hai fo.
Thawmhnaw hi a tello a kan awm theihloh thil ani. Mahse a lutuk a tih awm thei a ni. Thenkhat chuan man to tak tak, hak senloh an nei mek awm ania. Kan nihna diktak chu kan thawmhnaw ah ni lovin kan chhungril nun langchhuak kha mi te’n an hmu tho sia.
December 5th, 2011 at 7:51 am
December 5th, 2011 at 8:15 am
Kan bazar tawp leh bawlhhlawh paih thlahdah lutuk khi chu a zahthlak ngawih ngawih, mimal inchei nalh tak tak kan tam nen, kan ngai pawimawh tawklo niin ka hria, aaa kan inhmeh tawk vel e ti mai ang
December 5th, 2011 at 8:17 am
62 sheldon i thawhpui thin chu millionaire a niang a, a intih chk dan a bias tlats haha
December 5th, 2011 at 8:21 am
@little, i va titi ik har ve
Engvak ni lo ‘showroom’ ti deuh sek te hi an awm ania. Kan landan hi kan ngai pawimawh khawp.
December 5th, 2011 at 8:23 am
littlerascal , inthuamna changkang leh manto tak nisi, kan kawtthler a balh viau te, kan inthuam nalh viau laia kan inchhung a tawp viau si te, kan electronics thil neih that anghu a kan chawhmeh tur sa man pawh ngaihtuah fet angai thin te adt. kan inchhut nguna ngai khawp mai.
December 5th, 2011 at 8:33 am
Sheldon ti ti ik duh vak tawh lo haha
HV a dik chiah, khawvel changkanna leh mi ang ve tura in develop hi a letling zawngin kan apply a, Mizoramah chuan haha
December 5th, 2011 at 9:34 am
Post tha hle mai..
#37 & 39..
Thla hmasa khan Nakki dilkam, Mount Abu ah mi pa naupang (kum 10 vel a niang), pheikhawk tifaitu hian ka thianpa pheikhawk a nawt fai hauh hauh a. A chanchin te a sawi pah zel a, thingtlang khua atanga amah inchawm tur a lo kal a nih thu a sawi a. Ka thianpa pheikhawk a tihfai lai chuan Rs. 10 ka pe ngawt a. Ka thianpa chuan, “ngatinge khatiang zat zat i pek?, eng atan mah a hmang tangkai chuang lo ang” a lo ti a (vai tih tak ah). Tin, pawisa pawh a pa chuang lo, ka pawisa pek kha a ring nghal
Kei chuan, “naupang te nisi amah a inchawm thei kha ka ngaisang in, ka lainat em a ni” ka ti a. Ka thian (vai) te chuan min ngaithla tui lem lo.
December 5th, 2011 at 9:43 am
Eng tikah nge NO VEHICLE DAY an puan dawn? Ka nghakhlel riau ania.
December 5th, 2011 at 10:29 am
kei chu show room kawt ami ngat ka lei thin..haha..
December 5th, 2011 at 10:40 am
NO VEHICLE DAY ni leh tawh se, kawnglai ah te han tei leh suau suau ilan, nuam ve mai mai. Chuan Showroom te han kalpel thuak thuak ila
December 5th, 2011 at 11:01 am
thawmhnaw ah kher kher hi chuan ka khirh lo a niang, keima lei hi a tlem emai. ka chhungten an lei a ka ha ve tawp zel mai ni. ka ngaihsak loh lam ve deuh mai a nia.
December 5th, 2011 at 11:11 am
Thawmhnaw chungchang ah ngat chuan, vaiho zing a awm a nuam ber
An hak ngai lo deuh hi han ha ila (a ha tu in ka zir bawk a 
), a man min zawt sap sap zel. Kei lah in Cotton shop a mi Rs 150 aia to lo ka lei mai thin si a.
Hmel a that tho hi chuan thawmhnaw man to pawh hi a lo ngai lem lo a nih hi
Show room-ah hi chuan in-show off deuh in lenglut ve zeuh zeuh ila, engmah lei chuang si lo in.
December 5th, 2011 at 11:27 am
@Dr Mahminga..haha..thawmhnaw te chu sap ho pawhin t-shirt te an ha hnuk hnuk a, kan ngaisang em em tho alawm tiraw? A hatu hian han zir phawt mai ila ni mai.
Millenium Centre/Cave vela thuamhnaw hi chu a to uchuak, top man te hi a nalh deuh chu han zawt ila 2000 to 3000 te zuk ni daih a.
@Guillermo endara, mi pa thawmhnaw duh uluk deuh hi chu an khirh duh an ti:-D
December 5th, 2011 at 11:36 am
@ Sheldon… Dik chiah. A hunger hi a pawimawh ber..
Thilman a va to tiah tiah ve. Kum 2007 khan, Solomon’s cave-ah kekawrtlawn pakhat man ka zawt a. Rs. 1750/- an han ti mai chu(h). En pawh ka en zui peih lo, ka kal nal nal
Ti hian suangtuahna mawl te ka nei zui a…
) Rs. 1250 ka la nei ang. Nupui man Rs. 420 (?) ka dahtha hmak ang. Tichuan Rs. 830 ka la nei dawn. Vawksa Kg hnih (Rs. 300?) ka’n lei haw bawk ang a. Rs. 530 vel a la bang. E khai, bialnu neih ve hun a dawr changkang deuh a chawlhna tur thlengin pawisa ka la nei a nih chu.. 
Kha kawkawrtlawn man khan kekawrtlawn dang Rs. 500 man lei ta ila, (Keini ang size phei chu a tlawm pawl a ni lehnghal
December 5th, 2011 at 12:24 pm
Dr mahming i chhut thiam e….showroom te chu a lang ve thei mahna ka thawmhnaw leina tang hian chuan
December 5th, 2011 at 12:51 pm
Sheldon chu a ngaihna tak pawh i va’n hre zawk ve le.
Comment lah chu a ngaihnawm hlawmin a tha hlawm em em mai lehnghal.
MISUAL.COMMER CHARITY mawlh mai khan kei ka rilru a kap a, tun karah hi chuan ka intiam ang ngeia tihpuitlin ngei ka tumin ka inbeisei.
I point out ho khi sawi zui tham fe a awm hlawm a, ngaihtuah zui tur pawh min pe teuh hlawm ngei ang.
December 5th, 2011 at 12:52 pm
Bazaar a tawtna chhan pahnih khat chu kan walking speed a hniam lutuka,kawnglaia ding meuha hmelhriat biang ching ho vangte,mahni ta tur chiah lei tur pawha chhungkua zawng zawng emaw thian ho zawng zawng emaw tih theih tura kan inzui thinna te hi a ni ve ngei ang.kan walking speed tisang ila,hmelhriat pawh biak pawhin be zawk ringawt ila,a hul hul angin bazaar pan lovi la chu bazaar area a thawl phah ve ngei ang.Vai ang maia dawr nghaktute tirhkah ianga item zawng zawng lak thlak tir,test chhin angte hi thil mawi leh tha pawh anilo,dawra lut ve duh dangte pawh kan dangchat,dawr alen lem loh phei chuan,test lawr vaka lei leh si loh phei chu a mawl thlak,vai thing ho tih awm tawk lek.Test lawr pawhin chintawk hriat hram a tha ka ti,hun pawh a hehlo nge nge.
December 5th, 2011 at 2:23 pm
@boihapa, i sawi ang khian Charity hi ngai pawimawh theuh thei ila a tha ngawt mai. Kan pek theih a tam emaw a tlem emaw pawh nise.
@Kawlnicolney, kan kal muang lutuk hi keipawh ka vei a, misual ah hian ka post tawh nghe nghe. Aizawlah hian motor leh mihring kan tawt tawh ani ber mai.
December 5th, 2011 at 2:31 pm
# 79 & 80…
Mizo tam tak kal dan hneng hneng hi chu an thatchhiatzia leh enghelh an neih lohzia a lang ngawt in ka hria (a phunchiarthlak lutuk em aw??)
Baptist Higher Secondary School-a kan zirtirtu, Miss Dinpuii Chhangte khan, class a lak zawh hian zirlai min chhuah hmasak tir thin a. Ke/pheikhawk hnuk a kal kha chu a ko kir a, an thutna atangin a chhuah that tir leh thin. Tun hnu hian kha thil kha a thatzia ka hre nawn fo thin.
December 5th, 2011 at 2:45 pm
N’e hnam changkang kan tih ho TV a an kal han hmuh te hian hun hi an hlut hmel bik,kan speed nen chuan inthlau khawp mai.
December 5th, 2011 at 2:46 pm
sheldon chu kal chak leh kal muanah a la buai a ni maw?
December 5th, 2011 at 2:59 pm
A ngaihnawm hle mai,i kal na apiang ah hian thil hi i chik a i ti tha thei khawp mai. Kan inah ilo leng ang tih ka hlau deuh reuh.
Bazar- hnawmhnawk..huiham…tih fai dan chu a awm mawle…mipui kan la tlem a moral education hi kan in pek nasat leh zual angai ani. Hma kan la sawn thei lutuk. Kei panhnah them pawh hi bawlhhlawh bawm ka hmuh hma hi chuan ka paih mai2 ngai lo. Keimahni lo a ti fai tur kan awm chuang lo tih hi i hre mawlh ang u.
A dang han chhut zui tur pawh ka hre vak lo aa…
December 5th, 2011 at 3:08 pm
lung iva han ti leng reuh..ka bazar ve duh
December 5th, 2011 at 6:43 pm
Kan bazar na hmun neih len ve ber ti em em a atawp hi chu aw… Trash Can te hi hung ve teuh se, chu chu mipui pawhin hman nachang hre bawk ila te ka loti mai mai.
Vawikhat chu kawngchung (Civil Hospital) leh kawnghnuai kal pawhna step tlem awmah khian a tawt khawp a, kawng inken nachang kan hre bawk si lo a, tih ve dan ka thiam lo aniang ka tang (ding) reng!
Ke a kal pawhin aggresive a ngai a chang chuan!
December 5th, 2011 at 7:14 pm
@mamboihi, Aizawlah hian bazar ah chauh pawh a ni lo, bawlhlawh bawm hi a tlem khawp mai. Private Hospital ho hi bawlhhlawh bawm hun tamna hmun ni maiin ka hria
Aizawla awm tunhnaia bazarpui la kallo kha chu zuk kal ve hram teh u
December 5th, 2011 at 9:58 pm
In va lo Bazar thui tawh ve!
December 5th, 2011 at 10:05 pm
John-a hian lirthei a nei miah lo a, engtin nge an koh?
Ans: No Vehicle John.
December 5th, 2011 at 10:15 pm
@Saitawk, in nau awih mut hlanin kan lo bazar sup sup mai mawle
@aduhi, comedian search chu ni se ‘good wit’, ‘one liner’ an ti ang che
December 5th, 2011 at 10:29 pm
@sheldon, Vawiin chu ka piancham anih vangin kan Nu’n min
bik bik!
December 5th, 2011 at 10:37 pm
@Saitawk, Tlai tawh mahse ‘Happy Birthnight’
December 6th, 2011 at 1:24 pm
kei chu vairam hla lo te thil tlawmna hmun a awm ka ni a Aizawl ah hi chuan ka bazar thiam lo thil hi to ka ti hma lutuk
December 6th, 2011 at 5:36 pm
dress hi chu ka ha man to lo ve thin ngang mai. Kumin ah pawh nikum hmasa a rs 150 a aizawl bazara kamis ka lei ka la ha fo mai. kekawr ka hak man to ber 500 man hehe. Tun tum kolkotta ka zuk thleng erawh chu khawnge sawi ve reng reng ah ka tia, south city mall atang ngei maiin pentaloons kamis leh pants kan lei ve thuai kha. To phian leh nghal. Kan ha chhin vel a, ka confi phah em em pawn ka hre chuang lo