Thenzawl kal a ngaih avangin, December ni 1, 2011 khan, Aizawl khawpui atangin zing dar 8 ah kan chhuak a, Ngaizel kham kaltlangin, Driver nen World bank kawng kan zawh phei a. Kawng te a tha bawk a, tluangtakin, darkar 3 chhung in Thenzawl khua chu kan thleng phei ta mai a.
Ka vawikhat kalna a nih avang nge? Thenzawl khaw thleng chu rinaiin alo pharh hlai tha hle mai. Engatinge tun atang hian Sorkar in khawpui atan a plan loh le? tiin ka ngaihtuah na a kal thui hle mai. Ralkhat atanga han thlir vang vang pawhin, mual pawng neuh neuh chu awm ve thluah mahse, a ram a pharh zau tha in, khawpui lian leh thang zel tur a dawl zo ngeiin ka hmu a. Nakin zel ah, a tul chuan fly-over han ruahman pawh – a khawthlengin a chawi zo ngei ang. Khaw thanglian chho zel tur tan pawh than zelna tur hmun a awm in a lang.
Mi tamtakin inhmun atana an in valh zawh leh hma-in, tuna tang hian, Sorkar in office pawimawh atan te, Bazar hmun (Market place) atan te, departmental Store atan te, hmun bik ruahman thliah ni se, approach road fel takin design ni bawk ta se. Kawng te pawh tun atangin – one-way pawh lane hnih/thum tal in ruahman theih ngei tur a ni.
Hmun zimte a invalh a, a tla chawpa than zel buaithlak zia hria in, atir atangin, khawpui zau leh thawl nuam ve deuh tura ruahman nghal ni thin se. Aizawl, kham ko-panga in benbel leh, hmun chep taka in hnawhkhawm a, nitina traffic jam, solve ngaihna pawh awm tawh lo va than zel tum ai chuan, nakin hun lo la awm zel tur atan a tih chi zawk ngei ang.
https://i44.tinypic.com/15xrh41.jpg
Aizawl khawpui hian, Zoram khawpui thang zel tur hi min zo ngang tawhlo a nih hi maw. Vawikhat Lir nasa ve deuhvin han nghing ve chhin ta se, Aizawl chhiat nasat rapthlak tur zia hi kan ngaihtuah fo thin awm e. Mahse, “lirnghing ta se” ti a sawi sawi si hian, khampang pawhnise, hmun awl awm chhun chhunah kan la in vawm bei tak tawk tawk a.
Mawi ve ruih ruih tak a ni…..
Kan thil tih duh te, kan tih kim hnu-ah, Vantawng khawhthla en turin kan kal ta a. Lunglei kawng, thui vaklo kan zawh hnu in, Vantawng khawhthla peng kan thleng ta a. Kawng an siam lai a nih avang nge, gate lo siamin, luh dil a ngai ta a. Gate vengtu hnamdang Mizotawng thiam chu, kan nau pakhat chuan a han dil a. Pu….chumi chu dil a ngai a ti a. Mobile no. min pekah chuan kan han dial a. Vaipakhat hian mumal nei vaklo hian minlo chhang a, mahse gate vengtu chuan “kal mai rawh u” tiin gate min hawnsak a, lungphah la hrut rualohah chuan kan sawh phei bauh bauh a, kawng chanve vel kan kal hnu chuan, lei vuak mam tha takah kan tlan ta a.
Thlalak mai chauha lo hmuh thin, Mizoram tuikhawhthla hmingthang, a taka hmuh ka lo chak ve em em thin chu, a thlir natur hmun an siam atang chuan mit ngeiin kan zu thlir ve ta a ni. Tichuan tih tur em em dang kan neih loh avangin, dar 2:30 ah chhuakin Aizawl lam kan pan leh ta a.
Aizawl leh Thenzawl khaw inkar, hmun sang, thengthaw nuam tak leh MI sawi apianga misual.comer te rilru a lo lang thin – Hmuifang, Misual rual lo MI na thin hmun hmingthang chu, mi AK rual a Ak ve pha lo, kei, misual cowboy-mal tla chu, ka han chuangkai ve ta hlawl mai a. Rin ai in alo nuam hle…Misual MI ho awt rilru takin, “ .. khawilai hi nge, ka misual unaute lo inhawrkhawmna chu ni ang le aw…” tiin ka hawi kual a. “Misual theuh theuh, kanlo va han thlim nasa em em ve…” tiin rilru lunghnur takin, “Khawsakna hmun in a zirloh vang vek a ni, Zawlkhawpui chuan chhuah remchanlai a Mi an rawt hlauh hun chu aw…” tiin, Misual unaute lo MI na hmun Hmuifang, tu khaw-kha hriatpui lohva kan chuankai ve nawlhna chu, tu khawkha hriatpui lohvin kan tlansan ve leh ta a ni. Tluangtakin, Aizawl tlai dar 5:30 ah kan lut leh ta a ni.
THU NAWI
Ngaihdan leh duhthusam sawilan ve theihna misual.com ah hian duhthu sam in i han phun lungawi leh dawn teh ang:
1) World Bank kawng hi tu te siam leh enkawl nge phei chu ka hre velo, ka hriat chhun chu, ‘a lar hle a’, ‘a tha bawk’, ‘Aizawl atangin Lunglei pawh hma takin a thlen theih tawh’ tih kha a ni mai a. Kan han zawh ve meuh chuan, mi ramte ang a kawng zau nilo mahse, a thalai chu, tun hma BRTF kawng ang mai a mam tha a ni, tlan pawh a nuam zar zar hle.
2) Leimin in a chhilh, a leimin hnantu, duh anga an paihfai ranloh leh paihfai thatloh avanga, Alkatra khawk avanga kawng titoh leh kawngchhia a sawitur a awm nual a. Tin hmun thenkhat, a siamtuten an siam pan deuh na lai, ruah tuiin a nan avanga khuar ta – motor tlan laklawhlai han insawh dawt theihna khawp a khuar thuk a awm nual bawk. Sawngte saw, a kawng viltu…PWD (?) lam te hian a chhiat zau hma a thawm that vat vat chi a ni lo’maw ni le aw?
3) Kawngsirah truck driver, Bus driver, Taxi driver te, motor lo sil kan hmu zauh zauh a, an motor silna tui kha kawngah a luang a, motor veivakina an han chilna lai, alkatra khawk avanga diak ta, a then laia tui tling te a awm bawk a. Zau takin kawng a chhia chu alo ni ta mai a. Hmun thenkhat, an motor silna pakhat thlang lawk ah phei chuan, kawng diak a thui deuh avang leh a diak thuk deuh avangin, motor a ruala kal thei lovin, kawngtha lai zawh turin an in nghah a ngai hial a. Hetianga motor siltu te pawh hian kawng tha an ti chhia a ni tih an in hrelo nge ni? An inthlahrung lo hle hian ka hria a. Kawng siamtu leh viltu te pawh hian khauh tak a khap theihna dan an neilo em ni le? A siltu te’n kawng an ti chhia tih inhrelo mahse, a siamtute lam chuan, an sum senso te, siam that a hautak zia te, siam leh zen zen a harsat tawh dawn zia te hria-in, heng kawngsir a motor sil hi khap hmak maise, Zoram mipui te leh khualzin te tan malsawmna ropui tak a ni ngei ang le.
4) Vantawng khawhthla kawng: Sorkarin Gate mumal deuh siamin, Vantawng khawhthla en tur te tan mi pakhatah Rs 50/emaw Rs 100 emaw te tal la-in, (foreigner tan a let zel) ticket (receipt) fel takin siam ve thlap ta se. Chu pawisa tlingkhawm chuan kawng te, a tul tul develop/maintain nan hmang ve ta se. Chu chu mi ram tih dan a ni. Tour guide te siamin training pe ve ta se, chung ho chuan tourist ho hmun tlawh chak zawng te fanpuiin, a history te hrilhfiah ve ta thin se.
Vantawngkhawhthla chauh ni lovin, Rei-ek Mizo khua, Khuangchera puk, leh Mizo in hmun pawimawha kan neih ve te hi ti hlu thiamin, tourist hip (attract) tu atan sawngbawl thiam ta ila. Mizoram hian tourist lah hi kan la nei ningnel ve bawk si. Tourist tak tak awm mang silo, luahlum tu awm mang si lova, Tourist Lodge sum tamtak seng a sak vak vak ai chuan,India rama lo tlehlut, hnam tin, chi tin, la hmuh ngailoh hmuh chak a, map kai pharh duai duai ho lo hip luhna tur thil attractive deuh te hi ngaihtuah chhuak ta zawk ila.
https://i39.tinypic.com/125pbgw.jpg
hrilhfiahtu awmlo chuan, a ho ang reng…..
Kohhran te pawh, Biak In chhip zum mawi tak tak in sak nalh siak, thuthleng seat dup nuam tak a siam te hi kan hmasawna a ni ta mai awm e. Heng bakah hian sakhaw thil hlu, mi tamtak in hmuh leh kal ve chhin an chak…a kal tawh ten, ha-hip a an sawi ve theih tur, tawngtaina tur hmun emaw, tlang thengthaw nuam ah han buatsaih ta se………a chhung ah, Lal Isua leh a hnung zui tu te sulhnu, khawnkhawm theih ang ang te han tar kawkalh ve thluah mai ila, Korea/Japan/China/Singapore/USA/Canada/UK atang te in anla rawn thlawk lut ve sup sup ang a…. chutih hunah chuan Kan Tourist Lodge tifai tu te pawhin hna an ngah ve deuh tawh mahna le.
5) A ! A lehlamah chuan Mizo nih hi alo va nuam em ! Tlai lam a ni ta….Tachhip kan rawn pel thla deuh chauh tih ah, kopang lam kawrah, Ta Ta Indigo (private) car hi a lo tla a. Driver veilama thu nu phei chu, kawngkharin kopang a sik deuh mai avangin, a driver seat atang lo chuan pawn a chhuak thei lo. Chulai hmun kan thlen chuan, anlo tla fel chiah ni tur a ni, a khalhtu zawk chu motor atang chuan alo chhuak dawn chiah a, a phurh nu erawh chu, a la thu ran a. Hliam phei chu an nei lo. An motor erawh chu, kawr ft 2 bawr vel ah chuan a ke veilam hmalam leh hnunglam a tla a, mahni mai a han tih chhuah ngaihna a awmlo.
Kan hmuh veleh kan ding a, an mahni an na lemlo tih kan hriat hnu-in, motor lak chhuah pui dan tur kan han ngaihtuah a. A khalhtupa leh a phurhnu lah chu, ‘tlem an lem deuh emaw ni’ tih turin an awm a. Ka driver nen chauh chuan motor han chawi chhuah chu a huphurh awm deuh.
Mahse maw..! chu mi kawnga lo tlan reng reng chuan “.. minlo hre thiam mai teh u, kan hmanhmawh deuh a..” ti reng reng an awm lo. Motor an tiding a, anlo chhuk a, “ khaw nge…lak chhuah a harsat dawn loh hi…hetia hian ti ila…”tiin, mi hring anlo thlen belh rual in, rawt na alo thleng nghal zel bawk a.
A ke hmalam rah turin lung kan han vawm khat a, a thenin hruizen an rawn phawrh a, a hnuai ah an thlung a, reilo te chhunga lo thlengkhawm mi sawm vel in hruiah an pawt a, pathum/pali velin a hnung atangin an rawn nawr bawk a. A motor neitu pa chuan motor chu a han ti nung a, first geara dah in, accelerator an rap ta a…hmalam atanga a hruia lo pawt tu te chuan an hnuk chhuak ta zawk mai a. A motor neitu pa chuan, “Bagha phei chetsual nen chuan a in anglo hle mai..: a ti ve a.
Nia, mi ram chu nise, Police motor bak, tu motor mah an ding kher lovang……Mizo tlawmngaihna nun “Zonunmawi” nge nge….minute 10 vel chhung lekin, kan hnuh chhuahsak a, mahni kalna tur lam ah kan liam san leh ta dial a ni.
Similar Posts:
- BRTF Kawng ve hi le!!
- Hmanlai Motor Willis kha
- Midum-kham leh Hmuifang Tour Diary
- Mi ramah zawng lunglen a na e
- He thil hi eng nge in ngaih ve dan
December 8th, 2011 at 6:03 pm
nice
Report this comment
December 8th, 2011 at 6:43 pm
Thlalak chu nalh hlawm mang e, Thenzawl hi ka hmaaanah ka kal ve tawh!! Khaw nuam tak ni in ka hria…
Report this comment
December 8th, 2011 at 7:35 pm
Thenzawl hi chu a hmunhma chu a rem ngawt mai tak e. Amaherawhchu, khawpui sawn ang chi hi chu thil tih chi a nih ka ring lo. Sawrkar lahin thawktu hlawh a pe thei chang chang a nia. Muhammad bin Tuqhlak-a te ang chauh kan ni palh ang e. Tin, Aizawl hi khawvela boruak nuam ber ani hial angem aw? ka ti thin!!. Engtiklai mahin a lum chhe ngai lova,engtiklai mahin a vawt chhe ngai hek lo.(Air onditioned City ani ringawt)
Ka rilrua awm ka sawi ve fo zawk chu; Khawpui dang tihlen leh office pawimawh sawn chhuah hi a ni. Aizawlah hi chuan, State khawpui a nihna anga awmlo thei lo chauh hi awm se, a bak zawng chu, Lunglei, Saiha, Lawngtlai, Tlabung, Hnahthial, Serhhip, Thenzawl, Saitual, Khawzawl, Champhai, Mamit, Kawnpui, Kolsib, Vairengte leh Bairabi ah te hian sawn chhuah vek ni sela, District te pawh hi MNF hun laia lo pek tawh ho te kha tih tak taka bawhzui ni hlawm se, a fuh zawkin ka hria.
Report this comment
December 8th, 2011 at 7:52 pm
Nice pik
Report this comment
December 8th, 2011 at 7:53 pm
Thenzawl hi chu Mizoramah chuan khawthleng rem pawl tak ani awm e. Tui a harsa em, lakna a buaithlak em tih erawh thuhran nise…
Hemi hian Thenzawl khua chu ka rilruah dai thei lovin a siam dawn ta a ni:
https://i40.tinypic.com/zstqww.jpg
Report this comment
December 8th, 2011 at 8:17 pm
A kawng lampang I rawn vei ta ber mai ani maw..
Hetiang kawng hi eng tak ah nei ve ang i maw..
https://www.youtube.com/watch?v=Qx7Meo7w-pY
Thenzawl hrim2 hi chu a khua a nuam in a rem ka ti khawp mai kei..streets in thliar fel dan te khi a remchang riau..chei a plan atan chuan duhthusam.
Report this comment
December 8th, 2011 at 8:20 pm
Post tha tak chu ani e, mahse khawpui han sawn em hi chu fuhlohna chen a awm thei ani.
Report this comment
December 8th, 2011 at 8:20 pm
5 Pu Hv # Tu thlan nge a?
Report this comment
December 8th, 2011 at 8:24 pm
Thenzawl hi Mizorama ka khaw tlawhchak ber pakhat a ni. A hming ringawt pawh hiam min ko tlat.
Report this comment
December 8th, 2011 at 8:25 pm
mr.Duhlova #8 ka fa upa ber Judy nu thlan. Kan thlalak ho kha ka duh ve ania….
OT zuai:
A nei an tamlo maithei a ni:
Gandhiji on the dance floor
https://i41.tinypic.com/9lbl8k.jpg
Report this comment
December 8th, 2011 at 8:26 pm
Report this comment
December 8th, 2011 at 8:28 pm
Post nga1hnawm tak a n1h h1.
Report this comment
December 8th, 2011 at 8:43 pm
World Bank kawng saw chu PWD kut ani em? An contractor rawihte nen pawh an buai viau kha(?)A maintenance pawh PWD ni turah ka ngai ve ngawt.
Thenzawl – a hming atang ngawt pawh hian a nawm hmel.
Report this comment
December 8th, 2011 at 9:17 pm
Admin ten plis in image embed fuhlo 2 khi in siam that sak thei em?
hman veleh chhiar ang
Report this comment
December 8th, 2011 at 9:26 pm
Khawpui sawn lam chu ni lo ve….
Ngaihtuahna i han ti zau deuh dawn teh ang aw..
Assam leh Meghalaya an in then khan Assam khawpui Shillong chu Meghalaya in an chan a ngai ta si a…..Assam tan khawpui thar din a lo ngai ta…Dispur(Guwahati)chu Assam khawpui a lo ni ta. Shillong chu ala ding reng, sawn theih a ni chuang lo…Assam Capital a nih lai ang tho vin tun thlengin a la ding reng.
Ram pawn lam chu sawi rih lo ta ila…India khawpui (Capital) ber chu Delhi a ni, Khawpui plan fel ber chu Chandigarh a ni thung. Khawpui plan mawi ber ni mahse, Capitala va hman kher an tum chuang lo. Delhi khawpui ber, Chandigarh khaw plan mawi ber a ni mai.
Nepalah pawh hian, Kathmandu hi Newar (hnam chikhat) khaw hlui a ni mai a. Ram thang zelin, Lalitpur, Bhaktapur te nen pawtkhawm in, khawpui ber atan a sawng bawl ta a..valley alo ni bawk nen a rem chang phian. Mahse, a tir atanga plan mumal awmlo, a than ang anga chei chhoh ringawt kha chu, mihring an pung tial tial a, a buai tual tual a, mihring tam si, lirthei tam bawk si, kawng lah zauh ngaihna awm tawh der bawk si lo. Traffic Jam in ro a rel a, motor park na tur awm thei tawh bawk si lo…..a hah thlak thu an inhrilh an inhrilh tawh mai a ni.
Chutih laiin, Kathmandu atanga kms 205 a hla, Pokhara erawh chu Sorkar Khawpui ber atan ruahman tumna neilo mahse, chei theih ala nih laiin kawng an humhalh te te a, an chei chho hret hret a, pui viaulo mahse, a fel thlarh ta mai a,,,a la thawl bawk si. Kathmandu khawpui ber ni mahse, Pokhara erawh chu, khaw nuam leh plan fel ber a la ni. Tourist hiptu ber a ni ta bawk. Tun atanga kum sawmah chuan, Kathmandu aiin a let in a nuam tawh zawk fe ngei ang. Tun ah pawh Tourist lo lut reng reng chuan Pokhara an focus nghal laiin, Mizo thenkhat Kathmandua Bazar anla inti thei ve viau a ni.
Thenzawl te pawh hi chei theih ala nih lai hian Sorkar hian chei chho sela, electric wire te, telephone wire te, tui chhe kalkawng tur te, water pipeline te,Gas pipeline te a tir atangin ruah hman nghal vek ta se..kawng pawh lane hnih/thum talin rua hman sela…nakin zela Zoram khaw nuam ber – tourist hiptu ber a la ni ngei ang.
Aizawl khawpui ber, Thenzawl – khawnuam leh plan felfai ber…tiin thangtharten anla rawn sawi ve dawn zu nia.
Mi ramah hian Capital ai a nuam plan felfai tak a lo tam a lawm le…..Chulam biahthu chu a nin e kan sawi hi.
Report this comment
December 8th, 2011 at 9:35 pm
Post tupa, i thlir thui thiam khawp mai. Mahse, kan ram hruaitute hian ‘tun’ bak hi an ngaihtuah in a langlo. Sawi ve duah teh ang.
Pachhunga College khu a dintirh chuan a hmun khu ramhnuai pik tak a la ni. Sakei te pawh a la awm ta ve ang. Mahse, sap ho min awmchilh lai kha a ni a, kan Mission sap te thu a khulai a dah khu a ni an ti.
An lo thlir lawk thiam. Khu University khuan compound zau tak a nei a, Sport complex leh activities hrang hrang tihna tur hmun a nei. Tunah chuan ramhnuai a ni tawhlo a, tikhuan khawpui chhungah compound zau tak neiin a awm thei ani. Mizo thluak chuan a thlir pha lo. Town Planning te pawh an han ti tlaikhawhnu a, ngamloh an ngah sia, a zuzi leh mai mai a.
Report this comment
December 8th, 2011 at 9:35 pm
@15, khitiang khi chu pawm a nuam zaih a lawm. Khawpui dang (State Capital ni kher lo) siam hi chu a mamawhin kan mamawh niin ka hria.(Y)
Report this comment
December 8th, 2011 at 10:08 pm
16
sheldon # Ni ngawt mai…ngaihtuah thui lo a niang Treasury Square atang in Chandmari thleng traffic jam avangin an tawlh hrut hrut hlawm tawh a nih hi
Report this comment
December 8th, 2011 at 10:15 pm
Sorkar hi State Capital ah a insawrbing leh lutuk a, Sorkar hmunpui zawng zawng a dah a, kan tawt
Kan inrelbawl dan hi a felfai thei tawhlo. Tunhma kan ram hruaitu vision nei tha te ruahmanna te kha ken tlang ni ta se, entirnan Pu Thena Town Plan te, ti tehnuaih hi chu kan nilo deuh ang.
Report this comment
December 8th, 2011 at 10:28 pm
10
pu Hv. A lo ni maw !Thil chi hrang hrang i expe… hnem ve hle mai.
Aizawlah ka la awm a, vawiin khan misual charity-ah ka va thlak ve tak kha,(ka rawn thlak kep tep che a ni) monday hian ka haw tawh ang.
Thlalak chu ka rawn thawn dawn che nia, ka lokal hman rihloh chuan.
Report this comment
December 8th, 2011 at 10:29 pm
awle
khawnge chaw kan ei leh ngheng teh ang. Vawka chhum thing ala awm kha… hairehai
Report this comment
December 8th, 2011 at 10:32 pm
State khawpui sawn harsatnate:
“Mi tamtakin inhmun atana an in valh zawh leh hma-in, tuna tang hian, Sorkar in office pawimawh atan te, Bazar hmun (Market place) atan te, departmental Store atan te, hmun bik ruahman thliah ni se” i ti ngawt a, Aizawl pa thuneitu lal deuh deuh thin khan an lo insem ral vek lo vang, tih tunge sawi thei?
Aizawl hi rest of Mizoram aiin a pawimawh zawk ta tlat mai. Hei hi a heisel lo em em ani (politics tan). Mahse khawpui sawn chu kan sawi lai hi a hnaih lai ber ani. Aizawla ram nei ho hian an ram hlutna tlak hniam an ngaithei dawn miah lo va, thuneihna (influence) namen lo an nei si.
Report this comment
December 8th, 2011 at 10:36 pm
19
sheldon # Coffee no dawm chunga (coffee with Karan tih ang deuh khan) han ti ti a va chak awm ve.
Ti daih ila, i pic leh ka pic a in nalh hleih deuh vin ka hria
Report this comment
December 8th, 2011 at 10:43 pm
21 #
Zoram nge nge….mahse, tunhma ang khan a tui tawh lo 
Report this comment
December 8th, 2011 at 10:54 pm
@mr.Duhlova, ni ngawt mai. Sawt mang hleilo hian ram hi kan vei ve si a, tihtheih kan nei tlem si a. Meilum bulah han thu kual ila, ‘Mizoram’ hi han sawiho a chakawm khawp mai.
Report this comment
December 9th, 2011 at 11:46 am
Ka thil vei, ka sawi chhuah thiam si loh i rawn sawia a va lawmawm em! Thenzawl hi hmun pawimawh takah siamin tun atang hian plan mumal tak neiin ruahmanna siam ni se ka ti thin.
Zawlnei thenkhat chuan Mizoram khawpui sawn a ni ang a, chu khawpui chu a laiah lui a luang an lo ti a. Thenzawl khawlaiah hian Lau lui a luang. Kei chuan administrative capital atan a siam theih ka ti ve tlat. Office pawimawh ho hung ila, Mizoram laili tak a lo ni bawk nen, hmun tlawh chakawm leh chenna atan pawh hmun nuam a ni ngei ang.
Mr. Duhlova hi Aizawl misualten lo MI pui ngei teh se tiin rawtna ka siam e
Report this comment
December 9th, 2011 at 11:50 am
#26 tlar tawpber khi
a kianga awm a hahdam thlak khawp mai. Eng subject pawh a sawipui theih emaw tih tur a ni bawk.
Ka kawmna/alo zin cc post ka tum ania ka thlalak neih ho computer 1 chhetaah a awm vek alawm mawle, pawi tak a ni.
Report this comment
December 9th, 2011 at 8:03 pm
Thlalak a hahdam thlak hlawm bawk a, kan putu a kan remkhawm/chei thalak kan thawh ve hram ang e. Kamera a lak dan ang angin ka rawn chhawp chhuak mai:
https://i41.tinypic.com/25p7klv.jpg
Report this comment