Zan tlai alo nia,lenvahna tur nei ve reng si a thinlung khawhar leh rum ngawih ngawih chuan zan alo rei hian tuma hriatlohin mahni blog ngei ah tap leh hawm hawm mai ang hmiang.
Khua a har em mai.Hun kal tawh ka ngaihtuah let a,naupan hlim lai ni te zawng zawng chuan mual min liam san a,puitlin lo hnaiin rilru a silai lem awt thin khan puitling hmeltha zet mai awt rual ka lo ni ve ta.Kan nei ta cheng a,rilru erawh a puitling a,natna erawh a tam em em si a.
Khatia tlai lam dar 5 alo rik det det a i chanchin hre tur leh i hah em tih zawt tura tlaitin mai ka lo biak thin lai che khan dik tak chuan i thinlung ah nasa tak a cham veng veng mai ka duh a.I suangtuahna leh i duhthusamna ah te chuan lohtheihlohin lo cham ve chiai chiai mai ila ka chak thin.
I hah thu leh in sikul chanchin min hril te khan i aw mawlh kha ka lo ngaithla reng thin a,tlaitin mai i aw ka hriat a ka hlim thei a nih chuan,nangpawh ka aw avang hian i hlim ve fo thin ang tih ka ring thin a.kan inkar chu hla thin hle mah se mal takin ka awm tir ngailo ang che ka tih kha ka pa fapa ka nih chhung chuan ka hlen ang.
Chaw ei te kha i harsat thin tiraw?Nangni ang tleirawl tan chuan chaw ei teuh chu a har ka ring viau mai.Mahse eitur ei dun a,eichhuak dun turin kan kar a hla em em si a,chaw kha tlem tal chu ei fo thin ang che.I taksa te kha ulukin duat la,hmeichhe zingah lo mawi ber thin ang che.I rilru a hah avangin chaw ei thulh lo la,fate nu tur chu a hrisel a ngai a sin.I taksa kha lo duat hle mai rawh.
Zan alo nih hian hriat chhuah fo thin i la nei ve em.Keichuan kha hla mawlh kha inchungzawlah mut pahin ka ngaithla thin a,chu hla chuan i pangti lum tak mai ka kuah lai kha ala hre chhuak fo thin.Ka rilru leh taksa hian an than hnan tawh a niang nge.I mut hmun ah i phone chu ri zawi berin i beng bulah dah la,endless love ngei kha lo ngai thla ve teh,kha hun leh hmun,a khawvawh dan thleng khan i hriatchhuah ve ngei ka ring thin.
Zan dar 9 a i phone alo rik chuan keimah ka ni tih chu i chhungte pawn an hre vek tawhin ka ring,kha hun kha a ngaihawm thin mang e tiraw.Lungchim taka i nileng hmandan zawh nan fo mai che pawh kha ka kham reng reng lo.Aw mawi leh danglam tak neitu nang ka mitthla fo thin avangin tumah dang ka ngailo a sin!Mahse he darkar hian min diriam san ta si a.Ka hriat duh reng rengloh ka hriatna darkar alo ni ve chiah bawk si.
Tunah chuan ka phone reng reng chu a ri ta ngailo a,he darkar tak phei hi chu a rei hi ka tizual ngawih ngawih thin.Ka ngai che a sin tih thawm hriat kha ka va chak em.Tunah chuan mal takin he khawvel hi a awm ni ta ber hian ka hria.Ka ngaih thin zia che leh ka khawhar thin em avanga ka lo lem ve khalh thin pawh hi min dem suh.Ka thisenin ala hriat reng he darkar hi harhfim chuan ka paltlang zo ngang lo a ni!!!
Kha mi ni te khan ila hria em tih hi ka zawt nawn leh fo duh che.Ka hriatloh hlanin ka thinlung(rilru) i lo nei daih a ni tih ka sawi ni te kha.Ka tider lo a sin.Nang chuan mipa te sawi tur rengah i ngai ang tih ka hlau.Keichuan dawt reng ka sawilo tih chu i hre dawn chauh si a,ka duh vang che a ngaizawng che mai ka nilo,ka ta ni reng tur leh ka kianga i damchhung hun hmang ve turin ka duh zawk che a ni!
Ka kiangah i tah lai te,i hlim leh lawm ri te.I rilru nat changte a hrehawm ka tih thin zia te kha i hrelo a ni mai thei e.Beng chauha hria a,thu maia in hnem chuan he lam hla taka awm hi engmahlo mai min nih tir thin a sin.I kiangah awm a,i mittui te hrukhul duh hle thin mah ila ka thei silo.
I tan chuan ka tangkai lo hle ang tih kei ngei pawh ka inring mai.mahse ka rilru erawh chuan a hre reng che a,ka tawngtaina ah hlan mai che lo chu tih theih ka nei lo a ni e.Nangmah avang hian nikhat ah vawi tam tak ka tawngtai fo thin a sin!
A tawp ber ah chuan hei hi ka chah duh che.Khatia ka nunin ala tawn miahloh,rilru thinrimna leh na ngawih ngawih a min siam lai khan zan tam tak chu muloin ka inngaihtuah a.Hmeichhia avanga ka mittui vawikhat tlakna chuan ka nun zawng zawng hi a enlet a,nangma hi hetianga min siamtu,min tichaklo tu ni mahla ka ngaidam che ka inti a,harin thinrim thlak ngawih ngawih mah se,i nun chu sualkhur ah a luh ka hlau si a.
Ka hmangaihna chu nasa taka diriamin nuihsan mahla ka ngaidam che.I tana ka rinawm ve na kha deusawh hle mahla ka ngaidam bawk che a.Ka Lalpa chuan ngaidam che bawk rawh se.Mahse ka thutiam erawh pa takin ka kalsan ngailo ang,Ka hmangaih reng bawk ang che.
Similar Posts:
- Lehkhathawn
- Katholic Kohhran hi
- You Don’t Know What You Got Till It’s Gone…
- Congress hi ka vote tawh ngai dawn lo a ni.
- Duhtak
December 9th, 2011 at 1:01 am
Ṭha hle mai.
Report this comment
December 9th, 2011 at 1:06 am
Luangliam nasa bawrh bawrh ve! Pa taka i la hmangaih reng hi i ti ropui khawp mai….
Report this comment
December 9th, 2011 at 1:30 am
Report this comment
December 9th, 2011 at 2:35 am
Ka nâ asin.
Report this comment
December 9th, 2011 at 2:40 am
I blog-a post tura i ziah, edit hlek lovin i rawn post a ni maw?
You hurt me duat..
Report this comment
December 9th, 2011 at 2:53 am
A va tha em. Post tupa chu kan thil lo tawn tawh a va inang âwm ve aw!! Keima ziah ang hiala ka’n chhiar theih chu le.
La rawn luangliam fo thin teh khai.
Report this comment
December 9th, 2011 at 3:07 am
Punctuation please !
Report this comment
December 9th, 2011 at 6:48 am
A thu kalhmang hrim2 khi…..keimah min tihchhan a ang e…ha3. Editing uluk deuh la,..luangliam zel teh le’m….
Report this comment
December 9th, 2011 at 7:15 am
I rilru a la na ta reng ani maw. Theihnghilh rawh tih vang ngawta theihnghilh theih ni heklo le tiraw. Thinlung atanga luangliam tih a hriat, i thuziak hi. Chhiara nuam a, i rilru natna khi a takin min ‘feel’ tir thei dawn alawm le. I ziak thiam ngawt mai.
Full stop/coma zawh a space i pelo khi chu chhiar a tihahthlak deuh. Mizotawng hi a har a, ziahdik pawh a har.
#7Lemonvale pawh khi ‘please’ leh ‘exclamatory mark’ karah khian space awmlo thung ta se – Punctuation please!
Dik vek a har anih hi. Keipawh ka ni tho.
Report this comment
December 9th, 2011 at 8:09 am
Hetiang lam hi i mi-sa riau, Setana leh Evi SEX tih lam pang kha chu buaipui khu chuk teh suh, ibo thui lutuk palh ang e. A ngaihnawm hle mai. I kiang hnaiah awm ilang chuan tu emaw te te ka tihpui tur che a nia. Tlangval a pumpa nula pakhat zun ngaia chuti reng renga vial tak mai chu i khawngaihthlak em mai.
Report this comment
December 9th, 2011 at 9:06 am
.10 haha
Report this comment
December 9th, 2011 at 10:08 am
Punctuation adik leh dik loh hre lek lo a kan chhiar chu..paws tha tak a ni.
I neih theih loh tur chu pa takin hmangaih tawh suh..hawi zau la,pa taka hmangaih tur nula tam tak an kat nuk hi 
Report this comment
December 9th, 2011 at 10:17 am
‘Eden huan’ tih vel kha chu ka hrethiam ve meuh lova,..hei chu ka hrethiam pha ve ruai2 e…hehe. A ngaihnawm lungrun.
Report this comment
December 9th, 2011 at 10:35 am
Ehe.. i lo la kur reng elaw??? THirban te kha i lo kuai kur hnup mai ang e aw.. tang fan fan..kan sawi vek tawh hlawm liam luam kha maw…
Report this comment
December 9th, 2011 at 11:28 am
kan in DRAW
Report this comment
December 9th, 2011 at 11:51 am
A van ngaihnawm thin tak em, mahni min in en let tir vang2 thei a lawm le
Report this comment
December 9th, 2011 at 12:04 pm
#6
CFL
Hian ka post zawng zawng hi ala comment vekin ka hria,ka luanliamna ah hi chuan alo luangliam em em a.Ka post hmasa ber HRINGNUN ah khan a hming hi ka hre tan.Kan life hi alo inang tur a niang nge.Mahse keima tawh ang hi chu tumah hian tawng lo turin ka tawngtai pui mawlh mawlh ang che u.
Report this comment
December 9th, 2011 at 12:09 pm
10
PKfanai
Ka sim thei lo luanliam hi.Sex hi chu haw ve hlur mai hi ka nia(nupa kar lovah chuan),chuvangin ka bawi char char dawn
Report this comment
December 9th, 2011 at 12:15 pm
#9
sheldon
Ka tan luat vangin punctuation ka hmaih nasa khawp mai.Ziak hi nuam ka ti ve si a,ziahzawm tur leh turloh ah hian ka lo tisual leh thin a lawm.Upat hnu hi chuan mit te hi alo tha tawh lo chu a ni e.
Uluk hram hram ka rawn tum tawh ang.
Report this comment
December 9th, 2011 at 12:18 pm
#18,
Do tih zawk tur.
Report this comment
December 9th, 2011 at 12:46 pm
post tupa, mahni tawrh hi a hreawm ber emaw th awl ania.. Kan inang khp mai..hahai
Report this comment
December 9th, 2011 at 1:03 pm
#21,ka zinna ramah hi chuan “ka mittui hi a chhun zana ka chaw a ni” tih ve mai a awl thin dawn a nih hi
Report this comment
December 10th, 2011 at 8:22 pm
ltachhakchhuak…dam dam..chuti fakau a i hmangaih chu hmangaih reng rawh. I ngaih chang pawn hrilh mai rawh..i natna a ziaawm deuh ka beisei :-)A hma aia nasa in hmangaih tlat ang che..
Mahse..khawvelah hian duh zawng leh duhloh zawng i nei tih hre kar la, i thiani duhzawng i ni lo thei tih chu hre tel hram hram rawh aw..
Gud Luck
Report this comment