Kan lo nghei rei tawh bawk nen TuaiSialA ten Christmas laia Chhas neih ṭhatna te an han post hmuh kha chuan lung hlui te pawh a leng lek lek a lawm le. Min han awhfik deuh phei kha chuan rilru a ti na ve ṭep a lawm. Keini nghei rei tawh lah chuan enge ni chhas hi kan ti lo chauh tawh mai si a. Advantage leh Disadvantage pawh kha ngaihtuah fe hnu ah ka ngaihruat thiam ve leh ta ruak ruak a, neih ve lai te min han mitthla tir a, “A niawm lah tak e aw…” kan ti lo chauh tawh a ni. A hlui hmanga in sawi pawr khum ve tawh mai loh chu ka ti rilru ve ta a.
Englekhawle, dan naranin ka suangtuahna chu a kai her ve a ni chek ang chu ka last love min ngaihtuah chhuah tir tlat pek a, kum lah chu a liam thui tawh viau na chungin ngaihtuahna vak vel hian ziah chhuah min ti chak thar tlat a, hmanlo inti chung chungin ka han ziak ve a. Chemtatrawta te thukhawchâng hawhin kan thlasik maupuah ve phawng phawng aniang chu.
Ka hun tawh aṭanga thlir chuan, Class 12 ka zirlai chho vel kha nuam ka tih ber lai leh luck ka intih ve ber lai ni in ka hria, chutih rualin ka ṭul ber ṭum a ni ve thung. In lama hman lo leh ṭul em em ni a ka in hriat lai khan School lamah min lo duh der ve em em tu hi ka tawng a, a hmel a chhe hran lova kan class a thiam pawl tak a ni nghe nghe a. Chutih rualin min ti hawi high ve em em tu chu, ka phu loh tura ka ngaih, zaithiam, Demand channel awm hmaa zai ṭhin(hming thup keuh) hian an veng mi ṭhenkhat hriat theih tawk vel in min star tlat pek ah….engemawti zawng chuan nuam ve tak chu a ni, care hman lem lo mah ila.
Amaherawh chu anni chu ngaihzawng en in ka en ve thei tlat lo….ka duhloh vang lam aimahin ngaihzawng ka ngaihsak loh lai a ni a, ka rilru leh dinhmun in anmahni kawp turin fit tawk lovin a in hria pawh ni maithei. Ka hmangaihna thinlung kai tho turin ka ngainat zawng an ni tawklo pawh a ni mahna, ka hre tawh si se lo.
Kum tawp alo hnaia Board exam turin ka han inbuatsaih a, lehkha zirna hmun atan kudam angreng deuha kan neih ṭhin ah hian ka riak tawp ṭhin a. Tuk tin, tlai tin tukverh lam hawi hian dawhkan chhawpin ka zir ṭhin a. Khaile…! ka lehkha zirna room tukverh zawn deuh chiah si lo, hla vak lem lova dawr pakhat ah hian nula ngaihno bei deuh mai hi dawr tukverh hnuhnung ber a in hawna ka hmu theih tawk vel chiah ah hian alo ṭhu ṭhin a. Ka thlir zauh zauh reng a, ka hmu zing tulh tulh a, zir loh kar laka tukverh lam ka hawi chhuah apiang chuan thlir tur dang tam tak kar ah chu dawr chhunga nula bawk chu hmuh tumin ka mit ka lo len ṭhin a. Chutih lai chuan kan la in ngaizawng ang tih reng reng ka suangtuah phak lo, ngaihzawn pawh ka tum chuang lo bawk a. Mahse khatih hunlaia khawvela ka mihring hmuh zin ber kha a ni tlat a, ama hriat ve lohva ka rilru in a kawm tam ber kha a ni tlat a ni.
A zia a zawih hmel a, a nui leh hlim hmel hmuh a nuama, chumi ngawt pawh chuan Mathematics ninawm lutuk chawh te kha zuk ti nuam ve riauva mawle. Exam kan han neia, class kal tur ka chhuah hma hian ka han melh phawt zel a, rilru a ti kim ve riau a ni. Ka class kal tur chuan a hnaia hmu thei ngei turin ka va in lan phawt ta ṭhin a. Chutia dawr sir a ding muang deuh ṭhin chu a ni pawh chuan min lo notice ve ta deuh a ni, a rawn hawi ve leh ta zauh ṭhin a. A bula mipa awm hlek ka hmuh chuan a ngaihzawng a nih leh nihloh an chevel ka chik a, ngaihzawng tumlo si khan thikthu ka lo pai ve ngawt pek a nih chu. keimah ah in tih neihtu na leh hmangaihna alo in mung ve ṭan chu ni der mai.
Exam kan han zo a, an dawr sir ah chuan ka in lan zing ṭan ta a. A haw hun leh kal hun lah chu tu hrilh mah ngai lovin ka lo chhinchhiah diam tawh a. Tlaikhat chu a haw awm vel ah hian amah tawk turin ka kal khalh a, han biak lumlam kha ka chak ta riau a. A haw lam kawng kal nena kan intawk tur chiah chu tlangval zeilo tih takah ka lai chhe der a, ka mur chuaiha a zo der ringawta, biak lohvin vawi 3 vel lai chu ka pel zak zak a.
Biak dan tur inbuatsaih fe pawhin ka sawi ngam lo leh ṭhin a, kn intawk zing ta deuh bawka ka mur pawh a reh ve ta deuh a tlaikhat chu ka han be ve ta pawp maia, “I haw tawh dawn a mi” tih zawng a ni ka sawi. Chutiang chuan tlai hnih vel ka tih hnu ah a haw rual awm hian a hnung ah ka zui ru a, khawiah emaw kalna tur nei awm takin ka nangching a, “I haw dawn chiah a nimaw, ….chutah chuan ka kal dawna ka lo thlah pah ang che” ka han tive thawr a. An veng te ka zawt a kan titi dun ta a. Chutiang chuan vawikhat ka tih leh hnu chuan a hma aiin ka thlah thui ta deuh a, an phone no.(landline) ka han dil ta thawr a nih kha. A zakzum chi a lo ni a, ka inchhir lek lek a mahse min hrilh ve ta thova.
Kan inkawm ṭan dawn chauh emaw ka tih laiin kar khat vel a liam chuan a reh ta vung vung a, ka chan ta der ah ka ngai hman tawh a, ngaiawh rilru ka pu hman a ni. Exam result chhuah hma ṭhian ho in chaw eikhawm an rawt a, chaw kan eikhawm ta a. Class kal ho laia ngaihsak awmlo tak taka ka ngaih te kha an lo in ngaizawng ru deuh chu niin ka chuang bik ta lel a, nuamlo duh angreng khawp mai. Titi a rual tawh mawlh lo, ka rilru ah mal intih rukna ka nei hma ta a ka nula thlah ṭhin kha ka hrechhuak ta zawk a. “Zanin ah ka haw hunah ka phone anga ka leng dawn” ka ti rilru ta a, ṭhiante inkawp chuan min pump tho ni berin ka hria.
Chaw ka eikhama a hma thei ang ber ah ka haw a. Ka inbual fai a ka best dress nen ka body-spray neih chhun renlo mangkhengin ka inkap rimtui a, phone hmasa lovin an in lam chu a zan zan chuan ka pan a (ka thlah laiin an in min kawhhmuh tawh avangin ka hre thei maia). Thawm nei lo in an kawngka lam chu ka pan ṭhem ṭhem a, door-bell hmeh hma chuan ka zam a, let leh mai te ka duh rum rum a. “Thih leh thih” tiin ka han hmet ri pawm mai a, a u(cousin) hian kawng min rawn hawn a. A u lah chu ka la hre chiang em em zui, min hre ve lemlo mahse Salvation nula zaithiam a ni a ka hmu fo mai. “Genevieve-i awm em?” ka han ti ve ṭhuaia, “Awm e, lo lut rawh” a ti a, a nau chu a han auva. Karkhat chuang kan in hmu tawhlova chutia an ina ka han leng min han hmu chu mak a tih hmel khawp maia.
An chhungkua chu Kohhran mi tak mai an ni a, a pu pawh Salvation CO ṭhin a ni. Genevieve-i chuan a hma zawngin inleng a nei ngai lova, a rimtu awmchhun ka ni a a lai thawkhat hle ang tih pawh ka ring. Keipawh keima puala ka nula rim vawikhatna ni a awmdan ka thiamlo kher mai. Ka bawp khawkher te reng reng lah chu a nghet churh a, ka aikherh lo chauh a ni. Ani pawh chuan thingpui lum min han pe te chu a zah hmel hle nghe nghe a ni tih a hriat. Khami zan tluka awm thiam har, nula rim awm dan tur ber hreloa ka awm leh ka nula rim lo lai ve bawk si kha ka la feel ruai ruai thei, zak si nuam ti si a awm kha hrehawm tak a ni. Kan pahnihin in hlat vak silo in a pu leh inleng dang te titi ngaithla deuh titihin kan ṭhu ngawi chawt chawt reng mai a ni.
Chumi hnu deuh aṭang chuan kan inngaizawng chu a ni chho ta der mai a. Zanah chuan ka leng ta zauh zauh a, a hmaa a haw tur ka thlah ang deuh khan min thlah thui ve tial tial a, thlakhat dawn kan inkawm hnu chuan min ngaina in a rilru ah ka awm a ni tih pawh a hriat tial tial a. Min thlah paha ka ban a vawn te chuan thu tam tak a sawi a ni. A chhungte a hmaizah avanga “Zanin chu dar chuti zat ah khian haw rawh aw” a tih te pawh chuan min care a ni tih alan tir zawk ni hian ka hria a, lawmawm ka ti zawk mah ṭhin. Mahse zan tam pawh ka len hma in a awmna ah chuan a awm tawhdawn lo tih min hrilh ta a. A hun awla a pu te dawr nghak tura awmpui zawk nen khan kan lo intawng alo ni reng a.
Kan inhmu mai mai tawh dawnlo a ni tih reng reng ka ngaihtuah phak loh laiin hmeichhia hi chu an lo fing a niange, kan inhmu fo thei tawh dawnlo a ni tih kha a hrethiam a. A haw dawn hnaih chuan zan danga ka len aia rei deuh hlek te min char a, an varandah ah te min ko chhuaka a tam thei angber a fala inkawm kha a duh ṭhin a. Hmeichhe ṭawng tamlo tak mai a ni a, kan inṭhen dawn hnaih chuan a chanchin kimchang zawk leh an chhungkaw chanchin leh harsatna tawh te, a lehkha zir dan te sawi in a ti ti nasa ve hle mai. Ka bazar puia engmah min phut neilo mahse ka neih ang zawng zawng chuan thawmhnaw leh thil eng eng emaw ka han lei sak ve a, kei aia zei lo lehchhawng a ni bawka a lai thei kher mai.
A haw dawn zan chuan ka leng min thlah a nghet deuhin min kuaha “Ka hmangaih lutuk che” tih ringawtin min bia a, kei chuan a khabe ah dawm in a hmui no taka fawh pah chuan “Khawi ah pawh awm la, ka rawn leng zel thovang” ka han ti ve thawr a. A tuk ah chuan a haw tur chu a luggage khai sak in ka thlah a, a address leh phone no. te min pe a, a mottor chuang chu ka vai liam ta a, a liam hma chu min thlir reng a, nuamlo a tih hmel ve hle in ka hria.
Khatih lai khan mobile phone te ala awm lova tun ang ai hian in contact reng te a har zawk bawk a. Thil ho angreng tak eng engemaw hi ka thawn zauh zauh ṭhin a, rilru a ruak duh khawp mai. Thla engemaw zah a liam hnu chuan vawikhat chu a birthday lawm turin ka ṭhianpa class tlan bo pui ah ka sawm a, chhungte hnen ah kan picnic dawn ka ti a. Ruah sur buan buan hnuai ah ka ṭhianpa Bike-in zing kar ah kan chhuak a, kan in khalh chhawk zak zak a…leimin hlau reng reng chung leh accident hlauvin kan tlan dim a, a vawt bawk si a kap a khamin a ṭeh duh kher mai. (nihnih vel chu ke pen a ti nuamlo)
Tichuan Genevieve-i birthday chu hlim takin ka han hman pui a, min lo thlahlel a nuam pawh kan ti hle mai. Kan hlim dawn chauh amaw tih laiin khua a tlai hman dawna, kan haw leh vat a ngaih avangin kan in thlah leh ta a, chumi zana kan in thlahna chu “The last kiss in my life with her” tih alo ni ta reng mai. Phai ram ah te ka han awm bo leh ta zauh zauh a, zirna kawng ah te chang dang kan a kal zel alo ngai ta si a, inbiak pawhna alo hla tial tial nen kum a vei chuan kan in be lo reia kan in ṭhen chu a ni ta der mai a ni. Kum tam a vei a inbiak pawhna te alo awlsam hnu ah chuan a chanchin ka hriat leh hnuhnung ber chu ngaihzawng a neih thu a ni a, mahse kei chuan tupawh neise ka thiam em em tho a ni.
A awm tawhloh hnu pawhin ka lehkha zirna kudam tukverh aṭang chuan a ṭhutna ṭhin tukverh(last window) chu ka thlir fo ṭhin. Dahduhi hla thu pakhat a mi te pawh kha kan ang ta rum rum hian ka hria. 😉
December 13th, 2011 at 6:02 pm
1st. . kan tih thin lai te kha 🙂
December 13th, 2011 at 6:04 pm
A 2gaih2awmin a 2hhia2 tham khe2 mai.
December 13th, 2011 at 6:06 pm
Nia tha e3
December 13th, 2011 at 6:12 pm
I last love chu a van hlui ve tawh hmel, i van singul rei tawh awm. . te ka tia 😀 A ngaihnawm zek (Y)
December 13th, 2011 at 6:16 pm
La5t lov5 chu tun thl5ngin maw?
December 13th, 2011 at 6:17 pm
Mitthlain ka hmu che ‘Tukverhah’ tih hla phuah sak che ka chak hle mai ! 😛
Kan lehkha zir ve lai a kan quote ve ziah pakhat chu,”…..out of sight, out of mind! I’m out of your sight and I’m out of my mind….” tih vel kha!
Kan tleirawl lai (Zirlai nih lai) ngaihzawngte hi nupui/pasalah kan nei lo tlangpui chu a nih hlawm hmel :-S
December 13th, 2011 at 6:19 pm
Korean flim ang ve.ka chhiar zo vek! 🙂
December 13th, 2011 at 6:22 pm
lta nen in inthurual hmel. I lo hrethiam viau pawh kha a lo awm e. I ziak ngaihnawm kher mai bawk. Nang hi chu Pathian thu hi i man roh riau a, Pathian thu lam zir daih tur hian ka lo it deuh che a.
December 13th, 2011 at 6:30 pm
Khai aww…, han bawhzui deuhah a va tha ve.
tren tren
December 13th, 2011 at 6:42 pm
“Ka hmangaih lutuk che,” tih kha kuhva rah modify nam hakin a sawi khu luih em ni hairehai 😛
Suangtuah chhuak tha viau mai 🙂
December 13th, 2011 at 6:56 pm
Uang deuha comment sak tumin ka chhiar a, 😛 ka rilru a khoih reuh zek nia , awmhmun in a zir loh chuan kum la nopan lai phei chuan hmangaihna ringot tranchhana rinawm tura inphut tlat hi thil tihchi ber anilo reng asin.
Mi te chu inhmuhthiamlohna te, inkham tawnna te leh midang kawp vang ten an inthren a, nangni chu kar hla in a thren tawp cheu a, chuvangin midang thra tak i la hmu ngei ang, nihloh pon zongchhuak top la, mizoram zim zim nen
December 13th, 2011 at 6:57 pm
Iaauu..!
December 13th, 2011 at 7:00 pm
Kar ahlata, in hriat pawh reng a nih loh chuan inthathen chu a awl duh phian ang ka ring.
December 13th, 2011 at 7:08 pm
#11 😉
December 13th, 2011 at 7:42 pm
Hritmat dawn ah hian in va luangliam nasa hlawm tak!! 😛
December 13th, 2011 at 8:05 pm
Paws tupa hi a lungchhia a trap a niang, a reh e. Trap trap duh toh suh, a ho zwngin la thiam teh.. ::p
December 13th, 2011 at 8:09 pm
Genevieve-i kha chu a ngaihom ka ti ve thrin alom, keipon. A hlim thei sia, a bula awm a nuam. Engemaw changa a phungzawl leh palh zauh thrin kha buaipui a ngai leh thin tih mai lo chu…. Lo dam zel teh se 🙁
December 13th, 2011 at 8:14 pm
Ka thawnthu phuah chu alo chhuak ta maw. Mahse khana ka khai san lawk teh ang.
#17@Zorempui….thik suh, a rei tawh lutuk 😀 I dedicated this story for u (F) 😉
December 13th, 2011 at 8:21 pm
Ka paihte hmingin min ko ziah suhh… :[ cyclone speed in ka beng mai ang che.
December 13th, 2011 at 8:27 pm
Aste chu va bei sei ve. Ka chhiarchhuak hram hram. I ziak thiam e.
Heti meuh a i ziah tawh chuan Rempy chu i chhai thluk dawn hi….hahaha
December 13th, 2011 at 8:28 pm
#19 Paite: Siyin/Sihzang, Duhlian, Khupno, Kigpen adt. ie:H.Thansanga ex-minister. Paihte: thil te takte paih tihna
December 13th, 2011 at 8:28 pm
Tuarhar kungrun. ;-(
December 13th, 2011 at 8:31 pm
@ 22, lungrun. edited.
December 13th, 2011 at 8:37 pm
#21, thanks. Example dang leh, Bill Clinton, ex- president. 🙂
#22, tuarhar kungrun lolzzzzzz
December 13th, 2011 at 8:38 pm
Ka rawn lut khat lutuk a, ka inthlahrung duk mai. A khawi ber atangin nge comment tur pawh ka hre lo. Aste-a thu mu hnu kai tho vel atang hian tan thawr mai teh ang 😀
December 13th, 2011 at 8:48 pm
#20@sheldy….Repuii te chu ka khua hmunloh D a lawm 😉
December 13th, 2011 at 8:52 pm
#8@Pu Dingte….Pu HV-a te ang hi chu ni ila mi hriatthiamna hi ka ngah tawh ngawtin ka ring 😉 dai zau si, hre hnem tawh bawk si, Academician aipawhin social life a hre hneh zawk ang chu.
Nie, Pathian thu hi chu zir ka lo tum ve tawh ṭhin alawm, chhungkua in a zir ve hi a ngai ania..ka pa pawh Shillonga BD zir chhuak alawm a nih 🙂
December 13th, 2011 at 8:53 pm
#26 contd….where D stands for Dictator.
December 13th, 2011 at 8:55 pm
ava ngaihnawm ve.
December 13th, 2011 at 8:59 pm
He story in a tum chu, duh ruk deuh in neih chuan bawhzui tawp mai rawh u. 😉 (L) chu alo piang ve mai ang 🙂
December 13th, 2011 at 9:00 pm
@27. I background Ka ring dik chiah anih chu. Keipawh ka background dik hi ka chhawr viau asin.
December 13th, 2011 at 9:02 pm
Background: hnunglam lêichâr 😛
Asteric, i tawngkam chheh dan thenkhat hian kan pu Saihnuna Fanai (Saitea pu) min tihrechhuak zeuh2 thin. In tawngkam hman a inang ka tihna erawh ani chuang hauhlo.
December 13th, 2011 at 9:02 pm
…mahse Rempy hi tihuam lutuk suh. A induh khum ang che. A tawk thiam tur.
December 13th, 2011 at 9:05 pm
@32, ‘hnunglam mual?’
December 13th, 2011 at 9:11 pm
Aste maw, fiction ka ziak dawn i tia, ka awih miahlo. Real life a i thiltawn a ni chiang mai. Inhmuh khat lutuk/contact khat lutuk hi chuan relationship hi muangchangin a lo inphelh ve a, suihnghet tak emaw tih pawh hi a lo nghet tak tak theilo fo 🙂
Rempy chu engtinnge kan tih ang aw 😀
December 13th, 2011 at 9:18 pm
Kumin Krismas hi mahni inlum a hmang thei tur ka ni. Ka lawm dan leh ka huphurh dan a in chen reng..What to do… I am in real real trouble 🙁
December 13th, 2011 at 9:19 pm
hahaha..Fiction alawm…Rempy hi maw engtin emaw tih a ngai a ni. fb lama min chhuah chhiat theih zia in lola hre ve lo a nih kha, phuba lak dan ka thiam si lova chuvangin ka han ngaizawng lui ta vaka hei a lai ve ṭit ṭat ta reng mai…ka zawngchhang phah ta riau nih hi, 😀
doc_lib a te chuan chaw tak khukin lo khuk pui lo se la 😉
December 13th, 2011 at 9:30 pm
@32. Pu Hva hian thil hriat zawng a nei ngei mai.
December 13th, 2011 at 9:31 pm
Aste a chu i huphurh leh deuh si ami? Tlanchhiat dan i dap ruai a..Chuti chu a luipui kan lo ho ngaihdan anga hnambo ka nihna min hruai kir leh turin Rempy chu kan sawm leh mai dawn em ni 😛
December 13th, 2011 at 9:32 pm
Hmangaihna a buai ho chu an buai mang e 😀
December 13th, 2011 at 9:38 pm
Asteric an chet meuh chuan BaKCheH pawh ‘aw’ aiah ‘O’ a hmang pheng phung mai. Sawi zawh hman loh a hlau a niang 😛 Thil te te OT ni chiah lo ka sawi châk e…
December 13th, 2011 at 9:40 pm
#32@Pu HV inti puithu ṭawngkam, naupang chhe ṭawngkam, ngeiawm dan, nel awmdan ṭawngkam thleng hian kan thiam alawm. A takah erawh ruih loh chuan hmelhriatloh hmaah kan ngawi deuh chut a 😀 Pu Saihnuna…a hming chu ka vawikhat hriatna nihloh hmel mange. 😉
@sheldy…keini zawng thawnthu hlui bak buaipui tur kan neihloh hi, TuaiSialA leh doc_lib te ho hi lawm buai tharlam 😀
December 13th, 2011 at 9:46 pm
doc_lib khi ‘Min dem bik dawn em ni?’ a tih khan a tam zawk khan ‘Dem bik dawn e’ kha kan tia, a la sim duh chuanglo aniang. Khi a la buai ruai ruai mai 😀
‘Hmangaihna ka ngen ani’ tih hla kha Aste nen hian sa dun mai teh un 🙂
December 13th, 2011 at 9:50 pm
#41@Vaiva…engemaw zep nei angin awm ṭit ṭet suh aw, engmah sawi tur i nei lo Gokul bak chu. 😀
December 13th, 2011 at 9:59 pm
Vawiin ni 13 hian he post ah hian Rempuii tih hming 13 zuk lang tawh a… in va phawrh lar ve.. 🙂
#41 khi ka va hre chak ee.. 😛
December 13th, 2011 at 9:59 pm
Sheldy, nang hi ka hmaah ding la chu kan buai hauh lo ang le..Hamngaihna anih loh pawn i ram leh hnam tan tunah hian i rawn ding ngam dawn em le..Challenge hmiah teh ang 🙂
December 13th, 2011 at 10:00 pm
a va ngaihnawm ve… (U) Chuan Part Two engtikahnge a chhuah ang le??? (O)
December 13th, 2011 at 10:05 pm
doc_lib, ‘Hmangaihna’ number 1 a dah ho chu an buai ziah, entirnan – doc_lib & Aste 🙂
December 13th, 2011 at 10:10 pm
Sheldy, Bible khan engtin nge a tih kha..Rinna te, Beiseina te leh Hmangngaihna te hi a awm reng ang, chung zingah chuan ‘Hmangaihna’ hi a ropui ber a ti lovem ni 🙂
December 13th, 2011 at 10:16 pm
doc_lib, Hmangaihna a ropuilo ka tih loh khi…number 1 a dahloh tur ka tia lawm… Nangpawh i ram lama haw pawh i chak tawhloh kha 😀
December 13th, 2011 at 10:21 pm
#50 va inhre chiang deuh ve 😀
@Sheldy: ka post 80% vel hi religion lam ania hei hi Love awm chhun 2na ania, min lang vawng sak lutuk 😀
December 13th, 2011 at 10:29 pm
#edit *lak vawng sak
December 13th, 2011 at 10:30 pm
@Aste, ka hria alawm. Ka post a i comment reng reng pawh a ‘religious’ tlangpui. Kan uang ve nih khi 😀 A….hmangaihna i la na aniang 😀
December 13th, 2011 at 10:40 pm
@sheldy…haha…nang phei chu a rawn chhuah hma hma in fiction a nih thu ka rawn hrilh lawk tawh che a 😀 i chhiara i awih leh si lo. 😛
December 13th, 2011 at 10:49 pm
Ngaihnawm hle mai (Y)
December 13th, 2011 at 10:57 pm
@Aste, post reng reng hi maw uluk taka i chhiar chuan fiction leh based on real life i hrehrang ang. Ka analyze chhuah chu i post ah hian fact a awm. Phuahchawp ringawt hi chu hmangaihna lam post ah chuan a pawnlang kur zel.
December 13th, 2011 at 11:10 pm
Kan tlangval “zang-fak-om” chu luangliam ve nasa barh2 mange… :p
ngaihnawm zek lehnghal (Y)
December 13th, 2011 at 11:36 pm
a ngaihnawm hle mai. A khamawm loh lek lek zawk a ni.
December 14th, 2011 at 1:49 am
last love tur chuan ava rei tawh hmel ve,chhiar nuam ka ti dawn chauha..i ti tawp thut a,..the last window tih khi a fuh ka tia,…keimi Krismas zirna vanga aizawla lama hmang theilo tan chuan a ngaihnawm thin khawp mai..
December 14th, 2011 at 2:08 am
Ka la kawmen lo, a chhiar tlak fu a (Y) mahse a changtute hi an naupang deuh ani 😀 Khawvela in hmangaih ber pawh nise inneih lam leh a tawp thlen lam an ngam chuan loh hmel a,a changtupa hi a naupang zawk leh nghal 😛
December 14th, 2011 at 2:07 pm
I va ziak lunglenthlak reuh e..ka mitthlain ka hmu che u,ti ve ngawt ila! (H)
December 14th, 2011 at 4:04 pm
Kan sheldy i zet zawt chu..chuvang renga i rawn ding ngam dawn em kan tih reng le aw..duh chuan miah loh turin hnamdang an ngaihzawn emaw nupui pasal a an neih hi vei viau tur ani lo 😛
December 14th, 2011 at 4:51 pm
A tha hi ka ti khawp mai.Mahse la na chilo ve tak ah chuan ka ngai post tupa hi chu.
Keini a sirukla a kan tuipui laiin khiti i theihnghilh a,i pawm ngam khi nih ve hi ka chak thin a lawm.
Mahse hmangaih tak tak mai hi han tawng la,han kawpin han ti ve deuh sak che la chuan thinrim sen tun pah a engtia tih let dan tur nge i zawn ve ruai ka ring.
Mahse pathian mite chuan tlakchham an neih loh kha maw (Y) 😀
December 14th, 2011 at 5:34 pm
@ltachhakchhuak…haha..Romeoa’n Juliet-i a tawn hmaa a hmangaih ber kha tunge? Rosaline-i ni lawmni. Hmangaih dang a neih leh theih pawh a in ring tawh lova, Juliet-i a hmuh hma kha chuan a phurna zawng zawng a hloh vek a, a ṭhian te pawhin tih hlim dan an thiamlo a nih kha.
William Shakespeare an Romeo & Juliet a ziaha a bul ṭan nana Rosaline-i avanga Romeo a lungngaih tir hmasa tete khan Hmangaihna khawvelin a tawn ṭhin awmzia a phawkchhuak ril khawp asin. Chutiang chiah chuan keipawhin Genevieve-i ka tawn hmaa nula pahnih ka ziah tel deuh kher khi maw 😉 :ting: (I)