Dawt hi engvangin nge kan sawi ṭhin tih sawi dawn chuan a huam zau khawpin a rinawm. A tlangpui thu in Dawihzep vang te, chapo vang te, mahni inkhawngaih vang te, lan mawi tum vang te, duham vang te in Dawt hi kan sawi châwk a ni. Dawt hotupa chu Diabola a ni a, Thutak neitu “Ka rawn pian chhan chu Thutak hriattir hi a ni” ti tu chu Lal Isua a ni. Mi hi thutaka a awm phawt chuan hlauh tur a awm lova ‘Dawt sawi leh mi bum’ hi a hlau zawk ṭhin a ni.
Dawt sawi hi sawi laklawh/chin laklawh awl tak a ni, engemaw chhung atan mahni inhumhimna ṭha tak te pawh a ni a, min tih ven hawk chang te pawh a nei a ni. Sawi laklawh chuan kan inhumna thil diklo kan tih kha zawngchhang a awl hle bawk a, vawilehkhata sim har tak a ni.
Dawt sawi hian min chhanhim teh meuh emaw chu! Kan hlawk pui tak tak ṭhin em? Reilo te atan chuan min ti fihlimin, min ti hausa in, min chawimawi pawh a ni thei, amaherawh chu Dawt sawi nawmsakpui tak tak hi an awmin ka ring lo. Pathian huat zawng tak a ni a, an dawt sawi man hi a thungrul leh ṭhin. Kan Bible ah pawh Pathianin a huat zia kan hmu tam khawp mai, mahni ṭhenawm te tihder tu ngat phei chu a haw hle a, dawt a mi hek loh tur tih pawh thu sawm pek ah a awm a ni. Thupuan 21:8 ah phei chuan mei leh kâta kâng, thih hnihna tem tur te zing ah mi dawthei te hi an tel a ni.
[(....Kan naupan ve lai chuan mahni aia u deuh te kawmin ruitheihthilh te kan lo tem pui ve a, chumi hun laia kei leh ka ṭhiante tawn aṭang chuan dawt sawiin thlamuanna min pek loh zia hi ka ngaihtuah kir ṭhin. Ruihhlo khawih chuan chhungte kan bum chang a awm a, eng eng emaw hralh ruk te alo ngai bawk a (mi thil ruk chenin), mahni in chhanhim nan dawt sawi a chawh a, sawi thiam hle kha ruihna tur neih nan a pawimawh ber chu a ni a, a sawi thiam thiam an vannei a ni ber mai. Ruihtheihthil lama tlan chuan dawt an sawi zing tlangpui a, thiam pawh an thiam thawkhat hle ṭhin.
Hemi(dawt sawi tur ka hriat tam) rah hi tunhnu thleng hian ka tel ni te pawh hian ka hre ṭhin. Engemaw buai hlek ah leh thil tihsual ah dik taka nihna anga hmachhawn aia inthiarfihlim duh vanga dawt sawi leh mai te a lo awlsam phah a. Mahse rilru nuam takin a awm reng theih loh, "Thu dik sawi ila lo tuar zo law law ila thaw aveng huai mai tur" tih chang hi a awm fo a ni....)]
Dawt kan sawi avanga kan him amaw kan tih hian kan lo him tawk lo, kha kan dawt sawi bawk kha phuah belha sawi nawn sek a ngai ṭhin. Dawt sawi hian chhantu a nei lova mahni in chhanhim nan dawt bawk sawi leh angai fo ṭhin. Thu dik erawh chuan chhantu leh ṭantu a nei a, mihring famkim lo leh sual thiltih theihna hmuna cheng kan ni tih hre tu Pathian hian dikna hi a ṭan thuai ṭhin.
Dawt sawi leh thu dik sawi chungchang hi naupan tet aṭanga nu leh pa ten kan fa te kan zirtir nasat a ṭul hle in ka hria. Thil diklo an tiha in humhimnana dawt min sawi khum aiin an thil diklo tih a nih ang taka min hrilh chu a huatthlala awm loh daih zawk in a rinawm. Fa ten vawikhat min bum tawh chuan min bum min bum tawh mai ṭhin a ni. Nu leh pa te hian kan fate hnen ah Dawt sawi pawi zia te, Pathianin a thungrul leh ṭhin a ni tih te, Dikna avanga tuar hi a huaisen thlak zawk zia leh rilru thlamuanna min thlen zawk zia te hi kan zirtir fo a ṭul a ni.
Fate ah dikna pawimawh zia kan sawi tam tawk lova, dawt sawi pawi zia pawh kan fah tam hek lo. Thil ṭha kan in zirtir loh chuan mihring hian sual kan âwn a, chu chu zir chawp ngai loin kan ṭhanlen pui ṭhin a ni. Dikna leh Dawt awmzia fah tamloh fa chu alo puitling a sumdawng a ni emaw sawrkar hna thawk ani emaw a hmachhawn ngai loh thlemna a hmachhawn a, dikna in a thinlung ah bu alo khuar ngheh tawk loh avangin eiruk(corruption) pawi tih lohna a inzir chhuak chawp ta ṭhin a ni.
Kan tu leh kan fa te dawt sawi bansan turin fuih tam ila, chu chu ṭhan len pui tir i tum ṭheuh ang u.
Kumthar Advance thuchah a ni e, Ka lawm e :wink:
Similar Posts:
- Dawt var Pathian huat loh a awm theih in ring em?
- Enge in Ngaih ve dan ?
- Laklawh
- Minung Thi (Living Death)
- Hmmmm….
December 25th, 2011 at 4:03 pm
dawt sawi lovin kawmen ang aw
Report this comment
December 25th, 2011 at 4:12 pm
paws tha tak a ni e… dawt sawi miah lovin
Report this comment
December 25th, 2011 at 4:16 pm
kan chhiar ve ang e o Pakak!!!
Report this comment
December 25th, 2011 at 4:22 pm
pakak, i kawmen khi dawt vek
Paws pawh hi dawt vek
levodopa, kawmen pawh khi dawt tho… a chhiar ka ring miah lo
Nizan zet chu, tlangval aia pa an lakz tawh zawkna khawvelah hian… mas man a va awm tehlul em! hehe…
Report this comment
December 25th, 2011 at 4:27 pm
are!!! KH ka komen khi dawt ala ni reng reng hlei nem, ‘kan chhiar ve ang e o pakak!!!’ ka tia lawm….mahse Pakak tih hi Urdu-a lehlin chuan dawt tiin a chhuak maithei khek
he post in min hriat chhuahtir chu, ‘dawt sawi hmang chuan, hriatna tha tak a mamawh a ni’ tih hi
Report this comment
December 25th, 2011 at 4:37 pm
levodopa bhavan kawtah khan i va inpose nasa ve…
kawlhawk, helaiah hian dawt a leng lo
nia tlangval aia pa luck joke na khawvel ah hian levodopa lo kiang rawwwwh
Report this comment
December 25th, 2011 at 4:41 pm
Artehrik chu dawt ni maw pawst
Report this comment
December 25th, 2011 at 5:05 pm
Aste, hringnunah hian dawt sawi a tul zawk tum hi a awm ve tlat ania. Entirnan, i bialnu i then duh a, ‘Ka hmangaih tawhlo che’ tih tawl ai chuan dawt var, a chhan dang phuahchawp te pawh a tha ang chu…hehe
Kumthar atang chuan tul fet ah lo chuan tuma’n dawt sawi tawh lohtur anih chu.
Report this comment
December 25th, 2011 at 5:14 pm
@7, drake :lol:
Report this comment
December 25th, 2011 at 6:32 pm
A weight pui ah Dawt sawi a hrat ber min tih loh nan fimkhur chu tha khawp mai:D
Report this comment
December 25th, 2011 at 6:36 pm
Kutzungpui pir chho.
Report this comment
December 25th, 2011 at 6:40 pm
Dawt sawi hi miim an awih chuan loh chuan thil pawivak ani lo mai thei ani :wink:
Report this comment
December 25th, 2011 at 6:46 pm
Naupang han bawl leh dawt hmanga chhawnchhaih kan sim phawt hnuah fa te chu dawt sawilo turin kan hrilh ngam chauh turah ka ngai.
Report this comment
December 25th, 2011 at 6:52 pm
George Washingtona’n, “Kapa, Dawt ka sawi thei lo tih i hria e” a tih thu kan chhiar thin khan ka nunah nghawng a nei thui khawp mai. ¥ Dawt chu dawt vek a khuhmawi chawp zel a ngai a, a huaisen theih loh. @4. Kawlhawka hi a duh phawt chuan a Luck ngawt ang. (A post leh thlalak en in)
Report this comment
December 25th, 2011 at 8:26 pm
Dawt hi ka sawi ve thin fo tawh. Mahse thil pawi lutuk tur ang chi a dawt sawi erawh theih hram chuan ka tumlo ve thin.
“Dawt ka sawi ngailo,” ti chuan dawt a sawiah ka ngai mai thin bawk. :rolleyes:
Report this comment
December 25th, 2011 at 9:48 pm
Mi kamtam ho hian dawt an sawi nasa in ka hria…ka kalsan daih zel. Kan thil tihsual reng2 hi a consequence kan dawng ngam tur niin ka hria,dawt ka sawi loh avanga hrem/hauh chu ka tawk zing fu mai. Ka pawi ti lem lo kei. Mahse dawt sawi ngai lo chu ka in ti ngam lo.
Report this comment
December 25th, 2011 at 10:11 pm
Dawt sawi hi a hun leh hmun leh, a tul hun a awm chang a tam mai. Rukru in ‘Ka ru lo’ a tih ang mai piah lamah.
Report this comment
December 25th, 2011 at 10:42 pm
Dawt sawiin awmzia a neih tlemzia ka hriat fiah ve hnu atang hi chuan dawt sawi loh hi ka tum ve hram hram thin a, mahse he khawvelah hian dawt sawi miahlo hian a awm theih ang em aw tih erawh chu ngaihtuah vung vung chang ka ngah khawp mai
Report this comment
December 26th, 2011 at 12:29 am
A va tha tak em! Dawt sawi laklawh hi a awm thei chiang mai. Dawt sawi than laklawk chuan tul vak kher lovah pawh hian dawt sawi chhen a awl khawp mai. Thudik sawia pawi thleng vak lo tur thleng pawh hian dawt sawi sawi a awl.
Dawt chu dawt veka sawi mawi leh a ngai tih hi a dik a, dawtin a daih loh hun a awm nge nge bawk. Thudik vek kan sawi thei lo a nih pawhin dawt hi a tlem thei ang bera sawi hi a tha ber mai.
Report this comment
December 26th, 2011 at 1:11 am
post tha tak a ni..Nia dawt sawi hi chin dawk lak a awm a..dawt vawikhat sawi chuan dawt 20 a hring..mahse mihring tu pawh mai hian dawt chu kan sawi vek,a chang hi chuan mi rilru tihnat kan duh loh vang te pawn dawt kan sawi ve thin. Dawt(mi tana pawi thei tur leh dawt chiangkuang lutuk) hi ka sawi khat khawp mai..mahse dawt (white Lie) hi chu ka sawi ve fo.hehe
:-#
Report this comment
December 26th, 2011 at 1:42 am
Dawt pawh va ni suh.
Dawt sawi miah lovin tunlai chu ka misual khat khawp mai. Dawt sawi teng, post khi ka chhiarchhuak dap.
tren tren.
Report this comment
December 26th, 2011 at 2:38 am
Dawt sawi chu ka hrat ve lutuk!hehe.. Mahse, pawi vak lo chin chu a awm in ka hria, entir na atan fiamthu ang chi te hi. Mahse, tlem a pawi thei tur ang chi hi chu rilru -ah a riak reng duh tawh khawp mai. Chuvang chuan thil serious deuhah chuan dawt sawi lo a tawrh pawh inhuam mai hi a tha ka ti. A hnu-ah rilru a nuam duh zawk. Ka ngaihdan ve tê mai ania…
Report this comment
December 26th, 2011 at 3:37 am
Comment tu zawng zawng te chungah lawm thu ka sawi e :happy:
Report this comment
December 26th, 2011 at 6:15 am
Dawt sawi hi a tul chang a awm ve thin. Entirnan, mi in ah chaw kan ei a, chaw hmeh tui kan tih loh zawng deuh te an lo siam a, ” Tui i ti em?” an tih a ‘ A tui lutuk’ tih tul chang te a awm! Office ah kan thawhpui te an lo kal lo a, an kal loh chhan kan pu ten min zawh a dawt sawi a tul chang te a awm thei bawk.. :blush: . Chuan, nimin kha ka bday a ni ve bawk a. :undecided:
Report this comment
December 26th, 2011 at 9:43 am
Proverb pakhat chuan ” tell your friend a lie. If he keep it a secret, then tell him the truth” a ti.
Report this comment
December 26th, 2011 at 10:04 am
#25 trust a friend with a little secret. If he snitches (leaks out), never trust that person again — HV
A liar will not be believed, even when he speaks the truth.— Aesop
A man is never more truthful than when he acknowledges himself a liar.— Mark Twain
A man of such obvious and exemplary charm must be a liar.— Anita Brookner
Report this comment
December 26th, 2011 at 10:05 am
To be an accomplished liar, you gotta have a good memory :lol:
Report this comment
December 26th, 2011 at 10:14 am
Jacka Pi #27, “accomplished liar” :lol:
zialo mai mai. Good memory = liar…awm anglo mai mai :lol:
Report this comment
December 26th, 2011 at 10:37 am
Pu HV @ 28, awm ang vik vek zawk viau lo maw, dawt sawi thup nan dawt tho a ngai a, chumi thup leh nan pawh dawt bawk a ngai a, good memory nen lo chuan dawt pawh hi sawi mai mai chi miah loh :lol:
Or if you are satan, you’d disguise a single lie with a whole lot of truths and half-truths!!
Report this comment
December 26th, 2011 at 10:44 am
Jacka Pi, ka hrethiam tho nangin a sawidan kalhmang khi a ngeiawm thiam ka ti lutuk a hairehai
Keipawh hi ka thil hmuh/hriat tawh theihnghilh loh tum ran ka ni fo. Ka hre rei thei phian lehnghal a. Dawt chu sawi chang nei ve zeuh2 tho mah ila (mihring ka ni miau a!), memory that vangah chuan ka puh hauh lovang mawle hairehai :lol:
Report this comment
December 26th, 2011 at 11:15 am
Dawt sawithiam deuh hi an ngaihsanawm letling asin. Dawt thu, midangte rin theih tura sawithiam kha har deuh tur ania..hehe
Report this comment
December 26th, 2011 at 3:21 pm
a tha hle mai . .dawt sawi loh hi a tha ber a ,mahse sawi loh theih loh chang a awm ve zeuh thin .
Report this comment
December 26th, 2011 at 4:12 pm
Good post.
Report this comment