1991 kumthar tir a nia; kum dang ang chu nise nun a la nih huau hun lai a ni. Amaherawhchu, hemi ṭum hi chuan kan hma lawka Middle East-a thil thleng mai tur chuan mitin, keini naupang chenin radio kaltlanga thuthar an puan kan hriat ve vek avangin min chiaha. A hma kum daiha kan lo tum lawk tawh a nih avang erawh chuan kan pawl sum tuak na tura kan ruahman thinglak chu ṭhulh phah kan tum chuang lo.
Kan khaw dai ami eng thing nge ka hre reng talo chu kih tumin kan pawl zinga a hotu deuhte chu hnatlangin kan thawkchhuaka, heta ‘a hotu deuh’ ka’n tih kher nachhan chu he kan pawlah hian OB pathum kan awma; President/Leader tih vel kan invuah ve lo. Kei hi a hotu ber ka nia; ka hnuai chiah ami chu a dawttu, a pathumna chu tuleh kan ti mai.
Tichuan, thing chu kit turin kan chem neih ang ang chuan theihtawp chhuahin kan sata; a zatve vel kan sah hnu chuan kan hah tawngkhawng tawh bawka, hemi ni atan hi chuan kan duhtawk rih.
Sawi tak angin kan chhunzawm vat loh chuan khawvel a buai zawh vek dawn avangin (kan rin dan) lak fel thuai thuai chu kan tum lian ber a ni. A tuk hnihnaah chuan kan thawk chhuak leh ta a. Rei vak lo kan sah hnu chuan kan hah leh ta mai, kan beidawng titih ta. Kan hotute zinga pakhat chuan ‘bul ṭan ṭhat chu a zatve zo tluk a ni’ tih kha a lo hre thawi ve a ni tehchek ang chu, “Hmun hran deuhvah sat ila; a sawt zawt mai ang,” a’n tih pek chu.
Kan peih pui ta lo hlauh zawk a. Tichuan, hemi ṭum pawh hian kit thlu lovin kan beidawng leh ta. Hawn mai tuma thui vaklo kan kal hnu chuan ka chem ka theihnghilh tih hrechhuakin a la leh tura kan thing kih tum bul ka thlen lai tak chuan thing chu a tlu ta mai. Ka ngumah tak min delh tehreng a nih kha. Ka vanneia, ka inti silawng lo hlauh kha tun thleng hian ka la lawm. Kan tum ber chu kan hlenchhuak ta naa; kan hawn san ta thova. Tun thleng hian kan la la leh ta lo.
Hun a kal zela; Middle East buaina pawh hman tih a lo ngai ta hial mai. Khawvel ram hrang hrangte chuan mahni inven nan theihtawpa ṭha ralthuam an inchhek veka; heng zinga ṭha bera ngaih chu Nuclear hi a ni awm e. Sorkar tinin neih duh mahse a hautak tham em avangin neih mai mai theih a ni lo.
Khawvel hruaitu Eng sorkar mahin a ne pawh an ek phak loh, khawvel indopui I & II-na a tha chakna a tudaitu, khawvel humhimtu Lalpa, Mipuite zalenna Democracy kulhpui, Ram tenau, thlaphang leh tihduhdah tuar te’n an belhfak, khawvel ram retheite dawm kangtu. Hnamtin chitinte zalen taka zaikhata an lenna ram, ‘DAMLAI PIALRAL’ tih khawpa ram hausa USA pawh a nei zingah chuan a langsar ber anni awm e.
A chunga kan sawi tak ang khian ram ropui tak annih avangin khawvelah lal an hrawta; anmahni khing pha awma ngaih chu a chakna hmachhuana tudai duh mai anni. Tichuan, Iraq ram, pawhin he Nuclear Weapon hi nei ve ngeia an ngaih avangin an do ta ngawt mai a nih kha.
Anmahni pawhin an neia; engahnge midang neih ve an phal loh ngawt? Thil ṭha zawng a ni hauhlo. Amaherawhchu, anni pawn an neih chuan midang neih chu an ngaihmawh bik thiang lo. Chuta karah an (Iraq) la neilo zui. An ram hruaitu Saddam Hussein chu an that ngawt lehnghal a nih kha.
Thuhmahruai chu lo duhtawk phawt ila. Kuwait ramin oil an ngah avangin Saddam Hussein-a kaihhruai Iraq ram chuan itsikin an oil neih chu hnehchhuh tumin theihtawpin ṭan an laa; zahngaihnaa khat USA chuan chu chu ngai thiam lovin Kuwait chhanhim turin theihtawp chhuahin ṭan an la ve bawk a.
Sawi tawh angin Iraq ram President Saddam Hussein chu diklo taka rorela a ram ralmuanglo taka siamtu a ni. A nunrawn zia chu kan hre ṭheuh hlawmin ka ring. Thih pawh hi a phu khawp in ka hria. Mahse, he thu ka’n post nachhan ber chu, sawi tak ang khian USA chuan an thil ṭhalo kawl ang kawl vetu ramdang chu an haw tlata; Iraq pawh hian nei ve ngeia an ngaih avangin an pawng do ngawt maia; he thilah na na na hi chuan an thiamlo hulhual niin ka hria.
Vawiin hi Saddam Hussain an khaihlum champha (phak telh kher hi a tulna ka hrelo) vawi ngana lai a lo ni ta.
Saddam, vawiin i boral champha a lo thlen hian kan thinlungah i cham renga;
Engtikahmah kan theihnghilh tawh lo’ng che.
Amaherawhchu kan ui lemlo che a nia.
Similar Posts:
- ‘Chemical Ali’ execution approved
- Saddam’s Execution Video leaked, Controvery begin
- Ngaihtuah zui peihte tan
- Tunlai Iraq a zofate
- USA leh a kid-te ho ka ninzia hi chu..!!!!
..i ngawih daih thin kha.. :wink:
December 30th, 2011 at 2:19 pm
Chhiar ang
December 30th, 2011 at 2:53 pm
Champhaphak a ni e 🙂
December 30th, 2011 at 3:02 pm
Ngaihnawm reuh tawps.
December 30th, 2011 at 3:05 pm
Irag te ang, ram upa leh hnam upa, “Keini hnam” tingam thiau mai awp khawm a, thu neihna tlang taka nei thei tur chuan rikrapna nen a rorel thiam, inti hlauhawm thiam nih a ngai. Chutiang mai anih bak a an ram ti ropui leh chak tak nih tir theitu chu Saddam Hussein kha a ni. Irag ropui leh duhtu chuan Saddam-a ang kha an mamawh zia an hrechiang ngawtin ka ring.
Mizoram pawh hian Saddam Hussein ang mi hlauhawm roreltu kan mamawh. Hnam naupangte e tilo hian kan chapo hlawm si, eiruk lamah kan huaisen hlawm si, hlauh neilo thiau mai ten ram hmasawnna dalin an thuneihna an hrawt a nia!
December 30th, 2011 at 3:17 pm
USA hian Saddam hussein hi an vulh lian a, a tawpah an talh leh a. Chutiangin, Osama bin Laden pawh.. Qadaffi pawh chutiang zelin. US Diplomacy hi engtikah emaw chuan a game dik tak hi a la langchhuak ngei ang…
December 30th, 2011 at 3:21 pm
Thu hma iva nei sei teh duah ve 🙂 A ngaihnawm e.
Pian Champha a nih chuan kan pianni leh kum chiah kha a ni. Champha phak a nih chuan a lo her chhuah leh na ni chiah a ni(Annivarsery).
Champha phak ti a i hmang dawn lo a nih chuan Champha hriatrengna tih tala hman tur, champha hi chu kha mi hun chiah chiah sawina kha nih vangin alo her chhuah lehna chu Hriatrengna emaw Phak tih tal belh tawh tur. 🙂
December 30th, 2011 at 3:32 pm
“Champha” tih hi a nihna takah chuan “Champhaphak” tih ani mai. Tin, #4 khi ka hmuhdan dik tak a ni bawk. 🙂
December 30th, 2011 at 3:47 pm
USA hian Iraq emaw, ram dangah emaw, roreltu an duh loh zawnga khawsa an awm avangin va runa va tukdawl ngawt turin dikna an nei miah lo! Anmahniin ralthuam hlauhawm leh tha ber ber an chhek el ul laiin ram dangin an neih ve an remti lo ringawt te hi sawi vak ngaihna pawh a awm lo, a “suahsualthlak” te ti ila a hnaih deuh ber ang emaw?!
Iraq pawh hi han enchiang ila…an run a, an hotupa an paihthla a, khaihlum a ni ta. TIME magazine-in a sawi danin, kum 9 vel an awp beh chhung khan mi nuai 1 (100,000) velin nunna an chan a, sing 4 velin hliam an tuar bawk a. USA pawh chuan US$ 800 billion vel a seng ral bawk. Tuna an chhuahsan takah hian Saddam Hussein-a hun lai aiin Iraq chu a ralmuang chuang lo a, democracy tihtlak a awm lo a, mipui an thlamuangin an hlim zawk chuang nahek lo.
Saddam Hussein-a khan rorel chhunzawm ta se heti zat zat hi an thi lo zawkin a rin theih.
Ka’n an tak chiam ringawt chu!
December 30th, 2011 at 3:49 pm
Saddam Hussain hi ka tan ngai lo a, Kuwait a run ringawt pawh kha HREM a phu chu ka ti. Mahse a Thupui khi (In hating memory) tih khi chu a tul hran lo hlein ka hria. Keini lo huat ve em em na chhan tur a awm lem em ni? Chemtatrawta sawi khi a dik thui a sin. World Politics hi chu tenawm ru deuh a nia. Thenawmte chhiatna tur zawng tham vek mai. Taliban te pawh hi Russia sipai ho lo do let tura USA in a train leh ralthuama a vur kha an nia. Bangladesh helho te kha Pakistan lo do let tur khan Pu HT.Sangliana te lai lai khan an train a nia. USA in Pakistan ho ralthuam tha tha a a vur na te hi anmahni sipai suattu ala ni lovang tih a sawi theih loh. Mahse, ram chak zawkin ram chaklo zawkte an hneh-chhuh mai mai tur sawrkar lian ten an lo chhan thin hi chu a tha ka ti khawp mai.
December 30th, 2011 at 3:51 pm
Hlatekhua, tunah Africa ram tamtaka rebels ho hnena USA-in weapons a pekte hi a ropui lo ngawt tak tiraw?.. Han chhui han chhui chuan heng ramte hi China in investment a tih nasatna ram a ni zel mai si.. An objective hi a chiang lutuk deuh chu a ni e..
December 30th, 2011 at 3:59 pm
chemtatrawta@10, Africa leh ‘ca lo-ah pawh USA hian ram dang te’n an tih fo ang bawkin an ti a ni. Ngaihthiam loh lutuk bik tur chu a ni lo. Mahse USA a nih avanga an thil tih apiang a kawi a ngila lo ngaihsana lo thlawp leh, Pathian thupek ang maia lo ngaih zel hi chu a ṭul lo ve fu a ni. Mizo zingah chutiang zawnga ngai tlat chu an awm ṭhin niin ka hria. Ngaihtuah chian deuh ṭhin a ṭha ngawt mai.
December 30th, 2011 at 4:04 pm
hlatekhua.. a dik viau tho nain, democracy ram..mipui tana rawngbawl ram tihdan atan chuan a itawm lo deuh e ka ti mai mai..Tin, heng saddam hussein, osama, Qadaffi te ho an vulh lian a..ahnuah an thuhnuaia an dah theih loh hnua an that leh ang lawi hi chu a tam vak loin ka hre deuh
December 30th, 2011 at 4:04 pm
Rei lo te emaw tih chhungin a thih champha phak vawi 6-na lai a lo nih tawh chu a!!!! 😮
December 30th, 2011 at 4:10 pm
chemtatrawta, i ngaihdan chu ka ṭawmpui che. Democracy leh human rights champion-pui ber ang te hian iak iak ṭhin lo se ṭha mai tur hi a nia. Hman lawk, 1960s thlenga mihangho en hranga vote an neih ve pawh phal lotute kha an ni. Tun thleng pawhin hna tak takah mipa leh hmeichhia hlawh inang pawh an la pe duh lo a nia.
Chubakah democracy ram ni lo, sipai sorkarna ram te hi an tana ṭangkai tur nia an hriat chuan an support hreh chuang teuh lo.
December 30th, 2011 at 4:30 pm
hlatekhua #14, “Tun thleng pawhin hna tak takah mipa leh hmeichhia hlawh inang pawh an la pe duh lo a nia.” tu ten maw? US i sawi chhan anih chuan i hre diklo hret niin ka hria 🙂
USA in sawi chhan niin ka hria a…#11 
Ram tan a thatur anih chuan an vulh len hnu pawh an hmelma mai ang chu mawle. Mahni ram interest lovah tunge ramdang pui vak vak duh reng ang. USA hi ram ropui a ni a, a tlukchhiat theihna dul chi emaw tichhe thei tur ang chi chu a do tlat ang tih hriat a tha. Chumi chu eng ram pawhin a tih tur leh a ram tan a pawimawh a ni.
December 30th, 2011 at 4:39 pm
Ṭhenkhat tan chuan USA hi vanram tla fual a ni deuh ber awm e.
December 30th, 2011 at 4:47 pm
#16 eng ho emaw tan chuan an vanram an ti thin reng asin hairehai 😀 Tak tak a, a ram a cheng a, dan (law) zah taka khawsa te tan chuan ramnuam tak ani chiang alawm. 🙂
Mizo tam thei ang ber rawn awm sela ka ti teh asin. Awmhlen lo tur pawhin, chinchang hriat nan tal pawh. 😉
Ram ropui nireng thei tur chuan tichhe theitu tur ang chi tukdaih zel angai reng a ni. Khawi ram pawhin an tih dan tur chiah a ni ngei ang!
December 30th, 2011 at 5:01 pm
H.Vangchhia, hlawh chungchang khi ka hriat sual palh em maw ni dawn tak le?
International Herald Tribune, vawiin, December 30, 2011 issue, phek 16-naah pawh hian “Women in the United States still earn significantly less than men.” a ti kuau mai ka ti! Source i neih chuan lo en ve chhin teh. (I hre sa tho-in ka ring a, International Herald Tribune hi the Global Edition of the New York Times a nih kha).
I hriat chinah an intluk tlang a nih si chuan IHT/New York Times hi an daw deuh a va ni mai awm ve?!
December 30th, 2011 at 5:06 pm
hlatekhua#18 ka hriat chinah chuan i hresual 🙂
Ka hriat chinah chuan hna dil hian, “mipa hlawh/hmeichhe hlawh” bituk a awm hran ka hrelo. Awm hrang sela chuan hmeichhe ho an ngawi mai maiin ka ringlo tawp mai. Nupa inthen chungchang thlenga chantha chang zawk annia lawm. A thuhrimah entirnan mai mai: Nupui/pasal inthen sela a hmeichhia zawkin in (house) a chang tlangpui etc etc.
India ramah khan Santal (Dumka) ho khan midang hlawh an pha ngailo kumkhua zawkin ka hria.
December 30th, 2011 at 5:14 pm
#19, Ka hriatsualpui te en hian a lawmawm tho tho e. 😀
India ramah chuan hna inang rengah hlawh inang lo a awm ngai tawh lo a ni awm asin. Ka hre sual leh tho mai thei a.
December 30th, 2011 at 5:20 pm
hlatekhua#20 Dumka ho hlawh leh hnamdang hlawh a inang tawh maw. Lo hrechiang teh a 🙂 Tin, pawl 4 aia sang lehkha zir an phalsak tawh em le?
Tak takin USA chu hmeichhe dinhmun a tha viauin ka hria. An thikawm lek lekna chen pawh a awm fo mai. Tin, mipa hna leh hmeichhe hna a awm hrang bawk lova, an inthliar bawk heklo. Hard labor pawh a hmei a pa in an thawk bawrh bawrh mai zel.
December 30th, 2011 at 5:23 pm
H.Vangchhia@21, Dumka-ho chu Central Civil Service-ah te pawh an awm nual tawh asin. Kei ngei pawhin hriat ka nei. Pawl 4 aia sang zir thleng turah ka lo ngai ve ngawt a.
December 30th, 2011 at 5:24 pm
India ramah chuan kan hlawh a inang tlang ani lawm ni, hmeichhia leh mipa? Keipawh ka rank pui, ka join rualpui mipa te nen kan hlawh a inzat thlap mai. Graduation Allowances ang deuhin Graduate tan double increment min pe a, chu chiah chu a danglamna. Casual/Daily Labour mimal hnena inhlawh te chu a tha chak deuh mipa hlawh te chu a sang mahna.
December 30th, 2011 at 5:55 pm
US hi sawisel a tawk nasa viau a, helho a vulh lian a..tih ang chi te.
US hi awm lo se, khawvel hi a chhe ngawt ang tih hi chu ka hmu thiam ve reng. An ram rorel dan (democracy) hi a fuh em em mai hi ani. A fing pawh an fing a. Sawiselna tur chu an awm ve tho, mahse an overall performance for global stability ah chuan mark 100 an hmu e.
December 30th, 2011 at 6:32 pm
hlatekhua#22 hun a dang ve ta anih chu! a lawmawm e.
#24 tui takin kan chhunmut phah dawn emni chu le hairehai 😉
December 30th, 2011 at 7:06 pm
@25..Pu HV.. :happy:
Bill Clinton a president lai a a thusawi pakhatah khan ‘tun a tanga kum sawm ah chuan major race US-ah hian an awm tawh lo ang’ a ti..
In God We Trust tih te hi a mawi asin aw..
Detroit lam chanchinte ka chhiara, US pawh hi a tlahniam ve sawt khawp mai, a pawi ngawt mai.
Retheih pawina chhan ber chu rinawmlohna a keng ve thin a. Rethei han ti ngawt pawh hi pawngpaw general tak a sawi theih ani lo a. Entirnan, tuikuk khaw pakhataj chuan radio, TV, mobile..phone a awm lo a, an khua pawh motor pawn a tlawh hek lo. Midang an mamawh lo a, an khuain ei leh bar tur an in thawkchhuak a. Keini ngaiha chuan rethei an ni mahna, mahse a ni miah lo..ka tlak da duah mai.. 😛
December 30th, 2011 at 7:08 pm
lrp, i thlir dan a fing hle mai, mihring matured nge nge :rolleyes:
Ti daih ila, fiamthu titak deuhin tutute emaw ka profile a… ka ziah pahin ka nui vur vur mai. 😛
December 30th, 2011 at 7:08 pm
@lrp….Pu HV an Pathian avanga US malsawma an awmna a hre thuk vak lo, tuna mi cheng mek te pawh khuan an hre tawh meuh lo, an finna leh thiamna an ngaipawimawh zawk mek a ni, chuvangin a ni khawvelin a dem chhoh ṭan mek ni 😆 kekeke…(fth)
December 30th, 2011 at 7:22 pm
Asteric..Pathian malsawm tlakin American ho hian hna an lo thawk a lawm le, Japanese ho te pawh hi. 😉
Hman ni Tsunami lai vel a, Japanese ho nun mawi zia kha..’Dawr in hawng awmchhun a tang khan tlemte te an lei ani, midangin an lei ve duh dawn tih an hre si a’
‘Ram leh Pathian tan’ tih te hi ropui tak ani mahse awmzia thui tak a nei lo chu anih hi a..
Engram pawh, mipui leh sawrkar an tanrual a, common goal an neih chuan hausakna chu he leilungah hian a awm ani.
December 30th, 2011 at 7:22 pm
Mahni sahimna tura midang awmtha hle hle lai vai khawihbuai leh tihchingpen hi eng anga ram ropui pawh ni se kei ka thlawp lo hulhual.
Defence leh offence hi helamah chuan ram ropui hriatna a niin ka hria. India ram ropui tak pawh hi a nuclear policy ah chuan “NO FIRST USE” te hi a ropui asin. Ram ropui zawk chuan midang a run pup pup mai tur nge ram tenau buaina a thelh tur zawk ni ang.
December 30th, 2011 at 7:26 pm
@lrp….Taimak hlawh hi chu khawiah pawh a awm, amaherawh chu a in nghahna lungphum in a zir loh chuan hlauhawm tak a ni. US President hmasa ten Pathian thu nena in kaihhnawih Proverb ṭha tak tak an neih ṭhin kha a awm tawh meuh lo chu nih hi. Bush Senior-a ten “America ram President ni tur chuan Pathian thiltih theihnaa in nghat lo mi chu an tling zo lo” a tih hunlai era kha an pel mek a ni. Thupuan Bung 12 chho kha chhiar ila Eagle kha America a nia, Lion kha Russia, Dragon kha China 😀 chuan thil awmzia a rawn lang ruak ruak mai ang.
December 30th, 2011 at 7:34 pm
Chemte..leh..nuclear capability hi in the wrong hand ah chuan hlauhawm tawp ani. Europe, Russia, China, UK, USA, etc, te hi an tangrual vek ani helamah chuan..mahse action lak lamah chuan US hi an tluk lo vek!
US hi sawi takah chuan eng indona ah mah hnehtu a la ni lo..hnehna chu a a do a te kut ah a awm zawk thin.. 😉
India hi chu sawi lo teh ang u..Burma communist regime paihthla tur hian enge a tih? Enge diplomatic level atang pawn a thawh ve? haha
December 30th, 2011 at 7:38 pm
#28 Asteric, ka kawm thin leh kawmthinte kawm thei tura zir ngai min tuk atang khan nasa takin ka hriatna a zau phah a. Kei ang hriatna zaulo, zir sang bawk silo tan chuan software thar download mawlh mawlh a ni ringawt. :-#
#31 i ngaihbel mai niin ka hria. Mahse, ram ropui reng rengin tlakchhiat hun an nei theuh tih erawh kan hre theuh ang chu. An tlukchhiat/tlakchhiatna chhan pawh an mahni chhunglam atangin a ni tlangpui thin.
#32 a dik lutuk KZP. Mi sawi hnem emaw vanga thu hrechiang lova, lo thutak sawi vak2 maite hi kan nihna tilangchiangtu mai a ni thin ania 🙂
December 30th, 2011 at 7:41 pm
Aste..a dik a lawm..Pathian thu tha pui pui te, Pathian thu awih ber awm ang zia zanga awmte hian awmzia a nei ngai lo. A taka hnathawh a awm si loh chuan..
Taimak hi community a eng section ber thlir ran a sawi chi ani lo. Mizoram bikah sawi ta ila..a taima, hna a thawknasa kan tih chuan lo neitu te, rawra chhu te, lungrem tute..ani em? Hei hi ngaihdan dik lo hulhual ani. Kan engineer te, kan MLA te..taimak zia hian ram awmdan tur a hril zawk a, mahse ..
December 30th, 2011 at 7:43 pm
@33 Pu HV….I thiam leh thiamloh lam nilo in US a mi cheng, mifing ho zawng zawng pawh an bo tawh zia ka sawina mai nih khi 🙂 #31 a ka sawi awmzia chu President atan Pathian thiltih theihna pawm mi an beisei san zawk hun lai kha a pel tawha mithiam a nih phawt chuan eng mi pawh nise an duhna a san tawh zawk zia ka rawn ti lang mai2 nih khi. 🙂 Obama an lakluh dawna Bible hmanga thutiam a sawi te, Christian Puithiam kherin a hlan te kha ngaimawh an tam tawh asin.
December 30th, 2011 at 7:51 pm
Asteric #35 i awm lova i hrelo mai zawk niin ka hria. Mizoram chu a hmun a chengte aiin ralkhat atangin a lang chiang zawk a (Sudden Muanga pawhin a hmuh chian em kha). United States chu ralkhat aiin a hmunah a chiang zawk niin ka hria.
Ram pawn atanga han sawichhia…Pathian hrelo tih te leh thil dang tam tak … a hmun a rawn kal a hmutu te chuan ka hriat chinah an thlir danah an rilru an sawh sawn chawk. Mimal tin ten an zalenna (freedom) an neih zau em avang hian a sawichhe duhtu te tan thil tam tak thlalak nen lam tih hmingchhoat theihna tur a awm fo ang. Chutiang bawkin a thalam a thlir duh te tan chuan a chhelam aia nasa tak a thalam thlir tur a awm ngei niin ka hria.
Zofa tam thei angber hian USA hi awm hlenlo tur pawhin, chinchang hriat nan tal cham deuh hlek hman turin lo zin thei thin sela ka ti teh asin. (tak zet) 😮
December 30th, 2011 at 9:27 pm
USA hi a diklo hmasa anni ziah ang em ? … An thuhnuaia an dah theih chin chiah hi an ngeih a . Mulah Ommar-a’n ” The biggest terrorists in the world ” a tih kha a dik na chin a awm tlat. Ramdang hi chuan a pawng a takin an va tibuai hmasa ngai lemlovin a lang .. , 9/11 LOOSE CHANGE Documentary te kha rilru khawih thei tak niin a lang.
Tunah chuan President Obama hi a ziaawm viau in a lang. Bush-a te zik zek ngawt ai chuan.. (noi)
December 30th, 2011 at 10:34 pm
Helai chu Sadam aiin US lam sawi a va tam ve!! 😛
December 30th, 2011 at 11:01 pm
#38 ni ngawt mai. Engemaw hlekah US sawiselna tur lo zawng pawl hi an awm sek ania. 🙂 nuam eee 😀
December 30th, 2011 at 11:25 pm
Super power a nih angin khawvel muanna a ngaipawimawh a, retheihna, chi leh sakhaw inthliarna a do nasa a, ram mipui rethei taka siama mahni invulh liana lal hrawt/dictator tawrawt tak2te a khak taima ber a. Khawvel sorkar lian leh chak inti thlazen india, china, etc… ho hian a ne pawh an ek lo ve. US tan loh leh sawichhiat thiam viau te hi intihfinna leh inlakchangkannaa ngai kan tam letling phian zawk awm e. A pawng a takin ka tan hlur lem lo. Mahse, a sawichhetu – intichhiarzah leh inlafing deuh2te erawh… Ka nuih an ti 100!!!
December 30th, 2011 at 11:35 pm
Chuan… “champha phak” va tih chhoh duah kher hi tupa inlak ril tum lutuk lo ngaihtuah chhuah nge maw ni reng2 le. A dik bikna leh a fiah phah mmna 1mah a awm lo.. “birthday dei” tihna ang vel a ni. :p
Dec 22 hi kum tin ka piancham a ni. pianchampha phak ka han nei teh duah lo.
December 31st, 2011 at 12:45 am
Indo-Myanmar relation sawia India pawhin a khak lo lo tih mai mai te chu a. Ram hrang hrang hian sovereignty kan nei theuh a, hei hi kan inzahtawnsak thiam a pawimawh. Chutiang pawh zah zo lova hmaikawr hrang hrang hmanga mi ram zalenna leh sovereignty te khawihbuai duh ram hi kei chuan ka ngaisang lem lo..
December 31st, 2011 at 12:58 am
@trawta, i ngaihdan a one-sided deuh em aw ka ti. Kan khawtlang nun nen tehkhin ta ila, chhungkua a pa ber nupui fanau laka inluling leh thenawmte tana hnawk lakah, chu veng hruaitu thiltithei deuh tan inrawlh a tul hun a awm thei. Chutiang bawkin US pawh…
December 31st, 2011 at 12:58 am
Myanmar hi USA hian Democracy-ah let ta sela, Pakistan ang hian Pro-USA lo ni ta se, India, China leh Thailand tan a hlauhawm lutuk. Sawrkar lian 2 India leh China hian USA hi an tanpui duh miah loh chuan emaw, Myanmar hi an tanpui ruk tlat zawk phei chuan, USA tan meuh pawh tihngaihna a awm bik vak chuang lo. Chess khel hi an ang a nia.
December 31st, 2011 at 1:14 am
42 @chemte..hehe..kei pawn ka ngaisang lo tawp..
North Korea leh south lam te hi thlir ta ila..south lam chu freedom a awm a, mihring in ei leh in tur tha an nei a..thalai..mipa pawh average chuan 3 inches in an sang zawk ani..north lam nen ngaihtuah chuan..khawvel a ram changkang ber pawl ani..north lam chu an rethei a, sakhaw zalenna an nei lo, ei tur leh radio, TV, interne te pawh an nei lo..elite group in engkim an neih laiin..
Tichuan, kan mihring puite awpbeh an nih a, an right violate a, keini mizo te chan takngial pawh chang thei ho tan hian India in hna a thawk ngai lo..tunge? enge? thawk thin?..US hian he tiang kawng zawngah hian hma a la thin ani awm e..
December 31st, 2011 at 1:16 am
sheldon, international politics hi ka follow na a rei ve tawh a, hlatekhua te pawh khian a rawn pawmpui ve tho hi. Thil mak ve deuh mai chu, USA hian Iraq-Iran wars te, middle east leh hmundanga buaina vela a inrawlh reng reng chuan oil lama hausa lam hi a tan tlangpui zel hi thil mak ve mai mai tak chu a ni.
Kuwait ram tetakte chhan nana khati zat a sipai chakna a hmang leh ahnua Kuwait hnen atanga a thil dawn te, African countries civil war buaina tam tak leh innghirnghona leh Asia khawmualpuia buaina te leh Indian Ocean a pirates tlemte hnawksak takte a ngaihthah leh tlat thung lawi si te hian enge an tum nia i rin ve mai mai?? Hetianga a ti anih chuan Myanmar te pawh hman hmanah a run anga, sipai chaknaa tawrawt taka lal te pawh a tudai turah ka ngai.. Mahse, oil a nei ve lova, a awm ve tho..
December 31st, 2011 at 1:23 am
lrpa, i hriatsual deuh tlatin ka hria a ni. 46 hi en la a hriat deuh kuarin ka ring a ni. North Korea hi kum engzat nge tawrawt taka lal hrawtin an ramchhungah buaina a awm?? Chung hun zawng zawngah chuan khawnge USA??
Iraq en teh.. Saddam Hussein hi ralthuam nena an thuama power an pek ngat anih hi, an oil an ei theihna turin.. Mahse an control theihloh hnuah an that mai. Hriat ve mai mai atan, Saddam Hussein a lal chhunga tualchhung mi thi ai khan USA invasion leh occupation chhungin tualchhung mi an thi tam zawk.
Qadaffi en leh ang. Hepa pawh USA tundin chhoh tho a ni. Thuneihna a pumhmawm pawh USA tanpuina liau liau a ni. Decade engzat nge ro a rel. Khami chhung zawng khan khawnge USA. An oil in a thlem lungawi tlat. Mahse, thlak an duh.. Engati nge??? A tawngchhuah an hlau tlat. Engvangin nge a nung chunga man thei reng si kha, rebels ho kutah an thih tir?. A tawngchhuah chuan an mualpho dawn tlat..
December 31st, 2011 at 1:33 am
47..chemte..nia..i ngaihdan ang a negative zawng char char khi awm ve thei tak ani..nang chauh i ni lo e..europe a thalai tam tak, thlir tawi ve tak tak te pawh hian i ngaihdan chiah hi an ngaihdan ani..! an fing vak bik lo.. 😆
Democratic form of government chauhah hian freedom a awm ani. US hian oil vangin khawi nge a run tawh le?? Irag a run-na chhan chu barbaric way..pawngpaw inhneh chhuh a duh loh vang mai ani! Duh se chu Middle east zawng zawng hi a hnehchhuh vek thei!..
Khawvel a tawp hma a khawvel leh israel thla vang hauh tu tur a Pathian ruat ani tih hi ring hmiah rawh.. 😉
December 31st, 2011 at 1:36 am
Huiha.. Khawvel hi chu.. US hian BURMA politics ah inrawlh thuk se ka ti..an ram hausa se, Burma ho kan ramah an tla thla hnemlo anga kan ram a nuam zawk ang..Chuan mizorama vai lut tam zawk,Bangladeshi muslim(Assam pawh tun thlenga tibuaitu) te khi an rawn lutlo anga..
BENGALI MUSLIM LEH BURMA MI DANLO A LUT TE KHI ANI KA VEI NI
December 31st, 2011 at 1:36 am
@trawta, i thlir dan zawnga thlir chuan anih hmel thlup mai. Politician atan ka hual che ania..haha
US bikah – Bush kha chu a ‘man’ deuh a, sawisel pawh a hlawh nasa a. Mahse khawvel politics a US inrawlhna zawng zawng hi thlir leh leh, oil emaw a ram thatna tur chauh ani lo ania. Sawiselbo chu ka tilo, mahse US hi awm ta lo se khawvel hi a buai viau ka ring tlat.