mi(sual).com

Khawvel politics inlumlet nasa tak thleng mek hi in lo thlir ve ngeiin ka ring thin a. Keipawh ka ngaihsak tha vak duh lo nain, ngaihsak loh theih loh chen hi a lo thleng ve fo bawk nen, duh duh ka han sawi teh ang. Thenkhat tan chuan a lem a har deuh maithei a, leftist misual.commers Zualbonez, Chhingdailova, adt te ho tan chuan a thlum tui vawng vawng viau thung maithei.

Eng atang berin nge kan tan ang aw. Afghanistan i han sawi teh ang. COld War hunlai atang tawhin USSR awp nan Taliban te a vulh lian a, hmanraw tha ber ber nen Al-Qaeda a vulh lian a. Chuti khawp chuan Afghanistan a tibuai a, an ramah Taliban an rawn hrang a, Al-Qaeda ho an inluling ta tak tak a, a ngaihsak leh lova, ram mipuiin an  tuarzia chu tunah pawh kan hriat hi. Frontline Magazine ah hian ka chhiar tawh a, ka haichhuak zo ta lova, USA hian Afghanistan hi 9/11 hma khan run a tum daih tawh niin a ziak tlat mai..!!

Ngaiteh, chutia a tundin Taliban leh Al-Qaeda te chu a thuhnuaiah a dah theih loh avangin a run a, Afghanistan ram a tihbuaizia pawh kan hriat hi. An ram hi an la buai tulh tulh dawn a ang a, chutih lai chuan a tihhnawk pawh thianfel lova chhuahsan te chu an la tum lah tak a. Heng an tihhnawk hi Asia ram developing countries ho hian nasa takin an thianfai mek a ni.

Iraq i lo en leh teh ang. Saddam HUssein pawh an vulh lian a, thuneihna a neih theihna turin theihpatawpin an tanpui a. Thuneihna a rawn nei a, Oil pawh an duhthusam ang ngeiin an duhtawkin an sawk hmiah hmiah a. Saddam Hussein a rawn lian a, ambition a rawn nei lian a, an control hneh loh takah chuan an run leh a. Dawt muhlum “Weapons of Mass Destruction” chhuanlamin an run a, an la khaihlum zui a.

Osama bin Laden leh Saddam Hussein an tihhlum nghal chhan hi USA nena an deal zawng zawng hi puanzar anih an hlauh vang niin mithiamte chuan an sawi.

Middle East en leh ang aw… Iran leh Iraq an buai a, ram dang an indo mup mup mai a; chutah le, Kuwait ram tetakte chu a ram thenawmte’n an run a, a sipai ralthuam famkim nen USA chu a rawn thawkchhuak a, a indo lawng lian nen. An va chak chiang em!!! USA chuan OIL chu a duh ang ngeiin a va dawng hnianghnar leh tak em..!!

Africa ramah hetihlai hian Genocide, inthahna namen lo a thleng mup mup a. Ram thuneihna mi pamhamte’n an pumbilh a, mipui anmahni sawiseltute an that hmiah hmiah a, a ni telin a sang telin an thi a, USA, Kuwait ram tereuhte humhimtu erawh chu a ngawi ta ngar ngar mai. ENgati nge??? Heng ram hian OIL an nei ve tlat lo, tin, an market lah chu USA hlawkpui thamin a lian ve tlat hek lo alawm mawle.

Awle, tunlaia thil thleng thar ber ber i lo ching leh ang aw. Arab uprising an tih mai, khulai Middle East vela ram an buai nuai nuai khu kan hre theuh ang tiraw???

Libya ah lo tan ila. USA kaihhruai NATO chuan a ram chu a run leh a. An ram hruaitu ber Muammar Gaddafi pawh thuruk sawichhuah tur a neih avangin a ram hel kutah rawng takin an thih tir leh hmiah mai a. Tichuan, Libya pawh tunthlengin an la buai hle. Libya pawh hi OIL lama ram hausa tak a ni a. An duhduha an tihkawi theih sawrkar an dinsak leh ta a.

Iran pawh hi OIL lama ram hausa a ni a, amaherawhchu, an hotupa Mahmoud Ahmadinejad hi pa rorum leh dehkhirh tak anih avang leh, ram hausa hlun leh ralthuam nei tha anih avangin, ram dang angin run nghal tawp lovin sum leh pai hmangin an do leh ta. Mi tenawm tak chu an va ni em !!!

A thar ber Syria buaina hi i lo thlir leh ang aw. Syria ramah Assad a kaihhruai sawrkar, mipui pawh hlim taka an awmna sawrkar an tibuai leh a. Mak tak mai chu, Assad dotu hel ho hian USA siam silai leh hmanraw changkang a chhuak thar ber ber an rawn lek ta fur mai hi a ni. A bultumtu ber chu a hriat leh mai thei em aw???

Tunah hian Alleppo khawpuiah an indo mek a. Thilmak lehzel tak mai chu maw, helaia Assad sawrkar do tur hian USA hian Al-Qaeda an chawlut hmiah mai. President Obama meuhin a sawi a ni a. Tihchimit tuma an beih Al-Qaeda bawk chu mi ram chawhbuaina tur atan an hmang leh si anih chu. A thurualpui France pawhin vawiin lamah khan hel ho tanpuina sum leh pai an pek thu an puang dum dum mai.

Hemi do tlattu Russia leh China chuan anmahni hian inremna hi inzawnsak mai sela, ram dang inrawlh loh hi an tanhmun ber a la nih avangin, he ram ropui pahnih avang hian USA hian duhthusamin a che ngam lo mai chauh a ni tawh. I lo thlir zel ang aw..

Similar Posts:

• Corruption, kan hmuh leh hriat phak bak.
• US sipai leh ram hruaitute inkarah thil ri ret ret!
• Taliban Love Triangle (thihna rapthlak!)
• Breaking News : Death penalty for Saddam Hussein
• In hating memory of Saddam Hussein

Recent Posts:

• EIZAWNNA
• Pherh Fesawn
• Nupui neih nawmna
• VDS (Valentines Day Special)
• Valentine’s Day Vangin i buai a mi?

This entry was posted on Sunday, September 9th, 2012 at 6:00 pm and is filed under Information, Opinion, Politics. You can follow any responses to this entry through the RSS 2.0 feed. You can leave a response, or trackback from your own site.