mi(sual).com

Mizoram pumah hriat theih chinah mi 71 ngawt mai mahni intihlum an awm. Heng mite hi:
1) Inawkhlum – 63
2) Inkaphlum – 4
3) Inchhawng aá¹­anga zuangthla – 2
4) Inhalhlum – 1
5) Tuizema zuangthla – 1

A rapthlak khawp mai.

Ram pum huapa ber nihna kan nei nuala; a á¹­ha lam zingah state tenau zinga ramngaw nei á¹­ha ber, damdawi lama hmasawn nasa ber, a mi cheng zat aá¹­anga chhuta midang tana thisen pe (Blood donate) hnem ber kan nite hi a lawmawm em em a; hetih mek lai leh peace bonus-te kan la sawi fo lai hian state ralmuang lo ber a thlan kan ni leh lawi si. A thlang tu chu tute pawh nise a zialo hrim hrim a ni.

Chief Minister Pu Lal Thanhawla vai puja naa a kal chuan Zoram ti ti, a bikin opposition lam unaute thinlungah hmun a khuar thuk hle a; anni chuan campaign nan thiam takin an hmang.

Hemi hmunah hian a puja ve tihna a ni lova; ram hruaitu niin kal ve tura an sawmnaah a kal ve a ni mai.

US President pawh Juda kalkhawmnaah chuan an tihdanin a ti ve maia; chutiangin Muslim ho zingah pawh a ni. Fing ve fu tawha kan inngaih rual hian kan rilru hian tet viau chang a la nei niin a lang.

Zoram buai laia MNF sipai-ten an mi tihhlum chungchang chuan sawi thar a hlawh hle a; á¹­henkhatin tualthata an puh lain anni erawh chuan ‘tual kan that lo, ral kan that’ tiin thiam takin an pha ve thung. A dik takah chuan a awmzia a thuhmun reng tih hriat tur. Hei pawh hian politics-a in chirhtheh nan an hmang nasa hle bawk.

ZONET Cable Network chuan kum danga an tih á¹­hin ang bawkin Mizo Idol an thlang leh a; Saiha lama kan unau Lalthuá¹­haa chu a tling. Hetih lai hian final-a a el pui Chhiahtlang khua Lalbiakmuana nen sms vote hmangin an inel a ni deuh bera; sms hmanga thlanna neih a á¹­hat leh á¹­hatloh chungchangah inhnial fiamna (debate) leh opponion te a tam hle.

Mi á¹­henkhat phei chuan an á¹­an lamte vote nan sim card sing chuang an lei nia sawite a awm bakah lo campaign hial te pawh an awm niin an sawi bawk. Mizo Idol thlanna Grand Finale-a mipuiten SMS Vote hmanga an thlannaah hian Lalthuá¹­haa hian vote 88,022 a hmu a, Lalbiakmuana’n vote 63,577 a hmu a ni.

Mizote hian kan thil uar tawh vek vek chu kan uar hle zel a; a tawp erawh thleng peih lovin a boruak san lai bak erawh kan á¹­ang peih tak tak á¹­hin lo.

Hemi sawi takah chuan hmeichhe gospel singer Lalthansangi zai lawm awm zet mai a lo chhuak a; á¹­awnghriatlohte a tel nawk avangin miin kan copy nasa leh hle bawk. A á¹­awnghriatloh zinga pakhat ‘Heidenrial’ tih phei chu a larin ‘Heidenrial Nite adt’. a tam hle. Over lai phei chu a lar lehzual. Engemawhleka ‘I over lutuk’kan intih fo pawh Mizoá¹­awng ang hrima kan hman tawh nak alaiin he hla thu avang hian over duhtawk mai lovin overlai lo ti kher tawk kan awm bawk.

T.Romana College in an college bula two wheeler dah sorkar-in an phalsak loh chungchangah an lungawi lo hle a; he thil hian mipui dem a hlawh hle. A nihna takah chuan sorkar-in an phal tak loh chhan chu kawngpui a zim sia; traffic a tih jam deuh vang a ni. Hemi hnawk hi mipuiin an dem a chu a ni lo. An dem bera zawk chu anmahni chauh a ti jam tu annih bikloh thu an auchhuahpui duhna thinlung hi a ni an dem zawk a chu. Keimah vang hian thil hi a felin a fello thei a ni tih hi an hre miahlo ni ber in a lang.

Traffic ti jam tu anni lovah an inngai. A dik na chen a awm. Zarkawt lun lai takah TMB pawh ding ruau mahse a dang an din ve loh chuan traffic a jam phah lem lovang, chumi awmzia chu, thil pakhat te mai pawh hian traffic a ti jam thei tihna a nih chu. Two wheeler pakhat bak mi pakhatin an nei lovang, chutiang bawkin motor dang pawh. Anmahni pakhat ta mai avang khan traffic a jam phah hauh lovang. Mahse, pakhat hlir hi tam tak a awm chuan hnawk (jam) a tling mai dawn a ni. Hei hi college zirlai/teacher-te hian an hrethiam chiah lo niin ka hria.

Mister Mizoram thlan na Vanapa Hall-ah neih a ni a, Kenneth Lalhmunsanga s/o Kapthanga Armed Veng South chu Mister Mizoram 2011 atan thlan a ni. Mister Mizoram thlannaah hian category hrang hrang siam niin, chunga pakhatna theuhte zinga tang chuan Mister Mizoram hi thlan a ni.

Mister leh miss-tih vel hi Mizoramah hian kan thlang ve fo a; an hlutna erawh a beitham khawp mai. An tlin zan bak hi hlutna an nei em em pawn a lang á¹­hin lo. Engemaw chu tih a ngai a ni.

Mizorama tlawmngai pawl pakhat Mizoram Hmeichhe Insuihkhawm Pawl (MHIP) chu hruaituteah intih thiamlohna lian tak a awma; an pawl General Secrectary Pi Lalbiakengi chu sum buai chungchangah inhnamhnawiha puh a nih avangin a nihna aá¹­anga chawlhtir a nia; hei hi pawm lovin Pi Lalbiakengi chuan court hial a thleng a ni.Hemi hnu hian an pawl Coordination Committee neih naah thusawi vete tumin a kal a; an Chairman nen pawh stage hmaah an inchhal hial nghe nghe.

Pi Lalbiakengi hian á¹­antu tamtak a nei ve thova; MHIP á¹­hatna duh intite pawhin Aizawlah kawng an zawh tawh hial nghe nghe. Hemi avanga din nia ngaih theih tur in hmeichhe lam pawl thar All Mizoram Women Federation pawh a ding hial a ni. Anni erawh chuan tunhnaia din ni mahse din tuma an hmalakna chu a hma kum daih aá¹­ang a nih tawh thu uar takin an sawi ve thung. An la buai dawn chauh ni pawhin a lang. A ziding leh thiamloh chang zawkite pawn thiam zawk ah an inngai ve ve si a. Thiam nia inhriatna hi buaina bul chu a ni.

Bairabi khuaa tlawmngai pawl hrang hrangte leh political party tinte thawkho chuan Bairabi-a Mizo hmeichhe pahnih, hnam dang pasala nei Mapuii leh Zoramparite chu an khua chhuahsan tura tiin an bungrua an dah chhuahsak. Bairabi NGO-te hian kum 2001 khan ‘an khuaa Mizo hmeichhiate’n hnam dang pasala an neih chuan, an pasalte khuaah an awm tur a ni’, tiin resolution an lo siam tawh a ni. Kum 2005 khan Mapuii chuan Rajasthan lam mi (teak hmanga sumdawng) pasalah a nei a, kum 2007-ah Zorampari’n hnam dang a nei bawk a, fa an nei ve ve tawh a ni. Anni pahnih hi NGO-te chuan resolution an lo siam tawh angin,2011 September thla chhunga an khua chhuahsan turin an hriattir a, October ni 11 khan an hrilh nawn leh a; an thupekin awmzia a neih loh avangin an bungraw á¹­henkhat an dah chhuahsak ta a ni. (18/10)

Hetianga tlawmngai pawl berin an ti mai hian ti ti a ti tam hlea; YMA chu dan siamtu an nihloh thu nasa taka aupui pawh an awm.

Heng an pasal neihte hi India khua leh tui nei an ni ve tho a; an mahni ram chhungah ngei an hnawng mai hian hemi khawtlang hruaitute dem rawn a hlawh hle. (Mizoramah chuan tribal lo tan ILP a ngai tih chu hre ta ila; an ni pawh hian an nei turah ka ngai chawt a)

Mizoram Governor thar atan Vakkom B. Purushothaman, Karela lam mi chu Raj Bhavan-a Durbar Hall-ah Gauhati High Court Chief Justice, MB Lokur-in rinawmna thu tiam tirin Mizoram Governor atan a lalut-a; Governor hna a thawh hnu reivak lovah Mizorama zu khapna dan hman mek (Total Probihition) hlih á¹­ha a tih thu a sawi chuan Zoram ti ti a luah hneh hle. A ni chuan Governor ang nilova a mimal ngaihdan mai a nih thu nasa takin a sawi leh bawk.

Mi tamtakin zu hi sual tinreng bul a ni tiin ngaihdan mawl tak an nei á¹­hin. Kei ngei pawhin hei hi ka ngaihdan a ni ve á¹­hin tho. Mahse, tunah chuan sual tinreng bulah chuan ka ngai tawh lem lova; amaherawhchu, buaina tinreng thlentu a nih erawh ka chiang khawp mai.

This entry was posted on Saturday, January 7th, 2012 at 4:30 pm and is filed under Information, Mizoram. Both comments and pings are currently closed.