High school luh ve laiin ka pa hian sana dial a Moonphase awm hi min bun tir a, Moonphase sana ah chuan Thlabial lai hmuh theihna hi a awm ve reuh va, hun dik thlap ah Thla (Moon) bial lai hi amah hian a rawn in her chhuak thin a ni.
Tudang hriatpui lem loh a Thla bial dawn apianga sana dial ah Full Moon rawn in her lai lo chan chhuah te, sana dial a Full Moon rawn lang leh Thla bial lai tak kha a in ang chiah em tih lo en rual kha ho ang reng deuh chu ni mah se nawm na lai a awm ve tlat.
Astronomer te chu ni miah lo mah i la Astronomy subject teh vak a ni chuang lo bawk a sawi ve tho teh ang. Mihring kan nun leh hun hman tam zawk hi Laws of Nature vangin Cycle hlir in a che tih hi chu tute pawhin kan hre vek ang.
Hmeichhe hun bi neih, Thla 9 chhung nau pai, Chhun leh Zan, Thlabial, Thlasik, Nipui, Fur, Thal, Fibonacci Sequence leh a dang tam tak hi Khuanu ruat sa vek, tumah in kan tih sawn theih miah loh a ni, mak tak maia pianni leh thla ah chiah a Chatuan ram pan leh ta sawi tur pawh an awm nual mai. He Time Cycle hi kan duh thu reng ni lo a Khuanu lo duan lawk vek, mihring in kan tawn chhoh thin te a ni.
Mahni theuh kha han in chhut let mah i la, mak tak mai a kan nunah hunbi zel a thil tawn nei (Time Cycle) sawi tur kan awm ka ring. Tuna Gregorian calendar or Christian Calendar kan hman mek a pawh hi Lunar Cycle in rem dan dik thlap, Thla bial leh Khawvel in Ni a hel dan atanga an chhut chhuah tun thleng a kan la hman tak zel a ni. Hemi vang hian a nia mechanical wheel (Sana) hmanga Thla bial (Moon phase) hun tur pawh a lo chhut lawk theih na chhan hi.
Thawnthu a Werewolf emaw Thla em at an sawi thin ang, Thla bial zana mihring ngaihtuahna rawn danglam ta vek thin ang ni lo hian, New Moon leh Full Moon hi Hun bi (Time Cycle) chhut nan an lo hmang thin reng a lawm le! He Time cycle hi Rule No1, No2 tih anga ziak (Written Rules) a dah chi chu a ni lem lo a, amaherawhchu a huhova tumah pawh in hrilh lem lova thurual tak leh inpawh tak si a hman rual thup a nih thin vang hian bengti var tu ah rawn sawi lang ve teh ang.
Sawi fo tawh angin Stock market ah market price in lum let che kual vel hi Market Sentiment/Market Psychology vang a ni kan tih fo tawh kha, chutah chuan he Lunar Phase hian a hu hova Stock market ah BUY rual dual na emaw, SELL rual dual na emaw kha a rawn awm tir ta thin a ni. Hriat thiam awlsam nan ti hian sawi ang, a hu hovin Professional ho chuan stock market ah investment an ti rual dual thin tihna a ni ber mai, tichuan a pung tha ta maw tih ah a rual bawkin an la chhuak leh dual zel (Profit Book), chumi chu SELL (Redeem/Surrender) ka rawn tih hi a ni e.
Hetiang a an chet rual dual na thin rawn awm tir tu mihring rilru a kha Investor/Trader psychology an tih a chu a nia, Lunar phase kha Entry Date leh Exit Date chhut na atan an hmang ta thin a ni. Hetiang a huhova an BUY laia lo SELL tlat te, an SELL laia lo BUY tlat thin ho kha Market a loss thin ho chu an ni, eg: Market (Sensex/Nifty) san tawp lam, a tlak dawn hnaih tawh lama ULIP leh Mutual Fund (Equity) ah Investment lo ti thar tlat ang kha Professional ho Sell laia lo BUY ang chu a ni mai. Khatiang a ti thin ho kha Stock market ah an loss loh pawh in an Fund Value a minus ngei ngei. A nih loh pawhin KUM 5 hnu ah te ngai awhin an la chhuak tawk zel.
Market sentiment leh Time Cycle hi awlsam taka kan hriatthiam theih dan tur chu Festival chi hrang hrang ah mitin maiin engemaw tal lei kan duh na rilru ang kha hemi Time Cycle leh Market sentiment hian a huam thei ang. December (Christmas) thla ah kher mamawh vang pawh ni lem lo va thil thar neih kan duh na ril ru kha Market sentiment chikhat chu a ni. Khatiang chiah khan a huhova Professional hoin sum hlawm tam tawk nena an BUY thut duh na leh SELL thut duhna kha Market Psychology/Sentiment ti a an sawi thin chu a ni.
Click here
Lunar Phase (Full Moon & New Moon) leh Stock Market in laichinna hi ”Wall street crash of 1929″ pawh khan an lo sawi lang daih tawh a,” ka hriat tirh chuan ka awih lo lutuk kha ka nui hawk hawk nghe nghe a ni. Mahse chung Pathian in mihring awm hma atang tawh a, hunbi (Time Cycle) chhut nan alo ruat lawk hi Stock market leh thil dang tam takah hian a lo awm teh meuh mai, a lo va hman tlak teh reng em!”
Duh aiin a thui tlat mai, Stock market investment lama tui te tan, heti lamah hian chhiar chhunzawm ang
Click Here
Similar Posts:
- Black Monday Part IV
- November thlaah double full moon
- Sensex
- Blue Moon
- Sensex Prediction Comes True!
(Y)
January 7th, 2012 at 9:37 pm
Chhiar hrihlo phawt teh ang 😀
January 7th, 2012 at 9:37 pm
Khai le…
January 7th, 2012 at 9:42 pm
Ka hrethiam pha lutuk lo!
little-boihsuki mai mai chuh!
January 7th, 2012 at 9:42 pm
khaia hrethiam chiangkuang tur chuan chhiar nawn fo angai ang a ka la bo hrih :-S
January 7th, 2012 at 9:47 pm
ka chhiar nawn leh pawn ka la bo hu tho mawle 😛
January 7th, 2012 at 9:50 pm
:-S
January 7th, 2012 at 9:52 pm
Pakhatna khi ka pawt thla nang a. 😛
Ka bo map mai a. Ka chhiar thla ve zut zut a, ka bo telh telh :-S
January 7th, 2012 at 9:55 pm
Ka hrethiam tep ani.
January 7th, 2012 at 9:57 pm
#5 stock market chungchang a ni mai alawm lo bo tawh suh :-O
January 7th, 2012 at 9:57 pm
A lo ni maw, a bengvarthlak e. (Y)
Ka nu hian lei a cheng mihring, nungcha leh thlai zawng zawngte hian van thla khi an ring/innghat a ti thin. Nu naupai a ni zat a an chhut a la kim lo te pawh hi thla det leh det loh a pawimawh zawk a ti tlat zel. Thlai chi kan thlak/tuh dawn pawhin thla vanglai kherin kan tuh thin, thlai kan nei chhe ngai lo. Ka pawm zawng tak post a ni. (duah mai a) ot lutuk lovang chu maw. 🙂
tren tren.
January 7th, 2012 at 9:59 pm
Pathianin He khawvel hi a Axis-ah a speed ngai pat a a vir tir chur chur avang leh,Speed ngai pat a Ni a kal hual a vang te, Thla-in kan lei a orbit-ah a speed ngai pat a a hel avangte hian, Scientists leh Astronomers te tan chuan chhut fel thlap theih tur chu ani. Mihring finna a san zawh poh leh Pathian finna lo thuk zia leh a thil siam Scientific leh Ropuizia hi chu an hai chhuah belh zel ang. :-O
January 7th, 2012 at 10:10 pm
Lunar phase sawi takah chuan, thla bial lai hian; thla a eng thei lutuk. :-S
January 7th, 2012 at 10:20 pm
Tha ve reng (Y)
January 7th, 2012 at 10:26 pm
Ho mai mai : Kan planet hian Thla hi pakhat aia tam nei ta se a khawi a ber kha nge hunbi chhut nana hman tur niang le? :-O
January 7th, 2012 at 10:27 pm
Ka hriatthiam hmaloh chu ka chhiar rihlo ang. 😛
January 7th, 2012 at 10:29 pm
Comment a nawi hlawm mang e!
Thla khi sumdawnna nen a inzawm tihna ami? 😛
January 7th, 2012 at 10:30 pm
@Chhangteval: Kan planet hian Thla chu han nei phot se, chuan a hman tur ber chu kan chhut chhuak leh dawn nia, a neih phawt loh chuan chhut har em mai 🙂
January 7th, 2012 at 10:34 pm
A bengvarthlak thi mang e. Savawm leh bawngkawlh inbeihna tualzawlah, tunlai chu savawm a chak tluang par par hle mai. Hmanah “Chemte hmawrzum hnuai lam pana tla thla, kutlawnga lo man din tum ngawt hi a tihchi miah loh,” i tih tawh tak kha maw le.
January 7th, 2012 at 10:34 pm
#17 maawma, eng tik ah nge kan neih dawn? 😀 (fiamthur)
January 7th, 2012 at 10:40 pm
Sana sawi takah chuan ka pa te naupan lai hian an rethei viau thin a. Zingkar a hnathawk haw lam hian a thianpa hnenah dár zat a zawt a. A thianpa chuan,’A man i thawh ve lo,’ tiin a hrilh duhlo ani awm e. Ka pa chuan,’Ka intuak char char a a sana aia tha HMT ngat ka lei e,’ a tia lawm.
January 7th, 2012 at 10:45 pm
he post hi chu a ril lutuk a ! a sawi pui thei an vang aniang haha!!
January 7th, 2012 at 10:48 pm
@Tuaisiala: Tunlai chu star i khel deuh tlat in ka hria :-). Sumdawnna nen chuan direct chuan in zawm chiah lo e, mahse Company a investment ti tur ho hian ni ruat bik chhut nan an hmang thin a……
@Sangpuiipa: LOL
@Caribou: Savawm chuan nawr na tak an ni 🙂
January 7th, 2012 at 11:04 pm
Sana hi ka bun peih ta mang lo
January 7th, 2012 at 11:09 pm
Man phak bak pawh hi han chhiar chhuak dap zel mai ila; hlep a la awm tho tho ange. Good post. (Y)
January 7th, 2012 at 11:14 pm
Bengvarthlak hrim hrim e, hrethiam pha lutuk lo mahila. Pathian ropuizia lantirna ti daih teh ang. A thilsiam ‘mihring’ thluak that zia hi.
January 7th, 2012 at 11:18 pm
Chhawrthlapui hi kan veng lamah chuan power cut a awm lem lo nen, air polution vangin van lam lang mang lo nen, kan chhawr lem lo khawp mai. Lunar cycle in mihring nature tlem tlema a tih danglam chu thil awm thei ani. Financial market lah hi sentiment, fear, greed, adt vanga che dual dual ani si a. He post hi ka awih e, ka tihna.
January 8th, 2012 at 1:07 am
Maawma te thil hisap-khitap hi chu kan man thiam ve lo..a dollar ruih mai a, wall street nen 🙂
Sana lem ka hmuh khian ka sana hi ka hre chhuak zawk mai..delhi MZ house a ka kheuh bung a, a chawpekna lai hi..service centerah a crown thlak man 3500 INR, chu pawh thla khat i nghah angai.. sala..sapram ah awlzaw ang ka tia..a lo awl lo..ka la dah mai mai..to ve fung sia..paih dawn chuan sana nisi paih loh dawn chuan awmzia awm bawk si lo 😀
January 8th, 2012 at 2:59 am
Ka fate tlaiah an thil ei an puar deuh va, zanriah an kil ve duh lova….hei zanlaiah an riltam leh si, mut chhuak a reh , kan online a @maawma post anih vang tal pawn kan comment teh ang.
i sana ang deuh hi sana ka nei ve, mahse i sana ai chuan a tlai deuh nge a la fullmoon ve lo!
http://i1093.photobucket.com/albums/i424/lushai007/070120121153.jpg
Kei pawh ka la chhuak vek, a pung a tha lo em mai!
btw : Sef-a te kha kuhva hring rawn thawn rawh auh!
January 8th, 2012 at 3:10 am
maawma hi chu stock lam i ngaihtuah thin bawk a, i thil thlir kual dan ila ziak chhuak thiam leh zel pek a! Uluk takin ka chhiar chhuak a, thawnthu ang maiin ngaihnawm ti takin ka chhiar chhuak e. I chhui ngaihnawm thiam hle mai, kan ti ve thuai mai teh ang hairehai (Y) 🙂
Stock… thlatin a tha lai umin ka thlak kual vel thin. Mahse, engemaw thul a inven nan tiin, bond ah a chanve ka dah…. !
January 8th, 2012 at 6:12 am
Kan banner thar chu a nalh dawn khawp mai ! Men at Work PWD ! tih kha kan naupan lai khan an uar thin khawp mai..lolz
Vei lamah hian (Banner RHS)Mobile phone atanga online lai ziak tel law law u la. Misual.com hi mobile phone atanga online hi a tam zawk an ni awm a sin!
Zanin chu a comment that theih mang loh error a pe zel nia maw le :-O
January 8th, 2012 at 6:36 am
@Pu lushai_er: Banner dinglama men at work tih inziak khi, misual.com plugins vel an khawih chhunga an dah a nih khi. Admin-te’n misual.com an thawmthat chhung, misual.com a lo that zawk nan hna an thawk mek tihna a nih khi! 😉 Nakinah an lathla leh dawn, Sir Sandman-a’n a ti. OT palh.
January 8th, 2012 at 7:21 am
Informative khups mai..ngaihtuah ngai lem loh ania
January 8th, 2012 at 10:38 am
ka hrethiam vek lo naa bengvar thlak hle mai. 🙂
January 8th, 2012 at 10:52 am
Sawi ngaihnawm thiam ve, Sensex/Investment lam hi chu sawi ngaihnawm har ber ni hian ka hre ve tlat.
Lunar Theory hi India mai nilo Asian Markets,a bikin Japan leh Hongkong Market ah hian a lar khawp mai. Thla de tir atanga ni 15 chhung hi thil engkim bul tanna leh hun tha ah an ngai a, hlawk ngei turah an in ngai thin. Ni 16 na atang chuan thla kha a reverse zawngin a kal tawh a, a ral leh tawh a, hun thalo ah an ngai tawh thin. Hetiang hi a tak tak a ni mai awm mange tih theih turin chanchin mak tak tak sawi tur a tam mai. (Y)
January 8th, 2012 at 11:59 am
Stock market nen chuan in chiahpiah ve loin hrethiam ve chiah lo mah ila..a ngaihthlaknawm/bengvarthlak hrim hrim e 😉
January 8th, 2012 at 12:14 pm
sana dial a Moonphase awm kha a lawmawm ve ngawt mai.Fur lai te hlei hlei khan thlabial hun vel kha a lo hriat ve thlap thlap theih a. Sana lei leh hun chu Aizawl Watch House atang ngei in, moonphase awm ngei kha lei ve leh teh ang. 😛
January 8th, 2012 at 12:17 pm
22
maawma Says:
January 7th, 2012 at 10:48 pm
@Tuaisiala: Tunlai chu star i khel deuh tlat in ka hria :-).
😛 😛 😛 😛 😛 😛 😛
January 8th, 2012 at 12:36 pm
Thla leh stock market inlaichinna lam a ni maw??thla tel lo pawhin miin stock market che vel uluk taka an lo zir reng te chuan lei hun leh hralh hun chu a inrual deuh dual tho lo ang maw??
January 8th, 2012 at 12:44 pm
#37 (Y) 😀
January 8th, 2012 at 2:19 pm
@Shailendra: TY em em 🙂 🙂 🙂
@lushai_er: I sana ang kha chu a engineer bik tlat, khatiang bun tawh kha chu Engineer an ni duh bik khawp mai. Vai ho hian Sana bun atangin White collar job thawk hi an hriat theih e an tia lom. Tak tak ni maw. Kuhva hring chu kan rawn thawn dawn e 🙂
@pkfanai: Pathian thil siam mak zia hi chu engkimah hian hmuh theih turin a awm chiang a lawm
January 8th, 2012 at 2:29 pm
@Jacka Pi: Moonphase chu Time cycle chhutna pakhat kha a ni mai a, investor/trader ho chuan entry an hmuh hian pakhat atang chauhin an en lo va, technical indicator, chart pattern, business news, dollar index etc etc atang khan an zawng thin a ni ber. Chuan Entry/Exit an hmuh lai leh moonphase a in rual ngat tawh chuan Bel chhung sa a ni mai, Fian pui nen a tui hang hawp tura luhchilh tawh mai tur a ni ber.
@lrpa: Tui phel dan kha min lo hrilh ve teh, tui a rawn hawng tha lo lutuk a, phel ila kan indaih deuh mai thei nia, barrel khat hi barrel hnih ah chhuah teh ang, no khat chauh a in bual ziah mai, nin awm tawh lutuk 🙂
January 8th, 2012 at 2:33 pm
maawma paws hi chu dam chuan ka chhiar hmaih dawn lo rengs! (Y)
January 8th, 2012 at 2:41 pm
@Kawlhawk i paws hi lawm ngaihnawm thei, ka chhiar kia suk zel, kan nu lah chuan “Misual i chhiar hian, ngawi rengin lawm lohin i nui ang ver ver rengah” te chu mi tih phah leh nghal 🙂
January 8th, 2012 at 2:42 pm
42 & 43, ni ru, ni ru!!
January 8th, 2012 at 2:55 pm
@Aduhi: LOL Star ka duh ve, Tribal quota a awm em?
January 8th, 2012 at 3:03 pm
@maawm keimah hi min star la, star i nei ani mai.
January 8th, 2012 at 3:06 pm
naaaa… au aduh, keiman ka (*) daih tawh che… tikhan inzuar vak suh, maawma te chu putar alawm a nih 🙂
January 8th, 2012 at 3:11 pm
😀 😀
January 8th, 2012 at 3:16 pm
@H.Vangchhia: Bond nena tankawp kha midang pohin an tih thin dan tho a nia, a tha lom, Diversification ni mai. Mahse thil pakhat chu Trend um hi a fuh vak lo a nia, tlai palh chuan a dang chan leh zawk zel hi a fuh an tia lom.
January 8th, 2012 at 3:18 pm
Aduh, tlangval ka awm hi. Mi pa an in-star-tir vak vak ngai lo. Chhangteval te, Soberboy leh lr hlonchhing te pawh an la awm mah mah a. Midang pawh ka la hre teuh.
OT loh nan, post tha tak a ni.
January 8th, 2012 at 3:21 pm
Phek tharah nun thar leh rilru thar nen bul i tan ang aw..
January 8th, 2012 at 3:33 pm
Ka hrethiam vek em phei chu ka hre lo a…a ngaihnawm chu ka ti takzet e. Maawma
January 8th, 2012 at 3:54 pm
@ReMpY_ScisSoR: Ti lawmawm e
January 8th, 2012 at 10:46 pm
KA hrethiam lutuk lo na a, ka chhiar chhuak vek tho e..
January 8th, 2012 at 10:48 pm
Stock market a tui tan chuan post tha tak chu a va ni dawn ve aw…
January 10th, 2012 at 1:38 pm
Tha khawp mai. Kei hi chuan kan khuaa State Bank pawh ka la lut ngai si lova, Stock Market tih vel hi chu hriatthiam ka la tum duh rih lo mai.
January 10th, 2012 at 1:51 pm
Hetianga planet hun in her dan leh mihring nunphung relation chhuitu te hi Astronomers ni lovin Astrologers an ni a, Scientist ah chhiar ni ve lovin an awm hrang ve hrim hrim a ni. Isua lo pian dawna khawchhak mifing Bible in a tihte pawh kha Astrologers an ni. Hmanlai kha chuan mifing leh Pathian chanchin hre ber tura ngaih an ni a, tun ang khawvel ah chuan rin an hlawh vak tawh lo a, mifing leh mithiama ngaih aimahin dawi leh zawlnei lam huang ah an khung mah tawh zawk
January 11th, 2012 at 11:50 am
@57: Astronomy leh Astrology chung chang ah chuan han sawi zau tur vak pawh ka hre lo a, http://en.wikipedia.org a mi tih mai loh chu. Astronomia chung chang hi i hriat hmel tlat, han sawi zau deuh teh, beng ti var tu ah tal. Crystal bowl etc etc ngaihnawm viau ang…..
Pathian thil siam hi ka ring hleuh hleuh em 
Dawi thiam leh Zawlnei in an dawi chhuah pawh ni miah lo, Chung PATHIAN in “Lo awm rawh se” a tih vanga lo awm ta mai!! Lunar phase erawh hi chu Stock market ah Time cycle chhut nan chuan a rin tlak tih hi chu ka ring ve tlat nia mawle, Ve tlat mai a
January 11th, 2012 at 11:52 am
Lan theih reng hi —–^ haha
January 11th, 2012 at 11:55 am
@Funny, nia lang leh thei sia, ha ha. Ka test na a nia a rawn lang leh roh a, ti dang lam leh nghal daih. link dah khi tlem ti danglam a lang thei leh si :-).
January 11th, 2012 at 12:20 pm
lang miahlo a comment dan —–v
January 11th, 2012 at 12:21 pm
January 11th, 2012 at 12:25 pm
@62 LOL