Pumchhum rual lek lek hi in ngaina ve em? Nung tha vat vat, let deuh bat bat, han man dawn a nal deuh zak, pit chhuak deuh zak zak, man ngheh hleih theih loh hi 
Inrinni zing bazaarah hi chuan hmuhnawm tiin ka thlirkual ve ziah thin. Plate 1 ni Rs 100/- atanga Rs 200/- an chhiar tlangpui a.
Leilet buh phun a tui, bial chhung a khung rual hian, sangha chi, a la te deuh leh lian deuh te hi bial chhungah khung luh tel anni thin a. Tichuan, kumtawp-ah seng anni ve thin ani. Bial chhung a a lian sa deuh dah annih chuan, kumtluan in man a zawrh chhuah tur in an awm ve thung a. Leilet neitute tan sum hnar tha tak a ni ve a ni.
Bazaarah hian Phai (Vai ram) atanga lak luh sangha te hi zawrh tel ve anni tho a. Heng sangha te erawh hi chu an lian deuh. Pumkhat Kg 3 leh chu aia lian mah te pawh an awm a.
Vawksa, Bawngsa leh Arsa bakah hian sa chi dang, bazaar-ah hian hmuh tur an awm ve thin tho mai. A battery, a thin them leh a sa hrang, khai 1 Rs 100/- a lei tur awm thin te hi tam tak tan chuan a lawmawm ve thei hle a ni.
Pawl han tuam a hetiang han man khawm ruih mai te hi zopa tan chuan hlawhtlinna chi khatah ngaih thin a ni. A kap nam te hlei hlei, te pawh an ti thin a ni lawm ni kha…
GI Joe hi a seh hmeh atan a tha an ti chawk a, eng seh hmeh atan ber nge maw tha ni dawn ni… Ralleng rama lehkha zir lai khan, tum khat chu picnic in kan kal a, chaw kan ei dawn a,kan zirlai pui hmeichhe pakhat khan a jacket ipte a zen ruk ruk a, fry pawh ni lo, nisaa pho ro hi a rawn phawrh teuh mai a, a ruk a nuih a ngai si a, a hrehawm ang reng.
Hetiang hi a chang chuan hmuh tur hi a awm ve leh nawlh thin. Ramsa khuahkhirh zingah a awm avang hian han lei mai chak awm thin hle mahse a inthlahrunawm duh khawp mai.
Thlasik lai a, a tuang chhah tha tak mai han chhumso let but but mai hi chuan, pa ber hi thuk bulah an vir vut vut zel mai a ni ber awm e. Sanghal hi Mizoram a kan ramsa neih zingah chuan a thahnem ber anni hial lo maw?
Sa hlir pho chhuak lo in, sa lam pang a ni ve lo hi i telh ve ang hmiang.
Bonus Pic: Tukin, zing ni chhuah hma in, kawt a Rose hnah hi ‘frost’ in a lo bawh ve chiai a…
Similar Posts:
- Chemphai Leilet
- Leilet i thlir zuai ang u hmiang.
- Kawlkulh leh Hliapui inkarah motor a chesual, mi 2 an thi
- Sangha in man ve ngai em?
- VL Kut Nuai
January 15th, 2012 at 4:25 pm
Vahrit hnuai ami, sunhlu nilo zawk khi engnge le? Ka hre deuh sia, ei chi emaw ni le!
Report this comment
January 15th, 2012 at 4:30 pm
Nungcha humhalh-ah hian hma lam pan chu a tul tak meuh mai. A bik takin population tlem tawh te phei hi chu. Nungcha, kan ram atanga bota hi an va han tam tak em.In lama ranvulh sa ei hi duh tawk dan in zirtir uar ta i la. Sazu erawh hi chu a ei duh awm chuan ei zel pawi lo ber te zing ami a ni. Wildlife Act-ah pawh ‘vermins’ thah pawi lo te zing a tel anni a.
Report this comment
January 15th, 2012 at 4:32 pm
@lrpa #51, kawhtebel zik a nih khi.
Report this comment
January 15th, 2012 at 4:36 pm
53..Pu Shai..thanks, a ang ka ti deuh reng a, khi tiang em em han eite chu a
Aidu bul an cho a an zuar thin pawh hi tlem chuan an ti mah mah in ka hria, aidu tak ai in a tui phei chu ka ti zawk daih
Report this comment
January 15th, 2012 at 4:43 pm
Sap kangthai, nettle hi europe ah hian hnim tual to ani ve a, Ray mear a tih dan in ka rawh thuak a, a tui ve khawp mai.
http://en.wikipedia.org/wiki/Stinging_nettle
Helaiah hian borraja, antam ang deuh mahse hling tam deuh nei a awm bawk a, min kang ve chuang lo a, min chhun ve satliah chauh a. A chi ka lo zawng teh ang, a tui ve khawp mai..
http://www.google.es/search?q=.....38;bih=669
Report this comment
January 15th, 2012 at 4:46 pm
Artichoke pawh hi kan nei lo ani mai thei, Mizoramah hian chin ve theih tak maw..
http://en.wikipedia.org/wiki/Artichoke
Pa mushroom pawh hi an ching nasa ve khawp mai, a helin salad ah a tui khawp..
https://www.youtube.com/watch?v.....re=related
Report this comment
January 15th, 2012 at 9:02 pm
Mit a tlaiin chil a tiput nasa khawp mai.
Report this comment
January 15th, 2012 at 10:53 pm
Sangha hi chu sa ‘tak tak’ ah ka chhiar ve vak lo. A ruh awm lo chi hi ka ei a, a nih loh chuan ka ei khât khawp mai.
Vawksa rep leh bawngsa chhum han tluka tui tih ka nei lo chawhmehah chuan. GI Joe, Khuaino etc. vel hi chuan ka lung a len pha meuh lo.
Report this comment
January 16th, 2012 at 3:03 am
Sangha khi ka hmuh hian Pawlthum Serkawn a “Chhura Sangha Vuak Hla” kha ka hre chhuak tlat mai!
” Hrailengte lawm tur lengha ka hawn lo,
Chhimthlipui iang Thailungliani engtin hrang maw…” te,
“Lengchawm beng Tawkdangi chawnban vuanin,
‘Chhei! amah Tun-khaia’….” tih te kha !!!!
Report this comment