Lungleng vang

January 18th, 2012 4:00 pm by RZA

A leng a ni ang, ka suihlung hi,
Ka chhingmit ka meng na a,
Ka hmu si lo engmah reng;
Ka thil hmuh chu hmuh theih loh,
Suangtuahna mit nena hmuh chi chauh.
Ka ngaihtuahna chu hla takah,
Ka taksa awmna atanga hla takah,
Hmuh phak loh kawlvalenchhamah a awm zawk si.

Ka thinlung hi,ka ta a ni takna a,
Keimaha bettlatah,lo ngai thin mah ila,
Ka thinlung ngei hian min hlat em em si.
Ka thachakna leh ka paukhauhna zawng zawngte,
Ka tleirawl rilru luhlulna zawng zawngte kha,
La nei reng leh neih reng tur emaw tiin,
Kumkhuaa ka ta emaw ka lo ti thin a,
Mahse chung zawng zawng chu lakbo a ni ta si.
Lunglenna hian tuiekin kahpathir a ei ral riai riai ang hian,
Hningnun thalai hi a ei ral riai riai thin a lo nih zawk hi.!!!

18 Responses to “Lungleng vang”

1
DXBFreak Says:
January 18th, 2012 at 4:05 pm
No comment
2
lr hlonchhing Says:
January 18th, 2012 at 4:05 pm
Tha khawp mai
3
CFL Says:
January 18th, 2012 at 4:11 pm
4
DXBFreak Says:
January 18th, 2012 at 4:17 pm
Kan OT lok, tun nihnih khat vel hi Tatrawta ava vang ve, comment tam result kha an dah bo daih vang a maw ni le

U Tatrawt lam ang lo let leh rawh
5
Dr Mahminga Sailo Says:
January 18th, 2012 at 4:24 pm
Tha hle mai…

A thupui erawh Lunglen vang ni zawk tur awm tak? Lungleng vang ni lo in… (Lo ti hram te’ng)
6
superpinqponq Says:
January 18th, 2012 at 4:29 pm
Nia, ‘lunglen vang’ tih zawk awmtak ani..
7
TuaiSialA Says:
January 18th, 2012 at 4:35 pm
Ni e, Dr. Mahminga comment ang khian. A tha ka ti khawp mai. A thu hi a un khun hlun lem lo va. Mizo tawng thiam (poetry) lampanga tui em em lo tan pawh hriatthiam a awl khawp mai. Mi tam zawk chuan poetry kan phuah hian un lutuk leh mipui nawlpui hriatthiam phak loh tur khawpa phuah kher kan tum thin a; hei hi a pawimawh ber em aw ka ti. Tawngkam tluangtlam pangngai tak pawhin poetry hi a phuah theih a ni, tih hi ka ngaihdan dik tak a ni. I phuah thiam khawp mai.
8
Chheha Says:
January 18th, 2012 at 4:57 pm
Rza i rilru a thil awm i ziak chhuak thiam ngei mai, in intawn leh ngei theih nan duhsakna ka hlan a che u….
9
sheldon Says:
January 18th, 2012 at 5:45 pm
Tunlai chu i luangliam a ni e
10
hnarliana Says:
January 18th, 2012 at 5:50 pm
tha khawp mai….lunglen vang liau liau ani e…
11
Pc-a Says:
January 18th, 2012 at 6:11 pm
A lung zawng a lengve ngang a nih hi. RZA hi…..
12
RZA Says:
January 18th, 2012 at 6:16 pm
a liam zawih zawih a nih ber hiiii…… ka uluk viau a maw ka tih pawh hian mistake ka lo nei leh thinnnn
13
Tete-i Says:
January 18th, 2012 at 6:28 pm
#RZa..I thiam khawp mai….. ziak zel rawh…
14
Kawnga Says:
January 18th, 2012 at 7:54 pm
Lunglen hi chu la naupan deuh vang a ni duh viau a, a nih loh tal chuan buai vak loh vang a ni duh khawp mai.

Tha khawp mai.
15
Jacka Pi Says:
January 18th, 2012 at 8:36 pm
Hei hi a luangliam thei khawp mai… A dup deuh hnup tawhin ka ring
16
dolly dollz Says:
January 18th, 2012 at 9:08 pm
Hnuk i ti ulh alawm le.
17
LR_rengsi Says:
January 18th, 2012 at 9:28 pm
I phuah nalh hle mai….ka super like e..:-)
18
lianchhiara Says:
January 18th, 2012 at 10:24 pm
Lungleng lo tan chuan, ‘I va peih mai mai e aw..’ tih mai tur chi i nih hi. Mahse, lung a len loh chuan thu leh hla hi ziah tur a vang duh teh a nia. Lung hi han leng ngat mai se, chumiin a hrinchhuah thu leh hla chu a ngan bik thin.. ( an ti a ni awm e )