Vai velhnaah ka la tel lo va, tualthattu leh pawngsual chîlnaah ka la tel hek lo. Tel lo mah ila, ka Mizopuite’n tun kum sangbi thar, IT khawvela kan chuankai hnu pawha an la kalsan theih miau loh avangin ka inthiarfihlim bik thei lo. Vai ka velh ve a ngai; Burma mi ka hnawhchhuah a ngai!
Vai vel ang!
Kan kut hi a va han za ngawih ngawih tak em! Kan kuttum hi hnam dang lakah kan va han chhuang tehreng em! Khawi emaw lai vai pakhatin Mizo nula a pâwngsual a, vai zawng zawng vaihma vek kan tum ta mai ṭhin. Hei hi pawngsual kan duh lohna ngawr ngawr ai mahin vai kan huat vang hrim hrim a ni lo’ng maw?
Eng vanga vai hua nge kan nih? Mizoram buai laia Mizo mipuite chunga vai sipaite chêt dan ràwvâ lutuk hrinah kan puh lo thei lovang. Hei hian Mizo mipuite-ah thil ṭha lo tak a hnutchhiah niin a lang. A nih loh vëk leh, kan rama hna hnuaihnung ber bera kan ngaihte thawktu an nih vang a ni ngei ang. Hemi vang a nih ngat chuan ram intodelh chu khawi lam riangvaiah! Mi hausa chapo hlir bak kan inkhawi chhuak lovang.
Tichuan, chu’ng thil te chuan kan kut tha hi a tiza ta zek zek mai a; pawisawi lo thleng thlengin an tuar a, phuba diktak chu kan la chho mek a nih hi. Mahse, heti chung hian kristian 100% kan la inti! Kristian 100% ni-a inchhal tan chuan Deuteronomy 32:35 kha kan hre reng tur a ni ringawt.
Tin, a tu-a te mai pawh hian dân hi kan pawisa lo. Roreltute’n an lekkawh ṭha tawk lo va, mipuite’n zawm kan tum hek lo va; zawm hi kan tihmakmawh a ni tih pawh kan hre lo. Keimahni-a rorel kan tum a, keimahniin thubuai rem kan tum ṭhin; khu’ng an ramah NE mi tiin min hmusit em em a, a haw hlei hleiah kan ṭang ta dah a. An tel lo lahin kan awm thei der si lo.
Kan inenfiah deuh chu a ngai e. Vaipain thil a tisual a nih chuan, thil tisualtu chu kan manchhuak a nih pawhin roreltute hnenah kan pe mai tur a ni. Vai kan haw lovang a, thil tisualtu kan haw zawk tur a ni.
Burma mi hnawtchhuak ang!
Eng kan ti nge, khawchhak lam mi Burma mi tiin kan hmusit em em a! An inbualna thlî in mai mai kan nih hi! Awmpui tur kan duh a, kan zawn beidawn hnuah Burma mi tal pawh tiin kan la au kan la au a ni lo’m ni? Kan thinlunga Burma mi awm hi bo tawh teh se!
Burma aṭanga lo chhukthlain tual a that a, a lo chhukthla zawng zawng hnawhchhuah kan tum hnuhnawh a! Dân lova lo lut an nih chuan tual an thah hmaa hnawhchhuah mai tur. Kan hmusitin kan diriam em em a, ṭhenkhat lahin an ‘Burma mi’ nihna avang hrim hrimin kan lo hnuaichhiah ve em em ringawt a. Inenchiang teh u!
Inlaichinna lama thlir paw’n i thlahtute an ni a, i unaute an ni. An awmna lah chu kan pi leh pute lo chèn hrep tawhna hmun a ni. A awmzia chu — chuta ṭanga Mizorama chhukthlate’n kan chhukthlaksana te kan hmusit tihna mai a ni. Kristian inti chuan I Johana 3:15 chhiarin hre mawlh rawh se.
Tu paw’n thil lo tisual ta se, a nihna vang ni lovin a thil tih avangin i haw zawk ang u. ‘Burma mi-in tual a that’ ti-a chîlhlum nghal mai tum lovin, ‘Misualin tual a that’ tiin man ila, roreltute hnenah i pe hmak zel zawk mai ang u.
Mi chîlhlum te hi a ṭhing tawh lutuk!
Similar Posts:
- …tual tual…
- Mizoram ah Burma mi nih a vanduai thlak khop
- Kerh Kerh…
- Aw Zoram, harh rawh; harh lul rawh!
- Mizo ka ni lo.
:-D
:)
January 20th, 2012 at 1:34 pm
Tren tren
January 20th, 2012 at 1:35 pm
Post tha tak a ni.hehe
January 20th, 2012 at 1:39 pm
Hei chu Pu Prof. Rev. Dr. KC TuaiSialA MBBS, MD. Ph.D, LLB (Gauhati High Court) post a ni tlat mai. Hman veleh ka chhiar ve ang.
January 20th, 2012 at 1:45 pm
Eng vak ti lo ve…kan suahsual tukhum pawn vang mai mai a ni e…han ti mai ila chu thenkhat chuan kan helh viau mai thei a ni. 😀
January 20th, 2012 at 1:47 pm
ava rapthlak em! 😀 kan sual em ani 🙂
January 20th, 2012 at 1:49 pm
dik chiah alawm….
January 20th, 2012 at 1:59 pm
Eng kan ti nge kan degree-tehi kan chhuan tak em2 ni? 😛 :-O :-O
khawnge mizo nun mawi tak ‘inngaihtlawmna’ te kha??
Post tha khawp mai. (Y)
January 20th, 2012 at 2:00 pm
E khai,Dr Tuiasiala etc etc… nge nge i sawi tha thin e,i sawi dik chiah,full support e. (Y) mawlna chikhatah ka ngai kei chuan.
January 20th, 2012 at 2:12 pm
Ekhai. chhiar phawt teh ang
January 20th, 2012 at 2:15 pm
tupa nick sei sei… Ka vei zawng tak a ni.post tha tak a ni.
January 20th, 2012 at 2:28 pm
Khaia awwwwwww……!!!!!
#8 leh #10 chu!!!! 😀
January 20th, 2012 at 2:29 pm
Post tha tak a ni, ka thlawp e… (Y)
Vawi khat chu, thingtlanga (lirthei a lut lo) ka pi damlo kan kan/tlawh dawn in, vai chhang zuar hi kan rualin a kal ve a. A hah hmel kha ka lainat tlat pek a, a chhangkawh kha ka kawh chhawk ta a. A rit si, khatianga kan veng thleng a kawt thleng thin ka ngaihtuah hian a hahthlak turzia kha. Chhangthawp pakhat pawh ka hlawh chuang lo, mahse vai chhang kawt ka chhawk thei ve hrim hrim kha a nuam dangdai ve tlat.. 🙂
January 20th, 2012 at 2:31 pm
A tha ka ti khawp mai. Kristian chu misual ah Hindu ho inmin ngaih phaw a, missionary kan tirh chhuah ve te pawh hi hal hlum an chak hliah hliah mai. A chhan chu I sawi ang chiah ki a ni. Vak kan hmusit in ka vel vak vak zel a….
Mizo te hi kan thangharh hunah chuan a va han zalen dawn tak em mizoram hi. Tunah chuan a Mizo ngei ngei te pawh in hreawm kan tih na lai a tam tawh lutuk!!
(Y) (Y) (Y)
January 20th, 2012 at 2:40 pm
A dik e. Inenfiahna tur leh insiamṭhat ngaihna lai hi kan ngah viau a ni.
Vaiho leh Burma mi kan tihte pawh hian kan Pathian Thu hi zawm ve hlawm se ṭha lehzual tur a nia le.
January 20th, 2012 at 2:46 pm
I nick mai2 chu(h).. Mahni theuh kan in enfiah a ngai a nih hi… (Y)
January 20th, 2012 at 2:59 pm
Pu Reverend, i ziak tha e. Kan la mawl deuh anih hi. Mob Rule kan la dahsan chhung chuan i thusawi hian awmzia a neih thui ka ringlo. Mi pakhat sualna avanga a chipuite zawng zawng kan han tawrhtir mai thin hi chu Kristian te tih atan chuan a mawilo lutuk.
Phaiah kan nula tlangval te lehkha zir leh hnathawkin an awm, foreign ah te thleng pawn. An zinga mi pakhat sualna avangin kan chipui te chungah harsatna thlen ta se kan duh bik hauh lovang.
Ram leh hnam tana pawi tham eiru tu kan kawk ngam lova, kan arpui ru tu chu kan chilhlum duh mai zel zawng anih hi. Huiha…..
Chutih rualin vai leh Burma lam mi, a thei nazawng an rawn lut chur chur ringawt mai hi chu kan hotute hian an ngaihven chu a tul ngawt mai.
January 20th, 2012 at 3:09 pm
@Sheldon: A ziah leh sawi leh sel hi han tam hrim hrim phawt sela, kan zia ve mai ang. Tunah chuan kan pi leh pute hun laia inrüna milu salu la ṭhin kan nihna hi kan la paihthla fel tak tak thei lo va. Khawvel changkanna hi thuahthum vela a invehkual hnuah he’ng thil ṭha lo leh ṭul lo hi kan kalsan ve mai ang.
January 20th, 2012 at 3:29 pm
Kan hnathawh naah hian kar tin training class kan nei thin a.Nikhat kan english training class neinaah chuan kan trainer khan enlish in kan life ah story chhinchhiah tlak deuh sawi turin min ti hlawm a,chuan kan sawi dan dan a kan class kalpui department dang a mi vaipa kum 40+ vel niang a rawn sawi ve a,’kum 2003 velah khan Mizoram,Aizawlah forest departmentah hna a hmu a,thla khat chiah a awm thu leh hmum ralmuang lo tak hnamdang(vai)velh ching tak,mi pawisa dil hrat tak an ni,dar 6:pm hnuah phei chuan,in chhuah san ngam tawh lo,ka nu leh pa in ka hnathawh chu bansan a kan khuaah kir a hnadang zawng turin min ti a’Ti mai chu, ka hawi lawl lawl,mahse Mizoram mi ka nih leh nih lo a hre lo,north east ka ni tih chauh a hria..
January 20th, 2012 at 3:30 pm
Post tu pa hming hi ka like phot a 😀
Post ka like leh a.. 🙂
Ka sawi ve duh.. Vai kan tih hian mizorama vai tam ber hi chu Bangladeshi vai, muslim sakhaw zui tu te an ni a, a sual pawh an sual, duat dan chin tawk thiam ila. Vai velh hun ah pawh hriat hran kar tur, nepali mizoram pawna inti mizo ngam te hi hmer tel ve reng reng loh tur.
Burma mi kan tih pawh hian kawl ho hi nise la, burma ram chhung pawh a mizo la inti ngam ngat te hi i hmer tel lo ang u.
Vai chhia leh chhe lo an awm a, burma mi pangngai leh kan unau burma rama awm te hi hriat pawlh lovang u.
Tin, vai hian min chimral dawn lo hrim hrim, a chhan chu hriat hran an awl em em a, duh duh hun ah kan.thliar hrang thei ang heng ho hi chu. Amaherawh chu min chimral thei tute chu manipur kan unau thenkhat, chibing la na em em ho, tunlai a mizorama sawrkar hna rawn zawng char char te hi an ni, hriat hran an har ropui dawn leh nghal – nakin ah chuan!!
Aizawl a mahni hnam bil tawng hmang a inkhawm hrang ngat ho hi rawn pem lut vek an nih ka ring, chibing la na chi ho hi ania kan huat tur dik tak chu.. huiham ;-(
January 20th, 2012 at 3:35 pm
Kan intih lulawk ve theihna a nia lawm le! Kan la thangharh ve mai ang.. MiHOram=Mizoram a ni mek alawm..
January 20th, 2012 at 3:46 pm
Chhangtevala chu hringnun tawlailir i khalh ngil ngei mai.
January 20th, 2012 at 3:48 pm
Nasa taka awareness neih kan tulla a ni awm e. He post hi (Y)
January 20th, 2012 at 3:53 pm
Burma mi kan tih pawh hian kawl ho hi nise la, burma ram chhung pawh a mizo la inti ngam ngat te hi i hmer tel lo ang u.
Vai chhia leh chhe lo an awm a, burma mi pangngai leh kan unau burma rama awm te hi hriat pawlh lovang u.
Tin, vai hian min chimral dawn lo hrim hrim, a chhan chu hriat hran an awl em em a, duh duh hun ah kan.thliar hrang thei ang heng ho hi chu. Amaherawh chu min chimral thei tute chu manipur kan unau thenkhat, chibing la na em em ho, tunlai a mizorama sawrkar hna rawn zawng char char te hi an ni, hriat hran an har ropui dawn leh nghal – nakin ah chuan!!
Aizawl a mahni hnam bil tawng hmang a inkhawmhrang ngat ho hi rawn pem lut vek an nih ka ring, chibing la na chi ho hi ania kan huat tur dik tak chu.. huiham.. A DIK LUTUK, Full support e..
January 20th, 2012 at 3:58 pm
Tuaisial a pui roh chu Degree i va ngah chheichhuai ve aw….Misual hian i thu sawi vang hian Doctor of Law honoris causa pek belh che ila a tha ang… i lo tar belh dawn nia.
January 20th, 2012 at 3:58 pm
Burma lam Unaute hi an dinhmun a tha mek niin alang.. Nikinah chuan kan la in Unau viau zel ang ka ring.
January 20th, 2012 at 4:10 pm
Tu pawhin thil lo tisual pawh ni se, chîlhlum loh tur!
January 20th, 2012 at 4:10 pm
Liandova Pa #23
“Burma mi kan tih pawh hian kawl ho hi nise la, burma ram chhung pawh a mizo la inti ngam ngat te hi i hmer tel lo ang u.”
A tha dawn tan viau a mahse, Mizo inti ngam leh ngamlo emaw, inti emaw intilo emaw, ni a inngai emaw ingailo emaw, ni a kan hriat emaw kan hriat loh emaw vangin Mizo a Mizo phah lova, kan hnam, kan thisen vang zawkin Mizo kan niin ka hria.
Mizo tih hi hnam hming a ni hek lova, Zohnahthlak min identify tu niin, Mizoram, India a kan inkoh dan deuh bik ni maiin alang. Kan awmna tlang leh mual, rampui leh khawsakna a zirin miten min identify dan lah a hrang hlawm. Chutiang chung chuan kan hnam hming erawh a dang der silo. Ie: Assam-ah Kuki, Burma-ah Chin, Mizoramah Mizo, Manipur-ah Zomi adt…kan hnam te erawh chu Mizoram, Assam, Chin Hills ami te hi danglamna a awm der silo.
http://www.misual.com/2011/12/24/mizo-awmziaah-i-chiang-em/
Mimal a in en hi a fuh duh berin ka hria
January 20th, 2012 at 4:19 pm
Tumah hmer tel loh tur a ni tawp mai ni! 😛
January 20th, 2012 at 4:24 pm
Misual chu misual anih angin a MAL TUAR TUR a ni. (Y)
January 20th, 2012 at 4:29 pm
Nia, mahse Dan in awmzia a neih lohna kan ram angah te hi chuan mob rule hi a tul ve tho thin asin. In pawngnekna leh tharum hi ka sapawt lo khawp mai. Mahse a tul hun a awm thin ve tho thin lo maw?
January 20th, 2012 at 4:31 pm
#30, ani viau mai. Dan a lal tlat loh chuan mipuiin ro kan rel a tul hun a awm thin bawk si a. Engpawhnise, ngaihtuahna mawl lutuk nen a mi pakhat sual vanga a chipui, sualna nei ve hleklo te tawrhtir vak mai hi chu kan sim a hun tawh ka ti.
January 20th, 2012 at 4:38 pm
lrp, dan kengkawhtute dan kengkawh turin shock phawt an ngai tihna em ni hairehai 😛 😉
January 20th, 2012 at 4:38 pm
Mizote, a hnam angin emaw a mimal angin emaw, min tihchhiat pawisa miah lotute an awm chuan kan Pathian hian tuar tlawk tlawk ringawt turin min ti bikin ka ring lo. “Sual do-in thisen chhuak khawpin in la ṭang si lo” tih te pawh kan chhiar kha.
Burma aṭanga rawn lut thlate hi dan anga rawn lut engzat nge kan hriat? An awm a nih pawhin an tlem ngawt ang. Dan ang thlapin rawn lut se, ṭha takin khawsa se chu heti em em hian hnawksak kan ti hauh lo ang maw le.
Vai te pawh chuti bawk. Rambuai laiin kan chungah an sualin an nunrawng em a, chu chuan mi tam tak thinlungah ser dam hleithei lo a siam a ni.
January 20th, 2012 at 4:41 pm
Mipahnih khat hian ram pumpui hi a ti mualpho thei viau ani. Indian sportman in thil a ruk te pawh kha India a ti mualpho der anih kha! Australia ah te pawh indian that zeuh zeuh ani a, autralia a lehkha zir tum Indian pawh a tla hniam rawk rawk mai anih kha.
A mak chu, Mizo te hi han che bawnra viau thin mah ila an pung tual tual tho si anih hi!
Vai hnathawk tur permit hi ti tawp se ka ti ngawt mai. A awmsa pawh hi an tam tawk in a lang! :-[
January 20th, 2012 at 4:52 pm
lrp, vai pun tual tualna hi mak vak pawhin alanglo. Keimahni Mizo te vang a ni. Kan dan neih sa ILP pawh a nih anga nih loh tirtu chu keimahni tho.
Vai ho hi sawrkar hnathawk annih loh chuan Mizo tu emaw in a chhawr turin a sponsor angai a. A sponsortu in a hna a zawh veleh a chhuak lehnghal tur a ni. Chutah chuan an ILP a tawp dawn ta a…Mizo tuemaw chuan pawisa chhete hlawhin a ILP chu DC office ah ama tan a thawk tur angin ava renew sak leh thin. DC office lam pawh hian a chhawr ngei dawn em tih an enfiah tawh ngailo (ka hmuh dan).
Tin, YMA hian kutdawh hi a khap/rem tilo thin kha niin ka hria. Chutih karah chuan vai kutdawhte hi tuman an tan a thawk turin an sponsor ka ring lova, Mizoram sawrkar, ILP petute pawh hian ILP an pek pawh ka ring lo hle. Anni Zion street chhukthlaa vaichhe kutdawh ho kha an ILP check sak a, enchian chi a nih ka ring.
Bairabi rel kawng pawh khu an rawn luhrukna awlsam tak a ni bawk ang. Rel tlan lah khu Bairabi kiangah chuan a muang em em khawp a, zuanthlak ngam, pakai ngam a ni tlat bawk.
Mizo mistiri te lah hi an chapo irh erh hlawm a. An inchhiar to si, an thawk muang bawk si, an thu an duh khanglang thin bawk a. Vai chhawr hi anlo nuam zawk em em mai si a, vai tipungtu chu Mizo tho.
Mizote hian thamna (bribery) aiin rinawmna a hlu tih kan thinlung chhung atanga kan pawm ngam avan tul tak em! Dikna hi kan hmui atang chauhlo hian chhuak thin sela aw…… :-S
January 20th, 2012 at 5:13 pm
Balma, balma tih reng mai. Illegal immigrant an nih chuan dan ang in an chungah action lak mai tur.
Eng kan ti nge tunlai chu kan nick a va han sei in title kan va ngah ta thup2 ve. Mahse, a tha vek e.. 😀
January 20th, 2012 at 5:18 pm
Rambuai hre pha lo paw’n an haw tho hi engvang nge niang?
Kristian leh Kristian Ireland-ah khian (Catholic & Protestants) an in hal rura bawk! Kan chak lai hi chak loh lai tih ang vel a ni.
January 20th, 2012 at 5:35 pm
@Pu Lushai_er: Rambuai hre pha lo paw’n an chhiar pha a. Chu chu thuhran ni se, kan nu leh pate atangin vai huatna chi hi kan inthlahchhawng zel a nih hi.
@Chhana Pa: Ni e, a dik alawm. Dân lova an lo lut a nih chuan action kan la mai tur a ni. Amaherawhchu, an thil tihsual hmaa action lak tum si lova thil an tihsual veleha kan vai tawrhtir thin hi thil tha lo kan duh vang ngawr ngawr ni lovin, anmahni kan huata kan hmuhsit hrim hrim vang leh kan kut ram vang a ni i ti ve lo maw?
@Pu Hv, i comment zawng zawng hi ka thlawp vek! Kan rama vai an tam nachhan chu a chhunga Mizo chengte vang a ni. Kan ram hian hnathawk turin vai mistiri leh hna dang dang thawk leh thiam nei te a demand tlat alawm. Mizote hi anmahni anga kan taimak tawk a ngai a, thawh hreh kan neih loh a ngai. Sawi tur ka la ngah lutuk…huisss!
January 20th, 2012 at 6:05 pm
Ka nau Ts, i lo va pui triah triah tawh ve.. (Y)
January 20th, 2012 at 6:12 pm
Mizo te hi khawiah pawh nasat viau tur, pawr hle ila thawveng hle bawk ila, nalh hle bawk ila lehkha thiam bawk ila,pathian ringtlat bawk ila, zahawm takin awm bawk ila midang thawhchhuahsa ah innghat loturin thangharh ila taima bawkila ava nuam dawn em, hnamdang vuak, velh an ngai hleinem min ngamlo sa nghal hrim hrim chutiang kan lo nih chuan…. he he..
January 20th, 2012 at 6:20 pm
@darngawn: Pawr leh thawveng hle chungin engtin nge kan zahawm hle theih ang? Nalh hle chungin engtin nge kan taimak hle theih ang?
January 20th, 2012 at 6:21 pm
Inzirtirna post tha tak a ni (Y)
Ka ngaihdan tumtlang pui hian tlem kan tuhnih ve lawks:
1. Vai velh rawn hi anmahni tihdan kan lakchhawnah ka ngai.
70’s tawp lam 80’s tir lam vel khan Silchar-ah vaiin Mizo chhaih buaiin, engemaw tia han chhan let hlekin min chilrawn a, phung velh an sawi ang maiin an pung hluai thin.
Silchar, Bagha, adt a Mizo kal thinte khan chhantu kan ngai thin khawp mai. Anmahni vai ngeiin min lo chhan chang lah a tam.
An tihdan hriain a hnuah La La dawr, MK Guha Dawr, Chhote Lal Seth (Chhota)dawrte kan suasam ve hial a nih kha.
In velhrawn hi vai tihchhuahah ka ngai ve tlat.
Vai velh rawnnaah kala tel ngai lova, tel pawh ka duh lo. Keimahin ka ngam. 😉
2. Burma mi chungchangah chuan –
Burma mi, Kawlvai diktak hi kan rama pawikhawih nasa an ni.
Burma mi tih hian ka rilruin Kawlvai a tinzawn nghal. Burma rama Mizo awmte ni lovin.
Ka duhtawk rih e. A sei ta.
January 20th, 2012 at 6:31 pm
Vai sawi takah chuan..ka tleirawl lai hian thiante hnenah ‘kei chu vai hi ka ti duhdah duh lo, nakinah silchar velah min hmu ta se, min khawih hrep mai dawn sin’ ka ti a, min nuih nasa mai. Mi dawihzep te chu ka ni ve e..
Tun hnai deuh a ka rilru chu..kan in bawr velah khian vai 7 vel an awm a, thenawmte in luah. Intihbuai lo chhuak phut se kan chak lo sa 🙂 naupang, hmeichhia leh tar bak tlangval pahnih chiah kan awm a.
Ka sawi fo chu inluah dan system hi ani. In tereuhte ah an in ekbeng a. An inluah man kha kan hlauh a, bakah a him lo ani. Ngaihtuah chhunzawm ve mai rawh u…
January 20th, 2012 at 8:45 pm
Vai ho, a bikin Bihari a chin hnuailam iti mai teh ang, heng ho hian Mob rule kan tih mai hi anla ching khawpin ka hria….Ka la hriat reng chu, hman lawk khan ka thian te haw tur Biharah mitmeng zim chi reng reng an lo vaihma avangin a nu boral tawh ruang hmuhman lovin a awm phah…Assamese hovin Bihari zirlai kut anthlak vang ani awm e. Assamese leh Mizo in thisena in unauna kan neihloh tehlul nen..hetiang chiah hian vai hnarzum ngalria mitkhurthuk zawng zawng hnam khat ‘VAI’ kan ti vek mai hi chu thil hriatchianloh thlak khawp mai..Post changkang takah ka ngai (G)
January 20th, 2012 at 8:48 pm
Arsi ka rawn dah lawk mai mai a nia.
January 20th, 2012 at 3:47 pm
Chutia Arsi in sawi takah chuan
January 20th, 2012 at 3:51 pm
Ka hrethiam theilo. Ka nick a 170 ka telh chhung kha a rei miahlo ania, Star ka nei lawi si. 170 ka paih hnu hian ka comment tam fe tawh zawkin ka ring sia, mak ka tih thu ka rawn phun pui ve niah niah
January 20th, 2012 at 4:12 pm
Sheldie Admin ho hian an duh duh
an pe aniang!! Mi mut reh laia OT hrat ber award min pe ve rawh se hehe!! 
January 20th, 2012 at 4:24 pm
Haha @mamboihi. Kan mut hlanin lrpa nen lo OT vak vak tawh suuu
January 20th, 2012 at 4:27 pm
Ka comment a that tehreng nen, zuk lut hauh lova!
@Sheldon: Username (in-register-na)-ah chauh a function a nih ka ring.
He arsi lem hi ka support lo khawp mai. A tel thar leh tel tawhte hriathran theiha an awm hi tha ka ti lo va, angkhat veka awm a tha zawk a ni, ka ti.
January 20th, 2012 at 9:59 pm
Tuaite, username ka thlak lova, display name publicly chiah ka thlak. Mahse maw, Arsi neilo pawh hian ka lung hi an awi khawp a
January 20th, 2012 at 10:05 pm
@Sheldon: Nick atana pawh username hmang lo hi a nih ka ring a. Pawi tih thu-ah chuan arsi awm loh hi pawi ka ti teuh lo mai!
Senior leh junior inkarah gap a siam ang tih ka hlauh vang zawk a nia.
January 20th, 2012 at 10:20 pm
Vawikhat chu Vai kutdawh kan inah a rawn dak a, “Khaw’nge i ILP?” ka lo ti a, a ni lah chuan, “Keimah kutdawh maw le” ti chiahin min chhang a, ka rilru te tein “Dikna a fam ta” tih hla ka sa zui a. Lei laih leh cement chawh te hi kan thalai te hian engtikah tak peih ve ang maw!! Kan hnam hi a ral tep tawh lo maw..?
January 20th, 2012 at 10:31 pm
Mizo, vai, sap, burma mi, etc. eng mi pawh nise, pawikhawihlo chuan tuar suh se. Hemi kawngah hian mizo ho pawh kan harh/fing tial tialin ka hria, hma pawh kan sawn zel ang
January 20th, 2012 at 10:33 pm
@Sofloy: Nu leh pate thawhchhuaha kan khawsak theih chuan thawh kan tum lo va, mahnia intodelh hi kan tum bulpui ber a ni lo thin atin ni. Hetiang mi hi thalai zingah kan tam lutuk a, a buaithlak a nih hi. Kuthnathawh (cement chawh etc.) hi loh theih lohvah chuan kan tum tlat lo va. Kuthnathawk lova eitur nei lo, thawk peih si lote’n ruk an ru a. Hetiang hi mi tam tak kan la ni e.