Tum miah lo mah ila, ka muthilh dawnin ka ngaihtuah thin che a, ka harh phatin ka hre hmasa ber thin che. I duh zawng leh rilru zawng zawng ka hriat vek loh avangin ka ti lungawi lo fo thin che, a chang chuan keimah ka in ngei thin khawp mai. Ka ngaihtuah nasat lutuk che phei chuan ka thinte hi a rim em em a, ka hua che a, fel lo tak turahte ka dah fo thin che. Keimah zawk hi ka fel lovin engmah ka ni der si lo.
Harsatna i tawh laiin i hrehawmna ti zualtu ka ni tlatin ka hre thin. Mahse ka duh reng vang a ni lo, ka fin leh felnain a tlin lo a ni. Hnemtu che nih a, i harsatna chhawk theih che chu ka duh lutuk tih erawh i hriat ka duh khawp mai. Engkim mihringin harsatna a tawh thin hi kan chungah a thleng thei vek a ni tih hi hre mah ila, kan chunga thleng tak tak tur chuan kan ring thei lo, mahse a thleng mek zel a, a tuartu a tan meuh chuan hriatthiam a har tur zia pawh tawrh phawt loh chuan a tuar lotu tan chuan lo sawi ve vak vak chi pawh niin a lang lo. Amaherawhchu he harsatna tawktu hi ka hmangaih leh ka thian, englaipawh a ka ngaihtuah em em i nih tlat si avangin ka theih ang tawk a i tawrh thiam theihna tur a ka sawi lan fo hi ka mawhphurhna leh ka tih tur a ni miau si.
I chan ngaihtuah lova ka chan i ngaihtuah chuan ka dinhmun pawh i hrethiam ve ngeiin ka ring. Thil tihtheih chu nise i kiangah awm reng ila i tawn leh i tawh apiang tawkin hmuh pui vek che ila, i hrehawmna leh harsatna ka tih ziaawm deuh theih te ka ring thin. I hriat tawh sa mah ni se hei hi hre reng la ka duh, engkim chunga roreltu Pathian a awm a, chu chuan hmangaihna tawp thei lovin a hmangaih che a, i tawrh zawh loh khawp hreawmna i chungah a thlen tir lova, Thlarauthianghlimin a awmpui reng zawk che a ni.
A tawp berah chuan keimah kan insawi leh hram ang nge, ka hmangaih che a, englaipawhin hreawmna, harsatnain a tuam lai che phei chuan i kiang a awm reng theih ka duh takzet a ni. Tin, he thu ka ziah lai hian ka tap lova, mahse ka mittui erawh ka biangah a rawn luang a, ka ngaihtuahna zawng zawng i hnenah a awm. Ka hmangaih che, ka hmangaih fo ang che.
tren tren.
Similar Posts:
- Lalpa I hmangaih ang chiah khan Lalpa’n hmangaih ta che se la!
- I kalsan hi engtin nge a awm tak le
- Ka hmangaih reng ang che
- Ka hmangaih reng ang che
- Naktuk hi ka tan awm ta lo se
January 30th, 2012 at 6:09 am
Morantic ve1
Report this comment
January 30th, 2012 at 6:42 am
Mawlh mawlh chuan
Report this comment
January 30th, 2012 at 7:03 am
Van tha reuh veeeeeee
Report this comment
January 30th, 2012 at 7:18 am
Tren tren
Report this comment
January 30th, 2012 at 7:29 am
Mi luangliam ve te…
Report this comment
January 30th, 2012 at 7:30 am
Report this comment
January 30th, 2012 at 7:38 am
Kan 1st ve tlat te’ngs…eh.
Report this comment
January 30th, 2012 at 7:58 am
1st ve ka tum a sin le
Report this comment
January 30th, 2012 at 8:13 am
A ngaihnawm khawp mai. Hmangaihna hi chu ropui deuh asin.
Report this comment
January 30th, 2012 at 9:03 am
A rawn chhanna che ngaihthlak leh ava chak awm ve aw…
Chhanna duhawmtak hmu ngei la ka va ti ve aw
Report this comment
January 30th, 2012 at 9:16 am
A va han tha dap dap ve. Tunlai chu hmangaihna lamah kan luangliam tlang a ni e.
Report this comment
January 30th, 2012 at 9:55 am
Uaii.. A post tupa chu inhmehlo.. A tha khawp mai
Report this comment
January 30th, 2012 at 10:29 am
Harsatna i tawh laiin i hreawmna tizualtu ni tlatin ka in hre thin. Ka duh reng vang ani lo. Ka fin leh felna in atlin nganglo ani.
Report this comment
January 30th, 2012 at 10:43 am
Kan byheart te’ng…
A va’n tak tha ngeih ngawih ve… I ziak tawi fel thiam hle mai.. 
Report this comment
January 30th, 2012 at 11:07 am
Min va ziah chhan deuh reuh ve…
Report this comment
January 30th, 2012 at 11:09 am
Hei hi i ziah ngei chu a ni si a maw… I thian kawm hi ka thian kawm a ni tho em le!!!! Rilru a buai map mai a…!!!!!!!!
Report this comment
January 30th, 2012 at 11:46 am
ka copy anga, ka phuah angin ****-i ka thawn dawn..
Report this comment
January 30th, 2012 at 12:17 pm
ka zawhna hi khawngaih in min chhan sak teh…
Report this comment
January 30th, 2012 at 12:27 pm
Ka chhiar chak chiah lo va; ka hel ka hel a, mahse kan chhiar chhina ka rin aiin a ril tlat mai. Pu Chhuaktea chu pa nih hnu paw’n thu awmzia tak ila paw chhuak thei a i fakawm hle mai.
Engkim chunga roreltu tih thla phei khi chu ka duh lehzual. Pathian hi awm an ring emaw ringlo(atheist) emaw mi zawng zawng chunga roreltu a ni. Thawkrim leh mi tha chu mal a sawm ve mai; mahse chhandam erawh an ni kher lo vang. I thiannu chunga roreltu chu i hrechiang a, nuam awm hle mai.
I thuziak khi paih tur ka hre lova belh tur pawh ka nei lo. A zavai khian a tha vek a, a inla lawn chho zaih mai a ni.
Tha ka ti khawp mai! Patling hnathawk lai min tibuai….
Report this comment
January 30th, 2012 at 1:26 pm
Lersia@18, hahaha hahdam takin awm rawh khai, kan thian intawm chu a nih ka ring chiah lo.
Ignatia (33-115 AD), nang meuhin ka thu ziah tlawm tak khi ti tak a in comment chu ka lawm kher mai.
Ka post dawn leh dawn loh ka inngaihtuah nasa hle a, huaisenna zawng zawng bakah zahtheihlohna sawm khawmin ka submit a, comment pawh a hlawh ka rin vak lem loh nen, min comment sak tute zawng zawng chungah thinlung takin ka lawm e.
tren tren.
Report this comment
January 30th, 2012 at 6:49 pm
I ziak tha khawp mai. A ril zek a, rawn luangliam bawrh bawrh teh khai! Hmangaihna hi khel khel ila a ni mai e. Hek thei pawh a ni chuang hleinem.
tren tren.
Report this comment
January 30th, 2012 at 9:24 pm
Hei chu va ziak tha si ve. A dawngtu chu a nihlawh hle mai. Hmangaihna hi a ropui ani
Report this comment
January 30th, 2012 at 9:51 pm
A dawngtu nih ka van chak em aw..
Report this comment
January 30th, 2012 at 9:59 pm
Apa ts, min ti zak dawn a lawm, nang meuhin ril i tih chuan ka chapo pui lutuk palh ang nge aw.
Sheldy, i ti lawmawm e. A dawngtu hi a vanneih lohna chhan chu a thawntu hi a ni. A hmelchhe ang reng a.
Report this comment
January 30th, 2012 at 10:05 pm
dolly dollz, hihiii… kha i dawng reng tawh a, min rawn chhang rang la a ni mai.
tren tren.
Report this comment
January 30th, 2012 at 10:10 pm
morantic tih hi 1996 vela ka word invent anih hi…
Report this comment
January 30th, 2012 at 10:30 pm
a van tha em! bye-heart hial ka duh..Hetiang hian mipa ka duh ruk ve deuh hian min ti ta ang se la..a nuam awm..:-D
Report this comment
January 30th, 2012 at 10:48 pm
Chhuaklingte, hetiang thu nalh luttuk leh lungkuai dawng tur hian ka phu lo….ka phu mawlh lo. Hetiang taka ka tana inpe tur mipa hi an awm ve angem le?
Report this comment
January 30th, 2012 at 11:05 pm
Heti em a ka han hmangaih ringawt mai che hi a chhan tak pawh ka hre bik lo. Nangmah inih vang mai hi a niang? Pathianin a Fapa mal neihchhun meuh kan aia thi zawk tur a a han pek duh na tur khawp a min han hmangaih nachhan tur hi ka va han hrelo thin tak em.Good Post.
Report this comment
January 30th, 2012 at 11:08 pm
Tete-i, ka lawm e. I duh ruk deuh chuan tiang hian ti mawlh che rawh se.
dolly dollz, an awm tur a ni tawp mai.
tren tren.
Report this comment
January 30th, 2012 at 11:14 pm
Ku pk, i lo lang har lutuk a, vui hmui ka pu hman tep alawm le.
zualbonez, hahaha.. nih duh hmel khups mai.
tren tren.
Report this comment
January 30th, 2012 at 11:19 pm
nia lom chhuakling..ka invent dik tak persawnally proven..lolzzz…
ti ve teh ang:
ooo ka hmangaih che
zanin anga chawhmeh tui
naktuka ek iang zo ta
sorry for the interruption-we are like this only
Report this comment
January 31st, 2012 at 8:54 am
A va tha tehlul em! Hmangaihna thukzia i tarlang chiang hle mai
Report this comment
January 31st, 2012 at 9:48 am
Awmtea Khiangte, ka lawm e. Hmangaihna hi a lo makin a lo ropui em a ni.
tren tren
Report this comment