Naktuk hi ka tan lo in herchhuak lovin,
ka hmuh ve tur awm talo se.
Tur nipui lo her chhuak chuan, keimah avanga mittui
I sen zawng zawng te chu a rawn hriatpui ngei awm si a.
Tinkim dawn a, kan hun liam ta zawng te leh
Biahthu di thamral ta avangte a,
I vawiin hun lungchhe taka i hmang hi,
ka thinlai ti na tu a ni si a.
Ka hmangaih tluk zet che in
nang pawn min hmangaih tih zawng ka hai lo.
Kumsul tam pawh liam mahse,
Min dawn ve ngei hian ka ring thin che asin.
Naktuk hi ka tan lo herchhuak lovin
Van angel ten, ka sakhming lam in, chawnbanah kaia
chatuan chawlhna hmuna min hruai hun chuan,
Nemten tawrh dan lo zir nang che.
Ka tana hmun ruat, van ami chu
peihfel a niin, ka lawi ve dawn ta.
Ka hmangaih, lungduh zawngte kha
hnuchhawnin mual liamsan a tul ta si
Hringnun damlaia thinlai luahtu hnuchhawn a,
Kir zai rel lo tura, zamual liam ni meuh chuan,
Dan rualloh chhingmittui far nen.
fam chang zawng ka la zuam mawlh lo.
Thlakhlel thil tam tak nei chung leh
hmabak hlen tur awm reng chung a
ka liamsan mai che hi,
khuanu ruat ni thei hian ka ring silo.
Nimin a kan hun tawn tak te zawng kha
a tha leh tha lo zawng zawng te
a nuam leh hrehawm kan hman tak te kha
Mahriak tein ka dawn kir leh thin.
Kan hun liam ta kha kohkir leh thei nise
ka au nang nge hun reilote tal pawh
chutah duat te a fawp chung chein
damten ka thlah thei tur che’a.
Mahse auh kir theih rual a chang ta lo
tih ka hriat chhuah meuh chuan.
Khawharna leh lungngaihna in
keimah ah hmun a chang ta si.
Khawvel thilte ka ngaihtuah chuan,
Naktuka thiltur ka thlahlel a,
Ka thinlungin nang a ngaih apiang chein
lungngaihna chhumpui chuan min delh zel si.
Mahse, vanram kawngkhar ka luh meuh chuan
ka thla a muangin, ka hahdam ngei mai.
Engkim chunga roreltu chuan, a lal thuthleng atang chuan
min lo hmuin hlim takin min lo lawm si a
Ani chuan ‘Hei hi chatuan,
i tana ka tiam chu a ni,
vawiin hian i khawvel nun chu a liam ta a,
mahse i chatuan nun erawh a intan dawn ta e” tiin min hrilh a.
Naktuk chu lungkham tur awm tawh lovin,
Vawiin chuan chatuan a daih tawh si,
engkim mai chu tun hun anih avangin
hun liam ngaih tur a awm tawh silo.
Chuvang chuan Naktuk hi ka tan lo in hrechhuak lo anih pawhin
Mual hla in kar min dan ring lo la,
ka lam hawia min koh ni chuan
I thinlai an ka awm reng ang.
May 6th, 2007 at 2:26 pm
Comment tur em em po ka hre lo..ka reh em mai…!!
Report this comment
May 6th, 2007 at 6:54 pm
Naktuk hi awm ta lo sela vawiin leh nimin hlir a ni mai!!!
Report this comment
May 6th, 2007 at 7:58 pm
Band
van comment tha thei thuai thuai tak em………hehehe
vawiin awm lo ta se la..naktuk pawh hi a awm thei chuang lo…naktuk siam tu chu vawiin anih miau avangin,,,..haha
tu phuah nge maw ni reng reng ni…a lem nen khi chuan kan hmeh bel, thiam vak lova…han sawi fiah te u……….
Report this comment
May 7th, 2007 at 8:04 am
a va sei deuh ve..naktuk ah ka chiar zawm ang.. naktuk ah!!!
Report this comment
May 28th, 2007 at 8:33 pm
wow !!!
sum1’s being hurt ?
i like ur idea of being 4ever in d heart
even tho 2morrow never come….
Man… at dis moment of time(sic)
all my dreams r 4 2morrow&morrows..
let 2morrow comes plizz if not for anyone
but 4 me…..n my love
Report this comment
January 28th, 2011 at 11:57 am
Inzir i la ngai hlemai, mahse i huaisenna a fakawm khat e. Ti zelrawh khai.
Report this comment