He khawvelah hian thil inrem mai te, tuah rem chawp ngai te, inrem thei mai lo te, beih fe hnu pawh a inrem thei mai lo te a awm thin. Chutih rual chuan thil mak danglam bik thlen chang a awm fo bawk.
Thlasik thli chuan boruak a ti dai diai a, khua chu a ti nuam hle a. Mipui zi hut hut kara chuan keipawh Bazar pui lam panin ka kal a, Zion street chhukthlaa ka kal lai chuan kawng laiah chuan thlalak pakhat hi a lo let reng a. Thlalak chu ka chhar a, ka han enchian chuan tleirawl tuaitir hmel, hmeltha tak mai hi a lo ni a. Thlalak hnung lamah chuan 17.12.20xx tih hi fiah vak lo in a lo inziak a.Chu chu ka chhar ni atanga chhiar let chuan a kar hmasa Zirtawpni chiah kha a ni.. Chuvang chuan thlalak thlauhtu hiana lakna a la rei lo a, a thlauhna pawh a la rei thei lo hrim hrim tiin ka ngaihtuah a. Thlalak thlauhtu zawng chuan ka han hawi kual ruai a mahse a hmelthatna chanve chauh pawh tluk pha tur an awm lo. Chutia ka hmuhzawh tak si loh ah chuan ka ak tha ta a.
Chumi zan chuan thlalak chu ka en a, ka ennawn leh thin a. Ka lukham hnuaiah chuan ka han dahtha ren rawn a, ka phawrh leh a ka han en leh veng veng a, a chang leh mu chunga en theih turin ka khum bul bangrelah chuan ka tar thul. Ka muthilh hlana a lo bo palh ka hlau leh si a, ka lukham hnuaiah bawk chuan ka dah leh a. Mahse, a hmel hmu leh chakin ka phawrh leh a, ka thlir leh ta veng veng a.
Sana ka han en nak chuan zinglam dar 2 a lo ri thuak tawh a, thlalak chu ka lukham hnuaiah chuan ka dahtha leh a ka mit ka chhinsan ta a. Mahse, muthilh lam chu a hnai lo hle mai. Chu thlalak chuan suangtuahna mitthla lamah min run zawm a, insawh hliam lovin Angel te hi leiah hian an lo tla thei a nih dawn hi ti tein ka ngaihtuah a. Suangtuahna khawvel atang chuan mumang ramah min suanlut a, chutah pawh chuan a hmelthatna bawk chuan rorelna a chang leh a.
A tuk atang chuan ka mi tawn remchang apiang hnenah thlalak chu entirin amah chu an hriat zawng a nih leh nih loh ka zawt zel a. Mahse, “ka hria” ti reng reng ka tawng thei lo. Khawi maw ka chhuah chang te hian chu nula zawng chuan ka mit ka len ruai thin. Tun thleng hian engemaw chang chuan Zion Street a ka kal lai hian ka thlalak chhar kha hriatchhuah chang ka la nei thin.
Ni a liam a, kum a vei a, tunah chuan nupui fanau te neiin hlim takin ka khawsa ve tawh a. Kan nu nen hian in hriat lawkna pawh nei em em lovin kan intawn atanga thlahnih emaw leka innei kan ni a. Kan hlimin kan inngaina em em a ni.
Zan khat chu chu ka thil hlui ka hai kual mai mai a, kum engemaw zah kal ta a ka thlalak chhar kha ka hai chhuak hlawl mai a. Thlalak ka hmuh rual chuan ka rilruah zawhna a rawn awm nghal a “He nula nen hian lo intawng ta zawk ila, eng thil nge thleng ang, tun ang hian ka hlim ang em?” tih ngaihtuah chunga thlalak ka en lai chuan ka nupui chuan hnunglam atangin min lo kuah chial chungin thlalak chu a rawn en ve a. “E, he. He thlalak hi engtin nge i neih a? ka zawng nasa lutuk asin” a ti ta mai a.
Kei chuan mak ti takin ka lo en a. Thlalak chu ka en a, ka nupui chu ka en leh a. Thlalak leh kan nu chu ka en tawn ta zak zak a. A mak lutuk, a ni thei dawn em ni?!! A hmai zawnah chuan thlalak chu ka han lek kang a, ka han en chian chuan thlalak a mi ngei chu kan nu a ni. Hai rual a ni lo.
Kan nu chu ka kuah ta vawng vawng a, a ngaihna hre lo takin a ni pawh chuan min kuah let ve ta hle hle a. “Lalpa, ka lawm e” tiin kan nu chu lungchim takin ka en dauh dauh ta a.
I ngaihhlut thil kha midang tana thil ho tak a nih pawhin chelh tlat ang che. I nun pum innghahna thuruk a lo ni hlauh thei si a.
Similar Posts:
- Idol Desy ka va rim a…
- I Mut Dan leh I Nihna
- Mi(sual) hmang tangkai
- Par lai a par rual ta silo!! Lenlai a ruallo hi a sawi rem theih??
- The Watson Babies!
January 30th, 2012 at 5:34 pm
Khuanu Ruat ah ka first
Report this comment
January 30th, 2012 at 5:44 pm
A va mak tak ve. Mahse, I hrechhuak har ka ti ang reng ka ti. Hlimtakin awm zel nang che u, Khuanu ruat dik tak in lo nih tak chu a.
Report this comment
January 30th, 2012 at 5:51 pm
A va mak tak ve. Mahse, I hrechhuak har ka ti ang reng. Hlimtakin awm zel nang che u, Khuanu ruatdik tak in lo nih tak chu
Report this comment
January 30th, 2012 at 5:57 pm
Report this comment
January 30th, 2012 at 6:05 pm
nangmah chiah ani maw
Report this comment
January 30th, 2012 at 6:06 pm
‘I ngaihhlut thil kha midang tana thil ho tak a nih pawhin chelh tlat ang che. I nun pum innghahna thuruk a lo ni hlauh thei si a’. A va fuh rem rem ve. Amen.
Report this comment
January 30th, 2012 at 6:07 pm
Khuanu ruat loh a awm theilo. khuanu ruat vek
Report this comment
January 30th, 2012 at 6:07 pm
@matea_tmj, nia. Lo sawi ve teh
Report this comment
January 30th, 2012 at 6:08 pm
Sawi tur ka neilo. i sawi kalo ngaithla ang
Report this comment
January 30th, 2012 at 6:12 pm
@K’u Mate, nula rim a ngai tlat ka chhuahsan mai teh ang che
OT lo nia aw…
Report this comment
January 30th, 2012 at 6:13 pm
@lr.. rim tur i hmu ve maw…. Rim tui le,,,,
Report this comment
January 30th, 2012 at 6:37 pm
I nupui chuan a hmel a lo paih hman hle tawh nge? I rin loh luat vangin i ngaihtuah zawm lo ve hrim hrim? A mak hle tak mai! A mak deuh mah mah zawk!
Engpawh nise, i lawmpuiawm khawp mai. Hlim takin inkawp zel rawh u.
Report this comment
January 30th, 2012 at 6:52 pm
Hlim tak zelin u le…
Report this comment
January 30th, 2012 at 6:55 pm
A ngaihnawm reuh. True story em aww?
Mahse posttupa hi ka’n hau lawk: Post schedule hnuah lo edit tawh lo hram ang che. Pending ah a let leh a, schedule that leh a ngaih phah a.
Report this comment
January 30th, 2012 at 7:07 pm
A va vai film raih raih ve le.
Paws tha tak a ni e, ka laik mawlh mawlh e
Report this comment
January 30th, 2012 at 7:10 pm
Ngaihnawm post.
Report this comment
January 30th, 2012 at 7:15 pm
Dawt a ni chiang
I mawngek i thiarfai lo aniang 
Report this comment
January 30th, 2012 at 7:17 pm
Tunlai chu hlaphuah kan uar bawk a, kan post ngaihnawm tak hi a hla-in ka’n dah mai mai teh ang…
Tu hlimthla maw ka chhar lamtluang zauvah?
Angel note ianga lanu hmel tha hi;
Ka zawt vel a, ka zawng ruai a,
Tawnni reng a her si lo.
Zan mu chhing lo te’n ka thlir thin a,
Thlir nin zai reng ka rel thei lo;
Tu hrai chawi nge maw i nih a?
Khawiah tak riahrun rem ve che maw?
Tawnmang lamah erawh kan lo intawng,
Hlimte’n nau ang kan lo nui dun;
Mahse, hai ang han thangharh chuan,
Hrilh haiin Val ka vai leh si.
Kum sul veiin hun tam a liam a,
Tawnni reng i her si lo;
Chutin tleitir thar ka lo tawng a,
Rei rial lovin zua ka chang ta.
Hun tam kum tam a vei hnuah,
Thinlai mu hnu ti thar turan;
A ruk ten i hlimthla ka han thlir leh,
Ngai ten par ang i lo vul a.
Mahse, ka thai chhingmit i tawng ta!
Zawhna dengkhawng ka beisei laiin,
Anka nem diai ka tawng thung si;
“Engtin ka thla lo nei che maw?” tiin.
A mak lua e, ka sawi thiam lo,
Hun kha leh chen ka zawn thin kha;
Ka thai Thamami ngei lo niin,
Lalpa, ka lawm ka hril seng lo.
Hei ngei hi maw an lo sawi thin,
‘Khuanu ruat’ chu lo ni le?
Lungchim te’n ka pawm vawng vawng,
Hriat loh ka di tleitir leh thai chu..
Report this comment
January 30th, 2012 at 8:21 pm
Ngaihnawm e.
Report this comment
January 30th, 2012 at 8:23 pm
Ka awih duh ngem o?hehe
Report this comment
January 30th, 2012 at 8:29 pm
Tak tak pawh a ni thut mai thei.
tren tren.
Report this comment
January 30th, 2012 at 8:40 pm
Chhiar a va hahdam ve. Hlim zel teh u.
Report this comment
January 30th, 2012 at 8:45 pm
A va mak reuh ve..Nakruh bo chhar dik tak i ni.keipawh nula hmeltha deuh thlalak chhar tur ka’n zawng ve teh ang
Report this comment
January 30th, 2012 at 8:55 pm
A zia fu..a awihawm lek lek
Ka awih dawn leh dawn loh ka’n inngaihtuah lawk…….
Report this comment
January 30th, 2012 at 9:20 pm
Duhthu i van sam nasa..
Ngaihnawm lutuk e.
Report this comment
January 30th, 2012 at 10:22 pm
hahaha…ka nuih kurh kurh chu le
Keipawh kan nu tur, ataka ka la hmuh lohvin a mood off lai thlalak te min lo sent tawh a sin
Report this comment
January 30th, 2012 at 10:25 pm
@matea_tmj, Khuanu ruat loh hi a om ve theih ngei ka ring, thla 2/3 vel inneih a inthen leh nghal te hi khuanu ruat a nih chu ka ring chiah lo deuh
Report this comment
January 30th, 2012 at 10:29 pm
@aduhi, sorry, keima thiam loh vek a ni e
, True story a nih leh nih loh kha chu a chhiartu ngaihdan dan ni rawh se 
Report this comment
January 30th, 2012 at 10:37 pm
@kawnga, mihring hmel hi kum 2/3 bawr velah pawh hian a lo inthlak thei khawp (an hmel a chhe sawt tihna ni chuang lovin) Chhungpui nu an nih toh chinah phei chuan an lo in uluk lutuk vak tawh lo bawk nen
Report this comment
January 31st, 2012 at 12:08 am
★★★★☆
Report this comment
January 31st, 2012 at 9:17 am
In nu chu a photogenic deuh ani maw? Chutia han hriatloh em em te chu. Hmai tung lam deuh anih loh pawhin a biangki ruh a sang vaklo anih hmel?? Engpawhnise, ka lawmpui a che.
Report this comment