Tilte langa dai hruta kan hmanhlelh lai khan engdang reng dawnlo ten nun hi kan kawtchhuah hmathlir tawp thin. Zing kan tho a, tapchhakah meilum ai pahin thingpui sen thlum kan dawm a, engdang kan ngai silo. Sikul kan kal leh, chawlhlawk laia St.Peter’s kawtzawl a inum leh sertawk pet bak thlakhlelh kan nei lova, sikul tlang atanga a vel khua, hmawngkawn, chawilung, sialsuk tlang thlira thu mak puipui lasi, thlahrang, sial sual huai etc kan sawi te kha bengah lutlo mahse a nuam si thin. Chawlh anih chuan Farhuan lama thingsemim chhara kan kal loh leh, a hmelthatzia an sawi pawh ngaihtuah lem lovin chhingpuii thahkawnah sava vehin kan kal a, perhthla lem lo mah ila kan hun hmanral dan aniin a aia nuam a awm chuang silo. Kan haw a, chaw leh antam hmeh chungin hnap tla purin zanriah kan han ei a, alu kan leh bekangsa hmeh te kha chuan kan lawmin a aia ei leh in tuihnai a awm ang tih reng kan dâwn pha silo. Sa te kha inrinni tin talh ve heklo, an talh erawh chuan mualpui bazara bawngchek an siam kha lei turin chhungte kan kar ngei thin.
Kan han leikang a, primary atangin middle kan han kai a, thingtlang atangin khawpuiah, hmasawnna ani tih pawh ngaihtuah lem loin zing ni lo chhuak apiang kan han hmang liam a. Khawvel erawh a thangin a vir ngaiin a vir si, Bangladesh TV a the A-team kan en thin hnuchhawnin cable TV lamah Baywatch, Santa Barbara, Kasauti leh Facebook era ah kan han zuang lut a, kan nung pawp pawp a, kan ar khawthim dai a, Khawvel changkanna leh technology te lah a siamtu te hah tur zia ngaihtuah loin kan han MIP/NLUP dawn ve tawp a, kan hmang tangkai chuang lêm silo.
Taksa leh rilru a thanga, hmeichhe rubber zuanlai tihbuai leh hnek dawp dawp te kha kalsanin rilru dang kan han pu chho. Chhas neih kan han chak a, kan han nei a, englêm ani chuang silo. Ngaihzawng te biak ngamloh leh ralkhat melh kan han thansan a. First kiss nawmzia te leh kan mur nasat thin zia te kha, a hnulamah eng ani chuangin ka hre lêm hlei lova. Zirna lamah lah matric pass kan chak a, kan pass a, aia sang kan duh zela eng chen pawh zir ila mi aia kan danglam leh thiam viau ka hre chuang silo.
CRP mut ka ning ti khan nupui kan han nei a, nupa nun hi Sirkhen leh thlantla phunga “thenawmpa hu hu ” tih ngawt leh khumlaizawla sawhthing chawh ngawt anilo tih kan han hre chho a. Pawr tawk tawk a “ka thawhchhuah ve hun chu ka duh duh ka lei ang ti thin khan” mahni Sum ngeia chhungkaw chawm harzia kan han tawng chho a. Chi, aieng leh chini te hi mahni tangka bawm atang lei a ngaih chinah chuan inrin hmain Khel a ruak foin mahni duh duh lei chu sawiloh buhfai leina tur pawh kut khur dar darin kan phawrh ta thin si.
Chutah zan lama che thin misual kan nihna alo langin chiah zin na na na chuan a puam hun alo awmin fa kan han nei a. Chunglam malsawmna liau liau a kan khel bawr atanga chhuak fa han neih chu a nawm dan dang tak ani. Tawng hrethiam miahlo biain Pachang hi zanrei ah pawh “agu gu, buru bu,pum pum pum” tiin naute kan han lawm a. An tawng hmasa ber atanga an kal theih te kha kan lawmna aniin hahipin kan sawiin kan nuihpui thin. An kal theih kan nghakhlelh a, tawng thei se kan ti leh a, chutiang zelin.
Ka Fanu hi a hmeltha a nia kan ti a, an han leikang a, apple ei thianglo ei tute thlah kal zel tih takah “a Pa chumi khami chu ka duh” tih an han thiam a. Chhuntur nei tha ta chu Lehkha an han zir peihlo a, kan inhau a, an tap a, kan hnuchhawn tawh tiffin siam, alu, dal leh artui ah bawk kan let leh a. Hun a ralin ka fanu hi a hmeltha ania tia kan chhuan ém êm thin kha a hmel avangin rilru a nuam lova, a rukin kan veng a, inleng nei se, room lehlamah kan meng kawr a, hahthlak tak ani. An tet laia fai taka a nu in a sil a, a uluk kha, tlangval in an uluk ve ang tih kan hlau leh a, chutah duh aiin an uluk leh lutuk a, zun nan bak an hmanglo ang tih kan hlau leh a.. Nupui pasal an nei a, kan lawm a, kan hun a liam dawn chu ani ta reng si. Mahse kan tawng ang an tawng anga khawvel hi a kual a kual a, kan thlakhlelh a kan suangtuahna te kha lo thleng dik mahse engmah tak tak ani silo tih an rawn hre ve dawnsi.
A ho zawnga ngaihtuah chuan khawvel hi ho tak ani.
Similar Posts:
- Kei chu Lai ka nia
- On My Sister’s Wedding
- Isuan engtin nge min sawi ve ang?
- SMS leh Mizo tawng
- MIZO TE HI HNAM DAWIHZEP TAK KAN NI.
January 31st, 2012 at 11:32 am
chhiar loh chuan kawmen hi a inthlahrunawm
Report this comment
January 31st, 2012 at 11:39 am
Thuhriltu pawh in thil engkim hi engmah lo mai a lo ni a tih kha ma le…engmah lo mai vek a lo ni…
Report this comment
January 31st, 2012 at 11:43 am
Naupan laia TV en thin Macgyver leh Osin-i te pawh i sawi lo. Ngaihnawm khawp mai…
Report this comment
January 31st, 2012 at 11:44 am
I ziak tha khawp mai, tawifel takin mihring nun i sawi chhuak vek alawm le post tupa..The A-team khi kan en ve thin..sialsuk bulhnai khua ah chuan in awm thin chiang mai.
Report this comment
January 31st, 2012 at 11:45 am
Lamea Read more…. Hi iva dahhar ve.kan dah har hrat zel. Page 2 kai a ngah hmah tlat.
Report this comment
January 31st, 2012 at 11:49 am
Phone atanga zin kawnga ka post ania. Dah theih hek loh;-) ka rin aiin an dah har..he2
Report this comment
January 31st, 2012 at 11:50 am
Awmte: makhaivar kha kan lo ti mai thin a, a hming tak ka lo hre hlei nem.. Aw sini te kha a aw(voice) turah a sin kan lo ngaih..hairehai..
Report this comment
January 31st, 2012 at 11:52 am
School a a nau a hruaina episode kha, mittui tla pur in kan en.ha hai
Report this comment
January 31st, 2012 at 12:01 pm
Thuziak tawi viau e ti lo in, i hawl kim viau lawi si; a ngaihnawm em em leh ta nghal…
Report this comment
January 31st, 2012 at 12:12 pm
I thu ziak a tha. Mizo tawng ziak erawh a thlachham.
Report this comment
January 31st, 2012 at 12:39 pm
Nupui neiin fanu zawng ka la nei lo na chu, a dik hmel khawp mai. Thil reng reng chu hmabak a nih lai hi a thlakhlelhawm lai tak a niin ka hria, a taka han tawn hi chuan engmah tak tak a lo nih lohzia kan hre leh mai, a nih loh leh ngaiah kan nei leh mai. Kan thil awh em em te pawh hi kan han neih chiah chuan kan ngaihlu rei ngai lem lo, kan awh lai kha a lo nuam zawk fein ka hre thin. Thuhriltu- engmah lo mai mai a ni, tih ka hre ta!
Report this comment
January 31st, 2012 at 12:57 pm
A ngaihnawm e. Phone atanga i post vang em ni, Mizo tawng ziah danah, ka chunga mi sawi ang deuh hian – kalphung pangngai i pet darh vel nasa khawp mai!?
Report this comment
January 31st, 2012 at 1:10 pm
Nang hi chu thu hi i thiam thei ngei mai, i thu ziah chhiar a nuam
Report this comment
January 31st, 2012 at 1:30 pm
ka lo OT lokz o AE/SDO exam result(PHED) a chhuak a in lo en ve duh takin lo en ve teh u! ka thiante pawh an tling ah
https://mpsc.mizoram.gov.in/mps.....T_2012.htm
Report this comment
January 31st, 2012 at 1:49 pm
#14: ka hmelhriat a telve tlat mai kan classmate. huiham classmate ten hna an hmu zel tawh mai sia leh…
Report this comment
January 31st, 2012 at 2:02 pm
Comments are closed.
Report this comment
January 31st, 2012 at 2:03 pm
St. Peter’s, shillong maw, lame?
Report this comment
January 31st, 2012 at 2:07 pm
Lamea hi a all round reuh e…
Report this comment
January 31st, 2012 at 2:18 pm
Rempy Shillong atangin Sialsuk a lang thei dâwn em ni
Report this comment
January 31st, 2012 at 2:20 pm
#19@Supandi khatin ti suh, ṭha deuhin hrilh ve mai la
Report this comment
January 31st, 2012 at 2:22 pm
Lianchhiara, a khawi lai khi nge diklo nasa.
Mizo tawng ziah hi ka thiamlo hrim hrim bawk a.
Ka chhiar nawn a, mizo tawng pet darh tur khawp chuan mistake ka hmu tamlo.
Ka ti tak2, mizo tawng ka ziak thiamlo bawk nen
Report this comment
January 31st, 2012 at 2:23 pm
Aste, hmeichhia an hlau viau ngailo
Report this comment
January 31st, 2012 at 2:24 pm
#22 i hming ka hriatna lah chu i hre der mai si lovah
ka nuih aza tlat min hlau tawh lutuk hi 
Report this comment
January 31st, 2012 at 2:32 pm
20-na chuan 17-na a va tan ve.., 19-na a hnehsawh viau bawk si
(An hming ka ziak lang ngam lo… 
)
Report this comment
January 31st, 2012 at 2:43 pm
Aste a hi chuan a inla neitu hârh2 a nia.. Keichu Rempy atangin tetei ah ka pakai tawh
Report this comment
January 31st, 2012 at 3:11 pm
Chhingchhip khua i ni maw? Chhingchhip khua atanga lang thei tur tawk vel khua i chuan kual nasa em mai. Rempy ka hrilh ru duh mai mai hehe
Report this comment
January 31st, 2012 at 3:13 pm
Post tupa, ka lo sawi uar lutuk a ni maithei. I rilru ka tihnat chuan ngaihdam ka dil e.
Ziak zawm leh zawm loh tur i zir fe a ngai ti ila, a chiang ber awm e.
Thu han phuah kual vel leh hmanraw lakkhawmah chuan i theuneu lo khawp mai.
Report this comment
January 31st, 2012 at 4:06 pm
27. Rilru nalo e, mizo tawng ziah ka thiamlo hrim2 a ka hre chiang duh a. Matric leh 12 ah pawh subject dang aiin language ah kati chhe ber
Ka lawm hrim hrim. Tute emaw anga pawngpaw sawisel i nilo;-)
constructive criticism baka mihring tana hlu a awm hlei nem
Report this comment
January 31st, 2012 at 4:13 pm
Thuziak chhiar manhla tak ani. A dik hle mai.
Report this comment
January 31st, 2012 at 4:26 pm
A ho zawnga thlir chuan, a ho khawp mai. He khawvela kan thlakhlelh ho hi, lei piah lam ramah chuan; a rim a ra pawh kan hre tawh awm si lo. Post tha tak a ni
Report this comment
January 31st, 2012 at 4:32 pm
Insawitheih vang pawh ni lovin, Ui ka ngaina tih hre rawh. Tete-i hi chu min chuhpui hlek suh
Report this comment
January 31st, 2012 at 4:43 pm
Kan Group ah hian Zawnlai lam an tlem si a, In la intibuai thei tak tak hlawm dawnin ka hria. Rempy lah hi a han inti ‘hard to catch’ thiam vel bawk si a.
Report this comment
January 31st, 2012 at 5:02 pm
Tete 31 ai chuan ka zei lo ang mahse keichuan uite ka enkawl dam thiam..:-)
Report this comment
January 31st, 2012 at 5:12 pm
misual ho hi nula ka la tuksak hlawm ang che u. in in tam hleih anih kha.
Report this comment
January 31st, 2012 at 5:21 pm
Pathlawi chuan sawi tur ka van teh e.. Zawnglai ho kha han insawi bawra tak tak teh u…
Report this comment
January 31st, 2012 at 9:33 pm
I duhna lamah chuan i keuh nalh mang e, i kam liamah kei ni ang rual chu kan hawi deuh deuh mai a lawm le. Mahse, kei zawng dam hi hlu ka ti, i dam zel ang u.
tren tren
Report this comment
January 31st, 2012 at 11:37 pm
Report this comment