He thu hi ka sawi chakna a rei tawh a, mahse hun remchang ka nei hleithei lova, ka rial rei ta e. Vawiin ah chhuanlam tha tak avangin inkhawm ka skip a, remchang ah ka’n hmang teh ang.
Khaile, in Bible theuh keu rawh u le…….. Ephesi 5:32 thu kha “Hei hi thu ril thuk tak a ni, Krista leh a kohhran thu kei chuan a sawina niin ka hria“. Hei hi tunlai a Bible kan neih lar ber ber a lehlin dan a ni .
“Chu thuruk chu a ropui a ni, nimahsela kei zawngin Krista leh a kohhran thu ka sawi a ni“. Hei hi The Holy Bible in Lushai tih bu kum 1959 a lehlin/chhut, The Bristish and Foreign Bible Society in an published, Rangoon a chhut a ni a, 1959 hian copies 5000 print ani a, 1960 ah copies 10000 print belh leh a ni.(Tichuan Bible pumpui mizo tawnga kan neih kum hi 1965 ti a sawi ka hre fo mai a, hei hian a diklo tih a ti chiang e. A bu ngei pawh hi hmuh theih in kawlthat a la ni e.)
“This is s profound mystery- but I am talking about Christ and the church”. Hei hi Holy Bible, New International Version. Kum 1973, ’78, ’84 a International Bible Society USA in a chhuah a in ziak dan a ni.
“This is a great mystery, but I speak concerning Christ and the church”. Hei hi The Gideon International India in 2008 a a chhuah The New Testament of Our Lord and Saviour Jesus Christ tih a a ziak dan a ni.
“Hei hi thuruk ropui tak a ni, nimahsela kei chuan Krista leh kohhran chung thu ka sawi a ni“. Hei hi kum 2005 a Korea a print Bibles Internationl in a chhuah sawi dan ani.
Le… Ka sawi tum tak ah lut tawh ang aw…. Kan Bible hman lar tunlai a kan neih tam ber ah hian …. a sawina niin ka hria tih a ni vek mai a, kan thurin bu dik lo thei lova kan ngaih hi tunhnai a letlingtute hian thu chiang kuang lo deuh tak, vai ruaiin a niin ka hria an tih tir ta tlat mai hi a ni. Kan thurin bu dik lo thei lo a kan ngaih ah hian rinthu a sawi a awm ta tlat mai hi a pawi ka ti a, lehlin hmasak ho leh ka sawi hnuhnung ber 2005 kum a Bibles International in a chhuah ah hian chiang fak a sawi a ni a, Mizo Bible dang ah chuan Tirhkoh Paula hi vai ruaiin a tawng tlat mai.
Tin, saptawng bu lam ah hian han enchiang ila niin ka hria tih theih tur awm a sawina ka hre miah lo bawk si a, hei hi letlingtu te hian an rinthu an belh deuh a lo maw a tih theih in ka hria.Chuvangin kan thurin in nghahna ah chiang fak nilo, rin thu a tel hi a pawi ka ti a ni. Pathian hian engtin nge a ngaih ang aw?? ka ti thin.
In sawi ve hun……..
Similar Posts:
- Eng Kohhran thurin hi nge dik ber….?
- Kristian Chi 2 Te {Sunday Pual}
- Thlalak print nan enge tha?
- Kohhran Thurin
- Offset Printer lei dan kawng ka va hre duh em!!
:-P # 
February 12th, 2012 at 6:18 pm
Anih tak khi mawle…a siamtha thei tute hrilh hriat vat a tha mange.
Report this comment
February 12th, 2012 at 6:24 pm
bucko , hei hi maw ? 32 This is a profound mystery—but I am talking about Christ and the church.
Report this comment
February 12th, 2012 at 7:35 pm
A lettute chuan, ‘a tawng bul lamah chuan’, an ti leh daih ang.
Report this comment
February 12th, 2012 at 7:43 pm
ka lo hre ngai hleinem
Report this comment
February 12th, 2012 at 8:01 pm
OT lawks: Kan hre vek tawh tho chuan ka ring a, ka’n dah reng reng ang e.
TLUNGVELAH IN ZAI HLUM..
Thu dawn danin Vawiin chawhnu dar3 vel khan Tlungvel Venghluna awm Vanlalthuami kum 25 d/o Lalrama chu an inbul kawngpuiah a pasal anga a kawp Kapmawia kum30 mi chuan chemin a nghawngah a zaia Vanlalthuami hi a hmunah a thi nghal. Vanlalthuami hi Tlungvel venghluna awm a ni a, Kapmawia hi Thingsul tlangnuam mi niin thudawnna chuan a sawi. Kapmawia hi khawtlang thinrimin an khawih ve a, mipui thinrim laka a him zawk nan YMA hruaitu ten Aganwadi inchhungah an dahlut a, a hliam tuar lovin a thi zui ve ta a ni. Vanlalthuami leh Kapmawia te hi man leh mual inhlan lemloa nupa anga awmdun an ni a, fa an neilo. Kapmawia ruang hi tunhnaia a awmna a chhungte Govt Complex (Luangmual) lamah lakthlak a ni dawn niin thu dawnna chuan a sawi bawk. Source: Zoram Tân
Hei hi a nupui zaihlumtu, mipuiin an chil hlum chu a nih hi!
Report this comment
February 12th, 2012 at 9:35 pm
A tha leh hle mai. A buaipuituten han hre thuai se aw. Lusun chhungte ka tuarpui e. A rapthlak leh hle mai
Report this comment
February 13th, 2012 at 9:34 am
a nih hi maw le!
Report this comment
February 13th, 2012 at 1:01 pm
Mizo Bible lehlin hi a dik tlat asin! Translation error/Copyist error hi chu a awm fo. Mizo Bible-ah pawh a awm nual. Ephesi 5:32, hi The Vulgate version khan a tisual ve a, “This is a great sacrament” tiin a dah a, tunah chuan an tidik tawh. Eph.5:32-a Mizo tawnga lehlin hi chu a dik viau. A Tawng-tial (Greek)-in han chhiar teh ang, kualkhung chhunga mi hi literal English a ni:-
“Tó (a) musteérion (mystery) touto (This) méga (great) estín (is) egó
dé (but) légoo (speak) eis (as concerning) Christón (Christ) kaí (and) eis (as concerning) teén (the) ekkleesían (church)”
Greek= “Tó musteérion touto méga estín egó dé légoo eis Christón kaí eis teén ekkleesían”.
English=”This is a great mystery, But, I speak as concerning Christ and the church.”
Paula hian Adama leh Evi-te nupaa an insiamna/inneihna (Gen.2:24) kha mihring inzawmna thuk ber (closest human relationship) a ni a, “Thuruk ropui tak” (great mystery) a ni tel bawk a ni a ti a. Adama leh Evi te inneihna kha entirna atana hmangin, Lal Isua leh Kohhran inneihna, inpumkhatna leh inzawmna thuruk ropui tak a entir thu a rawn sawi chhuak a ni.
Chuvangin, Paula hian Gen.2:24 (cf.Eph.1:9)-a Adama leh Evi-te inneihna khan entir leh sawitum (implications) pawimawh tak 2 a nei a, (1).Tisa inneihna, (2).Krista leh Kohhran inneihna.
Tisa inneihna ringawt ai khan, a hlimthla/thuruk ropui zawk chu Krista leh Kohhran inneihna chungchang a nih thu hi uar taka sawi a duh zawk (concerned) avangin, Paula hian, “…ka hria,” “…ka chiang”, “…tihna chiah chiah a ni,” tih tawngkam aiah “…a sawina niin ka hria” (Greek- eis (primary preposition), as concerning/ reference to Christ and the church, ) tih tawngkam hi a hmang ta a, hei hi Mizo tawng Bible letlingtute hian an chhawm ta niin alang.
Bible lehlin hrang hranga, “…kei chuan Krista leh kohhran chung thu ka sawi a ni (I am talking about Christ and the church)” tih-te phei hi chu, a Tawngtial (Greek) khi en-in an hlat zawkin a lang. A chhan chu Gen.2:24 thu-a Adama leh Evi-te inneihna kha Pathianin awmze nei taka (tisa & thlarauvah entir neia) alo buatsaih a ni a, Paula sawi ni lovin, Bible (Pathian) sawi a ni zawk.
Hetianga an letling dawn rau rau a nih chuan, hetiang tal hian ti sela –
“Hei hi thu ril thuk tak a ni, hei hi Krista leh a kohhran thu a sawina a ni tih kei chuan ka hria a ni”
tiin,
I zir peihna leh i thahnemngaihna ka fak hrim hrim che.
Report this comment
March 10th, 2012 at 12:32 am
inspired minds…
[...]Sunday Pual (ti ve teh ang). | mi(sual).com[...]…
Report this comment