V’ Day pualin…
Shakespeare-a chuan Hmangaihna tak (True Love) chu ‘He mihring mita hmuh theih leh khawih theih thilah hian a innghat lo va, kan rilru leh ngaihtuahna chhûngrilah hian a innghat zâwk a ni’ a ti. Hmangaihna tak chu hmêl, pianphung leh vun rawng (Complexion)-ah te hian a awm lo va; thinlung chhûngril, mihring rilruina a chhui chhuah phâk loah hian a in phûm ru zâwk ṭhin. Chu chu a tak a, a mâwi a, a thianghlim êm êm a ni.
‘Love is blind, love is blind, but marriage is an eye opener’ Hmangaihna hi a mit a del ti ṭhin bawk mah ila, inneihna aṭang hian a mit a lo keu ṭhin. Nulât tlangvâl lai chuan kan hmangaih viau emaw kan tihte hi kan lo hmangaih leh lo fo. Chuvângin hmangaihna hi hrilhfiah theih leh sawi fiah theih a ni lo. Tawng mah ila, kan fiah chuang hek lo.
Hmangaih Lehkhathawn hi chu a lo hlu mang e. Kan han chhiar a, kan chhiar nawn leh ṭhin. Tuipui kam ṭiau vaivuta hmangaihna biahthu, thlum taka ziah erawh chuan rei a daih ngai lo. Tuite chu lo so bulh bulhin, a fâwn te chuan ṭiaupho chu a rawn khuh hlup hlup a, hmangaih biahthu mâwi leh thlum taka kan ziah te chu tui a lem zo ta! Tuifâwn a kâm a, kan ziak nawn leh ṭhin, mahse tui a lo lian a, a nuai bo leh ṭhin.
Tîsâ induhna mai hi chuan rei a daih ngai lo. Khuarei a lo nih a, nunah harsatna leh buaina kan tawh chângin a thâmral leh mai ṭhin. Chuvângin hmangaihna tak tak, thinlung chhûngril aṭanga lo irh chhuak chauh hian midangte hmangaih ṭhin ila, ‘tichuan khawvel hi ram nuam takah kan siam thei ang.
Lehkhathawn, i thinlung fan raih i dawng tawh ngai em? I lehkhathawn dawn kha mâwi leh thlum tak pawh ni se, ṭiauphova ziah a nih chuan tui lo lianin, thlipui a lo tleh ang a, a ral thuai ang. Tûnlâiah chuan lehkhathawn pawh kan chîng ta lo, a pawi ka ti hle. Mobile phone lo chhuakte hi awlsamna ni viau mah se, rau a nei lo tlat. Hmangaihte lehkha, ṭhiante kal tlanga dawn hi chuan hahte hi a dam sawng sawng thei nia! Zân rei tak taka SMS inthawn a, min bâwl nge thu tak a sawi tih pawh hriat hleih lohte ai chuan a hlu daih zâwk asin le! Kan intih changkânna hian min lem zo a, lehkhathawnte chu mi changkâng lo ho hman âwm lekah kan ngai ta niin a lang.
Eng pawh ni se, SMS, CALL leh LEHKHATHAWN a ni emaw hmangaihna tak hi chu a hlu a, a tlo a, thlipui leh ruahpui, harsatna leh manganna tâwp khâwk pawhin a ngam lo va, thihna meuh pawhin a ngam hek lo. Chûvângin fimkhur la, mi i va hmangaih a ni emaw, an rawn hmangaih che a ni emaw; tiaudûpa hmangaihna, thlum taka ziah ai chuan THINLUNG-a hmangaihna THILTIH-a ziah hi a hlu zâwk tih i dam chhûng zawngin vawng reng la, tichuan hmangaihna tak, a famkim lovin i hriat belh zêl ang.
Similar Posts:
- Love Theory!
- What is Love? What does it mean to me?
- Ve thuai mai a!
- Mipa leh Hmeichhia
- Ka pu Shakespeare-a love story
February 14th, 2012 at 6:32 am
Happy Valentines Day
Report this comment
February 14th, 2012 at 7:36 am
Happy Valentines Day
Report this comment
February 14th, 2012 at 7:49 am
Happy Valentines Day
Report this comment
February 14th, 2012 at 9:24 am
Vawiin chu kan banner ava mawi chuai chuai ve.
Report this comment
February 14th, 2012 at 9:49 am
Kan banner chuan lung a kuai mang e… hehehe
Report this comment
February 14th, 2012 at 10:07 am
I va ziak tha ve!
Hmangaihna hi PHYSICAL PARAMETERS nei miah lo, a san lam emaw a rih zawng emaw a thuk zawng emaw teh theih miah loh a ni. Amaherawh chu a behbawm heng: induhsaktawnna, inhriatthiam tawnna, dawhtheihna, tih hram hramna,inngaihdam theihna, nun hlanna leh a dang tamtak hian a ti famkim a. A thukzia leh nasat zia a ti lang thin.
Isua Krista pawh hian kan tan nun a hlan a tuar chhuak zak avang hian a hmangaihna thukzia leh sanzia hi kan sawi a kan nei thin a nih hi!
Report this comment
February 14th, 2012 at 10:11 am
Nula ho kha V-Day in hmang nuam lutuk ang a in ‘V’ lo keuh ang e o a pawi viau ang!!
Report this comment
February 14th, 2012 at 10:15 am
HAPPY VALENTINES DAY especially ReMpY
Report this comment
February 14th, 2012 at 10:16 am
Soberte: I V dawn em? Tlangval i nih kha lo V rawh a hun lai hi a awm ve a nia. Kei ni lah kan OVER tawh a ni mai si a. Enteh Soberte, Tirhkoh Paula’n Tv Timothea a ngai em em ang khan vawiin hian ka ngai che, Rom khuaa awm daih ang hian…. :i man em?:
I pu Chawnghilha kha VanlalLAZRA nuta VanlalMARTHI-in ‘Lalpa, heta awm ni la chu..’ tia ka Lalpa a thlahlel ang khan ka thlahlel e. Lo hrilh hram ang che Juda ho bulah khan a lo hawi pir leh va ange a uihawm..
Report this comment
February 14th, 2012 at 10:31 am
haha U IGNATIA tehreng mai haha
Report this comment
February 14th, 2012 at 10:43 am
I va’n thluaithlum thiam em! Happy Valentine’s Day..
Report this comment
February 14th, 2012 at 10:57 am
Happy Independent day for those who are single.
tren tren.
Report this comment
February 14th, 2012 at 12:54 pm
Dak thlarh mai.
Report this comment
February 14th, 2012 at 4:02 pm
Tha hle mai. Ka lo tum chhin a nge.
Report this comment
February 14th, 2012 at 5:45 pm
#12 Same to me Independence day!!!
Report this comment
February 14th, 2012 at 6:32 pm
A tha hle mai. Thuziak ruh tha tak, tawngkam uluk fahrana ziah, a ngaihnawmna paih bo chuang si lova thutak pai a ni e.
I thu tawpna hi a mawiin ngaihtuah a ti thui – “…tiaudûpa hmangaihna, thlum taka ziah ai chuan THINLUNG-a hmangaihna THILTIH-a ziah hi a hlu zâwk tih i dam chhûng zawngin vawng reng la, tichuan hmangaihna tak, a famkim lovin i hriat belh zêl ang.” ‘..hmangaihna tak, a famkim lovin..’ han tih lai tak hi…
Report this comment
February 14th, 2012 at 9:56 pm
#16 Hmangaihna hi hriat fiah theih niin ka hre lova, chuvangin “a famkim lovin” ka tih a tul tlat a ni
Report this comment
February 14th, 2012 at 11:12 pm
Ziak tha hle mai. Hmangaihna tak tak thinlung tel lem lo va “Love You” in tih liam puat hi a daih rei lo! Thinlung tak taka tih theih erawh chu a hlu khawp mai.
Report this comment