Mizo hmeichhia zawng zawng huapa pawl din, ‘Mizo Hmeichhe Insuihkhawm Pawl’ (MHIP) chuan tun thla ni 23 (Feb. 23, 2012) a Mizoram puma Village Council Member tur thlanna neih tura Hmeichhe Candidate-te chu hmeichhia zawng zawngin, an party awmna sawi lova vote turin an ngen a, mipa pawhin hmeichhe candidate-te hi tlawmngaia vote pui turin an ngen bawk tih thu Mizoram chanchinbu hrang hrangah a chhuak chuai chuai mai!
MHIP hian thuchhuah siamin, hetianga ngenna siam hi February ni 6, 2012 a MHIP Gen. Hqrs. Executive Committee-in an rel niin an sawi a. Chu mai piah lamah chuan hmeichhe candidate, MHIP a nihna neite chu an nihna bansan kher a ngaih loh thu an hriattir bawk a nih chu!
Rilruah Golda Meir, Margaret Thatcher, Indira Gandhi, Condoleezza Rice, Hillary Clinton, Mamata Benerjee, Sushma Swaraj te an lo lang nghal thawt thawt mai!
Hmeichhe candidate zingah, mipa aia rintlak zawk mah pawh an awm thei a. Chutiang mite chu MHIP in ‘Vote ang u,’ ti lo mahse an duh duha an kawih-her theih mipaho hian kan vote dawn chiang khawp. Amaherawhchu, hmeichhia an nih avang ngawta vote tura inzirtir hi a felhlel takzet thung.
Mipui rorelna ramah chuan sorkar inrelbawlna kawngah mawhphurtu tur mipuiin kan thlang thin a. Hemi kawngah hian political party ruihchilhna te, chhung leh khat, vua leh vang induhsakna te hi hmanraw chak tak a nih rualin, ram thanmawhbawk a ni fo thin a. Mipuiten an aiawh an thlanna kawnga rilru thiang tak nei chunga an vote an thlak hi Democracy kalphung a ni a, chu chu Election Commission of India duh dan a ni bawk. Chutih laia MHIP in an hmeichhiatpuite an campaign pui ta vak mai hi a zia lo hle.
India ram Danpui hnuaia din Election Commission hian vote thlaktute rilru, hmanraw dik lo hmanga hruaikawi hi a haw hle a. Sum leh pai emaw, tharum emaw, sorkar leh khawtlanga nihna emaw hmanga midangte rilru thiang puttir thei lova, politics-a hlawkna atana hman hi Election Commission of India phal loh thil a ni. Chutiang a nih laia MHIP in an pawl zahawmna hmachhuana an member-te hnenah hmeichhe candidate vote tura a ngen ta mai hi a mak a. Ram leh khawtlang tana tha leh tha lo thliar hauh lova hmeichhe candidate vote tura inngen hi a ‘Constitutional’ lo hle a tih theih awm e.Khawvel hian hmeichhe hruaitu ropui tak tak a lo nei tawh a, a nei mek zel bawk. Khawvela ram ropui ber zinga mi Germany chuan hmeichhe Chancellor an nei mek a. Australia-in hmeichhe Prime Minister an nei a, Switzerland Prime Minister pawh hmeichhia bawk a ni! India ram ngei pawhin hmeichhe President kan nei mek.
Hmeichhiate hi ram leh khawtlang hruai tur hian an iaiawm loh va. An duh a, an tlin a nih phawt chuan mipate pawh hian hmeichhia an nih vang ngawtin kan iai lo. Mizo mipa tam tak hian keini aia hruaitu tha ni thei Mizo hmeichhia an awm tih hi kan pha lo. Amaherawhchu, MHIP meuhvin hmeichhe candidate hrim hrim vote tura a member-te a zirtir hi a fuh lo lai tak chu a ni. ‘That dan inang rau rauvah, hmeichhiate chuan hmeichhe candidate duhsak bik ni thei se,’ te ti ta mai mai se a tawk lek tur!
MHIP, a nihnaah pawh, ‘Politis leh Kohhranah tih bik nei lo’ (Tun hma chuan, Politics-ah a inhnamhnawih tur a ni lo’ tih a ni thin a, kum 2010 a Dan an siamthatah hetiang hian siam danglam a ni) ni siin party ticket-a dingte pawh MHIP a an nihna bansan kher a ngaih loh thu an thuchhuaha an ziak tel kher te hi a mak ngawt mai!
Engnge i ngaih ve dan?
Similar Posts:
- Vote thlak chungchang
- HDDC: Hnahthial-ah MNF vote tur
- Mizo Mipa Vs Hmeichhia
- Chalfilh Bial Bye Election vote chhiar a ni dawn ta!
- Mipa leh Hmeichhia-II
(Y)
February 16th, 2012 at 11:20 am
🙂
February 16th, 2012 at 11:23 am
Thil tih sa loh loh!
February 16th, 2012 at 11:24 am
T r’u, HMEICHHIA tih word hi thlak tawh teh ang u. An chhe vek miah lo ania. Word neutral deuh hmang zawk ila a tha lawng maw?
February 16th, 2012 at 11:27 am
Kan hmaphelho chu an pawlin an mit a tidel ta zu nia! Hmeichhe dinhmun hi a sang tawk a, dinhmun hnuaihnung em em an ni tawh lo, Mizoram-ah hian. Mipa aia dinhmun hniam zawk hreta an lo awm a nih pawhin an pawm thiam a hun tawhin ka hria a. Hetianga NGO pakhat ve meuh auchhuaka an hmeichhiatpuite vote tura an campaign ta mai hi a âwm lo hulhual a ni. Kan Mizoram hmeichhiate hian awm chin tawk an hre tawh lo a nih hi maw.. Eng anga thuneih zel nge an tum ni.. I zirtir teh ang u. Hmeichhia leh vau sam loh chu an pawng tual tual mai chu a nih hi.
Ka duh duh ka vote ang!
Post tha tak a ni. (Y)
February 16th, 2012 at 11:28 am
MHIP an lian tulh tulh a, an hu hang a na tulh tulh a, an tih loh tawp tur an ti tam tulh tulh a, house-keeping an kalsan tulh tulh a, kei ka ni an inti tulh tulh a, an pawl a buai tulh tulh a, awmpuite kutah fate an dah tam tulh tulh a, naupang an sual tulh tulh a, chhungkua a buai tulh tulh a, ram pum pawh a buai tulh tulh dawn anih hi. Nu ber zahawmna chu khawtlang tana a thiltih that ni lovin inchhung zahawm a siam danah a ni zawk.
February 16th, 2012 at 11:36 am
Ka ngaihdan – Hmeichhia chu ka ni na a MHIP thuchhuak hi ka support lo. Khawtlang hruaitu atan chuan mi dik leh mi tha thlan mai tur. MHIP hruaitute pawh hetiang a thuchhuah han siam te chu….zia lo e 😉
February 16th, 2012 at 11:39 am
Duhsaka an hma ngaih leh awmdan tawk an hrelo..
Hmeichhe vau loh chu an pawng tulh2 antih hi a dik.
Hmeichhia annih vang khan an tha tihna nilo.a tha chu kan vengah pawh hman atang khan antla thei lo, an tling xel.
MHIP TE U ALO THLENA KAWNG ZAWH RINGAWT LO KHAN PAWNGSUAL’ SEX ABUSE TE HI VEI ZAWK RAWH U.
Ngaihna awmlo
February 16th, 2012 at 11:41 am
Ka ngei tlat. Grrr ti leh hram ang..
February 16th, 2012 at 11:47 am
Congress vote tawh loh tur! kan thim zing em mai ka hne zozai! Ka lawm e :-$
February 16th, 2012 at 11:49 am
An appeal hi huatthlala ka ti ve miah lo. A sawt dawn bawk hlei lova.
February 16th, 2012 at 11:51 am
Tuikhur ral an ngaihtuah thleng phaklo tak tak a nih hmel………… 😀 😀
February 16th, 2012 at 11:52 am
An appeal hi huatthlala ka ti ve miah lo. A sawt dawn bawk hlei lova.
Hriatpuia pa sawi ka lem chiah loh chu “Mizo hmeichhia zawng zawng huapa pawl din” tih khi ani. MHIP hi NGO ani a, hmeichhia a duh in an zawm ang a, duh lovin an zawm ang a, tih luihna a zawm ngai NGO democracy hnuaia rorelna ah a awm thei lo. YMA pawh a duh in an zawm ang a, thalai zawng zawng huap tih tur ani lo. YMA ah ka tel ngai lo.
February 16th, 2012 at 11:55 am
MHIP ve lah hi an tawng tam si 😛
February 16th, 2012 at 11:56 am
#10, a huatthla la awm vaklo, a sawt dawn bawk lova.
Eng titia tiang thuchhuah siam nge annih aw te ka tia.
An inla cheap mai mai
February 16th, 2012 at 12:06 pm
A va han at thlak mai2 thin e aw!ti khian ram an hmangaihlo zia leh mahni tanghma an hai zia an t lang..Ram(khawtlang)hruaitu tha tak neih ai cuan tu pwh ni rawh se,hmeichhia a nih cuan kan khawtlang enkawltu ah kan duh zawk tur ani..ti in an member te an zirtir ani ber alawm le..
February 16th, 2012 at 12:06 pm
Jabalpur naupang hi, karhmasa khan Lunglei nula pahnihin an tlawh a, a fel thar thar khawp mai an tih kha. MHIP vek tho..:-D
February 16th, 2012 at 12:11 pm
Gender bias ang zawnga sensitive hle si an mahni hi an va han GENDER BIAS ve… Gender bias duhlo a hmeichhe dinhmun chawikan duh Feminist ho khan sawi tur in nei em le…? (N) (N) (N) (N) (N) (N) (N) (N) (N) (N) (N)
February 16th, 2012 at 12:14 pm
GENDER BIAS (N) (N) (N)
February 16th, 2012 at 12:15 pm
#12 Borat, an Danbuah ‘Mizo hmeichhia zawng zawng huap’ a nih thu hi a inziak. Ka rinthu a ni miah lo a nia 😀
February 16th, 2012 at 12:20 pm
Hmeichhe tih awm tawk vel a ni e. Tiranga do te kha an inhmeh vel ka tia.
February 16th, 2012 at 12:24 pm
I sawi zau na chu a tha khep khawp hle mai. (Y)
Thuchhuah noi tak anih hi a..Thenzawl KTP thuchhuah ai paw’n ala noi leh chhawng. NO.
Seldom-i te,reMpiU-i te hi in candidate se ngawi rengin kan vote that2 mai tur. 😉
February 16th, 2012 at 12:32 pm
hmeichhia nih hrim hrim vanga vote tur a han beisei te chu a..buaichuar MHIP ho ve hi! in ti awm ang lo lutuk 😀
February 16th, 2012 at 12:32 pm
@Lamji, lolzz. NOI, NOI.
February 16th, 2012 at 12:35 pm
Aryana hi khawnge aw..a la mu lo ang a..thil ka zawt duh che ania..aryan..
February 16th, 2012 at 12:36 pm
Hriatpuia pa, nia. Anni chuan Mizo hmeicchia zawng zawng huap an inti ta ve ang. Mahse hmeichhe nausen thla 3 mi te, pitar kum 88 mite chuan “Ka tel ve lo” an tih duh hmel tiraw?
KUm 18-60 inkara mite pawn ‘MHIP ah ka tel’, an tih kim barh ka ring lo.
February 16th, 2012 at 12:41 pm
^^ Haha! Nia :-$
February 16th, 2012 at 12:42 pm
Gender issue hi Mizo context ah chuan a valid tawh lo. Hman deuh lawka national newspaper pakhata rawn chhuakah chuan nu leh pa tam zawkin hmeichhe fa an duh zawk. Hei hian a entir pui ber chu mipa aiin hmeichhia an duhzawk a, society ah pawh an dinhmun a tha tawk.
MHIP hi, Mizo hmeichhiate hmaikawra hmang hian mi pamham thenkhat hian anmahni in vur nana hman an tum lek fang a ang hle mai.
February 16th, 2012 at 12:42 pm
Themtleng te zawk an sawi ang mai. Inrawlh lohna tura inrawlh fo hi chu a ninawm.
February 16th, 2012 at 12:44 pm
Ka duh duh ka vawt dawn. (H)
Hmeichhia hian engtik laimahin khawiihmunah pawh Mipa an replace thei ngai lo ang!
February 16th, 2012 at 12:46 pm
Trawta, lunglei nula te kha i hria elo. Nang hi aw,
February 16th, 2012 at 12:47 pm
Judate anga “Lalpa Hmeichhiaa min siam loh avangin lawmthu ka hrilh a che” tia tawngtai chu tha ka ti hauh lova, Hmeichhia-te chanvo chhuhsak leh rahbeh pawh tha ka ti chuang lo. Mahse, “dah lal lutuk” erawh ka support hauh lo thung. Bible leh khawvel kalphung ka thlir hian “Mipa lalna & hotu-na nge nge hi a zahawm ber” rih-in ka hria. 😉
February 16th, 2012 at 12:53 pm
Inah chaw tui takin siam se,an pasal fanau te awm tlei se,an tan inchhung ah tawngtai tam se. An pasal te ti lawm se Pathian leh mihring hma ah vote an hmu chur2 ani mai. Period. Kan hmeichhia te kan duat ta lutuk deuh e,kan buai telh2 ang. Hetiang thuchhuah an nei ngam pawh hi a mak e..
February 16th, 2012 at 12:55 pm
#28 Kawnga, inrawlhna turah tak hian inrawlh jeih mai ila, a tihchi ber tiraw .. 😛 :-$
February 16th, 2012 at 12:56 pm
Hmeichhia ka hnuai chhiah chu a ni hauh lo a. Pathian min siam danah hian mipa te rawng bawl tura siam an ni. Inah a awm anga,a pasal fanau a enkawl ang…a nalh em em reng ang. Chu chu hmeichhia ka beisei dan 😉
Candidate zinga hmeichhia mitha an awm chuan vote tur ni eeeee,MHIP azawnga hmeichhia in hmeichhe candidate vote vek tur…chakai sa nen ek saman.
Tlipna : Nu in afa sual tak tan zan tin kum khat chhung a tawngtaisak ai,a pa in mit tui leh tih tak zet a afapa tan Pathian hnena vawikhat inbunruak atawngtai hi Pa thin lung a khawih zawk tih hi ka pawm dan a ni. NOI 😛 😀
February 16th, 2012 at 1:18 pm
A nawlpuiin mizoram/mizo hi cu hmun dang mi te aiin kan kal dan hi a ing euh ve deuh hrim hrim. NGO in dan an kengkawh thul… MHIP pawhin tiranga an han khap ve ringawt a… khap an duh chuan sawrkar ah khap tura nawr mai awm ania. sawrkar thu pawh la lovin an duh thu hian decision siamin NGO tehian an power hmangin thil an ti leh vak vak mai thin a…
Tunah pawh MHIP in hetianga thu chhuah a siam chuan mi tamtak tan chuan, “Hmeichhe tih awm tawk lek.” an ti ngei ang, hmanni a an hruaitu pakhat an ban dan teh tlawng tekha, “hmeichhe tih awm tawk lek” ti tu an tam ang. Hetianga an tih loh natur a awm tehi tum zawk tur ania.
As for MHIP I would say, until today they do not prove themselves better . 🙁
February 16th, 2012 at 1:32 pm
hahthlakin! :-$
February 16th, 2012 at 1:44 pm
Tullo hle mai a. MHIP hian enge ni a an inhriat tak le!! An tih loh tur tak hi tih an ching ta riau mai. Tlema dipdal deuh chu an ngai ta a nih hi.
February 16th, 2012 at 1:58 pm
Hmeichhia ka vote nguar ang.
February 16th, 2012 at 2:05 pm
OT: SANDMAN A PAWLTE 0-4 Milan. Hahaha
February 16th, 2012 at 2:10 pm
A nawi em mai a,an tih awm tawk lek a nih chu. 😛
February 16th, 2012 at 2:13 pm
Hmeichhia nih vanga vote tur han tih chuh,
Hlawhtlin duh hmel nguar ang chu (N) (N) (N)
February 16th, 2012 at 2:21 pm
(N) (N) (N) (N) (N) (N) (N) (N) (N) (N) (N) (N) (N) (N) (N) (N) (N) (N) (N) (N) (N) (N) (N) (N) (N) (N) (N) (N) (N) (N) (N) (N) (N) (N) (N) (N) (N) (N) (N) (N)
February 16th, 2012 at 2:38 pm
Everyone(including them) knows this will only make the system worse, but still they’re using what they are against of as a tool… This is just ridiculous and disgusting.
MHIP ho rawn chhiar hma in tlanchhe daih ang 😛
February 16th, 2012 at 2:58 pm
MHIP ho chuan an pasal te an va ti mualpho leh pek ve leh 😛
Pa te u, in nupui te hi an huangtau lua e. Vaw rawh u 😛 😀
February 16th, 2012 at 3:05 pm
Nupui ka neih dawn ah chuan ka nupui tur chu MHIP a in hmang ve lo turin ka intiam tir ang, min ti mualpho dawn tlat. Kohhran hmeichhia ah in hmang se a tawk viau a ni 🙂
February 16th, 2012 at 3:09 pm
In hmeichiat pui, hmandang pasal nei tur te hi veng zawk ula. Tin, phai rama kan nula lepchiah deuh deuh, mizo min ti mualpho tu te hi vei zawk teh u.
February 16th, 2012 at 3:17 pm
Comment tam duh lo mai ang. Hmeichhe chanchin hi ngamtlak tak leh pawh tak bulah lo chuan sawi chhen chi pawh va ni suh. Mipa hi an run thin em mai!
Thuziak khian thuken tha tak a nei a nia. Chhiar chhuah tlak a ni.
February 16th, 2012 at 3:21 pm
Kan banner hi a va seksi vee.. 😀
February 16th, 2012 at 3:42 pm
In pasalte eiruk ching an awm chuan eiru tawh lo turin fuih rawh u :-[ :-[
February 16th, 2012 at 4:49 pm
In PA hlawm em mai, an ngenna che u chu lo tih hlawhtlin sak ve mai mai ula… 😀
Hmanah in vau lo a, an pawng tawh a nih hi..nakinah phei chuan MLA/MP te anla chuh zel ang, chutih hunah chuan, Pa hovin nau an awm thung ang…chu hun chu a hla vak tawh lovang…..Cinema en ve duh chuan, nau awm sawk sawk a ngai ang 😛
February 16th, 2012 at 5:07 pm
Kan misual * Sheldy te hi chu an in rawlh ve hauh lovang le..
…tih tumin…Kan Edit theihloh chu le.
Phek thar hawng mai ang…
February 16th, 2012 at 5:15 pm
A chung lama tan an hauh tlat ang tih ka hlau mange ( ngai kawi suh u)
February 16th, 2012 at 5:33 pm
ummmm….
February 16th, 2012 at 5:48 pm
SEC hian MHIP thu chhuah hi an ngai haw lo a ni chek ang maw, khak chi a ni ve tho lo maw?
February 16th, 2012 at 5:54 pm
Ni dawn tak e thachianga #54 ang hian election thuneitute lam atangin engemaw in kaihhruaina dan pel deuh te alo awm lo maw le hetianga in thliar ang zawnga hma lak hi…
February 16th, 2012 at 6:05 pm
Hmeichhia an nih avang ringawta vote chuh!
February 16th, 2012 at 6:29 pm
Hmeichhia ah pawh MHIP Branch President leh Treasurer hna chelh tawh ka ni a..ka ngaihdan ve mai mai chuan, hetiang a thuchhuah hi MHIP din chhan leh a tum ah a tel ka hre lo a, NGO eng pawh hian an pawl din chhan leh a tum ah hian kal mai se…tih hi ka ngaihdan a ni..Engkim kan Politicise vek hi chu tha ka ti ve lo a ni..
February 16th, 2012 at 6:33 pm
#57 – AMEN! (HALLELUIAH tel lovin..
)
February 16th, 2012 at 6:34 pm
Hmeichhe candidate hmeichhe hoin an vote vek dawn chuan kan nu leh ka farnu te ho hi ka lo din tir ve lo a ni, niza inhlawhna avangin vc nih hlawk an ti nasa mai si a, mi in luah reng mai hi a ninawm tawh em mai.. Hihiii
tren tren
February 16th, 2012 at 6:38 pm
Comment 30 vel bawr thleng ka chhiar.. mipa tam tak pawh hi kan nawi ka ti. Mifing tam tak kan awm a hmei a pa in. Mahse mi fing lo (tun lo haw lo se) hi mipa zingah kan tam hmel. Haha….. Engmah thil chiang taka (logic) ngaihtuah si lova comment tam zawk phen a uchuak (tullo leh comment mawl deuh deuh thleng thlenga) taka so pung pung hi kan tam ka ti misual ah pawh hian.
BO DAIH !! RAMHNUAIAH !!!
February 16th, 2012 at 6:44 pm
Ka comment#6 chhunzawmna – MHIP in hetiang a thu a nei hi a zahthlak ka tia. Hmeichhe candidate zawk khan amah mimal angin a hmeichhiat pui te hnenah amah vote tura ngenna siam chu nise ka hrethiam.
Ram leh khawtlang hruaitu atan chuan mi dik leh rinawm, mahni pumpui aia ram leh hnam hmangaihtu ni se, hmeichhia anih leh mipa anih lam a pawimawhlo.
February 16th, 2012 at 6:44 pm
RAWN lang leh zawk thil pakhat theihnghilh avangin…. Hetia MHIP thuchhuah kan chai laih laih karah MHIP hi NGO anih avanga YMA ah pawh tel lo ngam ngat kha ….. Ka nuih a za.. .
MHIP thuchhuah kan ngaihdan a inang tlang. Mahse sap ho ignorant lutuk tam tak anga mawl chhuah a aggressive deuh deuh comment hi a thing ka ti…
BO LEH DAIH.
February 16th, 2012 at 6:49 pm
Tunah (vawiin) hian Mumbai lamah chuan BMC election kan nei mek a, chuan he post hian nizan a ka FB thian pakhat rawn update min ti hrechhuak zawks mai… a ngai ngai in a FB status update ka rawn copy-paste e…
So in my electoral ward (reserved for women) none of the candidates are 12th pass, only one has prior electoral experience and most are merely wives of politicians. How does one choose?
February 16th, 2012 at 6:51 pm
A tullo se
February 16th, 2012 at 7:50 pm
Khitiang thu chhakchhuah khi tu idea nge ni ang le?? Hruaitu lu lam a nih chuan paihthlak vawng2 chi a ni,a thu khi a mawl lulai em mai
February 16th, 2012 at 8:14 pm
Hmanni lawkah hetiang relate deuh ‘A mak a na’ tih post ka siam a, min bei bur bur kha a ni si a, tunah lah a MHIP member ho thleng thlengin in support leh luai2 a, Mipa pawl thleng2in min bei kha a nia, mak thei ngei e. Kan retheih em bik vang aniang e, ti mai te’ng. Keini sawi ve hi zawng…….
February 16th, 2012 at 8:57 pm
A hahthlak thin mang tak e aw
February 16th, 2012 at 9:13 pm
A va ho ang reng tak ve mawle. Mi tha apiang chu kan thlang mai tur a ni dawn lawmni le??????
February 17th, 2012 at 12:19 pm
India ramah hian Electoral Reform hi a tul niin a lang. Candidate zingah kan duh an awm miah lo pawha a duh lo tuten Vote kan thlak vena tur Election Commission hian min siamsak a tul a ni. Vote thlak hi India khua leh tui kan nih chuan kan tih tur, kan duty a ni a. Kan tih ngei tur pawh a ni. Mahse, in candidate zinga tumah kan duh loh pawhin Vote kan thlak a tul tlat si. Vote tih thih ngawt thu awm si lo. Chung mite chanvo min siam sak ve hi Election Commission mawhphurhna a ni a. ‘No One” vote-na tur button kan mamawh tlatin ka hria, ka phur thut chuan la rawn post nghe nghe ila a tha ang