«
»

‘Hmeichhia leh Uite…’, an ti maw..?

February 21st, 2012 8:30 pm by Dr Mahminga Sailo

A ngaite bawk…
Hmeichhia leh Uite chanchin sawi lo hian kei zawng ka awm thei hlawl lo a ni e! Nikumah khan, he thupui hmang hian thu ka ziak tawh a; mahse ziah hmaih ka nei tam hle mai lo niin! Thupui dang nei tawh lem lovin, a chhunzawmna te pawh kan ti thei ang chu.

Thupui bultanna ‘Hmeichhia’ chungchang erawh; hming pakhat ve mai a ni kan tih tawh kha. Hmeichhia, hmei a kara a chhia leh nghal tih changchawia, ngaihaw hialtu te hian, pasal, pa a kara sal tih pawh hi ngaihtuah thleng ve se. A hming mai a nihzia an hre thar duh ang em le?

Rs. 420 man chauh maw..?
“Aw ni e, tlawm tak an ni.., hmeichhia hi”, I ti ngawt elo? Nia, sum/pawisa hmang a thil hlutna chhut mi I nih ngai chuan Rs 420 man chu a tlawm reng ang chu. Mahse han dawn chiang deuh teh. Isua Krista, kan sual tlan na’n a thihna khawp hial tuar a; anchhedawng kraws a nghaisak leh endawng tuartu kha, Rs 30 chiahin a zirtir pakhat in a hralh a ni lom ni kha? Rs. 30 man lek a chatuan nunna kan neih theih tluka hlu leh ropui hi lei leh vanah hian a awm leh tawh ngai lo’ng.., kumkhua in

Rosuma leizawh rual loh Hmeichhia
Hmeichhe hlutna zawng zawng sawi thei vek lo mah ila (sawi tur lah ka hre vek hek lo), ‘vanneih thil thuah nupui nei ve dawn ta ni ila’ tiin, ka phak tawk a nupui (hmeichhia) hlutna hi ka chhut mai mai thin. Kei aia hrechiang leh tawng tawh tam tak pawh in awm tih hre reng mah ila, tlanchhe chungin ka’n hnutchhiah te’ng che u.., thaibawih (chhungkaw tangrual..?!) tura infuihna lam ni lem lovin.. :-)

Insukna khawl…
…power supply awm loh chang pawha hman theih, bill san phah lem si lo, mamawh hun apianga insu thei; duh hun hun a inkhawmpui theih, fel si, no si, nui mawi si, mengmawi leh ngaihnobei em em lehnghal; tin, hmeltha em em bawk si.., a si hlir mai, inchhungkhur a ka’n kawl rup tur hi, malsawmna leh vanneihna a ni hrim hrim dawnin ka hria a. Keini ang rethei bakberh ve tak tan zawng, washing machine han lei ve dawn ngawt ila, chhungkaw budget a buai vek dawn leh nghal. Chutih kar a Rs 420 lek a insu thei, inchhungkhur a tangkai em em mai ka lei nghal mai tur hi vannei ka in ti.

Tanpui vartu hnai reng…
…ka theihnghilh ngai lo. Hman lo chung chunga ka nu’n rawng a bawl emaw a insuk laiin; ka pa ho vin kan thuamhnaw emaw mamawh dang kan zawng hmu zo lo fo. Beidawn hnua pa berin, ‘Nu-i, khawnge a awm le?’ a tih hnu reilote chhungin, ‘Hei he ta hi’ a ti thei zel kha. Nu hian inchhungkhur thil dah leh rem dan an va hrechiang tak em! Heti khawp a pasal-fanau te tana tangkai leh inpe zo I neih hnu hian, nupui man atan a Rs 420 I pek kha I la sawi lang fo dawn em ni le? Kei zawng, lawm vangin sawi tur ka haihchham tuktin fo ka ring asin!!

Evi, Sualna bulpui kan ti maw..?
… a dikmai thei, mahse chhut chian deuh a ngai lo’ng maw? Evi’n, Adama a thlem vang khan hmeichhia kan deusawh in kan elsen ngawt hi a fuh ber em? Adama, thil ngaihtuah chiang hawt lova Evi thusawi a awih avanga mihring te sual a tlu a Pathian anchhia lawh ah puhin kan sawi tlawr hluak hluak thin em? Chhungkaw pa ber eirukna chhan hi a nupui te vang a nih ngat chuan, a pasal thiamlohna chin ka nei ve tlat. Thil tha lo ah na na na chuan, nupuite hnialthla ngam turin chhungkawpa hi a PA bur tur a ni.

Sualna laka min chhandam a, khawngaihna leh hmangaihna sawifiah phak loh a min chhandamtu: Lal Isua Krista hringa, chawiliantu kha Mari, hmeichhia a ni asin. Chuvangin, hmeichhia te hi Pathian rorel tihlawhtling turin an pawimawh hle.

Tlipna
Enge kan sawi tak ang? Sawi sawiin, ziak kur duah mah ila, Hmeichhe hlutna hi zawng sawi a ziah sen a ni dawn chuang lo.

Kei zawng kan pi leh pu te hi an fing ka ti thin. ‘Hmeichhia leh Uite’ an lo tih fo chhan hi, ngaihtuah thui lem lo tan chuan ngaihkawih awl tak a ni na’ng in; ngaihtuah thui deuh tan erawh a awmzia hi a thuk tlat si! Khai mah aw, thenkhat chuan Ran Daktawr ngaihdan pawh in ti mai thei.. :-) Ui, a neitu te tana a rinawmzia, a neitu te bawkin an hrechiang. A neitu te chhungkua a hriain, an rim leh an aw a hre hrang thei. Hnamfing te hian Ui, a pi/pu tan a a rinawm (faithful) dan hi, rinawmna sawifiah na’n an hmang chawk asin! Chuvangin, Hmeichhia te u (misual nu leh nu ni mai tur nula te, nuthlawi leh pitar thlengin.. :-) ), in pasal fanau te tana in rinawmna, in hmangaihna sawifiah rual loh leh, in inhlanna leh in inpumpekna hi a hlu in a va ropui tak em!

“Hmeichhe khawsak tha chu a pasal tan lallukhum a ni“

Similar Posts:

Recent Posts:

This entry was posted on Tuesday, February 21st, 2012 at 8:30 pm and is filed under Luangliam, Mizo Society & Culture. You can follow any responses to this entry through the RSS 2.0 feed.

43 Responses to “‘Hmeichhia leh Uite…’, an ti maw..?”

  1. 1
    saint sammoo Says:
    February 21st, 2012 at 8:34 pm

    ehems

  2. 2
    VaiVa Says:
    February 21st, 2012 at 8:43 pm

    A hnuai chiah post ah Ram changkang lo zia tih a awm :D

  3. 3
    muantea Says:
    February 21st, 2012 at 9:03 pm

    Uite chanchin i sawi teuh dawn emaw ka tia :-D Ziak tha lutuk e (Y) Hmeichhe hlutna hi ka hmu chiang tulh tulh a, nupui atan pawh hmeichhia ngei hi an lo tha ber e :-)

  4. 4
    PKfanai Says:
    February 21st, 2012 at 9:26 pm

    Pathian meuhin, “Mipa amah chauhva a awm hi a tha lo ve, a kawppui awm mi ka siam sak teh ang” a ti a, hmeichhia a lo siam ta kha a ni a, Nupui nei tawh laklawh tan chuan, neìh loh thut/chan thut chu mizo upa ten, “dar lehlam sahthlak ang” an ti a lawm. A dik duh hmel khawp mai.

  5. 5
    buh-duha Says:
    February 21st, 2012 at 9:37 pm

    A dik fu mai.

  6. 6
    thachianga Says:
    February 21st, 2012 at 9:54 pm

    Hmeichhia – an hlu, nupui tha phei chu hlu tak an ni.

  7. 7
    caribou Says:
    February 21st, 2012 at 10:12 pm

    Hmeichhia hi an lo hlu ber mai, an tel lovin mipa kan tlei thei ngang si lova.

  8. 8
    Tete-i Says:
    February 21st, 2012 at 10:21 pm

    A post tupa hi tlangval a la nih chuan misual hmeichhe ho tan hian neih chi a nih hi le….hmeichhia a duat thiam dawn sia….chubakah ui a la ngaina zui…Mipa ui ngaina deuh hi……an nelawm duh a nia…jissh jisshh (&) :-)

  9. 9
    Lamji Says:
    February 21st, 2012 at 10:22 pm

    Ni chiah reng e..INCHHUNG hi alawm an rawngbawlna..ram politics a inhnimphum ve tang2 lo tum hi a tul lem lo. :bo nghal:

    Good post. (Y)

  10. 10
    As_Khiangte Says:
    February 21st, 2012 at 10:30 pm

    @Tete, a dik khop mai ;-)

  11. 11
    Robert April Says:
    February 21st, 2012 at 10:34 pm

    Chutiang chu ka duh ve e ;-)

  12. 12
    lamea25 Says:
    February 21st, 2012 at 10:44 pm

    Tete ui ka ngaina..
    Keizawng, Rs.420 chu ka nei, leitur ka hmulo thung. Branded ngat ka duh sia, Showroom a vang bawk si..

  13. 13
    TuaiSialA Says:
    February 21st, 2012 at 10:44 pm

    Post dik tak a ni. :-)

  14. 14
    Awmtea Khiangte Says:
    February 21st, 2012 at 10:45 pm

    Khai……. Hmeichhe duat dan min lo zirtir ve la ṭha ang Post-tupa

  15. 15
    Msi Says:
    February 21st, 2012 at 10:46 pm

    Ka Pu Dr. i van fing mai mai…:) Theory chauh lo, a Practical a PA i nih ngei ka beisei ;-)
    (Y)

  16. 16
    Simplyme Says:
    February 21st, 2012 at 10:55 pm

    ‘Thil tha lo ah na na na chuan nupuite hnialthla ngam turin chhungkaw pa hi a PA bur tur ani’… a va dik em, a dang a dik lo ka tihna ni lovin.. (Y)

  17. 17
    Pawngvina Thangthlawl Says:
    February 21st, 2012 at 11:09 pm

    Ka ngaituah a, isua man kha.. Cheng 30 a ni a, inhmun an lei a ni lawm ni.. Jerusalem ah inhmun chu a tlawm vak dawn em ni ka lo ti mai2 a…

  18. 18
    sheldon170 Says:
    February 21st, 2012 at 11:12 pm

    Post tupa hi a rawn in advertise..han ti mai ilah…haha :-D

    Tak tak a, post thatak ani (Y)

  19. 19
    superpinqponq Says:
    February 21st, 2012 at 11:16 pm

    A va han tha em ve aw…!
    Good Post (Y)

    Hmeichhia te hi keini mihringte te tan hian chaw leh tui tih lo ah chuan ‘a tel lova a kan awm/dam theihloh thil awmchhun’ anni e..

  20. 20
    superpinqponq Says:
    February 21st, 2012 at 11:17 pm

    A va han tha em ve aw…!
    Good Post (Y)

    Hmeichhia te hi keini mihringte te tan hian chaw leh tui tih loh ah chuan ‘a tel lova a kan awm/dam theihloh thil awmchhun’ anni e..

  21. 21
    Kawnga Says:
    February 21st, 2012 at 11:28 pm

    Hmeichhe man hi tunlai hi chuan 520 a ni deuh vek zawk tawh lo maw?

  22. 22
    Chemtatrawta Says:
    February 21st, 2012 at 11:36 pm

    Kawnga, 520 hi chu Sailo man chu a ni ngei mai aa.. ;-)

  23. 23
    Dr Mahminga Sailo Says:
    February 21st, 2012 at 11:36 pm

    @ Sheldon.. Remchang zawn zel a ngai tlat.. :-D
    Hman zana ka thiannu fiamthuin ka rilru a’n la leh deuh a. Rs. 420 man lek atana a inui thu a sawi a.
    Zirlai exam an nei em ni aw? An reh riau a ka hriat chu le.. :-D
    In comment a ngaihnawm e. Hmeichhia ka sawi hian ka NU hi a lang hmasa deuh ziah, in ni ve thovin ka ring…

  24. 24
    mamboihi Says:
    February 22nd, 2012 at 12:29 am

    Mahminga post chhiar chuan hmeichhia nih a va nuam leh si e…Hmeichhia te hlutna i hmu thiam hle mai.. Man neih erawh hi chu tul ka ti ve lem lo!!

  25. 25
    doc_lib Says:
    February 22nd, 2012 at 1:31 am

    Mahminga mai mai chu aw..MHIP ho han tih lawm dan vel hi i thiam riau alawm :-D

  26. 26
    mate ainawn Says:
    February 22nd, 2012 at 5:47 am

    HeHee…van nuam ;-) ..Post tha ber of the week ah ka puang dawn che maw ni chu le (Y)

  27. 27
    lrpa Says:
    February 22nd, 2012 at 5:49 am

    Larki hi chu han khal em em mai se, mamboihi ang vel hian khal telh mai se an tha ani mai :-) .

  28. 28
    mamboihi Says:
    February 22nd, 2012 at 7:52 am

    Larpa shhhhhhh!!! hahha..

    He post chu hmeichhia nih min ti nuam veng veng e!! :-)

  29. 29
    shailendra Says:
    February 22nd, 2012 at 8:01 am

    Dog Show pictures kha a rawn chhuak dawn emaw kan tih hman chu le :-D

  30. 30
    aduhi Says:
    February 22nd, 2012 at 8:14 am

    A post tu pa hi a hmuhzawhloh thu ngawt hi a tlangaupui thin a, a takah chuan veng tinah a hung thluah in a nia ka rin ni :tlanchhe nghal:

  31. 31
    Dr Mahminga Sailo Says:
    February 22nd, 2012 at 9:00 am

    lrpa & mamboihi hian nuam in ti bik riau… :-D

    @ mamboihi… Ka lawm e, inhluttawnthiam te, inngaihpawimawhtawn te hi a nuam asin ti raw, he hringnun tawite ah hian..

    @ Pu shailendra… Part III-na ah chuan nula chhelo deuh deuh leh Uite ka rawn post tawh mai thei.. :-D

    @ aduhi… Tanpui ngai au aw a nih hi… K’u Sheldon sawi ang khian, in-advertise-na kawng khat te pawh a nih mahna… :-D

  32. 32
    Dr John Says:
    February 22nd, 2012 at 10:10 am

    (Y) Gud Post, titi-ah chuan, Juda-ho pawh hian “Lalpa hmeichhiaa min siam lo chu ka lawm e” tia an tawngtai laiin, a ruk chuan, “Lalpa hmeichhia hi i lo siam lovang tih ka va hlau tehlul em!” an ti thung e an ti! :-D

  33. 33
    Chhuaklinga Says:
    February 22nd, 2012 at 10:28 am

    Ziak tha dap dap ngei mai.

    W – wanderful
    I – instrument
    F – for
    E – enjoyment
    :P :D

    tren tren

  34. 34
    CFL Says:
    February 22nd, 2012 at 11:20 am

    Tha hle mai.

  35. 35
    Jacka Pi Says:
    February 22nd, 2012 at 12:34 pm

    Post tu pa hi misual hmeichhe ho zingah bem lai i nei chiang mai

  36. 36
    Dr Mahminga Sailo Says:
    February 22nd, 2012 at 12:37 pm

    @ Jacka Pi… Mi chhimbudawi i thiam hmel e… :-P A tuah ve viau tawh pawh a ni mai thei a… :-D

  37. 37
    Jacka Pi Says:
    February 22nd, 2012 at 12:48 pm

    chhimbudawi lam pawh a ni loooo…. ;-)

  38. 38
    Dr Mahminga Sailo Says:
    February 22nd, 2012 at 1:08 pm

    Tak takin, misual hmeichhia hi in fel hlawm em mai a (in thahnem lo na’ngin). In thu leh hla te, in ngaihdan fing tak tak tak avang leh, in hmeichhepui fel leh rintlak tak tak avanga he thu hi ziak a ni e. Thiamlo chungin, ka rawn au chhuak ve hram hram a nih hi… :-)

  39. 39
    Tete-i Says:
    February 22nd, 2012 at 3:22 pm

    #35 Jacka pi…I thil comment khi facebook chu nise ka LIKE chiang ngawt ang..A post tupa hian Mambawihi a bem chiang mai.lolz :-P

  40. 40
    Dr Mahminga Sailo Says:
    February 22nd, 2012 at 3:33 pm

    @ Tete-i… lrpa’n a lo hria ang e… :-D

  41. 41
    Jacka Pi Says:
    February 22nd, 2012 at 3:42 pm

    Tete-i#39, ka sawi chhuah ngam chiah loh, ka rilru a awm reuh reuh i rawn sawi! ;-)

  42. 42
    Tete-i Says:
    February 22nd, 2012 at 3:45 pm

    Dr Mahminga Weds Mambawihi.. <3

  43. 43
    chawnghilh Says:
    February 22nd, 2012 at 5:59 pm

    Adama khan hmeichhia leh mipa INTLUK chianzia A PUANG HMASA BER elo maw chu? “Ka tisa ang … ka ruh ang …” a ti thlarh.

    Ui hi Mizo culture-ah a tha phian. Naute ek liakfaitu atan pawh an hmang nasa thin hle. Nu nau pawm, kut indaih lo lutuk lo puibawmtu a ni tih a chiang mai! Pa ber tapchhak hnungpuak awr awr khan, bai-chhuan liam fianin a hawlh pha lo —sumhmuna buh deng an nu a koh luh tho tho thin hun laia Mizo ADAGE a ni berin a lang bawk si.

Comments are closed

This is an archived copy of mi(sual).com — new comments can no longer be posted.