Mizo mipa te hian Mixed Martial Arts chi hran hran UFC, Bellator, Strikeforce te hi hmuhnawm kan ti em em tih chu hai rual a nilo. TV a thil thar lampang deuh a nih avangin kan Mizo hmeichhiate hian min tui pui ve nge chu ka hrelova, mahse boxing en ringawt pawh an tui thin avangin MMA en pawh an tui ve tho chu ka ring.
TV ah, caged arena chhungah mipa pahnih sek tawk, thi chhuak phun in an han in hnek / kick / elbow / back-volley chiah hi chu kan chiri lo chauh a lawm!
India ramah hian kum tin vawikhat MMA chuan FCC (Full Contact Championship) an nei ve a, hei hi globally recognized MMA event a nih mai bakah a insual te pawh hian global MMA ranking an hmu ve a ni. He MMA-FCC hi Mumbai ah chauh neih a ni a, chuvangin an insual ni chuan India ram hmun hran hran atangin MMA lama tui mi chu Mumbai an rawn pan van van zel a ni. Ka company thawhna a kan CEO leh kan Delhi office a ka thawhpui te pawh hemi ni hian Delhi atangin Mumbai an rawn thlawk thla hmiah, FCC entur ringawt hian.
Chuan tun inrinni khan ka va kal ve ta a, a hmuhnawm khawp mai a hmunah ngei en chu. Kei phei chu ring-side ah ngat ka kal kual a, insual mek ka tan loh zawk chu a pawn atangin ka lo sik ru vel thin. 
A hmun pawh a “underground” raih a, saas chhelo deuh deuh pawh an tam hle a ni. DJ in house music a play reng bawka, chuan beer pahnih free a ni bawk. Ticket pakhat hi cheng 1000 a nia, mahse kum khat a vawikhat lek thil thleng a tan chuan a na em em in ka hrelo.
Ka phone in ka theih theih video ka la kual a, chuan ka video lak zawng zawng atangin scene tlem te te dah khawm in he video pakhat hi ka upload a, lo en ve ta che u…
Hemi ni hian Match 9 (mi 18 in tum) a awm a, heng te hi category (weight) hran hran an nih bakah an style hman pawh a inanglo deuh vek a ni. Hmeichhe category pawh pakhat a awm. Vai vek chu an ni na a, special training nei ve ngat chu an ni e! MMA training camp hi Mumbai khaw pawnah a awm a ni awm e.
An inhnek vel te chu bawn tak a ni. Chutia an insual lai ka hmuh khan ka rilru a rawn lang hmasa ber chu “Ngatinge Mizo emaw “meng-zim” mi tumah an tel veloh?” tih hi a ni. Mizo leh North East mi te hi Judo, Karate, Taekwondo tih ah te India ramah chuan a tha pawl kan ni tih kan hre veka, chuvangin MMA lam pawh hi kan tih theih ve ngei chu ka ring. Tradition sports (boxing, karate, etc) ai chuan an hlawh te pawh a that daih zawk ka ring.
Hemi ni a insual te chu a hmuhnawm hle na in Mizo tlangval tlema rui phur deuh tawh chuan a knockout vek thei hrim hrim ang 
Mahse uang miahlovin, Mizote tih ve theih chu a ni chiang a lawm…
Ka blog: Chp 395. Mixed Martial Arts – Full Contact ah hian thlalak ho chu ka dah e.
Tuna MMA kal dan ka rawn ziah te hi, thil ka lo hriat ve dan a nia, kei ai a chiang zawk (emaw dik zawk) a hria in awm chuan khawngaihtakin min rawn correct mai dawn nia.
Monday atang khan ka computer a crash daih a, duh ai in ka rawn update thei ta lo a ni e. Tunah pawh hian software/keygen/driver neuh neuh la install ngai ka la ngah mei… hairehai…
Similar Posts:
- BREAKING NEWS: Nutling insual, pakhat zawk thi.
- Mumbai Mizo Krismas hman dan
- Insual tir ila?
- Mumbai Mizo Freshers’ Social 2009
- Mumbai Mizo Annual Sports – Day 2
(Y)
February 29th, 2012 at 3:02 pm
tih chi ngut emaw le
Report this comment
February 29th, 2012 at 3:07 pm
Aryan bawihchuksa’n min first khalh chu le. Chhiar ang
Report this comment
February 29th, 2012 at 3:16 pm
Hmuhnawm dawn chu…mahse mi rap deuh..’Thlalak rapthlak’ chu hetah rawn post nual tur che lawm…
Kimbo Slice rawn kal se lo sualrawn luih2 se hmuhnawm khawp ang a..
Report this comment
February 29th, 2012 at 3:39 pm
En nghal a nge
Report this comment
February 29th, 2012 at 3:43 pm
Old Monk khi a tel ve zel tur tihna ami?
Report this comment
February 29th, 2012 at 4:06 pm
Lemchana insual chiah hmuhnawm ka ti. A taka insual thung chu, arpa insual mai mai pawh hian ka rap…
Report this comment
February 29th, 2012 at 4:22 pm
Ka tel ngamlo. Hmuhnawm phian ang
Report this comment
February 29th, 2012 at 4:31 pm
Ka chak zawng tak. Fit tok han ni ila nuam ag cu aw. Challenger star world a chhuak thrin te kha hmuhnawm tak ani.
Report this comment
February 29th, 2012 at 4:31 pm
A ngaihnawm hle mai, video chu thisuk ka nei sia ka en ngam rih lo, zanah blanket hnuaia tawm chungin ka en ang
MMA training turin misual member te intir ila a tha lo maw, Tuaisiala leh lr hlonchhing ka rawt e, hmeichhia ah chuan roseparvuli ka rawt bawk e
Report this comment
February 29th, 2012 at 4:33 pm
A hmuhnawm viau ang…Insual hi chu thiam vaklo pawh hi a hmuhnawm dan a dang tlat..
Report this comment
February 29th, 2012 at 4:44 pm
Old monk hi 90’s velah kha cuan zu hi chi khat cauh a om amo ti khopin kan in nasa lom le cachar district ah le
Report this comment
February 29th, 2012 at 5:03 pm
Awl mawng an tih thin kha zu lek a lo ni maw..
Mawng sawi lerhna emaw ka lo ti a… 
Report this comment
February 29th, 2012 at 5:52 pm
oldmonk chu zu lek alo nih hi a, mawng hlui deuh sawi na maw ka lo tia
Report this comment
February 29th, 2012 at 6:04 pm
Mizo tel na chi tak anih khi, a hmun khi chu a changkan hmel vak loh ka ti
Report this comment
February 29th, 2012 at 6:09 pm
Ku Hv hi misual aiawh in tel ve rawh se, ku Shailendra hi coach ah kan hmang anga.
Report this comment
February 29th, 2012 at 9:01 pm
ka tel vena chi tak a nih dawn hi
Report this comment
February 29th, 2012 at 9:29 pm
Post ṭha leh bengvarthlak tak a ni. Mahse, word last two i chhep sual zauh mai (mei i ti)
Report this comment
February 29th, 2012 at 9:30 pm
Tih chi e
Report this comment
February 29th, 2012 at 9:58 pm
Pu Hv leh Sangpuipa Trainer ah kan hmang ang a…lol
Report this comment
February 29th, 2012 at 11:15 pm
ka in train mek alawm..u will see me soon kicking and punching and elbowing…
Report this comment
March 1st, 2012 at 8:20 am
Mizo tlangval tih chi tak a nih dawn khi . Oldmonk a tel zui . .
. ,
Report this comment
March 1st, 2012 at 4:14 pm
Old monk, gold reserve..um khat 120 man kha liter engzatnge kan dik dak zawh ang aw..thian pariat vel kha kan awmkhawm thin a, a kum a kum!
..referee ah ka tang thin a..arm wrestling chu kan uar lutuks!
A chang chuan kan in FCC thuak thuak thin
Report this comment
March 3rd, 2012 at 4:56 pm
Aizawl ah chuan Muaythai tui ho hian MMA lampang chu an phur pui viau kha.
A tak/hmun a en chu ka chak ve hle mai.
Report this comment