Android phone hmang te tan ‘Baibul’ app (Mizo tawng Bible) download theih ani ta e. He app ah hian Mizo tawng leh English(King James Version) Bible a awm ve ve a, parallel in a chhiar theih bawk.
App ah hian mahni duh deuh chang te a chhinchhiah(bookmark) theih a, chuan chung bookmark te chu he app in a Widget a chhawm hmang in i Home Screen ah i dah thei bawk ani….
Download link: HETAH
Ka unaupa hian ruihtheih thil (No.4) a ti thin a. Tunlaiin Mizoramah No. 4 hi a tam ropui si a, Home ah dah dawn ngawt ila tunlai ang ah chuan inven bur emaw inkalh hnan emaw tlanchhuak in um tih ang reng an ti tawh si lo a, a va’n buaithlak tak em!
Hetiang hi jail-ah an indah thin tih ka lo hria a, dah ve dawn ta ila engtia tih tur nge ni ang? Hetiang lam a harsatna nei ve tawh in awm a nih chuan khawngaih takin tih dan tur min lo hrilh hram teh u. Ka nu a hrisel si lo a, tin, a nun chhan nan dah bo hi a tha ka ti tawh bawk si nen. Please Help.
Kan zinga ber kaite:
Hmelṭha ber: Sandman
Ngaihno bei ber: U aduhi
Visa tel lova ram (country) tlawh hnem ber: VaiVa
Mizoṭawng (punctuation) ziak uluk ber: TuaiSiala
Allround ber: H.Vangchhia
Ṭhenawm nu enthlak ching ber:Kawlhawk
Hnama chiang ber: Hnam Sakhua
Hnam bo ber: Aryan
(more…)
Zirtawpni khan Pu Ralliankunga te nupa inhau thawm chu Aizawl Thuampui veng YMA hruaitute leng kualin an hria a. An thawm a that deuh avangin an inah lutin an inrawlh ta a. Pu Ralliankunga te hi Bazaar lama zu a ruka pe thin, anmahni inah chuan zuar chiah lo ni-a rinhlelh an ni sa hrim hrim a.
Hetia, an ina YMA hruaitute lut hian an In hi an han dap ta a. Zu an man ta a ni. Tichuan, YMA hruaitute hian Pu Ralliankunga hi kut an thlak ta nual a. A hnu-ah Damdawi In panpui a ni a. Damdawi Inah hian a kuttawrh tuar chhuak zo lovin Inrinni zan dar khat bawr vel khan a boral ta a ni.
Thu chiang lehzual hriat a nih hunah kan rawn update ang.
LPS Vision Office-a Rs.50,000/- lai mai tunge a nih pawh hriatloha dahtu ningeia hriat khan Rs. 1,00,000/- (nuaikhat)lai mai chu LPS Office-ah a dah leh.
He pawisa hi tanpui ngai nia an hriatte hnenah LPS chuan Rs. 10,000 /- in a sem kual leh mek a. (Special report ka lo en fuh leh tlat mai) A pawisa dah hmasak Rs.50,000/- kha chhungkaw thum te hnenah singkhat theuha pein, TNT singhnih an pe a. Tuna mi nuaikhat hi chuan chhungkaw tam tak a daih ngei ang le.
Bonus: Tuisik thianghlim hi damdawi tha leh mantlawm ber a ni.
Zalna run a vai,
Rai a rah vang maw?
Hrilhhaiin laitual a vel,
Khaw nge hmangaihtu chun leh zua kha?
Thenawm hnai tak kan ni lo a, veng khat erawh kan ni. Sikulah kan pawl a inang ngai hauh lo a, kei aiin kum hnihin a upa nghe nghe bawk a nih kha. Kei aia upa ni mah se kei pawl li ka nihin, ani chu pawl hnih chauh a la nih kha, ani pawh kha a zak ve hle thin. Naupang thang duang tak a ni lo a, tuana saruh khel an ti ang hi a nih ve avangin, len zawngah kan intiat tawk hle a, sang zawngah kei aiin a hniam hret bawk.
Khatih laia kan awmna khuaah kha chuan mipa naupang khan lehkhachaih kan chaih nasa hle thin, khata tang khan a ni ta berin ka hria kan inzui tak chawt kha. Saidawium kan rawt dip a, Sagu (chaw ban) nen kan chhum pawlh a, la kan zut a, lehkhachaih kan siam a, hlim takin kan chaih dun thin. Kan hman changin ramah te kalin, tuite kan cheng a, nghakuai te kan chiah dun a, kan hlim ve hle thin. Mahse ka thianpa tan chuan khang hun, thiante nena hlim taka kan infiam hun lai chauh kha a ni, a naupan lai hun nuam chu tih reng ka lo ngaihtuahsak ngai lo.
(more…)
Mihring kan nih miau avangin chau ṭhin, tlu ṭhin leh peih lo ṭhin kan ni. Chutiang hunah chuan kan thlarau nun a chhe vek tihna erawh a ni lova, chakna thar kan neih leh theih nân nasa lehzual zâwka Pathian kan auh a ṭul zâwk a ni. Kan peih loh châng leh ngui châng apianga Pathian rawngbâwl kan thlahthlam zêl a nih chuan kan thlarau nunin hnung tawlh lam a pan hret hret zêl a ni.
Piangthar kan tehna hi eng chen nge niang aw? Ṭhehnem ngai mang si lo, piangthar ṭha ber ber anga awm lawi bawk si te hi a awm theih a. Peih loh vang leh chhuanlam fahrah tê tê avanga rawngbâwlna kan hlen loh hian kan rawngbâwlpuite kan tihnual mai ni lovin, Pathian pawi kan sawi a, a pawi ber zâwk chu keimahni’n kan tuar hlauh hi a ni.
Mama,
Vawiin i pianchamphaphak a lo thlen hian mi pa te angin thilpek tha pek tur che ka nei lo a, pawi ka ti hle. He khawvel eng hi tap chungin i rawn chhim tan a, keini erawhin nui chungin kan lo hmuak thung che a ni. Hei hi hre reng la ka duhpui takzet che a ni. He khawvel-a i vahvaih chhung hian i hlimna leh lawmna te kha mi zawng zawng in an tawmpui ngai dawn lo che a, i lungngaihna leh hrehawmna kha mi zawng zawngin an hriatsak che in, an hriatthiampui ngai hek lo ang che tih hi theihnghilh ngai suh ang che. Chutih hunah chuan nangmah hmangaihtu tak tak che pawh chiang takin i hrethei bawk ang.
Hringnun hi tluang taka zawh i duh chuan ruihhlo lakah in thiarfihlim hram hram thin ang che. Ruihhlo, zu leh drugs te hi kan Bible hian “Sual a ni” ti fak lo mahse ruihhlo hnathawh chu ‘Luhai chial, danglam deuh chiai’ a ni.’Lu hai chial, danglam deuh chiai’ hi thil tha leh dik leh a nihdan tur nise chu Pathianin Adama a siam khan ‘ Lu hai chial, danglam deuh chiai sain a siam ngei ang. A nihdan tur ni lo aia dik lo, i hria a ni si loh chuan ruihhlo lak atang hian inthiarfihlim hram hram ang che. A dawt lehah chuan pawisaah hian rinawm tlat la, thil danga rinawm i harsat loh phah sawt dawn nia.
(more…)
Chu zan reh takah chuan ka kal thinna lui kam thing buk hnuaiah chuan ka thu kerh kerh a. Thla chu a eng nuam em em mai a, luitui che vel chuan thla eng chu a rawn en a, a tle suar bawk a. A boruak chu hahdamin a hmun chu nuam hle mahse chung hmun nuam leh lui luang ri her herte chuan zanina ka lungngaih zia leh rilru hah zia hi an hrethiam si lo. Hei hi a lo ni maw nun beidawnna ruam an tih chu tiin ka indawm kun ngawih ngawih a.
Heng ka chunga thil thleng zawng zawng hi ka thiam loh chu ni bawk mahse, ka thiante leh ka chhungte kha ka dem khawp mai. Pawisa lakluh dan ka hria a, thian ka ngah a, thian khawm pawh ka thiam khawp mai. Kei aiin ka thiante ka dah pawimawh a, an harsatnaah theih tawkin sum sengin ka chhawm dawl thin. Mahse hei tunah chuan ka lo tlachhe ta a, khang ka thiante khan min chhawm dawl chu sawi loh, diriam takin min kalsan zo ta chu a ni a.
(more…)
(Kar tawp lamah ka zinkual a, ka chauvin ka mut a chhuak hle mai a, Sunday Sermon tur a thupui ka rilrua awmsa pawh ka ngaihtuah ding hlei thei tlat lo. He thil lar tak hi ka rawn tarlang ve leh mai mai e. Kan tunlai dinhmunah hian a relevant riauvin ka hria).
Amah chu Professor thiam tak mai, Pathian awm ringlo leh chapo thar mai hi ani a, Pathian awm ring tlut mai ho te han hnial dan leh mi hmaa han tihzah vel hi nuam a ti thei hle mai a. A Class-ah pawh chuan naupang thenkhat Pathian a awm ngei nia ring tlat an awm nual tih a hria a; naupang zawng zawngte hriatlai ngeia han hnial dan a, tih zah a tum ta a. Hmeichhe naupang nungchang tha em em mai leh Pathian tih em em mai thin, class tan dawn leh Exam hall a tawngtai ching thin chu a han thlangchhuak ta chat mai a ni.
Professor : Ka fanu, Kristian i ni tiraw?
Hmeichhe naupang : Aw, ka pu.
(more…)
Kum 2008...
Duhthlanna leh rinna chungchanga TMEF Zirtirna: A chinchhuaka chhuina leh thudik zawk kawhhmuhna.
Click here