Mipa naupang bengngawng
Thutna chan loh hlau tak leh chuhhelh em emin, College zirlai te chu, ka chuanna Bus-ah an rawn inhnawh lut tawp tawp a. An hnungah chuan mipa naupang te (kum 8 mi vel) sikul ipte (bag) lian leh khin tak akin, a chhunchaw/chawchhun (tiffin) khaiin a lo inhnawh ve ket ket bawk. Ka bul a lo thlen chuan, a bag ken sak ka dil a, a phal ve mai bawk a. Ka pawm i duh em? ka ti a, ngawi rengin a bu nghet a, ka malchungah thlamuan (hmel) takin a thu ta a. A thu fel chiah tihin a hma a ding; a unau te hnenah chuan, ‘Kei chu thutna ka nei’ ti niawm takin a va hrilh zauh va. A u thiante chuan, tim deuhin min rawn en thap!
Tin he ti hi a ni a, chu naupangte ka pawm chu ka’n en chiang a; a beng pahnihah bengdar lem (Sound amplifier-hearing aids) a vuah ve ve niin! Ka ngaihbel nge pawh ka hrelo, a nungchang lah chu a tha em em lehnghal a (min zah deuh pawh a ni mahna..) Naupan lai atang a beng tha lova hun hmang chho kha a lainatawm ka tiin, ka ngaihtuah a hruai thui khawp mai.
Hmeichhe naupang mitdel
Hmeichhe naupang mitdel, a nu in nitin sikul kal tura a hruai thin hi, kan chuanna Bus ah ka hmu ziah bawk. Mitdel turin ka inchan chhin thin a, a va rapthlak tak em! Thaw a ipik ngawi ngawih…
He’ng mi tlemte ka hmuh aia vanduai zawk leh chan chhia an la awm teuh tih ka ngaihtuah chang phai chuan, hringnun hi mak ka ti hial thin! Mahse, tuma’n thu kan nei silo. Engatinge Pathian hian kutdawh a siam, engatinge mi ang lo te a siam bik? tiin zawhna ka inzawh chang a awm. Mahse heti hian ka ngaithiam ta; Pathian thilrel seltu nih ai chuan, he khawvela a thilsiam leh remruat te hi pawmin a malsawmna min hriatthiam tirtu lo ni zel zawk se.
Kut leh ke pangngai, hmuh theihna – mit, tawng theihna – lei, ri hriatna – beng, rim hriatna – hnar.., sawi sen a ni lo.
Heng mi vanduai te tan hian tih theih tlemte kan neih chhun ah, kan vanneihzia hre chungin, a theih angin I pui zel ang u hmiang; a zawng-a-zain ti thei lo mah ila. A thawhhlawk lo ber leh, tanpui tlem berin he thu ka ziak hi ka inthiam lo viau laiin, kan tih zel atan a tha a ni bawk si. Heng mite ber chunga thiltha kan tih tlem leh ho taka kan ngaih te hian; kan Pa vana mi lung a dum ngei ka ring thin…
“Pathian malsawmna i dawn kha a mal malin chhiar fo la, midangte tan malsawmna lo ni zel ang che“
March 2nd, 2012 at 2:32 pm
1st phawt ila, Gud post, (Y) Dr Mahminga Nge Nge…
March 2nd, 2012 at 2:42 pm
Han chhiar phawt ila..
March 2nd, 2012 at 2:49 pm
A tawi fel thain, post tha khawp mai. Kan nitin nuna kan thil hmuhte ngaia min neih tir a tam thin a, midangte tan erawh inhmuhfiahna a ni thin. (Y)
March 2nd, 2012 at 2:54 pm
A thukin a ril chiang, tak tak a ni bawk si!
Johana 9:1 Tin, Isuan a kal pahin a piantirh ata mitdel pakhat a hmu a.
9:2 Tin, a zirtirten a hnenah, “Rabbi, mitdel saa a pian hi tuin nge thil tisual, he mi hian nge a nu leh a pain?†an ti a, an zawt a.
9:3 Isuan, “He mi hian a tisual hek lo, a nu leh a pain an tisual hek lo; Pathian hnathawh a chunga a lanna tur a nih zawk hi.
Tumah mawhchhiat chi a lo ni lo. Heredity pawh a lo ni hauh lo mai. Pawl sawn chhoh nana pass nana kan lo zir fo thin kha, Pathian Thu atang hian hnawl ngam leh chin ka ngah hle tawh.
THREE DAYS TO SEE tih em ni ta kha le, Helen Keller-i ziak ngei mai Readers’ Digest hlui lutuk tawh tak maia mi ka chhiar phei chu Mizo tawnga lehlin tak ka nap a. Hun ka nei si lo. Malsawmna a va han chhiar thiam lehzual!
Paradise Regained tih phuahtu John Milton-a khan a hmuh theih lai aiin a mit a del hnuin a hmu chiang zawk ni te hian ka hre rum rum!
March 2nd, 2012 at 3:09 pm
Post tha tak a ni..a thu a tha in chhiar a nuam khawp mai (Y)
March 2nd, 2012 at 3:10 pm
A va han dik em.. ka mamawh lai tak a ni 🙂
Malsawmna kan dawn hi chhiar sen a va ni lo em..
March 2nd, 2012 at 3:47 pm
A va tha tak em! A tur reng a ngaiin lawm nachang te hi kan hre thin lova. Kan mu thei a kan kal thei te, kan hmu thei a ri kan hre thei te hi a va ropui tak. He post hian min tiharh thar vek teh se.
March 2nd, 2012 at 3:47 pm
Hmanah meng reng chung siin khaw hmu thei lovin ka awm tawh a,a rapthlak khawp mai.Nun hi a chau nghal vek thei a ni.Vanneihthlak takin ka hmu leh thei ta a,misual a thuziak ho te pawh hi tarmit power -10 hmangin ka lo chhiar ve hram hram thei zel e,vanneih zia min hriatchhuah tir zawk a,ka rawn comment ve a ni.Post ngaihtuahna tithui tak a ni.
March 2nd, 2012 at 4:28 pm
Mahse chhiar thiam a har a ni. Thiante kuta sa hrang hmuh len a awl em alawm..
March 2nd, 2012 at 4:48 pm
(Y) (Y) (Y)
March 2nd, 2012 at 4:54 pm
Tha hle mai a he post chu. (Y)
Malsawmna kan dawn hi midang teh ran chung chuan a chhiar theih loh ani. Keini aia kawng engkima chungnung hi an tam em mai. Keimahni leh keimahni ah malsawmna chu teh ila a tha ber awm e.
Keima tan chuan hmu chunga ke a ka kal ringawt pawh hi a lawmawm a, nu leh pa min hmangaihtu ka nei hi a lawmawm a, eitur nei a min siam hi a lawmawm a…
March 2nd, 2012 at 5:10 pm
Kan kal thei ringawt te pawh hi lawmthu sawina tling. Ka nau pawh nikum Dec 18 atang khan ke in a la kal leh ta lo.
Kan zung thei ringawt pawh hi a lawmawm, kan tleirawl laiin surgery vangin nikhat ka zung thei lova, a va hrehawm tak! A chhuak ropui lutuk a, kan zung dawn thin a, ka zung thei silo, tlai lamah far 2 kan zung mai chu ka lawm ania! Engkim mai hi lawmna tur a lo ni.
Lrpa sawi ang khian midang nen inteh lova mahni leh mahni inen a pawimawh ber mai.
March 2nd, 2012 at 5:28 pm
# 11 & 12… (Y)
Thuhriltu pakhatin mihlimpa chanchin a sawi hi ka hre reng thin.
Vawikhat ka zinnaa ka thlen in pa hi mihlim a ni a. Nikhat chu an rualin ka feh ve a. Hlo thlo va kan bun deuh ngar ngar hnu chuan, an pa ber chu kal hrangin, vau lam hawiin a va zung a. Halleluiah Amen Lalpa chu fakin awm rawh se a va ti leng leng mai a. An nu chuan a zahpui deuh ni tur a ni, Engatinge khatia i va au chiam kher a? a ti a. An pa chuan, Mami nu, harsatna awm lo leh na hre miah lo va ka zung tawr tawr thei hi vannei ka inti em a ni. Mi thenkhat zun siakchhuah sak ngai te an awm a, zun duh si, zung thei si lo te, a ti a. An nu paw’n a ni khawp mai a ti ta ringawt a ti…
March 2nd, 2012 at 5:57 pm
Mi a va han hneh tehlul em! Kan vanneihzia hi hre reng thin ni ila, min siamtu Pathian hnenah lawmthu kan sawi bang lo vang a, midangte á¹anpuitu á¹ha tak kan ni bang lo vang maw le
March 2nd, 2012 at 6:33 pm
A va tha tak em . . (Y)
March 2nd, 2012 at 6:40 pm
A men (Y)
March 2nd, 2012 at 7:11 pm
Gud paws. Malsawm a ni tih hretu tluka malsawmna dawng nasa a awm thei dawn em ni?
March 2nd, 2012 at 7:36 pm
Thil kan hriatna panga – beng, mit, hnar, lei leh kan vun hmang hian khawvela thil zawng zawng deuh thaw hi kan hre thei ani. heng zinga pakhat pawh hi chhia se, kan hriatna a kim thei tak tak lo… chuvangin Pathian malsawmna kan dawn hi chhiar thiam i zir theuh ang u… Good post!
March 2nd, 2012 at 8:24 pm
(Y)
March 2nd, 2012 at 10:08 pm
Good post:
Pheikhawk bun tur ka neihloh avangin ka vui thin, ke bul ka hmuh hma chuan!!
March 3rd, 2012 at 1:30 am
Mahminga chu i ngaihtuah chhuak tha hle mai (Y) Piangsual lo a kan piang ringawt pawh hi Pathian hnenah lawmthu sawi a ngai.
Homeless hmuh te hian mutna tur khum kan nei bik ringawt te hi lawmthu sawina tham a ni.