He damchhung nun hi ka han ngaihtuah reuh reuh hian ava reilo em. Vawikhat chauh kan hmang dawn a, hman rei tum viau pawh ni ila beihdawnna mai bak kan hmu der bawk silo. Pawh sei duh pawh ni ila thirtum pawh sawi nen eksaman, a hmang rei te lahin lungngaina mai an ti leh bawksi.
Chutah he vanglaini tak mai hi a tawizual emawni tih turin aia u te advice ka dang ta nulh nulh mai bawk! Awle, nun hi hman ve tak tak alo tul ta a nih hi. Chu chu ka nun, ka chanvo chu a ni ngei bawk a. Tuma khap theih pawh ka ni lo e, sawrkar dan emaw, kohhran tana hnawksak ka nih loh chuan chu chu ka thu thu a ni.
Mahse heng avang hian chhia leh tha hriatna chu hlauh kher a tullo. Chu rational thingking chu mitin hian nei vek turah ngai bawk ila. Reasoning kan tihfo nen khan annihna hi pianghmun chiah chiah an ni. Mizo nu rau deuh tena “rau thawh ang zelin” an tih thin te nen kha chuan chhim leh hmar ang hlauh.
Keichuan rational taka rau lo thleng thin dawngsawng tute hi an thlarau nun a ngheh zawk ka ring daih mai. Mahse hetiang hnu pawh hianAge of Reason a cheng tawh tura rinte pawh hian hringnun hi chu anlo hmu phe ve fo thin chu a nih hi. Chu chu mihring nun tingaihnawmtu chu a nih leh lawi bawk si. Englaimai pawha fimkar reng tura inngaih hi a hah thlak. Fimkar mai a har zia chu mihlimnu ho te atang pawh hian a inzir theih mai e.
Hmangaihna ruamah phei chuan a fim fim tih chi a ni lo; a fim lutuk chuan a par hmain a kuhmumah a tawp daih mai thin. Hmangaihna chu a mit a del an tihchhan te pawh hi hei vang hi a ni mahna le; lo var palh vaih se chuan aw le kan invawthlu rem rum zawk lo maw ka tia. Thinlung taka inhmangaihna phei hi chu a awm ka ring hauh lo nia!!
Fim luattuk hi chu a tha lo hrim hrim a ni. Mi fim lutuk chuan nun hlimna a chan a, an bula awm pawh a hahthlak thin. Midang tan pawisawi hauhlo mahse an kiangah awm a hahthlakin inven reng a ngai thin. Dik tak chuan felfaina hi midang tan phurrit a ni chawk a sin.
Nut phut lah chu a ni biak chuang miah lo. A nut phut chuan mahni leh mahni a inhmu chiang theilo a. Kawm tlak pawh a nilo. Reason leh emotion hi thil inang lo tak ni mahse an pahnih hian an intifamkim em em a. Mihring min timihring tu pawh a ni. Chumi karah chuan hringnun hi alo inbuk tawk em em tur a ni a.
Bazar nu hoin a inbuk tawk chiah an tih ang nilo, Legal metrology hoin a inbuk tawk an tih ang chiah tur hi a ni. Achang chuan head hian heart hi a a over-rule fo thin tur a ni a. Mashe a over-rule reng chuan hlimna dik tak hi a kimlo thin. Chuvangin heart hian head hi a over-rule ve leh thin bawk tur a ni. Chuti chuan hringnun chu a beat lehrhythm alo dik ta chiah a. Hmangaihna ah ngat phei chuan heart hian chanvo la se, a dik ber mai.
Mahse thil inbuktawk zawng zawng hi a inzat thlap chuanlo a nia aw. Lapaw kg 1 leh thlirtum kg 1 hi a intam hleih a nia. Chuvangin emotion leh a beh bawm zawng zawng hi chu reason hian a thlifim fo tur a ni.Emotion hmachhuan a piangthar mizo ho reng kan daih rei theihloh hi. Emotion hmangin Thlarauthianghlim kan dil a, tlo zia reng kan nilo. Chuvangin reason hian hringnun-referee angin mi a thlifim fo tur a ni. 
Similar Posts:
- Emotion leh Good Friday
- Remix – From Khuanu ruat loh D to Never Alone
- What is Love? What does it mean to me?
- The poem which makes me cry
- Hun Sarih Lalram Nun
March 9th, 2012 at 9:16 am
He tiang lam hlir pawh chu
Report this comment
March 9th, 2012 at 9:25 am
comment a pui hlawm leh mai2 ang chu. A interesting ka ti viau nain tawk ka ti fu mai, in thlir dan leh lehlam thlir dan hi kan hre ta theuh hlawm niin ka hria a, a ngaiah in kual vel mai2 tawh lo maw aw! Han ti ila midang hneh a, lak pen kha in tum a ni ve tho hmel si a, a tha vek e.
Report this comment
March 9th, 2012 at 9:45 am
calling VAKUL,IGNATIA,ZOHO,DONALD!!! tren2
Report this comment
March 9th, 2012 at 9:53 am
Sawi tum chu i nei a ni.
Report this comment
March 9th, 2012 at 9:53 am
A sang em-a ka pha lo a ni mai thei….chhiar nawn leh hram ang.
Report this comment
March 9th, 2012 at 9:55 am
Dik khawp mai, han sawi ve ila…. Kum zabi laihawl vel, age of reason, enlightenment vel laia Kohhranin thu ril leh thuk inhrilhfiah siak an uar hunlaia Kohhran nun chauh zia kha kan hria a, chutih rualin a rau, a lang tih changchawia peng bo ta an tam zia kan hre bawk. Pathian thu ah chuan rinna hi a pawimawh ber fo ang….
Report this comment
March 9th, 2012 at 10:42 am
Pathian remruat thiamzia ka rilruah a lo lang daih. Lta hi lehkhathiam thei tak i ni ngeiin ka ring tlat, chhiar/zir pawh i zir peih ang. Doctor zir awm tak pawh i niin ka hre ta.
Doctor zir lovin lecturer te lo ni ta zawk la – awlsam takin i tling maiin ka ring, i academic record a that hmel tlat – a buaithlakna lai a tam maithei a ni. Mithiam tak, qualification tha tak nei si khan i subject-ah hian i student te an fail khut khut maithei a ni (NOI).
.
Report this comment
March 9th, 2012 at 11:30 am
Fim luattuk hi chu a tha lo hrim hrim a
ni. Mi fim lutuk chuan nun hlimna a
chan a,an bula awm pawh a hahthlak
thin.
Nut phut lah chu a ni biak chuang
miah lo. A nut phut chuan mahni leh
mahni a inhmu chiang theilo a.
Emotion hmangin Thlarauthianghlim kan dil a, tlo zia reng kan nilo. Chuvangin reason hian hringnun-referee angin mi a thlifim fo tur a ni.
A dik hi ka ti thlawt..
Report this comment
March 9th, 2012 at 11:32 am
Ka pianthar tirh a ka ngaihdan chiah a ni..mahse our God often moves in mysterious ways that defy logic and reason,when that happens, only unshakeable faith in the fasithfulness of God will see you through..
Report this comment
March 9th, 2012 at 11:41 am
“Hmangaihna ruamah phei chuan a fim fim tih chi a ni lo; a fim lutuk chuan a par hmain a kuhmumah a tawpdaih mai thin. Hmangaihna chu a mit a del an tihchhan te pawh hi hei vang hi a ni mahna le….” i reasoning leh emotion-ah ka bo det
Love is blind an tih thin nachhan hi, a mitdel tak tak love. A hmu renga, a hre reng- a nupui uire lai leh a bialnu-in duhthawh taka midang hmui a liah fai sak lai pawh. A hmu lo der, a mit a del love.
Duhtawk daih ang eng nge ka sawi tum leh ka sawi pawh ka hre tawh nek love.
Report this comment
March 9th, 2012 at 11:54 am
Hei hi lo chhiar ve teh un..
https://ltchhakchhuak.wordpress.....-ngaihdan/
Report this comment
March 9th, 2012 at 11:57 am
#10
lr hlonchhing
Reason defind na mai a ni e. Ka hmu reng a lawm, mahse a tula ngaihdam a ngai a nih chuan ka ngaidam mai ta nge
Report this comment
March 9th, 2012 at 12:01 pm
#7
donald
Report this comment
March 9th, 2012 at 12:46 pm
Lt: Mi tha tak i ni. I awmna lamah khan ka naute an awm ve nual a. Belhchian i dawl hle mai.
I thuziak hian philosophy of life lam tak tak a hawi zawk mahin ka hria. Hringnun lam hi ngun taka chhut a tul fo thin. Hringnuna hriatreng tur pawimawh em em PAKHAT- ENGKIM A TAWK CHIAH ZELIN tih i lo chhawpchhuak niin ka hria.
Hei chu Pathian thu a ni lo bawka i tuina lam zawngin chhui dawn teh ang aw: Pathian hian a thilsiamah hian engkim hi a tawkchiah(EQUILIBRIUM)in a dah tlat mai. Kan lam tak fo energy pawh hi equilibrium state lama awm duhin a parameter a inthlak danglam thin. Entirna awlsam tak han pe ta ila – Khuma han mut thal thuai mai hi eng vanga nuam em em nge a nih tih hi kan ngaihtuah fo mai thei. Hei pawh hi engdang vang ni lovin kan khum leh keimahni taksa kha equilibrium state-a awmin zero energy a lo neih vang a ni. Tin a dang leh pakhat chu vawt kan tih chhan hi kan taksa system leh kan chhehvel(surrounding) ten temperature in ang chiah(equilibrium) neih an duh vang a ni. Kan chhehvel kha a vawh zawk chuan kan taksa tangin lumna kha a chhuak a kan chhehvela temperature nen intluk an tum ta thin a. Chumi ven nan chuan kawrchhah tak ka ha mai chauh zawk a ni.
Tin, fb lama God & Science groupah pawh insawi – time hi fourth dimension anga ngaihna pawh hi equilibrium concept atang thoa lo lang a ni. Time hian SPATIAL DIRECTION a nei hauh lo va mahse ENTROPY(rate of disorder) kalna lam hi a hawi niin pawm a ni. Mathematical tools zawng zawng deuhthaw hi a innghahna chu eng dang ni lovin equal to(=) hi a ni bawk a nia.
Tunah pawh hian REASON leh EMOTION i lo buk niin ka hria a. I kuailut nalh hle mai. Emotion hi huamzau thei tak heng- hate, fear, anger, envy, LOVE, happiness leh a dang tamtak a awm ang. Hengte hi a pawimawhzia mai chu kan hringnun khalkawitute zing ami an ni reng a ni. Ka chunga Fonz-a post pawh khi reason leh emotion atanga thawkchhuak tur leh mite hneh tur a nih hmel. Mahse a bul tanna chu reason tha tak atangin a ni ve tho ang. Chumi awmzia chu- pangngaiin reason(kei chuan intellect tih hi reason aiin a fuh ka ti zawk mah a)leh emotions chu kalkawp a ni reng tur tihna a nih ve mai chu.
Khawvela hla ropui leh tha – We are the world pawh hi engvangin nge miin an duh tha an tih em em kan tih chuan emotion hmanga mi khalh kawi thei a ni tlat a ni.
Engkim a hun leh hmun a awm ang chiah hian committe leh thutlukna siam hunlaite hian reasoning lam emaw hi(emotion lam ni lo) hi chak viau mai sela a tha duh khawp mai.
Pathian thu pawh hi emotion ang zawnga thlir chuan emotion lutuka thlir a awl khawp mai. Hmangaih Johana te, Petera te, Hosea te leh midang dangte hi an emotion viau laiin Paula erawh a fim kar thung. Pathian hmangaih tawp lova min hmangaihtu- a fapa meuh rawn tirtu pawh hi turu tak a ni. Mahse a innghahna erawh reason tha tak a awm leh zel thung.
Nula lam buiaina avanga thuziak irchhuak a ang viau a mahse a awmzia hle mai….
Report this comment
March 9th, 2012 at 4:36 pm
Tha khawp mai,philosophical issue ai mahin psychological issue a ni zawk awm e. Emotion hi an sawisel vak thin a, i sawsel ve lova tha ka ti khawp mai. Ringtu, kristian nih tawh chuan emotion hi kan chakna lehna hnar a ni. Ravi zacharias a sermon ka ngaihthlak pakhatah phei chuan a dah chungnung khawp mai.
Amaherawhchu, reason tel lo va emotion hlanga innghah chu mi a tiau dup chunga in sa kha a ni mai a. Emotion leh physical sensitivity hi a inkawp chiat a, hmanah dek hua an hur duhna chhan leh thingpui sa ngam an hur duhna chhan ka post tawh nghe nghe.
Mihring zia hi a bei nghet khawp mai a, emotion ngah deuh te ngah lo deuh te, va judge danah kan fimkhur a tul ve khawp chuan ka hria, mi lungchhe hma tak hi an lungchhiat hma em vanga kan dem chuan kan dem phak lohvah a kal mai ang. Personality hi a chanve chu develope theih miah loh tluk a ni genetical angin an ngai a, a chanve erawh chu develope theih a nih avangin personality developement pawh subject pawimawh tak a ni reng a. Kristian preaching hi emotion/attitude build up na kawng deuh vek a ni a, dawngsawng tura kan beisei chu reason a ni thung.
Phul deuh luai chuah emotion huanga kan khung hi a dik chiah bik lo va phul si lo emotion kan dem tel phah fo, phul lo reason huanga dah hmak kha a fuh lo mai thei bawk e. Mahse reason hi kawng engkimah fiahtu a ni fo va, a role hi hlu tak a ni. Rene Descartes khan “i think, therefore i exist” a ti a, a sawiseltute chuan an sawisel nasa hle ‘ sakawr hmaah tawlailir a awm thei a mi’( ama hming nen lam an deu a, des cart before the horse) an tihsak vel, a nihna takah chuan kan awm(exist) a ni tih kan fiahna chu kan awm tih kan ngaihtuah theihna hi a ni daih. Mihring consciousness chungnunna em em chu reason hi a ni a, kan hria tih kan hriatna hi a ni.
Thil reng reng a kal fawr tawh chuan do a tul a, do dawn chuan kan do tur kal nat lam force
Report this comment
March 9th, 2012 at 4:44 pm
Mobile atangin ka comment a, ka inrin hmain ka submit vel….
Cont..aia na akan chet a tul thin, reason pawh sawi chhiat a ni leh mai thin.
Report this comment
March 9th, 2012 at 5:29 pm
Pu Vakul i comment hian i veng tha lutuk!
Ravi Zakaria sermon i tih chu a radio broadcast – Let my people think ami March, 2008 lama puanchhuah kha a ni ngei ang. A thupui pawh – Worship a clue to meaning in life tih a ni. Kha sermon khan ka nun hi a kaiharh mai a ni lova thil nihphung min hriatthiam tir khawp mai. Lt-a pawh hian ngaithla ve sela a tha ang. RZIM website lamah kal sela awl tein a download theih.
God has given us emotions for a reason just as He has given us a sensitivity to touch…tia an a han la kual tak tak kha chu a ngaihnawm dap dap asin. Malakia bu ami a rawn chang thlan leh nghal a…….
Report this comment
March 9th, 2012 at 5:57 pm
A reason a good viau khan emotion kha a lo out ve thin bawk alawm maw le. Lta, i post tha e.
.kan thianpain (Shylo-an) fapa a nei thar a, ka mood a fuh tlat
Report this comment
March 9th, 2012 at 6:02 pm
Ignatia leh vakul chuan an fuih tha hle mai che Lt. An duhsak ang bawk che khian ka duhsak ve che a nia. Hmanhmawh lovin kal zel rawh. Lal Isua khan thinlung zawng2-a Pathian chu hmangngaih tur a nih thu a sawi a. Thinlung hi sawifiah kilh kelh theih loh mahse mawlte-a sawi chuan thil pathum infin a ni – mind(reason/intellect/rilru), will (decision maker/duh thlanna) leh emotion (phurna).
Thil i chhiar zau peihin truth seeker i ni a, zirtirna pakhatah bur ngawr2 lovin theology hrang2 hi chhiar zel la (eg: reformed theology, dispensational theolgy, orthodox theology, adt…), Bible study ngun takin nei la, commentary bih tam bawk la, tawngtai nasa la, i chhiar apiang pawm zung2 lovin comparative study neiin, propability awm thei zawng2 ngun takin chhut la, chuan a pawimawh lai tak: Paula’n ‘kohhran upa an hekna chu fiahna tha tak (thuhretu 2/3) an awm loh chuan pawm nghal mai suh’ a tih ang deuh khan kohhran sawiselna hi ngun takin bihchiang la, an defense i chhiara a sawiseltute ngei kha sawisel bo an ni bik chiah em tih leh an zirtirna dikhlel lai awm ve te pawh i buk hmasak hma chuan decision siam mai mai suh ang che. Cultic systema inbarh lut tawh hi an chhuak mai mai tawh lo a nia. Nang chu i la lut lo, i la inzir mek a, fimkhur turin ka duh che a ni.
Report this comment
March 9th, 2012 at 6:07 pm
Thianpa Pk, nangte chu i mood a fuh reng ni hian ka hria a sin. I nun hi nun awhawm tak a ni e
Report this comment
March 9th, 2012 at 6:10 pm
Upa te thurawn hi ngaihpawimawh tur ani ngai e. Pathian leh a thu hrechiang tak tak tur hi chuan, Pathian hi Thlarau anih miau avangin Thlarau tanpuina hi a pawimawh a nia, tawngtaíin Lalpa pawl tam ang che.
Report this comment
March 9th, 2012 at 6:16 pm
Ignatia, RZMI let my people think hi ka awmkhawhar min hnemtu ber a ni.
Lta hi a la ngaihnawm khawp ang, ka tluk loh a ni, ani rual ka nihin ka pha lo rapthlakin ka hria, tunah pawh.
Donald, i ti dik, Pk fanai hi ka la hmu lo, mahse nun awhawm tak a nei tih a kam liam atang pawhin kan feel pha. Positive taka thil thlir hi a lo hlu khawp mai.
Report this comment
March 9th, 2012 at 6:26 pm
Thianpa donald, ralkhatah hian min ring tha lutuk hi ka nuih a za thin. Vawiin chawhma te kha kan hostel naupang pakhat ban a tliak a, Hostelah naupang kan dah tam lutuk deuh niin ka hria a, a rammi ka thiantha ngawìh ngawih ten min la dil ve tang tang si. Rilru hi a hah ve duh a sin. Ka office ah ka tawngtai a, ka zäng hawk a, ka thìanpa ka phone a, a lo hrethiam viau a, rawn dah ngei tura insawiin a dah leh loh tur thu a rawn sawi bawk a, naupang bantliak X-ray ka en a, a lo chuti lua lem lo a, a chhungte pawh an thinur lem lo a, thianpain fapa a neìh thu message ka dawng bawk a, ka mood a fuh ta deuh anih hi. Manganna han tawh tak tak hian Atheist ho hi chu ka it lo ve thin khawp mai.
Report this comment
March 9th, 2012 at 6:39 pm
LOL Pk.. nia tiraw. An mangan hian engtin tak ti ve thin ang maw? Thil engkim a kaltluan lai chuan nuam phian maithei a.. manganna rapthlak tak mai han suangtuah pui chuan an awhawm loh khawp mai
Report this comment
March 9th, 2012 at 6:47 pm
Nia, donald, Thlarau Thianghlim thlamuanna leh awmpuina te hi Science hmanga han sawifiah vak a har si, a changtu tan a chiang si, sawifiah dawna harsa bawk si, buaithlak khawp mai. Rome vanglaia martar tur ho an han zai thin te kha, Nero-a khan a man lo mai mai thin ngawt ang.
Report this comment
March 9th, 2012 at 7:14 pm
Grik leh Hebrai ṭawng hi thiam ve ka chak, pathian thu awihnan
Report this comment
March 9th, 2012 at 8:50 pm
Asteric leh….
Report this comment
March 9th, 2012 at 9:14 pm
Pu vakul leh Pu donald te, misual ah in lo awm ve tlat hi chu thaw in ti veng ngawt mai. Zirtirna dangdai deuh lo lan changin in paihthla zar zar thei leh in knowledge zau tha lutuk lo chhiar thin hi chaw tui tak ei ang chiah ani thin. Pathian thu thiam hi chu an tam lutuk, mahse nangni 2 ang a, Traditional believe defend thei leh thiam hi chu vang tak an ni, vang tak.
Report this comment
March 9th, 2012 at 11:10 pm
Khai a Pk, i ti zahthlak lutuk e. Kei te chu ka phunglung lutuk hi ka han ri ve hlut ringawt zel alawm. Nangni ang pa dam duam mai, thlarau chenchilh tlatin Pathian thu a nihna ang leh fiah fel taka in han sawi hian thutak chu amahin a in defend mai zawk alawm. Vakul leh Ignatia te ang, hre teuh si, hre awma lang tha duh vak lem lo in a pawlh mawitawka an lo tuihnih zeuh hian thutak chu a dingchang mai a ni. A chang hi chuan ka duh bawrh2 thin lutuk hian ka ti khaw lo vek mai ang tih te hi ka hlau leh hnuhnawh thin.
Report this comment
March 10th, 2012 at 9:13 am
Inlo va ti ti nasa hlawm ve. Ka ngaisangin ka chhuang vek chu u a nia.
Pu Pka phei hi chu a tirte atanga dam thlup mai kha a nia. Ka ngaina khawp mai.
Pu Donald, Ignatia, Vakul te ka hnial theih rual chu inni lo a lawm dik tak chuan. Degree nei ka nilo a he lamah hian. Mahse ka tuiin ka lungkuai lam a ni bawk si a. ka insum theilo a nih hi
Hriatna te chuan tawp chin a nei hlei nem, hmanrua a awmloh vang vek a ni. Hmanrua a awmchhung chu ka inzir peih reng
Report this comment