mi(sual).com

Khawnge zin mi ang ziazang in ka ram fan thu hi kan ziak leh thawr teh ang. A hma lama Thenzawl zin ka ziah kha a tawi in ti teh sek bawk a. Tun tum chu khawnge bung hnih chi ngat hi aw ni ang le. A tawpna pawh a a bung vut tawh lo ang chu maw. March thla hi kan zin cham a ni a, kan rawn post ve mai mai ang e.

Zin chhan ber :

Khawi kipah pawl kal ila tlangval pawnthuah khai lai tan hi chuan ranngo zawng hi kan ni hrim hrim a. Engvang pawhin ka zin chhan chu chhuanlam dawrawm leh ropui pawh siam teh reng ila ranngo zawna zin hi number one a ni lo thei lo a ni. Hyderabad a Mizo zanga (500) pawh tling tha thum lo zinga nula 250 vel zuk thli thlai tur a zin chu ka thupui ber pakhat, pawimawh em em mai a ni a.

Mahse, thiante leh chhung te bula zin chhuanlam turin a hming in Social Science khawmpui lian Indian Social Science Congress 2010, vawi sawmthum leh pathumna zuk chhim turin ka kal ve ni a. A pahnih hian hlawhthling ngei beisei in ka zin kawng chu ka zawh ve beuh beuh a.

Trial version I : Khawmpui mak leh dang dai tak chu :
Social Science khawmpui a nih avangin Social scientist ho an fuan khawm dawn emaw tih nak alaiin chu lam reng reng a ni awzawng lo mai a. Scientist pangai pure science lam rawng kai deuh Mathematics te, Science and technology policy studies lam te, Medical Science leh Agricultural Science lama mi thiam nen lam an fawm khawm vek a.

Subject 50 lai mai Interdisciplinary (26) leh multidisciplinary(34) in an then a, subject zawng zawnga kim deuh vek ti ila kan sawi sual tam awm love. Programme kan en chiang chu eng tik lai mah a Social Science a tel ve ngai lo Computer Science leh Biotechnology, Management nen kan in pawlh nuai mai a. Ka Social Science hriat hi ka rinhleh thar leh a, a chang leh ‘Science for Social’ tihna emaw ni ta le ka ti rilru vel mai mai a. Mak tiin val hi ka in khap ka in khap a.

Kan President tang lai te lah chu India rama Physics zirna tha Bose Institute of Physics lam Director hlui a ni awm a, Vice President pakhat lah chu JNU Life Science a Professor (Dean a ni nghe nghe in ka hria) a.. val hi ka buai zo ta.
Kan thupui lah kha Kan khawvel harsatna in a a bawm mek e (Our Planet in crisis) tih a ni a, a Social Science teh vak lo hle mai leh nghal a.

Kan thupui ngaithlak lah chu Indian Agricultural Research Institute lama mi ten an sawi a. Pollution tih lam te, Science and Technology lam research an bei dan te leh sangha lam te ni nuai a. Ka hriat sual loh chuan kan main Speaker tam zawk kha Scientist an ni in ka hria…huiha a va buaithlak thin tak em.

Kan inkhawmpui kha an ham ‘strict’ teh vuk lem lo bawk a. Thutna zali atang zanga vel awmnaah khan mi 60/70 vel kan awm deuh ber a, a thente chuan thusawi pawh kan ngaithla meuh lo. Pawn lama lo awm bawr lat lat tawk kan awm reng bawk a, hun lah kha a vawn dik hlei theih lohna a, a tih tur ang ang kha chu an ti kim ve biai ni ngei tur a ni. Zan lamah cultural night an nei a, lam chi hrang hrang an en tir a, an hmuhnawm ve khawp mai. An lam en tir ho kha keini Mizo Chheih lam leh Cheraw lam a bu kim tih vel ngawt ai chuan tha a duh tam zawk fe in ka hria.

Trial version II: Thiante ka nuih, mahse rei lo :
Khawmpui a ka paper present vawikhatna tur a ni a. Ka paper present ni tur programme a in ziakah kha chuan Speaker tur ang hial in mi ziak a. Speaker tur kha kan tam em em hran lo bawk a, tho a veng ru hle a. Ka thian e khan chu paper present tur ho khan in tlar thut a, a dar zat an ziah lan nen kha chuan mi pakhatin minute 2/3 bak chang lo tur in a chhut theih a. Tho veng takin ka nuih vel a.

Mahse thil a kal fuh lo chho vel a, Speaker chu sawi loh present loh mai hlauhawm khawp in rilru in arbo a zawng a. Ka present hun tur ni in tute pawl in emaw advantange an la teh reng nge ni, khawmpui khan an phal pui reng pawh ka hre tawh lo. Seminar dang khawmpui a tel ve (part of) ang in an lo buaipui deih a, chu tah chuan ka hming a tel ta reng reng lo mai.

Ka thian te ka pek pui tur ho lah khan an awmna tur department an lo dah sual bawk a. An ni zawng ri rial lovin an in buaipui nghal mai a, eng tin tin emaw mi awm lo karah an lo in zep fel der a. Kei lah chu ka ze ngai ngai bawkin kan muang chang leh pek a, thoveng takin inkhawmpui tlanbo meuh thosi hlo ka lo lei san daih a. Ka haw chuan kan buaipui ho dawn emaw tih laiin an lo present fel der mai .

Vallungmawla hi ka tlai chet leh angai dawn ta nih hi ka ti a, mi thoven tawh hnu chuan kei chu tu hriat pui mang loh hian ka rit luk mai a. Mahse, mi min khawngaih zarah eng tin tin emaw chuan ka present ve thei hram a. Ka thaw huai mai. A hminga necktie nen a han in duan ve zuih chuan tute college emaw chuan seminar pe tur sawmna ka dawng ve mial a, pawl thenkhatin an pawl tilara Mizoram lama din ve turin min sawm ve ngial bawk a, mahse ka um zui duh ta bik lem lova.

Tun tum chu khawmpui ka hlawk ve phian chuan ka hria a, ni danga hnam dang kawm lo leh hmelhriat pawh siam lem lova ho leh mai thin khan hmelhriat thar te ka siam a, khawmpui thupui lam hlawkpui em em lo mah ila, thian siam, mi ning khawng leh che vel hriat zawng tal chuan ka hlawk pui turah ka ngai a.

Thian pawh ka siam tam lem lo na a, bul tanna tha tak leh zawng chhang tlak tak a nih avangin trial version tha tak zawng a ni hrim a. Tin, ei leh in lama tui hle a, tih bak chu kha khawmpui kha sawi tur ka nei tam em em hran lo.Ka thianpa khan khawmpu ah chuan ei hi tui se khwmpui hi hlawh tling ani mai a ti a dik hmel hle in ka hria.

Trial version III : Chaw dawrah thosi hlo lei thu

Kan thlenna kha thosi a tam ang reng khawp mai a. Tukverh ah khan Len( Net) te cu in zar ve bawk mahse those ho khan kan inkhawmpui den chhen khan khawmpui an lo hawng ve emaw tih tur in a tam em em tho va. Those hloh tur All out te chhi in a muh chi (coil) nen kan tan ngial pawh khan thosi ho khan an lo tithang nge, min la seh zauh zauh fo mai a.

A hnawih a hnawih chi kan mamawh a ka hriat avangin lei turin inkhawmpui lai hian ka ar kawh chuah ve ngawt mai a. Kan inkhawmpuina bul vel dawrteah chuan Odoms ( thosi hlo hnawih chi ) kan zawt a, Odomos zawr chu sawi loh ka zawh te lah khan an bo thei khawp mai a. Kan inkhawmpuina lai kha an khawpui ah rau rau pawh mi hausa leh changkang awmna (ka thian te min hrilh dan takah Sania Mirza te veng) Jubillee Hills a nih avang in leh a bul velah a dawr ka hmuh mail oh avangin ke in thui ngial kan kal a.

Chenna ngai loh ram fang kan ni bawk a, ka rin lam lam ah ka kal ka kal a. Dawr changkang tak tak chu ka kal pelh a, thawmhnaw tih vel zawrhna a ni zel a. Nakinah chuan bazaar hmun ve deuh lai ka zuk tleng ve mai a .Chanchinbu chhiar lohna a rei tawh bawk a, kan lei phawt.

Dawr pakhat Food world ka thlen chuan kan lut a, ei tur dawr chauh emaw tih laiin nepnawi dawr (departmental store) a lo ni awm a. Chu dawrah chuan ah chuan thosi hlo leh Pheikhawk nawhna chu ka lei ta a. Kha chaw dawrah ( a hminga tang hian chaw leh ei tur dawr tur chu a ni) thosi hlo mai nilo thil dang pawh an lo zuar teuh mai a, nupui tur nula pawh lam ila an nei mai thei a sin. Trial version vek.. trial version vek.

Trial version IV : Hyderabad fan
Hyderabad khawpui hi a hming ringawt hi chu ka hmelhriatna a rei ve tawh a. Han chamchilh takah chuan a khawpui te fan ve a, han dai dar ve ngei chu ka duh a. Khawmpui lai hian fan kualna hun chuan butsaih ta a, chawhnu lamah Bus pahnih in kan in zui chhuak ve ta a. A nihna takah chuan khawpui pahnih inzawm leh nghal chu chawhnu lamah chuan eng tak tak kan fan kha a rinawm vak lo reng a.

A hmasa berah Golconda kulh lamah kan kal a, darkar chanve chauh in nei an tih avangin duh ang pawh in kan fang hmang lova. Darkar chanve chu a lo ral chak khawp mai a, tlang chhip pawh ka lawn chhuak hman lova, min lo kal san mai ang tih hlauhna avangin kir zai kan rel ta a, pawi ka ti ang reng khawp mai a. Mahse, ka kal puite chuan darkar chanve awzawng an hmang lova, darkar khat leh minute 10 vel lai an hmang pek a. Kei ni a fel ho lah chuan bus bulah khawlum hnuaiah kan lo nghak a, ka ngei rilru khawp mai. Golconda kulh tlang pawh lawn chhuak hman lovin ka awm phah a, lawn chhuahna hun a awm reng si a, lung a awi thlawt lo a ni.

Sikret lamah pawh kan lo hmu ve fo Charminar lamah kan kal leh a, rin loh tak maiin kawngpui bulah a nih avangin traffic a lo tawt khawp mai a. Kan tlan pel ringawt a, en pawh ka en tha hman mang lo leh nghal a. Mi thenkhat chu a chhungah an lut a, a chawng chungah an lut vel kan hmu reng si a. A tir phei chuan Charminar tak tak a ni lo emaw ka ti hial a, mipui zi nuk nuk karah kan tlan pel mai a. Tlan pel hnu chuan a zo der mai a, Live inkhel en (TV nilo) ang mai in replay a theih tawh si lova, a ho duh ang reng khawp mai .

An sawi lar em em Hyderabad an sawi ruala a ka kaw nazawngin an sawi, Hussainsagar dil lamah kan tlan kual thuak a. Kawng pui atangin min tlan pel pui mai dawn emaw chu kan ti hman a. Vai ho chuan kan hruaitute chu an han hau ang hleih hleih a, eng tin tin emaw dil kam a Lumbini park lamah chuan hun tawi te kan hmang leh ta hram a.

Park-ah chuan lawng chuan chhung rei leh rei loh te kan hriat loh avangin lawngah lah chuan kan chuang ta lo leh nghal a. A kam atang chuan kan ral thlir vel mai a mai a. Mahse, vanneihthlak takin khawvela ka game ngainat ber mai Cricket khelhna a lo awm a, pawisa chawiin bowling machine ball vawm vuak chhin hun ka hmanga, a nuam ka ti ve khawp mai, ka tan chuan trial vek a ni mai trial vek…

Similar Posts:

• Hyderabad Zin (Trial version) Part II
• Thosi hi!!
• Virus Ka download! Help..
• Ph.d abroad
• National Children’s Science Congress neih mek a ni

Recent Posts:

• ZU HI SUAL A NI LO, A IN A TE PAWH AN SUAL HEK LO
• Like!
• LUNGHNUR
• SADHU SUNDER SINGH-A CHANCHIN ROPUI CHU:
• KA ṬAHPUI LEH SI ṬHIN

This entry was posted on Saturday, March 10th, 2012 at 6:24 am and is filed under Travel. You can follow any responses to this entry through the RSS 2.0 feed. You can leave a response, or trackback from your own site.