Tunlai ka rilru luah em em-tu leh ka ngaihthlak nin theih loh hi ka rawn share ve che u. Carrie Underwood hian a sa thiam-in, a va’n sa fuh tehlul em! Rilru inhawng tak chungin, uluk takin i ngaithla teh ang u.
Aw Lal Pathian, i kutchhuak thilsiam tinrêng, Dâwn chângin mak tiin ka lo khat țhin; Zântiang siar zozai leh chung khawpui ri, I thil tih theih boruak zauva lang nên. Chutin fak che thlain a nuam Lalpa, Aw, ropui ber, Aw ropui ber! Chutin fak che thlain a nuam Lalpa, Aw, ropui ber, Aw ropui ber! Lêntupui leh tukram phûl lêng fan chângin, Sírva zai mawiten sâng thing tin awi e; Khua chuan ila tlâng sâng tinrêng ațangin, Damten luang e, lui leh thlifím nuamte. Lal Pathianin A Fapa chu zuah lovin, Ka dâwn sêng lo, dairial changin a tír; Kraws chungah chuan ka sual a phur lâwm takin, Thisen chhuakin a thi, ka sual tlanin. Krista chu au thâwm nên a lo kal hun chuan, Min hruai ang, vânah hlimin ka khat ang; Lâwm takin, ka chawimawi ang, A hma kûnin, Aw, Ropui ber, tiin ka fak tawh ang.- Pathian thilsiam ropui zia leh chungchuan zia hi sawi belh vak a ngai lo. Mihring mihrin-na hian a ngaihtuah chhuak zo lovang a, a chhui seng dawn lova, khawvêl finin a zo dawn lo, thilsiam zinga pakhat ve mai kha a ni miau a lawm!
- Pathian hmangaihna hi a lo va ropui êm! Min chhandam turin a Fapa Mal neihchhun thi turin a pe phal a ni! Keini zawngin, kan fate chu sawi loh, kan thil neih țhat ber leh hlu ber ber te ringawt pawh hi midangte kan pe phal dawn emni?
- A Fapa Isua Krista lah chuan, “ka pa hian min va hmangaih lo êm!” tia vui a hnekin, “Kraws chungah chuan lâwm takin ka sual a phur a, thisen chhuakin a thi, ka sual tlanin” tih a ni zawk a! Hei vang hian, Rev. Dr. John Stott-a phei chuan, “Pathian hian a fapa aiin min hmangaih zawk a. A Fapa Isua Krista hian amah aiin keini min hmangaih zawk bawk” a lo ti hial nghe nghe a ni.
- Fakna hla chuan, Pa Pathian leh a Fapa hmangaihna leh khawngaihna mihring lama luang-kawp chanchin hetiang hian a lo sawi a, “En teh, Kalvari tlâng chungah, thûkna puite a keh chhia…Pathian hmangaih leh lainatna, mihring lamah a luang kawp; felna leh hmangaihna inremin, khawvêl thiam lo hi an fâwp” a lo tih kha, a thûkin a va ril em!
- Krista a lo kal a, vân-a min hruai hun tur hi a va’n nghahhlelhawm tehlul em! Khawvelah chuan han hlim viau chang te nei țhin mah ila, a daih rei ngai lo. Vânah erawhchuan hlimin kan la khat dawn a ni!
- Leiah zawng, thihna te, natna te, harsatna te, manganna te, damchhung khawsak ngaihtuahna ten rilru an luah a, rilru kaptu leh vei kan ngah em em a. Biak inchhungah tak-ngial pawh, thinlung chhungril ber ațanga lawm tak-a Pathian chawimawi leh fak hi a lo har ngang mai! Vânah erawhchuan rilru luahtu dang engmah awm tawh lovin, thinlung chhungril ber ațangin lâwm taka, A hmaa kûnin, “Aw, Ropui ber” tiin, kan chawimawiin kan fak tawh dawn a ni. “Amen! Lo Kal Ta Che Lalpa Isu”
Similar Posts:
- Halleluiah! A Tho Leh Ta!
- Tunlai ka mutmawh hnarmawh.
- Mi Mawl Pa (Sunday Pual)
- THAWHLEHNAA TIHNUN KA LO NI TA
- Tih nun kan ni (Easter pual)
March 18th, 2012 at 6:06 am
Maw1 ka t1 1utuk e
Report this comment
March 18th, 2012 at 6:44 am
Vaiva chu va tho hma ve, good morning vek u, chawlni hman nuam vek u le.
Hla mawi tak a nih hi
Report this comment
March 18th, 2012 at 7:03 am
Download nghal teh ang. Chuan sunday zing a ni bawk a, play nghal veng veng ang.
@2, tho hma satliah mai a ni lovang, a muhil lo hrim hrim a nih zawk hmel.
tren tren
Report this comment
March 18th, 2012 at 7:23 am
He hla hi chu a mäwi ngawt mai, a tha-in a nalh bawk si; kei pawhin ka ngaithla ngun khawp mai. A mizo hla hi a ori. zawk mah mah ten ka hre thin!
Report this comment
March 18th, 2012 at 7:45 am
Hla nalh tak a ni. Sap tawng atanga lehlin hla dang ang lo tak in Mizo 2 lehlin a ni bawk a,Mizo hla thu an hmang a…hei hian sak a ti nuam in a ti hlu zual.
Carrie ki ka
topssss
In vaiin good morning Ni hman nuam vek ule
Report this comment
March 18th, 2012 at 9:15 am
Vince hi chu khoih fai ve khop mai………………
.
Report this comment
March 18th, 2012 at 9:38 am
He hla hi chu nalh ka ti ve thlawt. A sa thiam bawk si. High School kan luh tan, pawl 8 kan zir tirh atangin devotion hunah Sir Hmingthana hovin kan sa luah luah thin a, a va nuam thei tak! A va lunglenthlak em!
Report this comment
March 18th, 2012 at 9:46 am
”
How great Thou art,
How great Thou art!
Then sings my soul,
My Saviour God, to Thee,
How great Thou art!
How great Thou art!”
Mizo tawngin :
“Aw, ropui ber, Aw ropui ber!
Chutin fak che thlain a nuam Lalpa,
Aw, ropui ber, Aw ropui ber!”
Misual.commer Saptawng thiam ho khan a leh lin dan hi han chhui zau deuh teh u, a thluk rem tura lehlin a ang zawk mah lo maw….? A awmzia a bo thak chu ka ti bik lo!
Report this comment
March 18th, 2012 at 10:18 am
A va han ngaihnawm tak em!
I changthlan lai hi ka duh zual hle mai. Korinth khua mite hnenah khan Pu Tirhkoh Paula khan ,”Hun hi tih tawiin a awm a ni; he khawvel awm dan hi a boral mek a nih hi” tiin a ziak chiam. Hei hi Krista lokal lehna a hnaih avanga a thuchah ni awmin a lang. Philipi mite hnenah chuan “Van atanga min chhandamtu Lal Isua Krista lo kal tur chu nghakhlel takin kan thlir a ni” a ti hial bawk. Lalpa lo kal vat tura ngaitu rawngbawlna kha a ngaihhlutawm fal bik ka ti thin!
Mitin kan thiltih ang zela relsakin kan awm dawn inthup emaw inzep emaw pawh a awm thei miah lo vang. (1Kor. 1:8; 3: 13: 4:5)
MARANATHA!
Good Post!
Report this comment
March 18th, 2012 at 10:45 am
he hla hi chu a English in a ropui a, a Mizo in a lunglenthlak ka t
Report this comment
March 18th, 2012 at 11:42 am
A hla ka ngaithla thei rih lo … Angel-te sak ve atana inthlahrunawm khawp a nih chu ka ring nghal mai!
Dr Johna’n ruaipui min rawn hlui khian mi timur harh sawng sawng thung … a va lawmawm tak thin em!
Ts-a : Devotion leh Devotions hi a dang a nia … i hmanna tur angah khi chuan DEVOTIONS tih tur. Mithiam tam tak pawhin an hmang sual palh chawk!
“Amen, Lo kal ta che, Lalpa Isu,” tih Thu Puan 22:20 etc thu hi Zotawngin an letling kimchang lo hret a, hetiang hian ka sawi chian belh chawk :
“Ngei ngeiin, ka lo kal thuai dawn e. (Isuan a lo kal leh tur a tiam) Ngei ngeiin… SURELY tih thumal hi lehlin hmaih a ni bawk.
AMEN. (Ringtute’n Isua thutiam an nemnghet; chu mai bakah ringtu-Jews leh Jewish pungkhawmho zingah chuan, Lehkhabu chhiartu bikin a chhiar tawp dawn lamah ngaithlatuten ‘Amen’ pek let ziah hi an tihdan kalphung a ni)
“Chuti a nih si chuan, lo kal ta che, Lalpa Isu …” Chuti a nih si chuan/EVEN SO tih lai hi lehlin hmaih a ni bawk — (ringtute’n Lalpa Isua lo kal lehna tur hi nghakhlelin, kan ngaihven reng em le?)
Maranatha tih hi Grik lamah chuan ‘Marana Tha’ tiin an split chawk bawk.
Rev. Dr. John Stott-a phei chuan, “Pathian hian a Fapa aiin min hmangaih zawk a. A Fapa Isua Krista hian amah aiin keini min hmangaih zawk bawk,” a lo ti hial nghe nghe a ni.
A va han ril reih reih tak em!
Zawlnei Daniela Bung 9-ah pawh khan, “Messiah would be cutoff, BUT NOT FOR HIMSELF …” tia ziak a ni a —chhiar uluk tan phei chuan, “OMG! FOR ME …” tih vawng vawngna chi-in Daniela khan kan chhui belh ve hret turin a lo ziak thiam zu nia!
Report this comment
March 18th, 2012 at 11:59 am
@Pu Chawnghilh, ka lawm lutuk e. Ka lo la hriat ngai miah loh mawle..
A mp3 ka download a, ka ngaithla char char mai. Carrie Underwood hi chu a zaithiam ka ti ve hrim hrim a, a aw a tliang mawi si a, rock ri bur bur ai chuan ngaihthlak a nuam ka ti em em a ni. Alison Krauss nen.
Report this comment
March 18th, 2012 at 12:02 pm
lung ti leng in!!!
Report this comment
March 18th, 2012 at 12:06 pm
Pathian hmangaihna hi rinhlelh rual a ni lo. Ka rinhlelh dawn a piangin Abrahama’n a fapa Isaaka a hlan lai chungchang vel kha ka rilru ah alo awm thin a. Hmangaihna leh khawngaihna inkawp chuan misual ber te pawh a fa ah min lo vuah leh ta a nih hi. Mahse ka han ti teh ang
Report this comment
March 18th, 2012 at 1:24 pm
@” Then sings my soul, my saviour God to thee.. ”
@” Chutin fak che thla-in a nuam Lalpa..”
A fuh thlawtin ka hria. A sawi tum bo chuang hauh si lova tawng danga a thlûk a’n hmehbel zaih thiam hi a fakawm ka ti. Lehlin hi zawng, thlûk nei hlà ngat phei chu, a har ngawt a nia. ” Saviour God ” tia a saptawnga a uar angin a zotawngah hian a uar nasa ve ta lo deuh e tih mai loh chu a fuh ka ti khawp mai; saptawng chu ka thiam vak lo na a..
Report this comment
March 18th, 2012 at 6:21 pm
Carrie hi chu zaithiam thlot alom..hla nalh bok
Report this comment
March 18th, 2012 at 11:35 pm
He hla hi ka duh berte zinga mi a ni, a lehlin pawh fuh hlein ka hria.
Report this comment
March 19th, 2012 at 10:17 am
Ni e, a English atanga Mizo-a an lehlin hi ‘literal’ chuan famkim lo hret chu a awm nual a, mahse, tuna kan neih hi a tha tawk viau-in ka hria.
Report this comment