Abu Ghraib Prison chanchin chu kan hre nual tawh ang a, Geneva Convention palzut a vanga US sawrkar hmingchhiat nasatzia pawh kan hre ngeiin a rinawm. Khatiang taka mahni mihringpuite sawisak leh zahlohna kha Concentration Camp leh Siberia ah khan a tawp tawh emaw tih laiin hmanni lawka a thleng leh si kha rapthlak tak chu a ni awm e. Khawvel hnam chaklo leh hnuaihnung zawkte rinrawl leh innghahna ber US sawrkar hnuaiah ber kher khatiang thil a thleng ta kha mangchhia nge vanduaina tih pawh hriat hran harsa khawpin min nghawng a ni ber.
Media hrang hrangte’n chanchin ngaihthlak hrehawm tak tak an chhuah reng a, khatiang dinhmun teh nuai a nih avang khan thudik leh diklo te chu lo awm pawh ni tehreng se thliar thiam harsa tak a ni tawh a, a nawlpuiin kan rin ngamna a tlahniam a, tlangnel a harsa ru a, rilru a kam tlat tawh bawk.
An prisoner-te chunga a rawng thei ang bera an chet chhan nia lang chu kaisang (rank-up) chak thei dawn ni a an inhriatna kha a ni. Kum hnih/khat chhung chauha rank-up theih tluka hlu hi military ah chuan a awm tam vak lovang. Tichuan, an mize diktak chu dahtha in mahni mihringpuite chu ransa ang maiin an sawngbawl ta chiam a, a diriam thei ang berin an khawsa bawk. An pu-te, diklo taka promotion lohmu tawhte sulhnu chhuiin beiseina nen diklo takin an khawsa ve ta a ni.
Kum hnih/khat a ral ta, kha’ng hunte kha a liam tawh emaw tih laiin an tihsual rah chu a rawn chhuak dawn tan chauh si. Picture leh video an han enlet a, an mahni leh mahni ngei pawh inzahpuiin an inringhlel rum rum tan leh tawh a, mittui tla chungin inchhir mahse a sawt lova, ram leh hnam tana nasa taka thawkrim emaw an intih laia mahni ram leh hnam timualphotu lek anlo ni daih si kha a tuartu tan chuan a na ve ngei ang
Magazine leh News hrang hrang-ah he thil rapthlak taka mawhphurtu leh diklo taka bultantu pawh kan hre tawh ngei ang. Mahni hnuaia thawkte zirtirna diklo hmanga kaihruai thin mi vervek, ram leh hnam kawra hmanga mi chaklo zawkte diriam ching, mimal dikna chanvo zah aia midang laka tlaktlum loh hlau mite kaihhruaina hnuaia thil thleng a ni tih a chiang hle. A hunlai kha thlirlet ila, an sawrkar Higher Level Administration chhiatzia leh hruaitute nihna kha sawilan kher pawh ngailovin a lang chiang tulh tulh a, an mi leh sa, an duhsak ngawih ngawih ni a an hriatte ngei pawhin tunah chuan an dem em em tawh a, kumkhuain an mualpho tawh ang a, tumahin an ring leh tawh ngaiin a rinawm loh.
Hetiang zawng zawng inthlakna leh mipui rilru tidanglam tu chu ‘dikna langchhuak’ vang chauh kha a ni. General Geoffrey D. Miller khan engkim tuarin a bei a, mipui hnenah dikna tlangzarh turin hekna leh elrelna karah zahawmna hial hloh thei dinhmunah a ding thin a, court-martial hial pawh a tawk a nih kha. Hetiang thil diklo a dodal tlat avang hian a kawr hmaah arsi dang belna chance a nei dawnlo tih thlengin a hre lawk a, mahse ram leh hnamdan palzuta diklo taka mahni mihringpuite diriam mi chu a chunga roreltu pawh nise a do ngam tlat thung. Tunah chuan Pentagon-ah ngei khawvel chanchinbumite karah President Obama sawrkarin mihuaisen leh zahawm chawimawina sangber a hlan a, khawvel mipuite ngaihsan leh entawntlak nihna lawmman hrang hrang a dawng bawk.
He thila inhnamhnawih zawng zawng te chu uluk taka zirchianna neih an nih hnuah an phutawk ni a ngaih hremna pek vek anni a, vervek taka chanvo sang an chan chu paihthlaksak annih bakah US sawrkar leh Military history tichhetu niin mualphona leh hmingchhiatna namen lovin a vur bawk. Prisoner enkawldan chungchanga huaisen taka Bush-a kaihhruai dodal ngamtu zawng zawngte hnenah President Obama’n pasaltha chawimawina a hlan vek a, Abu Ghraib prisoner zawng zawng te pawh charge awmlova chhuah zalen anni ta. Bush-a’n Abu Ghraib Prison tihral/thiahdarh a rawtna chu American Military Judge chuan hnawlin Crime Scence atana venhim a ni ta bawk.
Similar Posts:
- Ti hian ka ngaihtuah thin
- Zoram Nuam I Siam Ang U
- “Kal mai teh” tih a tawk lo, “Kal mai te’ng” tih ngam a hun ta!
- Mahni hnam tawng thiamloh a zahthlak
- Ka Beiseina Che U
March 18th, 2012 at 12:11 pm
Chhiar ang
Report this comment
March 18th, 2012 at 12:17 pm
A ngaihnawm khawp mai. Khawvel nunrawnna, dan pangngai baka chetna hi a demawm ṭhin takzet. Zalenna hlutzia a lang chiang mai awm e.
Report this comment
March 18th, 2012 at 12:51 pm
an va chawh ve . .
Report this comment
March 18th, 2012 at 4:20 pm
He post hi ka lo hmuhthelh pek a, in va comment tlem ve! Khawvel huap pawh hian chanchin hriat nuamlo hlir mai. Chutih laiin midik leh huaisen chanchin lo lang tel thin hian nun a chawm.
Report this comment
March 18th, 2012 at 4:57 pm
comen kher loh ka tuma mahse sheldon ka thlawp che
Report this comment
March 18th, 2012 at 9:47 pm
A thu chu a bu a ziah a va ang thlap thlap ve,. a dak hlarh alawm. An thil tihsual in a rawn zui let thui hle nimaw.. Ngaihnawm khawp mai
Report this comment
March 18th, 2012 at 10:42 pm
Sing sing prison hi ka hre bel hlur a…
Kei ta pek ka lo hre ve miah lo…atom c maipawl min put tir leh ta. A va han samachar loh thlak thin em! A ngaihnawm khawp mai… Pu. Hairehai a te ram ang ram ropui leh an pawisa hnah chi ah meuh pawh In God we Trust ti ho pawh khu an lo chu ti lua bik lo hle mai.
Report this comment
March 19th, 2012 at 2:57 am
Ka PA tih chi.
Dikna dinchhuah tir tura a power hman theihna ah chuan a rank leh collegues te pawh pawisa miah lo. Heti’ang hi ka mamawh ani.
Report this comment
March 19th, 2012 at 3:03 am
Ka hriat loh zawng tak a nih chu le. A bengvarthlak leh e.
Report this comment
March 19th, 2012 at 10:28 am
“Hetiang zawng zawng inthlakna leh mipui rilru tidanglam tu chu ‘dikna langchhuak’ vang chauh kha a ni. General Geoffrey D. Miller khan engkim tuarin a bei a, mipui hnenah dikna tlangzarh turin hekna leh elrelna karah zahawmna hial hloh thei dinhmunah a ding thin a, court-martial hial pawh a tawk a nih kha. Hetiang thil diklo a dodal tlat avang hian a kawr hmaah arsi dang belna chance a nei dawnlo tih thlengin a hre lawk a”
Dikna lang-chhuak tura thil pawimawh-te:-
1). Engkim tuara beih,
2). Hekna,
3). Elrelna,
4). Court-martial hial a tawk,
5). Kawr hmaah arsi dang belna chance a nei dawn lo,
General Miller anga ‘Mihuaisen’ kan neih loh avang hian Zoram-ah hian (kawng hrang hrangah) “mifel engzat takin tuar ang maw?” tih leh “a ruka chhiatna engzat tak thleng ang maw?” tih hi ka ngaihtuah veng veng mai…
Post-tupa leh Gen.Miller, 
Report this comment