“Khua a ro, thli a thaw, vaivut a khu, men a har, balh a awl. Lo an hal, meikhu a zam, boruak a bawlhhlawh “ kan ti em?
Environment & Forest Dept lamin theihtawpin thingkung pakhat hlutna tarlang thin mahse kangmei a chhuak kumtin a, ram tha pui pui a kang huau huau si maw? Thing leh thlai hring lam ringawt ni lovin, nungcha tam takin famkhua min lawisan a. Pathianin uluk taka a duan ‘Ecological Balance’ thlap tibuai vektu chu he kangmei tihbaiawm hi a ni, a va rapthlak em!
Kan thianpa pakhat chuan, “Kangmei a chhuah hian thli a siam lutuk asin” a ti nuah nuah a, ka’n ngaihtuah zui hian dik hmel ka ti ta viau. Kan khawvel delhbet tlattu air mass lianpui mai hi boruak lumna hmunah chuan a pressure a lo nem deuh diai a, chutah tak chuan a maka makin, phung velh ang maiin pressure sanna hmuna thawip pik taka lo awm mek boruak ho chuan hmun thawl inchuhin an innek lut thuah tup tup ni mai hian ka’n ngaihtuah chho a. Thal thli khawro pawh tawrhhlelhawm tehlul nen, kan ram tihkan nasat vang hian engzat thli khawro nge kan BONUS chiah le? tih pawh ngaihtuahnaah a lut rum rum mai.
Engvangin nge ram chu kan tih kan vak vak le? Aw, loneitute vangin mawle. Mizoram mipui engemawzat hi kumtin lonei a eizawng an ni miau alawm. Kumtin ram thar an zuan a, thingkung a din thuau na hmun ngei kha Lo atan an it tlat. Engvangin? A ram a chang tha alawm. Thingkung lianpui pui dinna hmunah chuan hnahthel tawih ral engemawzat a awm tawh tih a chiang a, chutiang hnahthel tawih ral tawh lei thra tak chu Buh leh thlaiin ngeih miau hek le. Tichuan loneitute chuan ram tha an zuan lawr a, an vat a, an hal leh nge nge thin. Chu chu an kumtin hna a ni tlat. A chang phei chuan an vah chin bak ram an tikang ve fo a, ram tha tak tak a kang duai duai, awi maw! Karei leh!
Engatinge Mizo mipuite hi an hrilh fin theih loh? Engvangin nge kumtin ram an vah zel ni? Ngatinge hmun khatah lo neiin, thlai chingin an insawrbing mai loh le? Mizote hian ram tha an tihchhiat duai duai hi a va trul lo em! i ti mai thei. Mahse, loneitute dinhmunah han ding zet la chuan, chutiang zawhna chu i siam hauh lo ang le. Mihring i nih chuan chaw i mamawh phawt mai. Loneitute tan hian kumtin loneih bak chu hrawk chawm thei thil a vang lutuk ringawt. Hmun khatah lo nei char char dawn se, a lei nutrients pai kha kum khatah a kuit deuh vek tawh. Chul rih nawn hi ram thra eltiangah lo chuan tih chi pawh ni hek lo le. Kumtin loneih chu khel lovin a ngai. Theih nise, hmun khata insawrbingin kumtina hrehawm em em – lo vah, lo hal, mang khawh etc hi pumpelh an chak asin. Mahse pumpui lamin ro a rel miau a, an pumpelh thei si lo.
Engati nge buh kher? Vegetables dang, fruits, etc te pawh ching ve sela, Mizoram pawn lamah te pawh zuar ve se, Israel ram te pawh an thlai chin khu alawm an intundinna, i lo ti mai thei e. Awle, chu tak chu alawm kan buaipui tur. Mizoramah hian thlai leh thei lampang thra thei engemawzat chu a awm ve na meuh mai le, heng zing ami engpawh hi mi taima chuan ching sela, a thar em em ang. Buaina chu, khawnge a hralh ang? tih zawk hi a ni. A chinna lamah neih zawng zawng sengral mahse a hralhchhuahna tur a awm loh chuan tunge chawibelha hah-thi-kula trang peih ang ni? Aw, a hralhna tur chu, a market chu, chu ngei chu alawm mizo mipuite hian kan mamawh.
Ram hmangaihtu awm se, chu ram hmangaihtu chu kan ram hruaitu nise, Mizote mamawh ber kan thlai chinte hralh chhuahna tur market han buaipui se. Demand a awm chuan Supply tur chu engvangin nge kan chin sup sup loh ang? Loneitute pawhin kumtina hah taka lo vah te, ram tihkan te, mangkhawh te an ning ve alawm.
Thim hnuaia thru Zofaten ram hmangaihtu, kan thlai dehchhuah ve te hralhna tur min ngaihtuahsaktu kan neih hunah chuan – kumtin ramthar zuana lo neih a tlem telh telh ang a, ram kang a tlem ang. Per capita income a sang ang a, mipui kan changkang ang. State sawrkari tan pawh hlawkna anih dawn avangin kan khawpui leh kawng te kan chei mawi ang. Mizoram hi ram nuam tak anih avangin tourist hip na chance kan ngah a, kan state a hausak chuan kan chei mawi ang a, vai mi hausa khawlum hlaua tlanchhe ho kan hiplut ang. Tah chuan mipuite tan bawk hlawkna a ni leh ang a, state mawi tak, changkang tak kan ni chho ang, hmasawnna chu a zuan in a zuang tawh mai dawn ani.
Para khatna atanga para hnuhnung ber khi han khai khawm ta ila, thu puarpawleng mai mai zuk ni a mawle. A thui tehlul nen, a va ho em! Eng dang a ni lo, a ziaktu hi ka lo ruih em vang a lo ni!
Similar Posts:
- Investment a hlawk a?
- Sawhthing man sang Congress hotute hmalakna vang maw?
- Mizo 2 million kum 100 hnu-ah
- Malawi ah Vawih an khap
- In/Inhmun Lei Duh tana Hriat Chi!
March 28th, 2012 at 9:49 am
Chhiars ila
Report this comment
March 28th, 2012 at 10:01 am
Nakin lamah chhiar mai teh ang..
Report this comment
March 28th, 2012 at 10:02 am
1st hman loh chu le….
Kumtin a lo hmun sawn bansan hret hret tumnaa hmalakna hi a kal ve bek bek zel a. Engtikah emaw chuan a hlawhtlin han beisei ve phawt ila.
Hmun thenkhatah chuan, sapel duh in ram hal a sa, a khana lo chhuak hi chan an hrat. Nagaland a kan awmlai khan ram hi an hal hluah thin a, hmun thenkhatah. Rul halhlum nan, te an ti mai mai thin in ka hria…
Report this comment
March 28th, 2012 at 10:14 am
Teh dawrh chuan
Report this comment
March 28th, 2012 at 10:45 am
kan ram tana beiseina awmchhun ‘thlai thar dehchhuah leh hralh’ hi kan ram hruaitute hian an vei lo/an vei duh lo ni berin a lang em aw? tih hi ngaihtuahnaah a lut ve thrin
Report this comment
March 28th, 2012 at 10:59 am
Post-tupa a ruih em avangin a thuziak ho takah ngai mah se. Post tha tak a ni…
Mizoram hmasawnna kawng ngaihtuah hi chuan thuthmuna thawklak hawlh hawlh a awl phian. A hre zawk te’n han sawi teh u…
Report this comment
March 28th, 2012 at 11:24 am
Report this comment
March 28th, 2012 at 11:50 am
ngaihtuah chhuak tha hle mai. Thlai hralhna tur ber chu a nih chu kan mamawh. Pangpar lamah te hian kal theks ila a fuh lo maw le
Report this comment
March 28th, 2012 at 12:48 pm
Ziak tha ka ti e. Kan MLA pakhat pawhin Budget ah thlai tharchhuah leina dah chung a sawi kha. Thil theih anih chuan a tha ngawt tak ang.
Hman deuh khan sawhthing kha an ching a, a hralhna tur a awm leh mumal lo kha a nia. State danga an hralh dawnin Sorkar in a khap deuh roh lawi si, leisak bawk silo, godown nise hmun tlemte ah a siamsak a, sawhthing kha a tawih chhe nasa an tih kha;-)
Report this comment
March 28th, 2012 at 1:34 pm
A dik khawp mai, Mizoram hian hmasawnna tura rahbi kan mamawh ber ni a ka lo hriat ve Inkalpawhna tha (Road, Air, Water) leh Markting tha kan mamawh hmasa berin ka hria, a dawt lehah chuan Storage tha tak tak hi hmun engemaw zah velah hian awm bawk se, tunah Bairabi (ka hre sual em aw?) a mi mai mai lo ang deuh, Chuan Marketing lampang chang tur Department siam belh emaw, buaipui chawt tur mihring pawh indah nise……Phai a sum sawihchhuah tam ringawt hi chu hmasawnna bo em mai
Report this comment
March 28th, 2012 at 1:57 pm
A ni khawp mai. Ram tikangtu tam takte hi an ei hmuhna a ni tlat a tin ni.
Ran vulhtute pawhin hnim chawr no leh hma nan an hal thin.
tren tren
Report this comment
March 28th, 2012 at 6:47 pm
gud post
Report this comment
March 28th, 2012 at 11:36 pm
A topic name chu a va tha lo ve
A chhung thu a that nen! 
, Iskut leh serthlum hi chu sawrkar inrawlh pawh angai lo e!
Kan traditional crops ho buh, bal etc..te hi hralh chhuah kher angai lo a, kan la lut teuh teuh zawk anih hi. Sawhthing, iskut, hmarcha, vaihlo, serthlum, anthurium te hi kan hralh chhuah deuh te an nih hmel a. Sum chang thlai kan tih ho zinga a lar bik, sawhthing leh hmarcha hi Mizoram chhungah process ila (Dried and powdered). A fresh a export ngai ho chi hi tlemte an ni. Anthurium hi chu ka sawi peih lo
Ram hal lo a sustainable argiculture product nei thei tur chuan tlang rawt leh terrace siam ani ber mai. Hei hi challenging khawp mai. Mahse he lamah hian tih tak takin central lam puihna nen thawk ila, kum 50/60 velah chuan kan ei khawp bak thawn chhuah theihna tur hmun chu kan nei thei mai ang..ka ring!
Report this comment
March 29th, 2012 at 12:16 am
lrp i hmathlir hi a tha khawp mai…kan zo ze hmanhmawh hian a thlir phak si lo.
tuna kan lo neih dan hi a that loh thu sawi thu a cheng lo. mahse traditional/ culture a inthlung ve tlat a nih vang hian tihtawp a har si. zawi zawi chuan kan bansan a bansan tuten an bansan chiang thei leh lutuk a lo neih peih a ram pawh an vang telh telh ni 100 inhlawh mai mai kan phulpui hlut tawh mai.
Report this comment
March 29th, 2012 at 12:33 am
Chuvangin hawh u.
Report this comment
March 29th, 2012 at 2:44 pm
Nizan khan ka chhiara ṭha ka ti khawp mai, kan hriat tlanglawn leh vei pakhat a nive a, mahse a solve na lampang hi a luhai thlak khawp mai. Politician te mawhphurhna i dah lian ta rau rau bawk a thingthlang khuaa awm te tan, politician tha neih an duh chuan reilo te nawmsakna hnar ngam sela, party la ruh lutuk tawh lo bawk se la, mi rilru ngil leh ṭha ni a an hriat chauh vote sela chu chuan nasa takin kan ram hi a siamthat ka beisei.
Naupang hmuia chithlum tah sak tawh chuan duh duh na ah a tirh theih tawh tih ang kha an la ni bawk si a 
vawiin ni a kan rama rorelna chelhtu tam ber te hi khawpui mite thlan tlin ai chuan thingtlang lam thlan tlin an ni si a. Khawpui ah chuan an in buk tawk em em laiin thingtlang ah chuan party thli a tleh dul dul a, nasa taka inthlau in an tling leh mai ṭhin. Mi hi a tlin hram hram chuan a chapo ngai meuh lo, a phu lohva a tlin vah vah chuan a hawisang hma khawp mai, chupawh party zarah lehnghal a nih chuan hawi san a awl khawp ang. “Thingtlanga kan unau te u Bumin awm tawh suh” ti a tlangau pawhin, “Pu Hawla mut hma chu ka mu lovang” ti tlat an lo awm ve bawk si a
Industry chu sawi loh Agriculture lamah takngial pawh kan la pa chhe hle a, kan thar chhuah sa pawh hlutna neilovin kan dah ṭawih mai mai zel chu a ni bawk si a. Stock market te leh Business lamha pawh hmasawn kan ngai nasa hle a ni. Chumi tur chuan ram hruaitu an pawimawha, chumi hruaitu thlang tur chuan mipui kan pawimawh hle a ni.
Report this comment