mi(sual).com

Sam 24:7-10

“Aw kulh kawngkate u, in lu chungte kha chawi sang ula;

Nangni kawngkhar hlunte u, inkhai sang rawh u:

Tichuan ropuina Lal hi a lo lut dawn nia.

Ropuina Lal chu tunge ni?

LALPA chak tak leh thiltithei tak,

LALPA, indonaa thiltithei tak chu a ni.

Aw kulh kawngkate u, in lu chungte kha chawi sang ula,

A ni, kawngkhar hlunte u, chawi sang rawh u:

Tichuan ropuina Lal hi a lo lut dawn nia.

Chu ropuina Lal chu tunge ni?

Sipaihote Lalpa chu,

Amah ngei hi ropuina Lal chu a ni.”

Tumkau ni a lo thlen chuan naupangte tumkau nen lal Isua Jerusalema Lal anga a luh ni chu kan hmang ve thin a. ‘Aw kulh kawngkate u in lu chung te kha chawi sang ula’ tiin kan au lauh lauh thin.

Kristian ram kan ni a, kan tet te atang Pathian thu a chawm len kan ni a, kan thlarau nun ah hian kan mawhphurhna pawh sang em em a ni. Hnam dang milem bia te kan thlir in kan vannei a, Bible thu lah kan hre em em a, Sermon pakhat tal chu kan sawi thei ang tih mai ni. Mizo te hi Pathian thu ah hian kan sang em em a, kan duh em em a, a taka nunpui lam hi kan ti lo khawp mai. Kan nun kawngkhar ah hian engzat chiahin nge Lalpa hi luh kan phal thin aw? Lal Isua kan nuna lut tur hian hniam takah kan phar fo mai. A chang phei chuan Isua hi bawk vaka a rawn luh mai a ngai law’ng maw? Ropuina Lal hi kan nunah hian a ropui tur angin a ropui thin lo.

Mihring hian tlawm kan hreh em em mai a, kan nunah Isua Lalber lo tih hre reng chung te, kan ro em em lai te pawh hia ringtu tha ber anga lan kan tum fo mai. Miten chu chu an lo hmu ve thin si a, tlem a min sawiselna deuh te chu a langa haw si lovin, rilru lam lo in sangmar teuh thin. Kan nunah ropuina Lal hi lut tak tak tura kan sawm nih chuan, keini kawngkhar hlun te kan inchawisan ve a, kan in phal ve ngai ni. Lalpa hi eng ang chen hian nge kan duh aw..?

Setana hian Isua lam kan hawi hi hlau khawp a, khawvel pawh hi a siam nuam tawh teh e. Mizo te pawh hian sakhuana lam hi chu kan la lap tan ang khawp mai. Mahse chutih rual chuan Lalpa hian kan hlat san loh nan kan nunah harsatna te lo thlen tir ve bawka. Mangan laia tanpui vartu hnai reng chu kan auh loh theih loh nan. Harsatna kan han tawh tak tak chuan Lalpa ngaihsak lo ber pawn kan au thin a. Tichuan kan nun harsatna indona ah chuan min rawn do sak a, min rawn hneh sak thin.

Pathian tel lo hian kan awm thei tak tak lo a, khawvel finna leh hmasawnna ah te hian sang viau mah ila, thih ni kan la nei dawn tih hi theihnghilh lo ila. Kristian kan ni ve ta rau rau bawk a, vanram kai tur law law in ringtu ni teh ang u.

Tumkau ni lo thleng leh dawn ta, kan thinlung hian engtin nge Lal Isua hi lo hmuah ve dawn le? Lal ang mai a luh tir lo in, Kan nun ah Lalber tir ang u. Lal Isua leng taka lo luh nan kan thinlung kawngkhar te zau taka hawngin, in khai sang leh zual ang u. Bawkvak chuan i luhtir lo hram ang u.

Similar Posts:

• Isua i pai ngam dâwn em?
• I thinlung hawng la
• Hosanna!! Lalpa hminga lo kal chu fakin awm rawh se
• Lalpa-ah Rinna ngat rawh
• Tawngtaina

Recent Posts:

• NGAIHNAWM KAWLEKSAWN – 2 :
• Pathian Kut Dinglam {Sunday Pual}
• ZO NUNMAWI HLUTNA
• NGAIHNAWM KAWLEKSAWN – 1 :
• Kawnpui dai sex video a leakout!

This entry was posted on Sunday, April 1st, 2012 at 8:30 am and is filed under Religion. You can follow any responses to this entry through the RSS 2.0 feed. You can leave a response, or trackback from your own site.