Tun hnaia HPC [D] ten YMA Branch eng emaw zat dissolve an tum chungchang leh an demand chungchanga ka ngaihdan Point pasarih (7) chauh:
1. World Peace Congress 2008 a paper ka present-a ka sawi uar em em chu hei hi a ni; Helna hring chhuaktu chu Sorkar-in hmasawnna rualkhai taka a kal pui loh thin vang a ni a. Ram bung thenkhat, hmasawnna-in a thlen ve phak meuh lo te hian rahbeh leh hmuhsit niin an inhre thin a, chibil awm khawm deuhna a nih phei chuan helna a hring chhuak vat thin. Chuvangin Sorkar hian development rualkhai takin a ram pumah kalpui sela, Autonomous District Council pawh hi demand a ngai hauh lovang.
2. ADC awmsa te pawh hi a dik tak chuan hmasawnna rualkhai lo lutuk avanga an demand thin a ni reng a. UT te hial an dil a nih kha. Amaherawhchu kan ram zimte-ah ADC a awm nawk chuan hnam inpumkhatna a tiderthawng a, chibil karah ramri a kham tlat mai a. Duhthusam phei chuan ADC awmsa te hi thiat vek law law ila, hmasawnna rualkhai tak leh inpumkhat takin Zofate hi leng za ila a tha ber zawk. Chuvangin HPC [D] ten ADC an demand, YMA-in a thlawp lo hi YMA tih tur dik tak a ni. YMA chuan Zofate zawng zawng inpumkhat leh in unauna a duh a, chuvangin kan ram zimte thendarh leh ramri kham neuh neuh hian chu inpumkhatna chu a tih chhiat a hlau a ni. Hmar unaute a ngaihthah vang a ni lo, tin hmasawnna an neih tur dan a tum hrim hrim ni pawhin a lang lo.
3. CYMA President-in Sinlung Hills Autonomous District Council din a nih lohna tura sorkar an nawr thu a sawi hi a chhan a sawifiah tawk lo a ni mai thei a, chu chu kan unau HPC [D] te hian an lo man fuh lo bawk si. CYMA hian Hmar unaute a ngaihthah bik leh an hmasawnna tur dal a tum tlat anga ngaihna a lian ta hle niin a lang. CYMA-in heti zawnga hma a lakna chhan ber chu Zofate hi inpumkhat reng ila, inthen darh lo ila, lung rual takin cheng ho dial dial ila tih a ni. Hei hi HPC [D] te pawh hian Zohnahthlaka an inngai a nih chuan hrethiam hram teh se.
4. HPC [D] hi eng zat chiah nge an nih a, Hmar mipui zawng zawngte hian an hmalakna hi an thlawp em, tih hi zawhna pawimawh tak a ni. Hmar hnam aiawha thuchhuah te siam a, demand te siam thin an niin a lang a, amaherawhchu Hmar mipuite’n an thlawp a pawimawh a, Hmar mipuite’n an lo thlawp lem lo a nih phei chuan Hmar hnam pumpui aiawh anga hmalakna an nei thin hi thil dik a ni reng em? Mi thenkhat extreme zual tlemte hmalakna a ni zawk em, chu chuan Hmar hnam pumpui hming a tihliau viau zawk lo maw. A chhan chu tuna an thuchhuah thar berah pawh mipui rilru-a lo lang hmasa chu “Hmar ho teivet chu…” tih a nih ka ring. Chu chuan Hmar hnam pumpui a tihmingchhia tih a tarlangin ka hria. Chuvangin Hmar puipa leh Sakhaw hruaitu te pawh hian heng kan unau kal fawr zualte hi nunphung pangngaia an rawn let leh theihna tura hma an lak pawh a ngai hle-in ka hria.
5. Mizoram hian kawng hrang hrangah hmasawnna a hmu chho tan mek zel a. Tourism lamah pawh Sikkim hmasawnna kan thik ve tan niin a lang a. Tourism lama potential kan neih that em em sik leh sa nuam, tlang ram hring mawi tak, mipuite inhawnna, etc. India rama ram ralmuang ber nia kan lo chhal thin te hi ngaihtuah a ngai viau. Hetia kan unau, HPC [D] te’n helna an kalpui reng chuan ram ralmuang berah pawh kan chhal ngam lovang, chu chuan a state pumpui leh a chhunga cheng Zo hnahthlak zawng zawngte hmasawnna a dal a ni. Chumi hre renga hetia an hel reng a nih si chuan Mizo nih an inpawm lo hle niin a ngaih theih ang.
6. CYMA pawh hian Zohnahthlak hnam inpumkhatna a kal pui danah hian a ko a thlak ve deuh chu a ngaiin ka hre tlat mai. Inthendarhna thlentu kan sawi tak, ramri khama inthendarhna (District Council hran neih, etc.) veng tur chuan Sorkarin a state pumah hmasawnna rualkhai taka a kalpui a ngai a. Hmar unaute vuivaina pawh hi a awm tih chin ka ngah mai. Mipuite’n sorkar laka helna rilru leh beidawnna rilru an neih loh hi a pawimawh em em a ni. Chutianga sorkarin hmasawnna rualkhai a kalpui theihnan na takin YMA hian sorkar hi nawr se. Dik tak chuan Aizawl chauh hi emaw Mizoram kan tih chang hi a tam a ni. Sinlung Hills Development Council huam chhung mai pawh ni lo, Mizoram thingtlang khaw tam tak, ei leh bara rethei tak tak hi an la tam em a. Hmar unau te anga chi bil hlawm deuha cheng an nih thin loh avangin an tangrual thei lova, an hel lo chauh zawk a ni.
7. Mizote hi hnam tlem te kan ni. Mizo/Zohnahthlak hnuaiah hian hnam peng (Clan, Sub-Clan) hrang hrang an awm a, chung zawng zawng khaikhawmtu chu Mizo/Zohnahthlak a ni a, a pawl anga pa chan chang ber pawh YMA a ni leh mai (Young Mizo Association – Mizo/Zohnahthak zawng zawng huam vek a nih vangin). Hnam inlungrual lo chu an ding chhuak ngai lo. Chuvangin kan hnam a lo dinchhuahna tur atana pawimawh ber chu inunauna leh inpumkhatna, inlungrualna te hi a ni. Hemi kawngah hian MZP lamin an thawhhlawk hle. Mizo te zinga hnam peng hrang hrangte’n hetia a inthendarh zawng leh a inla hrang zawnga hma kan lak fo chuan Mizo hnam pumpui tana pawisawina a ni. Chuvangin kan unau HPC [D] te pawh hian ngaihtuah nawn fo teh se, Mizo hnam pumpuiin kan dem rawn hma hian.
Chutih rualin inpui chan chang, tuna Mizo tawng kan tih tak mai, Lusei tawng hmang ho te pawh hian kan unau hnam peng hrang hrang te hi Mizo-a kan ngai a nih chuan an tawng theuh pawh hi hmusit leh nuihsawh zawng ringawt ni lovin, Mizo tawng-ah kan pawmsak a tul. Tin, an lungawi loh leh pangchanna rilru pawh hrethiam tak chunga kan dawn sawn a, pa chan chang taka kan uap a tul a ni. Chutih rualin Zo hnam pumpui khaikhawmtu, kan zavaia kan tel vekna tur pawl YMA hi a tichhe zawng leh a do zawnga kan chet loh hi hnam himna a ni e.
(You can send feedback at
www.facebook.com/james.ramdinmawia)
Similar Posts:
- Tute nge Mizo?
- Zohnahthlak inpumkhatna kawnga Ralteho entawn tlakzia
- Autonomous District Council tamtak kan mamawh
- Mizo vek kan ni:
- Mizo hnahthlak kan ni lo
April 20th, 2012 at 8:02 am
tren tren
Report this comment
April 20th, 2012 at 8:06 am
YMA an desolve dawn a…!!! tren tren
CYMA tang fan2…!!! tren tren
Report this comment
April 20th, 2012 at 8:17 am
Comment hi feed back ah ngai rawh
Report this comment
April 20th, 2012 at 8:34 am
Politics ve ziah hi a
Report this comment
April 20th, 2012 at 9:12 am
A zialo ngawt mai.
Report this comment
April 20th, 2012 at 9:59 am
Report this comment
April 20th, 2012 at 10:22 am
A buaithlak a nih hi…
Sawrkarin a tih tur a ti si lo, kan unaute lahin, vui an pe na si. Inngeih takin lo awm teh u ti ringawt mai ang…
Report this comment
April 20th, 2012 at 10:30 am
@Ninja, i tidik e. Comment tha tak tak te hi feedback ropui tak vek a ni. He laia sawi hreh deuh si, Personally-a min rawn be pawp duh an awm tak hlauhin ka ti mai mai maw le…
He problem solution atana ka suggestions chu post-ah hian a hmuh ruai theihin ka ring a, mahse point mumal deuhin sawi leh ka rawn tum dawn nia…
Report this comment
April 20th, 2012 at 10:41 am
mahni hma kan sialna hian inlungrualna a ti chhe thei a ni, a mimal angte, pawl ang te, hnam ang leh ram ang pawh in mahni hma kan sial lutuk theuh a ni….
Report this comment
April 20th, 2012 at 10:56 am
Hun kal tawh mah ni se, hei hi ka’n sawilang ang e.
TWERIL (an ti em ni kha?) Pukpuia sawrkar sikul awm tur, Aizawl lama sawn an tum lai khan Lungleiah kawng kan zawh a. Chuta, mi thenkat lungawi lovin an sawi chu, ‘District council kan duh’ tih a ni!
Kha kha a ni mai asin. Mizoram hmasawnna tur zawng zawng (deuhthaw) hmun khata ekbeng vak an tum chhung chuan, Hmar unaute chu sawi loh, Lunglei mi tam tak paw’n District Council an duh titih mai a nih kha.
Kan ram hruaitu te hian puitling takin ngaihtuahna seng thin rawh se, sum eiruk tur ringawta buai buai lo hian…
Report this comment
April 20th, 2012 at 11:07 am
Kan ram hruaitute leh Lusei ho te hian Aizawl chauh hi emaw mizoram an tia, in nghirngho na a la awm zel ang…
Report this comment
April 20th, 2012 at 1:27 pm
District council dang hi chu nei tawh lo hram ila…chuan thenkhatin an sawi chhuah duh loh sawi chhuak tuah kan tang leh pek ang e…inti Aizawl ho hian Durtlang pawh pel lo mahse khawdang leh Mizo tawng dialect hran hmang hmuhsit leh nuihzat deuh a tih an chin te hi bansan nachang hre ve tawh se, kan tha tlang chho zel mai ang
Report this comment
April 20th, 2012 at 1:41 pm
#11,Hlimthla…sorkar leh lusei ho! Tiang a chibing zonga thil comment hi a nalh duh miah lo. Sorkar that lohna leh an kal dik lohna chu soisel borh2 ngam i la mahse,chibing zong chuan in puh hi a fuh ber lo ang. Tunge ram hruaitute,enghnam nge ang nih a,lusei an ni nge,pawi,paihte etc. ????
Report this comment
April 20th, 2012 at 1:56 pm
OT lokz, Fb group thenkhat hian ka nuih a tiza alawm le, group fahrah te2 an siama member an add vak2 a, an tam reng bawk a, mahse a chhiar thin chu tlemte, a siamtuleh thian hnaivaite an ni mai sia, mahse admin e min lo e hi an tia
thuneihna chu kan lo duh tlang a ni.
Post hi chu sawizui tur vak ka hre lau, ka hul.
Report this comment
April 20th, 2012 at 2:31 pm
Sinlung Hills Autonomous District Council hi enge a tulna ka hre miah lo. Mizo an inti anih chuan Mizoram state kan nei a, chumi chhungah eng dang gne kan mamawh?
Report this comment
April 20th, 2012 at 3:13 pm
Disintegration/ THuneihna sawndarh ka sawi ve fo a. Hma kan lak vat loh chuan District Council mai ni lovin Chhim lam hi an la hrang hlak dawn tih hi a chiang khawp mai.
Tin, duh leh mamawh thlenna atana tharum leh mipawisawilo rikrap hian thil tha a thlen lo tih hriat a tha bawkin ka hria.
Report this comment
April 20th, 2012 at 4:08 pm
Hlauhawm tak ani.
Report this comment
April 20th, 2012 at 5:00 pm
Pu James a hi chu thusawi leh thu ziak a va thiam tak em….a thil sawi leh ziah hi a fel fai tha thin khawp mai….Hman deuh tawh a Misual.com hmang a Network marketing (Down line)lam a a campaign te khan, ka hlauh thawnpuina leh Mizo te tan thil tha tak a nih lem loh zia zawng khan comment kha ka pe ve a, kha sumdawnna kha eng nge maw a an zel le?
Report this comment
April 20th, 2012 at 5:05 pm
Pu James a hi chu thusawi leh thu ziak a va thiam tak em….a thil sawi leh ziah hi a fel fai tha thin khawp mai….Hman deuh tawh a Misual.com hmang a Network marketing (Down line)lam a a campaign te khan, ka hlauh thawnpuina leh Mizo te tan thil tha tak a nih lem loh zia zawng khan comment kha ka pe ve a, kha sumdawnna kha eng nge maw a an zel le?
Report this comment
April 20th, 2012 at 7:47 pm
Mizo-a lungawilo ho vang hian kan la buai kan la buai dawn, chibing ang zawnga thil kalpui thin reng reng ho hi ka thlawp lo bur.
Report this comment
April 20th, 2012 at 8:35 pm
Mak ka tih em em chu, hemi chungchang hi Mizorama daily newspaper lar ber, Vanglaini-in an chhuah miah lo hi. News leh article ang zawnga an chhuah ka la hmu lo reng reng. The Aizawl Post-ah chuan an chhuah chuai chuai a.
Report this comment
April 23rd, 2012 at 12:35 pm
Tunah chuan Hmar mipui 70% vel chuan HPC
te hi an support tawh in ka hria. Sawrkar lam le NGO lam te pawn tianga an thilphut an bengkhawn tha duh vaklo anichuan reilote a 80% 
aia tamin an rawn support tawh ang, Mizoram Hmar te ngei, Lushaism in a influence lutuk ho zinga pawh hian Hmar Movement rawn support tu hi an pung chho zel ang…
Chuan hetiang hi aniang, engang pawhin do mah ila Hmar ho hian an thil demand hi anhmu hma zawng an ngawibo pui mai2 a rin awm tawh loh. Nakina chuan an movement po hi ala rawn extreme viau ang.
Chuan engvangin nge Mizo inti Hmar nilo ho hian Hmar District hi anlo do viau le?….jealousy
vang liau2 ani mai em? Mizoram kan hmangaih vang chu a rinawm lo, achhan chu mizoram kan hmangaih vang chu nise ADC hi Mizoram Develop tu anizawk dawn si a, kan duh pui em2 zawk tur ani…..
NB: duhlian/ Lushai tawng hi ka thiam vaklo a, minlo hrthiam dawn nia
Report this comment
April 25th, 2012 at 5:54 pm
Kei chu YMA hi a la zaidam lutuk a maw ni aw ka ti?? Heng hmar ho mai2 hi,, Mizoram ah buaina an nei a nih chuan Manipur ah maw NC hills ah an unau te bulah duh tawkin an tawngin zu tawng rawh se…
Report this comment