iPhone leh Android phone hmang te’n misual.com in rawn luh khan update.apk tih file a lo in download ve thin a, in phone khawihchhe thei thil chu a ni lo a mahse lo click lo phawt ula, kan rawn siamtha vat ang! Inrinni hman nuam vek u!
Archive for April, 2012
Breaking news.. pawh nih chiah lo..
Saturday, April 28th, 2012The Spy Robot of Chhamanator
Saturday, April 28th, 2012‘I, robot’ movie en tawh chuan Science Fiction lam ziaktu Isaac Asimov –a’n Robot ho dan(law) zawm tur a ziahte hi kan hre tawh mai thei –
1. A robot may not injure a human being or, through inaction, allow a human being to come to harm.
2. A robot must obey the orders given to it by human beings, except where such orders would conflict with the First Law.
3. A robot must protect its own existence as long as such protection does not conflict with the First or Second Laws.
Dan (law) siam maksak!
Saturday, April 28th, 2012Aigupta (Egypt) rorel-khawl (law makers) chuan dan thar maksak deuh mai an ‘pass’.
Chu dan (law) chu hman thuai anih dawn mai bakah, a dangdai hle tak a. Tu emaw, a nupuiin a thihsan chuan a nupui thitawh kha dan-in a phalna thlapin a thih hnu darkar 6 chhung a pasalin a pawl (sex neih pui) phal sak ani dawn a ni. He dan (law) hi nikum May 2011 a Moroccan cleric pakhat, Zamzami Abdul Bari-an “thihhnuah pawh inneihna hian awmzia ala nei (valid),” tih a sawi atanga inirhchhuak a ni awm e.
Thubelh: Hetiang, mitthi tawhhnu pawl (sex neihpui) thinte hi English chuan necrophiliacs tih anni.
Chhiar belh duh tan:
https://www.dailymail.co.uk/news/article-2135434/Outrage-Egypt-plans-farewell-intercourse-law-husbands-sex-dead-wives-hours-AFTER-death.html
Bawng hriau zawk a lawm le !
Saturday, April 28th, 2012Kan vengah hian pa pakhat, sipai lama nursing lo zir tawh hi a awm a. A pension hnu in bawng a vulh thin a. A bawng vulhte pawh chu an dam loh hian ran damdawi hian a chiu ve mai thin a. Tum khat chu a fapa a dam lova, jection a ngai a. An pafa chuan an in jection mai thin a. Tuk khat erawh chu a na deuh viau ni a niang. A fapa chuan “Ka pa tukin chu a va na ve mawle” a ti a. A pa chu a ngawi vung vung a. “Aaaaa………….Mama, bawng hriau zawk a lawm le ” a ti heu mai a. Zia lo thei khawp mai.
Lerh vang vek..
Friday, April 27th, 2012(Freelance writer tih dan takah suangtuahna ram puahchhuah pui leh phawng phawng mai teh ang)Engtik atang khan nge a message tel lo hian zan pawh ka muthil theih tak loh ni,
Zingah message alo thawn a, a reh leh vawng vawng a.
Zan mut dawnah message minlo thawn leh a.
Chuti hlir chuan min hel ni ber hian ka hria.
Ka phone lahin a la ngai hek lo a.
Ka text lahin a rul tawk, ngainatawm zet hian minlo chhang a.
A zunah chuan ka uai ni ta ber hian ka inhria!
Mahse a hming pawh ka la hriatloh, a hmel pawh ka la hmuh eih loh chu a sakhmingah ” Tleitiri ” tihin ka save ve a.
Chuti taka ka rilru la leh duhawm em em chu tunge a nih hriat chak em em chungin kum alo vei a.
A tawpah chuan ka hrechhuak ta hlawl mai!
Mak tak a ni…kan thenawm U vala lek chu lo niin;
Thin chu sa duh phat phat e!!!! 
Lerh luat avangin hriat chianloh ngaihsak leh duh em em te, nupui pasal a inneih te hi alo va awl dawn em, fimkhur hle rawh.
YMA branch hrang hrang ten an seal thehlut
Friday, April 27th, 2012Tuisualral Group YMA huam chhunga Branch YMA te chuan HPC(D) thupek angin an seal te group YMA hruai-tute hnenah an dahkhawm fel tawh a, Central YMA ah an la dah lo niin Group Presi- dent Lalkhawmawia chuan a sawi.
Thudawn danin khaw hrang hrangah hian chhiatni thatni a YMA aiawh tur din an tum hlawm a, Sakawrdaiah phei chuan nizan hmasa khan meeting neiin Sakawrdai Youth Association din an lo rel tawh a ni.
HPC Demand area chhunga awm Group leh Branch te pawhin Central YMA thu an ngaichang mek a ni.
Tuisual Group huam chhunga khua 17 te hi HPC Demand Area chhungah vek an awm a, Serlui huam chhungah khaw 16, Tuivai huam chhungah khaw 11 an awm nia hriat a ni.
Nizan thleng khan Central YMA leh HPC(D) te hi an la inbe rem thei lo a, HPC 
nena an inkar chungchangah vawiin hian Central YMA in hemi chungchangah hian thuchhuah an siam dawn a ni.
Source : The Zozam Times
ZODI Thangvela Sunna
Friday, April 27th, 2012
Huivalenthiam: April 22, 2012 Sunday tlailam dar 2:30 khan Pu Thangvela Zodi, kum 57 chuan Kalaymyo Damdawi Inpuiah a dam beiseia a inenkawl mek lai chuan, a natna thisen thlum leh zun thlum hnathawh chu a dampui theih tak loh avangin a hmangaih em em a nupui—Pi Ramfangthuii leh a tu leh fate chu he khawvel atangin fam khawpui a lawisan ta a ni.
Awle, Zoram khawvela Music group lar tak lo ni tawh thin leh Zofate Music khawvela a hming dai ngai tawh lo tur ZODI group khaipa Pu Thangvela chanchin tlangpui chu a hnuaia tarlan ang khuan a ni.
Pu Thangvela Zodi hi hring chan atanga ngaihtuah mai chuan a la naupang em em a, he ti mai a—fam khawpui min lawisan ta thut hi ZOIN hian pawi a ti tak zetin , a sun tak meuh a ni.
Mizo Tawng upa zir ang
Friday, April 27th, 2012Tun tum chu Mizo Idioms & Phrases(Tawng upa) hi i zir ho teh ang u. Hetiang lam post hi ka hmu khat riau mai a. A thiamlo ber hian kan post ve ange.
Chhun leh zan hun then hrang hrangte hi a hmasa ber atan zirho phawt ila, post dangah a dang chu kan chhunzawm leh dawn nia.
Ka hriat hi a dik ber e ka tihna pawh ani lem lova, unau thawnthu sawi pawh a dang e an tih thin kha, Kan hriat dan a lo inang lo deuh anih pawhin comment lamah kan sawi ho dawn nia.
1. Khawfing chah: Khawvar hma lawk hian rei vaklo thim zual bik hun a awm a. Hemi a pelh veleh hian khua in ên lam a pan tial tial thin a, chumi lo ên tan hun chu Khawfing chah ani.
2. Thingchang var: Khawfing chah hma lawk hiankhua a lo êng lawk hlek thin a, chumi hun lai chu ani.
3. Varţian: Khawvar tantirh hunlai hi Vartian ani.
4. Leilung lan: Khawvar hnu ah, thil a hmuh chian tan theih hunlai hi ani.
5. Khuantevik: Zing ar khuan hun, khawvar ar khuan hun. (more…)
Mari Magdalini
Friday, April 27th, 2012“Hmeichhia, engatinge I tah? Tunge I zawn?” (Chanchintha Johana 20:15)
Thihna hneha a thawh hnu lawka Isua’n, Mari Magdalini a zawhna a ni.
Hmeichhia fak leh mai ang hmiang! A hma thu te kan chhiar chuan Mari Magdalini hi Isua zirtir dangte nen vartian ah Isua thlan tlawh a kal an ni. Thlan an thleng a, thlan inhawng an hmuh chuan; Peter-a leh a thian te chuan thlan ko atangin an bik dek dek a, an tlankir leh nghal mai! (Petera hi chu tunlai tawng takin a confi-over ve ngawtin ka hria… 
)
Mari Magdalini erawh, finfiahna hmu lo chuan kir mai a tum lo!
Ngaihtuah chiang teh. Nula si, zing kar kara, mahni chauhva thlan chhunga a awm ngam hi! Nula huaisen a a va ni tak em! Isua zirtir te ngei paw’n thlan enfiah lem lovin an tlan let nghal mai a; Mari Magdalini erawh chuan thudik hriat tumin, fiah a tum tlat a. Tap chungin, ngenngawl takin thlanah hian a nghak ta chawt mai a nih kha.
Khatia thlan va tlawh zingah rau rau khan, Isua thawhleh chungchang an sawi theuh kha, min hrilh ta diat diat se. Tu thusawi nge rintlak ber ang? Ele, Mari Magdalini thusawi ngei kha le, ani chuan Isua ngei hmuin a be tlat alawm.
A hnialkalh duh tan erawh, Isua’n Thoma a zilhna thu (Johana 20:20) hmangin in hnial thei ang.
Hmeichhia te u, Mari Magdalini angin Pathian ringin, a thu ngaichang thin ula. In pasal-fanau, laina, thenrual leh khawtlang tan hian in va tangkai lehzual dawn em!
Balhla chi hrang hrangte
Friday, April 27th, 20121. Banria: Hei hi Mizote’n balhla kan tih ber ṭhin niin a lang. Tun hma lam kha chuan, kamrah mai maia ngaiin an chîng tam vak ngai lem lo va, a chîng chhunte pawhin huan sirah tlem azawng an vau lawi chauh va. Banria hi a kung a tlo va, enkawl lohva ramhnuai hnim zinga awm pawh rei tak tak a dam thei ṭhin. Amaherawhchu, ramhnuaia enkawl lohva awm mai mai chuan mu a ngah duh deuh a ni. Balhla hi chu a tumbu hi chawhmeh atan a tui vak lo va, a tumbu-ah chuan a zu a awm a, chu chu tumbu ar leh kireuh te tan chaw tui tak a ni a, an hmui sei takin an dâwt ṭhin.
2. Balhla kual: Mi ṭhenkhat chuan, ‘Banhla kual’ an ti a. Balhla kualah hian chi hnih a awm a; chumia a rah ṭha duh zawk chu, a rah, a thlar invuahna hnûn bulah hian a kawm deuh bik a, a tak chu a ngil deuh zát a; zunghrual a nei deuh bawk. Hetiang hi chu a kungah pawh a hriat hran theih a, a hnah tlang hi a sen deuh va, tin, a kawr tlang hriam pawh a sen deuh bik a ni. Hetiang chi hi a rah a lian duh deuh bik bawk. A chi khat leh chu, balhla kual tih takah a pum hi a kual raih a, amah pawh a zunghrual nei lem lovin a mum tal a ni. A hnah tlangah leh a kawr tlang hriamah pawh a sen riai a awm ve lo. Kung khat rah thlar khatah 12 te a awm deuh ber a, a thlar hi kung khat rahah chuan a tam thei vak lo va, pum 50 te awmna chu balhla ṭha tak a ni. Thlawh faia ngun taka enkawl chuan kum 7 te chu ṭha takin a chhawr theih ṭhin.
(more…)
hairehai
